لوحة القادة

الحلقة الخامسة يقترب سكوب من باب الإدارة بتردد .. ثم يضع أذنه علي الباب و يتصنت قليلآ .. يشد نفسآ عميقآ و يستجمع شجاعته ثم ينقر علي الباب .. صوت نسائي : إدهُلي يشم نفسه و يبتسم قائلآ .. يخرب بيتك يا Pina انتي هنا .. ثم يفتح الباب راسمآ إبتسامة علي وجهه قائلآ: - جوووووووود مورنيـــــــــــــــــــــــنج يا ست Pina يا أجدع سكركيرة في الدنيا لمن لا يعرف من هي Pina أدعوه لمراجعة هذا الجزء http://www.egyptiantalks.org/invb/index.php?showtopic=113518#entry666096 يتحول لون وجه السكرتيرة الي الأحمر القاني من الغضب و تصيح : - يهرِب بيت كيدا يا سكوربيون .. ميت مرة قولتليك إن إسمي Moneypenny سكوب : ما هو انا كمان ميت مرة قولتيليك ان اللي تحت مناخيري ده شنب .. يبيقي لما تبقي تكلميني بالمذكر حبقي اقول إسمك صح - ميش موهيم ... إهلَصي .. إنتي آوزا إيه ؟ - آوزا أكلم ال Boss .. فيه هد معاه ؟ - لأ موش فيه هد ؟ - و مزاجه عامل ايه النهارده ؟ - إيه مازاجو دي ؟ - الهيومور بتاعه آآمل إيه يا بيضا النهارده ؟ - زي كول يوم - الله يطمنك .. طيب قوليله من فضلك عايز اقابله تضغط علي الجهاز و تقول : مستر عادل .. فيه مستر سكوربيون هنا آوزا تقابلِك يأتي الرد : خليها تخش .. ثم فورآ مصححآ : خليه يدخل .. خليه يدخل .. الواحد اتعدي يدخل سكوربيون مبتسمآ و ماددآ يداه .. صباح الخير و الورد يا أستاذ عادل .. إزاي حضرتك - إخلص .. بوظت ايه النهارده ؟ - بوظان ايه لا سمح الله و يدخل و يغلق الباب خلفه .. ينظر الجميع الي الباب بترقب .. و الذي لا يمر عشرون ثانية اخري الا و يجدونه ينفتح و يهرب سكوربيون منه مطلقآ ساقه للريح محنيآ رأسه ليتفادي دباسة تطير بجوارها .. و صوت غاضب من الداخل : - فحلقي ايــــــــه .. و زبانية مين ؟؟ هو انا ناقصكم يتكور سكوربيون تحت مكتبه مختبئآ بينما تقترب منه المجموعة متسائلة أبو محمد هامسآ : إنت نيلت إيه ؟ - يا ابو محمد انا قلت اخش عليه بتكتيك كوفتسي .. اخش عليه بالنحوي يقوم موافق علي مشرف له علاقة بلغة الضاد عطر : ضاد ايه و صاد ايه يا سكوب .. عبير : يعني بقالك معاه اكتر من عشر سنين و ما تعرفش انه مالوش سكة غير المختصر المفيد ابو محمد : آديك عكرت دمه و مش حتعرف تدخلله تاني النهارده - أدخلله تاني النهارده !!!! لا لا لا لا لا لا .. و لا أدخلله النهارده و لا في ذي الحجة ... شوفولكو واحد تاني بدالي .. تمد مدام سلوي يدها و ترفعه من تحت المكتب من قفاه .. و تشده بثبات و هي تقول : قوم يا سكوب تعالي معايا - بلاش انا و النبي يا مدام سلوي ... بلاش انا .. ده انا اتفاديت الدباسة بالعافية .. مش فاضل عالمكتب قدامه غير الخرامة و سكينة الجوابات .. شوفوا حد تاني ابوس ايدك - تعالي ما تقلقش .. و شوف الكلام يبقي ازاي - ما هو الكلام حيبقي معاكي انتي .. لكن الإسعاف حتجيلي انا - تعال تعال ما تخافش .. - طب خشي انتي الأول - طيب يتبعها عن قرب سكوب و هو يحمي وجهه بيده ... تدخل مدام سلوي ملقية التحية علي السكرتيرة التي ترد بابتسامة قلما تظهر علي وجهها.. ثم تنقر علي باب الأستاذ عادل و تدخل مباشرة - صباح الخير يا استاذ عادل - اهلآ .. أهلآ يا مدام سلوي .. إتفضلي إتفضلي ... ثم يلمح سكوب فيقطب جبينه و يقول - جايبة معاكي فحلقي افندي ده ليه يا مدام سلوي - حلمك يا أستاذ عادل .. الموضوع علي بلاطة اننا جايين ناخد رأيك في قرار اتناقشنا فيه كلنا - اتناقشتوا فيه ؟؟ فهمت ... علي عيني يا مدام سلوي .. الميزانية ما تسمحش .. و الواحد مش فاضي دلوقتي .. انا من صباحية ربنا مع اللي حطوا يافطة مكتبة فوق يافطة المحاورات علشان نخليهم يشيلوها .. - صبرك بس يا استاذ عادل .. الموضوع ما لهوش دعوة بالميزانية .. يعني ما بنتكلمش (تقولها و هي تجز عالحروف) عن التكييف البايظ و لا الفوتوكوبيار اللي خراطيشها فاضية من شهر .. و لا المونيتور بتاعي اللي اتحرق ... الموضوع و ما فيه اننا محتاجين مشرف جديد معانا .. لحظة صمت - يهز الأستاذ عادل رأسه بالإيجاب قائلآ : تصدقي عندك حق يا مدام سلوي .. إحنا محتاجين دم جديد ... و إختارتوا مين ؟ - طارق حسن - طارق حسن .. طارق حسن .. الأسم ده مش غريب عليا .. لحظة واحدة .. ثم قام يبحث بين ملفات و دوسيهات .. و هو يدمدم ... صا ... ضا ... طا .. و يخرج ملف الطا و يبدأ في البحث .. طااارق أبو النور .. ابو .. ابو .... طارق خميس .. طارق جمعة ... طارق جوهر .. أهه .. طارق حسن ... ثم يفتح الملف و يبدأ في القراءة .. ثن يضع الملف بهدؤ علي المكتب و يوجه حديثه لسكوربيون : - بس ده إخوان يا مقدس .. - إخوان !! .. لأ طبعآ مش إخوان يا استاذ عادل .. مش ممكن يكون إخوان - لأ إخوان .. مدام سلوي : معلش يا استاذ عادل .. سكوب عنده حق ... مش إخوان - إزاي بس يا مدام سلوي .. ده أزهري .. و الأزهر ممسوك من الإخوان - يا سلام ! .. يعني هو كل ازهري لازم يبقي إخوان ؟؟ ما انا نص عيلتي أزهرية .. و من كبار الأزهر كمان .. يبقوا إخوان يعني - ما هو اللي اتلسع من الشوربة يا مدام سلوي .. و الواحد ما بقاش ليه صبر عالمعافرة .. انا مش ناقص أمن دولة تاني .. - مش إخوان يا استاذ عادل - خلاص .. كلامك ثقة يا مدام سلوي .. يضرب سكوب كفيه متعجبآ - فيه حاجة يا استاذ غياهب الغسق ؟ - لأ مافيش يا استاذ عادل ... الواحد داخل يقول الكلمتين دول كان حيلبس دباسة في نافوخه .. - يعني داخللي عما تقول فزدقي و فحلقي و زبانية جهنم .. عايزني اسقفلك يعني و الا اعمل ايه - ما هو لو صبر القاتل عالمقتول يا استاذ عادل كنا حنوصل للنقطة دي ... طارق أزهري .. يعني اللغة العربية علي أصولها .. يعني لعبته .. و دي من رسائل محاورات المصريين .. تاصيل اللغة العربية في الوجدان .. - تاصيل اللغة العربية في الوجدان !!! ما شاء الله ... دي بركاته ابتدت تهل اهه من قبل حتي ما يخش مدام سلوي : أيووووان .... دلوقتي بدال ما عندنا بس ابو محمد مطلعين عينيه ... حيبقي عندنا اتنين خبرا في قواعد اللغة .. بالإضافة انه انسان في غاية الأدب و الصبر .. سكوب : لأ و من مرسي مطروح كمان استاذ عادل : و ايه اللي دخل مرسي مطروح في الموضوع ؟ - هه ؟ - ايه اللي دخل مرسي مطروح في الموضوع ؟ - لأ يعني .. قصدي .. أصله - أصله و فصله ايه ؟ - فرق التوقيت ... فرق التوقيت يا استاذ عادل .. ده عامل هام جدآ في المحاورات ... يبقي فيه عندنا مشرفين من مصر .. من الجزيرة .. من اوربا .. من امريكا .. و دلوقتي كمان من مرسي مطروح .. يعني ال 24 ساعة متغطيين - انتي يا ابني مالكش لا في العربي و لا في الجغرافيا كمان .. هو البكالريوس اللي انت لاطعهولي في ال CV بتاعك أصلي و الا مضروب يا سكوربيون ... - أصلي 24 قيراط يا استاذ عادل ... بس دي سياحة و فنادق و دوكوهم عربي و اصول فقه .. يعني بقينا نغطي كمان كل المجالات .. - ما علينا ... مين حيروح يكلمه - اروح انا يا استاذ عادل ؟ - لأ بلاش انت .. ابعتوله عبير و عطر .. و اهه بالمرة نشوف رد فعله ايه لما الحوار يكون مع ستات من غير محرم .. - حلاوتك يا Boss - نعم ؟ - لأ ده تعبير اعجاب مماثل لحقول زهور عباد الشمس الصفراوية علي مراوح التلال المطوية و هنا لا يستطيع سكوربيون تلافي خرامة تطير جهة ذراعه اليمني ..

