لوحة القادة

الحلقة الرابعة يدخل ابو محمد : عبير تاهت مني ... و الشوارع زحمة موت بره .. قلت ما بدهاش أطلع شوية لحد ما الدنيا تفك .. نظام الغدا ايه النهارده ؟ سكوب : سدؤ .. بس في اسبانيا بيدلعوه و مسمينه بيتيفور عبير تدخل بدورها : هي العملية فيها سدؤ ؟ بقي انا عمالة اتصل بيك يا ابو محمد .. وسايبة العربية واقفة صف تاني و حضرتك هنا بتاكل سدؤ ؟ مدام سلوي : أكل ايه بس .. دي عطر كانت عايزة الوصفة . أبو محمد : يعني مافيش غدا مدام سلوي : حنبعت نجيب سندوتشات .. و بالمرة مادام كلنا موجودين يبقي نفكر شوية في اقتراح سكوب بتاع المشرف الجديد.. أبو محمد : من اولها ايا كان اللي حنتفق عليه .. اللي حيفاتح الأستاذ عادل في الموضوع ده يكون اي واحد غيري .. ما هو مش كل مرة تلبسوني في الموضوع ده . عطر : ما هو انت كبيرنا يا ابو محمد .. و دايمآ بيسمعلك من غير اي مشاكل .. حنروح لمين يعني ؟ ابو محمد : ايوه ايوه يا اختي .. كلي بعقلي حلاوة .. المرة دي دوروا علي واحد غيري برضه .. - مش نتفق الأول عالمشرف الجديد ؟ .. اساسآ حضرتك موافق عالفكرة نفسها و الا لأ ؟ - طبعآ موافق .. انا جالي اللومباجو من كترة القعدة قدام الكومبيوتر . - عالبركة .. يبقي فتحت الجلسة .. عبير : أنا اعترض - اعترض ؟ ... تعترضي علي ايه يا ماما .. هو احنا في محكمة .. و الا حتي لسه فتحنا بقنا - لأ .. بس اللي واقفة في صف تاني دي عربيتي أنا .. و المخالفات مين اللي حيبقي يدفعهالي ان شاء الله ؟ صوت الأستاذ عادل يرن في السبيكر : - المحاورات غير مسئولة عن اي مصاريف نثرية تخص مواصلات او مخالفات أو اي بند من مصاريف مماثلة مدام عبير تلفت جهة الباب و تقول : عارفة يا أستاذ عادل .. عارفة مدام عطر : يا عبير يا حبيبتي لو بصيتي من الشباك حتلاقي عربيتك اترص حواليها صف تالت و رابع .. فريحي دماغك و خليكي .. كده كده مش حتعرفي تتحركي قبل ساعة . - طيب بسرعة بس و النبي - ماشي .. ها ايه اقتراحاتكم ؟ - إيه رأيكم في " سجاير فرط " ؟ - مافيش حد فينا بيدخن - لا انا بتكلم عن العضو اللي مسمي نفسه سجاير فرط - رائع .. إختيار في الجون .. انا موافقة - و انا كمان موافقة - هو من ناحية كويس .. فهو كويس بدون اي جدال .. حيادي .. منطقي .. و لو عضو عمل مشكلة و ووقع تحت ايده تبقي امه داعية عليه ... بس - بس ايه ؟ - المشكلة حتبقي معانا احنا .. يعني لو جينا نتفق علي قرار و اختلفنا .. حتبقي امنا إحنا اللي داعية علينا - آه صحيح .. بلاها سجاير .. دي حتي مضرة بالصحة .. بس انا كده مافيش حد فعلآ اقدر اتخيله مشرف معانا - الحل اننا نشوف المحاورات محتاجة ايه في الفترة دي و عليه نحدد - في رأيي المحاورات محتاجة واحد معاه صفيحة جاز يدلقها في شوية امخاخ مش قادرة استوعب بتفكر ازاي - ما تبقيش شريرة كده .. كل واحد في الاخر بيتعلق من عرقوبه ممكن اتكلم انا بقي .. يقاطعهم سكوب .. المحاورات محتاجة واحد من مرسي مطروح و له معرفة بالحاج سيباويه - سيبا مين ؟ يشرد ابو محمد لحظة ثم يقول : قصدك مين يا سكوب ؟ .. قصدك الأستاذ حمام اللي كنا بنتكلم عليه النهارده الصبح ؟ عطر : إيه ده .. انت بتتكلموا عن طارق ؟ أبو محمد .: أستني شوية يا مدام عطر .. استني شوية .. انا دلوقتي فهمت .. يا ابن الأيه يا سكوب مدام سلوي : طيب كويس انكوا فهمتوا .. ممكن تفهمونا احنا كمان بقي ابو محمد : الموضوع له علاقة بالتكييف اللي بايظ يا مدام سلوي مدام سلوي : فهمت انا كده يعني ؟ عبير : يا جماعة مش كده بجد .. العربية حيشيلها الونش .. شوفوا انا طارق موافقة عليه طبعآ .. صح .. هو إختيار صح .. بعد اذنكم بقي مش حقدر اقعد اكتر من كده .. سلام مدام سلوي : خلاص .. بغض النظر عن السيم اللي بين ابو محمد و سكوب .. انا اللي بيكتبه طارق دايمآ بيعجبني .. و شخصية جديرة بالإحترام . مافيش اتنين يختلفوا عليه .. و صوتي اديه موافقة .. مدام عطر و انا كمان موافقة .. بقينا 3 اصوات ... ابو محمد ؟ - بيقول لك من مرسي مطروح ... طبعآ موافق .. يبقوا اربعة بالأضافة لسكوب بقينا خمس اصوات موافقة .. إجماع .. عالبركة .. اتفضل بقي يا سي سكوب بلغ الأستاذ عادل بنتيجة الإجتماع ده .. سكوب بهلع : ابلغ مين ؟ - الأستاذ عادل .. مش أساسآ الفكرة انت اللي رميتهالنا و مشيت .. يبقي تبلغه انت .. - أنا و لا عايز مشرفين جداد معانا و لا تفرق معايا ببصلة .. يفتح الله يا عم .. - خلاص .. يبقي انسي اني اصلحلك العربي من هنا و رايح يا سكوب .. و ابقي قابل بقي يا عم .. بس فالح بس تتريق علي وزير التعليم .. - كده برضه يا ابو محمد .. بتزنقني في خانة اليك .. اهون عليك ؟ - آه - ماشي ... ماشي .. و يتجه و هو يتلتفت حواليه الي غرفة الأستاذ عادل

