لوحة القادة

الحلقة الثالثة تدخل مدام سلوي بابتسامتها المشرقة : إزيكم يا ولاد .. إيه الأخبار - كله تمام يا أبلة ... المواضيع ماشية من غير مشاكل - أومال فين عطر و أسد .. هو انا حشيل النباطشية لوحدي و الا ايه - مدام عطر انا شفتها دخلت من شوية .. زمانها بتمضي و بتحضر الماج بتاعها و جاية ... و أسد واخد أجازة وضع أبو محمد يلملم مفاتيحه و يبحث عن نظارته : هه .. بقولك ايه يا عبير .. ما توصليني في سكتك و تكسبي فيا ثواب - يا سلام يا ابو محمد .. ده انا يبقالي الشرف .. ياللا بينا .. تدخل عطر و تتبادل القبلات مع مدام سلوي و عبير .. عبير : - بالحق يا عطر .. إبقي تابعي العضو ده اللي اسمه " باللو في النسيان" مش عايز يغير اسلوبه الهابط في الرد علي بقية خلق ربنا .. مكانش ورايا غيره النهارده لما كان حيجيبلي إحباط .. عطر : حاضر .. ربنا يهدي كل الناس .. ثم تنظر الي سكوب الذي كان مازال يهرش .. - إيه يا سكوب .. انت مش خلصت نباطشيتك و الا ايه .. مش حتروح معاهم ؟ - لأ .. أنا حطبق نباطشيتين النهارده و لو حكمت حستني الأستاذ محمد في النايت شِفت كمان .. حماتي مآنسانا من امبارح .. بالأضافة ان أسد واخد مرضي .. فنضرب عصفورتين بنبلة واحدة صوت الأستاذ عادل يرن في السبيكر : - أنا ما بدفعش أوفر تايم ... اللي عايز يقعد .. يقعد علي حسابه .. سكوب ناظرآ الي الباب . عارف .. عارف يا استاذ عادل مدام عطر : يعني مش حتروح يا سكوب ؟ - الله .. ما قلت قاعد .. فيه ايه يا مدام عطر .. عايزاني أروح ليه ؟ - و ما اعوزكش تروح ليه ؟؟ انت حر .. هو انت حتقعد علي راسي .. انا بس إفتكرت اني حبقي لوحدي مع مدام سلوي بس .. من غير وجع دماغ يعني .. - وجع دماغ !! هو انا بقيت وجع دماغ يا مدام عطر ؟ - يووه .. هو فيه حد جاب سيرتك .. انت بتتلكك ؟ .. الموضوع ان عددنا بقي قليل .. و لما واحد فينا بيغيب او بيعيا .. اللي بيفضل وجع الدماغ بيزيد معاه ... مش قصدي عليك لا سمح الله . - و النبي ايه .. ماشي .. مقبولة منك .. بس انتي حطيتي ايدك عالجرح .. تفتكروا انه ماجاش الوقت نفكر في مشرف جديد .. يشيل معانا شوية ؟ مدام سلوي : حقيقي يعني .. انا لسه كنت بفكر في الموضوع ده النهارده و انا جاية .. فيه توارد خواطر غريب يا سكوب معاك .. - ربنا يخليكي يا ست الكل .. بس الأول ممكن أسالك سؤال .. ايه رأيك في الحتة دي .. و يخرج قطعة ورق من جيبه و يقرأ . " إنهن نساء الحقول القرمزية في غياهب الغسق المسحول علي أيدي زبانية كهوف جبال الشجن الهادر" تنظر اليه عطر مشدوهة بينما تجيب مدام سلوي بدون ان يطرف لها جفن : - هي متطرطشة شوية .. بس مبروحة .. يزداد تعبير الدهشة علي وجه عطر .. بينما يهز سكوب راسه متسائلآ بينه و بين نفسه : متطرطشة ازاي يعني .. و كمان مبروحة ؟ .. ثم يعود الي سؤاله : يعني اسيبها كده و الا اخلي الحقول فحلقية ؟ رد باتر و فوري من مدام سلوي : فحلقية طبعآ يبتسم سكوب و هو يشطب علي كلمة قرمزية .. بينما تشد عطر ذراع مدام سلوي و تهمس في اذنها - انتوا بتقولوا ايه ؟؟ انتي اساسآ فهمتي هو عايز ايه - طبعآ لأ .. لكن مع سكوب اهبديه اي رد فورآ و ما تتلجلجيش و الا مش حتخلصي في يومك منه .. و انا مش ناقصة .. ما بقاش عندي صبر زي زمان .. - عايز حاجة تانية يا سكوب - لأ يا مدام سلوي ربنا يخليكي ليا .. نرجع بقي لموضوع المشرف .. ممكن نرشح مين ؟ - مش نستني لما نبقي كلنا مع بعض و بعدين نتكلم في الموضوع ده - اهه .. آدينا بندردش و نبتدي نحط سطر تحت كام اسم كده .. هو يعني احنا حنضمه علي طول .. مدام عطر : مع اني كنت ناوية القعدة النهاردة مع مدام سلوي تكون علي "البوتيفاررا " لكن ما يمنعش ندردش شوية في الموضوع ده - دي رياضة روحية زي اليوجا بتاعت مدام عبير - لأ ده سدؤ - صحة و عافية .. ايه رأيكم ؟..