تجربة الإشراف معايا كانت فاشلة من قبل أولها : في ثانوية أونلاين فمنذ عينت مشرفا بها إثر اتصال تليفوني ودون سابق معرفة فقد كنت عضوا ... بعد الإشراف لم أقم بالدخول لمدة طويلة حتى يئسوا مني ثانيهما : في منتدى سلفي ( طريق الرسول ) حيث اختلفت معهم فقد كانوا ضد الثورة في تونس وفي مصر ... في حين كنت مؤيدا لهما وكنت أختلف في بعض الأمور مثل النقاب وغيره وبعدها تم غلق المنتدى وضاعت كل مشاركاتي فيه الآن أنا في محاورات المصريين أتمنى أن أوفق من شر النفاثات فى العقد

بسم الله الرحمن الرحيم , الحمد لله رب العالمين لي راي اود من الجميع ان يتقبلوه , او ان يفهموه بلا جدال " المشكلة الكبري عندنا في مصر والتي تسببت في انقسام المجتمع بعد انتهاء عصر مبارك القمعي هي مشكلة المرجعيه الثقافيه لكل مواطن او مثقف فالاسلاميون مرجعيتهم الشريعة الاسلاميه والاخريتهم الذين يرقصون علي السلم يتارجحون بين التاسلم والعلمانيه واخرون علمانيون وليبراليون واضحو المنهج اصحاب الردود جميعا متأسلمون متارجحون تمتلا قلوبهم حبا واعجابا بالعلمانيه والمنهج الاسلامي يداعب مخيلتهم فحسب لكنهم ليسو اصحاب منهج اسلامي لذلك هم مع العلمانيين -هكذا اراهم انا -الهوة العميقة التي تسبب لانقسام هي ان كلا المنهجين يسيران في طريقين متوازيين لن يلتقيا وان تلاقا فلابد ان يكون صداما وليس حوارا , الذي يخير الاخوان بين الجيش وبين حماس لو كان مسلما حقا لخير نفسه هو بين جيش مصر وجيش اسرائيل والذي يقول عن اوروبا خير امة اخرجت للناس اين يضع نفسه ,الاخرالذي هو شريك فالوطن لابد ان اضع مكانها اي كلمة -الاخر- الشريك -واخطط لحوار هادف وبناء يجمع ابناء الوطن في بوتقة الشركاء لا الخصوم , لماذا لم يسال كل واحد منا نفسه ماذا لو حمل الاخوان السلاح في وجه الجيش ورفضو الانقلاب , طبعا لتحولت مصر الي سوريا ولا تقل لي ان الاخوان سيخسرون لان الجميع سيخسر والجميع سيتالم والجميع سيندم,والخاسر فالنهاية هو الوطن كله , ياساده اننا شركاء وديننا الاسلام والجميع سيموت كما فالمنهج الاسلامي وسيحاسب والعلنمانيه لم تسبت ذلك او تنفيه لانها غير قادره ولكل منا عقل ليفهم ويتبع الصواب وشكرا لسعة صدركم والي المتارجحة صاحبة المقال, والدليل علي انكم متارجحون انه لم يبدا احدكم مقاله ببسم الله الرحمن الرحيم

العين الحمرا ههههه

كانت حالة طوارق .... لخبطتني الأستاذة : عطر ... برائحة البخور ... والخماسية كانت ممتعة حالة من الضحك أذهبت التركيز .... حتى أعاود لكن على ما يبدو أن بيان الحالة كان عائقا ثم الاختبارات اختبار الأستاذ : عادل صعب واختبار الأستاذة : عطر أيضا امتحان الكادر كان أسهل من كده ..... الظاهر إن الأستاذ : سكربيون تحمل الكثير لكي أكون ..... أما حكاية الإخوان أنا مش إخوان بس ........