يادي الجيزه وسنين الجيزه ههههه وبالمناسبه السعيده دي احب اقول اني بحس بدفء عائلي في المحاورات افتقده في الواقع إداره واعضاء ...

بلاش احراج بقى :) خلاص .. صوتى لك .. إعتمد

مربوحة الغالي أبو محمد طيب مش الطرطشة هي اللي كانت بتتعمل قبل المحارة وإذا كانت مبروحة غير مربوحة فما هي مبروحة مطرطشة ؟؟

ما تتلخبطش يا أستاذ طارق مبروحة غير مربوحة اللى عندكم فى مطروح

مدام سلوي لخصت كل الإعراب اللي فات ده في جملة واحدة بليغة : هي متطرطشة لكن مبروحة .. شفتوا اللغة العربية يسر و ليست عسر ازاي ؟؟

أحبيبي يا باهي دا أنا حبيت الرموحلي علشانك

سبحان العاطي الرزاق الوهاب https://youtu.be/_dREa8ay3iQ انفجار عين مياه وسط صحراء البحيرة يغطى 1000 فدان محافظات محمود عبد الصبور 2015-09-27 23:25:00 طباعة رصدت عدست «التحرير» اكتشاف أهالى قرية سليمان التابعة لمدينة النوبارية بمحافظة البحيرة انفجار عين مياه بإحدى المناطق المنحدرة بالقرية، مما أدى إلى تغطية المياه لما يقرب من 1000 فدان بعمق يتراوح بين مترين و30 مترا استخدمها أهالى القرية كمصيف مع مطلع هذا الصيف، ومن الممكن أن تستخدمها الدولة لرى 2 مليون فدان هى مساحة صحراء البحيرة ليزيد سعر الفدان، وتعمل على استصلاح الأراضى الزراعية بأقل تكلفة. وانتقلت «التحرير» إلى المكان الذى تخرج منه المياه، ولم يدر أحد من أين جاءت هذه المياة التى تحاوطها الصحراء من جميع جوانب حيث لوحظ إقامة مقهى وبائع فواكه وخدمات للمصيفين الذين يسيرون فى الصحراء قرابة 40 كيلومترا للوصول إلى مكان تجمع المياه. كسارة للزلط البداية عندما التقينا بصاحب المقهى، الذى أكد أن هذه المنطقة منذ 15 عاما، كانت عبارة عن كسارة للزلط، ومع انتهاء التكسير وإزالة الكميات الموجودة فى صحراء هذه المنطقة وتعميقها إلى أكثر من 30 مترا طرقها أصحاب الكسارات، وذهبوا إلى أماكن أخرى. مزارع سمكية وأشار محمد ماهر، أحد أهالى المنطقة إلى أن أحد الأهالى قرر الاستفادة بالأعماق الموجودة، فقرر أن يستخدمها فى المزارع السمكية، فانتشرت المزارع السمكية بشكل كبير، التى كانت تعتمد على مياه الصرف الزراعى، التى كانت تخرج من الشركات المحيطة بالمنطقة. وأكد ماهر أنه مع مرور السنين زادت المياه فى هذه المنطقة بسبب مياه الصرف الزراعى حتى كونت بحيرة بطول 50 مترا بسبب مياه الصرف الزراعى وانحدار الأرض التى تقع فيها البحيرة. وأوضح علاء سعيد، أحد أصحاب الأراضى الزراعية، أنه مع بداية هذا الصيف ارتفع منسوب المياه حتى وصلت تغطية المياه لـ5 آلاف فدان، ومنهم الطريق المسمى بطريق الجيش، الذى يربط بين النوبارية ومحافظتى الإسكندرية ومطروح من