"ناسا" تعزز آمال العيش على "المريخ" بتأكيد تدفق المياه على سطح الكوكب الأحمر أعلنت وكالة أبحث الفضاء والطيران الأمريكية "ناسا" الاثنين، عن كشف علمي قد يغير من شكل الحياة، ليس على وجه الأرض فقط، بل وعلى سطح كوكب المريخ أيضاً. وأكد علماء في الوكالة الأمريكية أنهم أصبحت لديهم قناعة أكثر من أي وقت مضى، بأن هناك أدلة لما يُعتقد أنها تجمعات من المياه السائلة تتدفق على سطح المريخ، مما يعزز احتمالات وجود مظاهر للحياة على الكوكب الأحمر. وأعلنت "ناسا"، في وقت سابق الاثنين، عن اعتزامها عقد مؤتمر صحفي، في وقت لاحق من اليوم نفسه، للإعلان عن ما وصفته بـ"اكتشاف كبير يساعد في حل لغز المريخ"، على ضوء نتائج دراسات برنامج استكشاف المريخ. واستندت تلك الأدلة إلى نتائج عملية لتحليل طيفي قام بها علماء الوكالة لمجموعة من الصور، التي أظهرت بعض المناطق الداكنة، تظهر وتختفي بصورة موسمية، وأرجع العلماء وجودها إلى تدفق للمياه المالحة بين منحدرات المريخ. http://arabic.cnn.com/scitech/2015/09/28/sc-280915-nasa-mars-tz#autoplay قال الدكتور عصام حجى، العالم المصرى بوكالة الفضاء الأمريكية ناسا أن المريخ ما هو إلا صورة لمستقبل كوكب الأرض فى ظل تطوره الطبيعى وفى ظل التغير المناخي الذي يمر به ومن هنا تأتي أهمية دراسة كوكب المريخ لفهم التغيرات المناخية على كوكب الأرض. وأكد "حجى"، أن هذا يؤكد أننا قد نكون الجيل الثاني من الأحياء في مجموعتنا الشمسية وأن رحلة البحث عن تطور الحياة هي خطوة جادة نحو المحافظة عليها. وتابع حجى، نجاح جديد في سنة أعتقد أنها كانت الأكثر إثارة من جانب النتائج العلمية في عالم الفضاء منذ عقود طويلة، نجحت ناسا في إلهام الملايين عبر العالم بالعلم والاكتشافات بينما بقى العلم عندنا مادة إعلامية هزيلة للفخر وليس للنفع وكيف لا ونحن أصحاب أهم إنجاز علمي في القرن الواحد والعشرين. http://www.youm7.com/story/2015/9/28/%d8%b9%d8%b5%d8%a7%d9%85-%d8%ad%d8%ac%d9%89--%d9%88%d8%ac%d9%88%d8%af-%d9%85%d8%a7%d8%a1-%d8%b9%d9%84%d9%89-%d8%b3%d8%b7%d8%ad-%d8%a7%d9%84%d9%85%d8%b1%d9%8a%d8%ae-%d9%8a%d8%a4%d9%83%d8%af-%d8%a3%d9%86%d9%86%d8%a7-%d8%a7%d9%84%d8%ac%d9%8a%d9%84-%d8%a7%d9%84%d8%ab%d8%a7%d9%86%d9%89-%d9%85%d9%86-/2365225 احتمال كبير نكون أجدادنا مريخيين ...سابونا على الأرض وكملوا رحلتهم

حوار داخلى : دى فيها سدؤ .. يبقى نأجل المرواح حبتين ونعملوا حجة مناقشة حكاية المشرف الجديد

إنه استرخاء ما بعد الانتصار فقد اعتبر الزمالك أنه بفوزه على الأهلى 2-0 أنه قد نال "الدنيا وما فيها" خسارة والله أنا حزين .. إنها كبوة لجواد مصرى إن لم يلق هذا الجواد بمن يعتلى صهوته أرضا فقد يسقط هو إلى الأبد

فكرتني يا طارق بالكام يوم اللي رحت فيهم مطروح ماهو احنا كده يا اسكندرانية لما نحب نصيف نروح مطروح تصدق اني مارحتش بحر اسكندرية السنادي رغم اني بيني وبين البحر فركة كعب بس لازم كل يوم تقريبا اشوف البحر واحلى اوقات بحر اسكندرية بعد الفجر ولغاية ما الشمس تزنهر خد نفسك وللخلف در لان بيبقى الضيوف وصلو ودول اتوبيسات بتحدف من كل قرى ونجوع وجه بحري وبعد شوية ترمي الابرة ماتبنش بس ممكن افكر دلوقتي بعد دخول المدارس اني اروح كام مرة مع نفسي استحمى في البحر واتمتع بجماله

الحمد لله يا أستاذة : عطر اللغة بقت سهلة مش زي زمان كانت تحتاج لترجمان شوفي الحكاية دي قال : فحلقي .... قال

ما دام ( الحج أشهر معلومات ) و ( الحج عرفة ) يبقى أي مسلم يقف على عرفة في الأشهر المعلومات دي يعتبر نفسه أدى الفريضة هو دا المنطق هو الرسول عليه السلام أمرنا نتبع ما جاء في ( القرآن ) ولا ( التواتر ) هو مصدر التشريع و العبادات ؟!!!

أتصور فحلقية تدي المعنى أكتر و لست أدري كيف لم تدركها ببساطة الفاضلة عبير ربما عندها تعبير أوقع