ردا على هذا العرض أرسلت رسالة بالغت في زخرفتها بلاغة ربما تاه معها المضمون ولم يبن المقصد من الكلام الأستاذ عادل : نعم قرأت رسالتك ... ولكني لم أدرك منها مرادك .... أتعني بها الموافقة أم عدم الموافقة ؟ علمت عن نفسي متأخرا شيئا مهما أنني أحيانا أكون وحدي الذي يفهم كلامي وكأني أخاطبني به دون غيري مع إني أكون فخورا به ... صدمت .... وفي مواجهة الأستاذ : عادل لم يكن أمامي من خيار إلا القبول تجربة الإشراف معايا كانت فاشلة من قبل أولها : في ثانوية أونلاين فمنذ عينت مشرفا بها إثر اتصال تليفوني ودون سابق معرفة فقد كنت عضوا ... بعد الإشراف لم أقم بالدخول لمدة طويلة حتى يئسوا مني ثانيهما : في منتدى سلفي ( طريق الرسول ) حيث اختلفت معهم فقد كانوا ضد الثورة في تونس وفي مصر ... في حين كنت مؤيدا لهما وكنت أختلف في بعض الأمور مثل النقاب وغيره وبعدها تم غلق المنتدى وضاعت كل مشاركاتي فيه الآن أنا في محاورات المصريين أتمنى أن أوفق

لتاني مره إحالة أوراق حبارة للمفتى لو المفتى ما وافقش علي الإعدام يبقى لازم نحيل أوراق المفتي لحبارة

للعلم 3 سنوات لإنجاز محطة 4200 ميجا وات (Combined Cycle) بيعتبر زمن قياسى سيمنز موجِّبة معانا أوى وليه لأ والنبى انا قلبى اتفتحلك يا سيدنا لفندى :) ملحوظة : حزمة الأعمال لتطوير المينا والطرق .. شغل نار على هامش المحطة

إضرب صفارة الإنذار واجمع الطقم يا سكوب إلا كده بقى ده قطع الأعناق ولا قطع الأرزاق والحكم بعد المزاولة