الخلف. انفجار العين وأشار أحد الأهالى إلى أنه منذ عدة أيام فوجئ أهالى المنطقة بزيادة المياه بشكل غير طبيعى، حتى تعدت تغطية المياه ما يقارب 1000 فدان تابعة للأهالى المستأجرين، مؤكدا أن هذه المياه ترجع إلى قدرة الله بعد انفجار إحدى العيون التى لم يتم تحديد مكانها حتى الآن، لأن المياه فى تزايد كبير ومستمر وفى طريقها إلى أماكن أخرى منحدرة. وأكد معظم الأهالى أن هذه المياه كانت مياها عذبة، ومع اختلاطها بالرمل والتربة المالحة الصحراوية أصبحت مالحة ويستخدمها الأهالى كمصيف، يأتى لها المواطنون من محافظات مختلفة. وأوضح شمس عبد ربه، موظف، أن المياه غطت المنازل التابعة لأصحاب الأراضى، التى كانت تزرع، وأيضا المزارع، وأصبح بحيرة واحدة، مما أدى إلى إحداث المشكلات لأصحاب الأراضى والمزارع. لجنة من الصحة وطالب معظم الأهالى الرئيس السيسى بتشكيل لجنة من وزارة الصحة لمعرفة مدى صلاحية هذه المياة للمواطنين أو استخدامها لرى الأراضى الصحراوية المحيطة، التى من الممكن أن تنقل مصر نقلة كبيرة، لأنها من الممكن أن تروى أكثر من 2 مليون فدان هى مساحة الأراضى الصحراوية فى البحيرة، وتصبح هذه المنطقة من أهم المناطق فى الشرق الأوسط وتعمل على زيادة سعر الفدان.

منور يا أستاذ : باهي ..... طيب يا أخي مش كنت تقول كده من الصبح .... دا حتى إحنا إخوات من أيام الجيزة وأعضاء زي بعض لأنه بحسب آخر حلقة لسه الإشراف في بداية تشاور على المشرف الجديد ....

لأ ...شوال مش من أشهر الحج أشهر الحج هي نفسها الأشهر الحرم ( ذو الحجة ، محرم ، صفر ، ربيع أول ) ومعنى كدا ان وقفة عرفة هتكون في اي شهر من هذه الشهور الأربعة و كذلك عيد الأضحى ، المهم ان كل حاج له ايام معدودة ومعروفة ومتتالية يحج فيها و بالتالي كل حاج هيكون اضحاه مختلف عن الآخر.

السادة الإعلاميين اللى طول النهار يسخروا من تدنى مستوى التعليم عندكوا ألف حق .. و النتيجة واضحة و ظاهرة للجميع وهى ان أشكالكم اصبحوا إعلاميين ومفروض علينا نتفرج عليهم و نسمع ردحهم فى برامج التوك شو يوميا يا ترى عندكم فكرة إنكم السبب فى حملات الإحباط الشبابية أيوه .. إنتم السبب مش انتم اللى كنتم عايزينهم يحكموا مصر فى أعقاب يناير 2011 ؟ إيه رأيكم فى مستوى تعليمهم ؟ يا ترى مستوى تعليمهم مختلف عن مستوى التعليم اللى انتم نازلين سخرية منه دلوقت ؟ وكل مستنداتكم عدد 2 بوست على الفيسبوك باسم واحد اختير وزيرا فى الحكومة الجديدة و فيهم غلطة املائية هو انتم ما عندكمش فكرة إن "أغلب الظن" - وبعض الظن إثم - إن مش هو اللى بيكتب فى صفحته وإنه مكلف واحد من تلامذته بالكتابة بالنيابة عنه كما يفعل أكثر الأساتذة ؟