سكوب : انا تعبت من شغلانة المخبرين دي .. هو مكتوب علينا احنا بس نروح نجيب المشرفين الجداد كل مرة ... سي السيد : محسسني اني شيخ حارة و راح اعكش واحد هربان من الجهادية ... مش كفاية وافق علي مشرف جديد حنبتدي بقي في المناهدة .. سكوب : ولا مناهدة و لا حاجة .... بس خد بالك ان الزبون المرة دي مش عضواية تاكل بعقلها حلاوة و تخاف و تكش منك اول ما تطلعها الكارنيه ... سي السيد : تصدق عندك حق .. الواد ده عقر .. و عايزله ترتيبات خاصة سكوب : يعني ايه العمل معاه ؟؟ سي السيد : احنا ندرس شخصيته كويس الأول و بعدين نشوف اكتر حاجة بيهتم بيها و دي تبقي نقطة ضعفه اللي نخشله منها... انت تعرفه شخصيآ يا سكوب سكوب : و حعرفه شخصيآمنين ... بس انا امبارح قعدت اقراله شوية ... الجدع مالهوش حتة بيتهد فيها شوية ..اجتماعيات ماشي .. دين تلاقيه .. سياسة ما شاءالله ... حروب موجود ... كندا و ناقص يفتح مكتب محامي فيها .. كومبيوتر جِن .. سي السيد : خلاص نروح نقول له السيرفر بتاعتنا عطلان و محتاجين نصلحه .. سكوب : و تفتكر حتخش عليه ... اشمعني دلوقتي يعني ... سي السيد : استني بس احنا نسينا اهم حاجة .. مش هو اللي واخد عقد صيانة اللوجوهات بتاعتنا سكوب : آه هو سي السيد : عالبركة .. تاهت و لقيناها .. و رايا يا سكوب .. افتكرت تجيب الأيبي آدرس بتاعه و لا حنلف عليه بمنادي سكوب : معايا يا أخي هما 5 دقايق بالعربية و نكون هناك... امام بيت مايوسف يقوم سكوب بالنقر بهدؤ علي بابه... مايوسف : مين ؟ سكوربيون : انا سكوربيون يا استاذ مايوسف... بتاع المحاورات ما يوسف : سكوربيون !! ... علي فكرة انت ما وحشتنيش سي السيد يهمس : بدايتها كفر .. ثم يطرق الباب بقوة اكثر مايوسف : مين ؟ سي السيد : هو ايه اللي مين .. انايا سيدي سي السيد مايوسف : بتاع رائعة نجيب محفوظ الثلاثية اللي تحولت الي فيلم سينمائي و خد دور البطولة المطلقة فيه الرائع يحيي شاهين في دور رجب العطار و اللي .. سي السيد : يا نهار اسود .. لأ لأ لأ ... سي السيد بتاع المحاورات فترة سكوت قصيرة ما يوسف : انت كمان ما وحشتنيش سي السيد : ما تشوفش وحش يا سيدي .. بس افتح لحظة محتاجينك في مصلحة ما يوسف : اعرف هي ايه المصلحة الأول و بعدين افتحلكم ... سمعتكم كمشرفين زرق في المحاورات تجعل هناك هاجس يمنعني من فتح الباب سي السيد : هاجس !!؟ ... يا عم افتح بقي ده انا جايبلك سبوبة حلوة ما ان يسمع مايوسف ان الأمر به "سبوبة" حتي يفتح الباب مباشرة مايوسف : لايمني سكوب : مش تعرف العملية ايه الأول و بعدين نبقي نلايمك سي السيد : انت برضه مش بتاع يفط و اعلانات و كده ... مايوسف : يفط و اعلانات ؟؟؟!!! أنا .... غلطوا في العنوان يا اساتذة .. انا تخصصي لوجوهات و ديجيتال سي السيد : ما تفرقش ... مايوسف : لأ تفرق .. و كتير كمان .... ده مش مستوايا .. مع السلامة و يهم بغلق الباب سي السيد : يا عم اسمع بقي و ما تبقاش عنيد كده ... الموضوع ببساطة ان السفارة الكندية ( قالها مركزآ بعناية علي كلمة السفارة الكندية ) اتصلت بينا علشان محتاجة تعمل كام يفط و اعلانات عن فتح مكتب الهجرة الجديد لمقاطعة ساسكاتشيوان .. و هنا فتح مايوسف الباب علي مصراعيه و عيناه تلمعان كعيون عم دهب عندما يجد منجم جديد. ما يوسف : ايه ده ... هو فيه مكتب هجرة جديد اتفتح في سفارة كندا... سكوب : ايوه يا سيدي .. بس لسه ما حدش يعرف .. علشان كده محتاجين اليفط دي مايوسف : و طبعآ اللي حيركبها حيخش السفارة علي طول من غير تحديد مواعيد مقابلة .. و لا سوريا و لا فايل نمبر و لا حاجة من الكلام ده كله .. سي السيد : طبعآ .. ما له هو و مال الطوابير .. عالعموم ما نأخركش بقي نروح ندور علي حد تاني يعمل اليفط .. مايوسف يكلبش في ياقات قمصانهم صارخآ ... اللي حيمد ايده علي اليفط دي حقطعها .. ده مجالي الرئيسي و مادة التخصص اللي أخدت فيها الدكتوراة .. سكوب : يعني حتيجي معانا ... مايوسف : حالآ .. ياللا بينا .. و يهم بالخروج سي السيد : طب مش تغير البيجامة اللي لابسها مايوسف ينظر الي نفسه ... ثم يقول .. 20 ثانية و حكون جاهز اوعوا تمشوا سكوب : نمشي و نروح فين يا خويا .. هو الواحد مستغني عن عمره .. و ما ان يختفي مايوسف حتي يبتسما و يخبط كلاهما قبضته بقبضة الآخر سي السيد : الكيس القماش و البلاستر موجودين ؟؟ سكوب : تحت كرسي العربية .. بس بقول لك ايه .. المرة دي انا اللي اسوق و انت تكتفه ... سي السيد : ماشي سكوب : اللا ايه مقاطعة ساسقشوان دي .. مش دي الجبنة بتاعت زهيري برضه سي السيد : انا ايش عارفني .. اهه جات كده و خلاص ... اهه جه .. بينا ما يوسف : بينا يا جماعة يا قدم السعد يا وش الخير ... سي السيد : ده انت حتشوووووف خير لما تقول كفاية مش قادر و يتجهوا الي السيارة .....