لوحة القادة

مايحدث فى سوريا الشقيقة ، المرشحة لتكون نقطة انطلاق الحرب العالمية الثالثة لغز لكثير من المتابعين إذ يبدو للبعض أن الأمر - ببساطة - هو ثورة من ثورات ما أسماه الغرب "الربيع العربى" قام نظام الأسد بقمعها بكل وحشية وضرب الثوار بكل قوته بما فى ذلك الطيران .. يا للوحشية كما يبدو للبعض الآخر أن ما يحدث فى سوريا الشقيقة هو حرب مذهبية بين الأغلبية السنية فى سوريا مدعومة ببلاد أهل السنة (تركيا - السعودية - فطر) ومقاتلين سُنة من كل حدب وصوب بالإضافة إلى حليف السنة الأكبر (الولايات المتحدة وباقى الغرب فى ركابها) مع أنه غرب كافر بالنسبة لأهل السنة والجماعة وبين الأقلية الشيعية وعلى رأسها الأسد متحالفا مع إيران والعراق والقوة العسكرية اللبنانية متمثلة فى حزب الله إذن الأطراف "الدولية" المتورطة فى المستنقع السورى هى : قطر - السعودية - تركيا - الولايات المتحدة - وبعض الدول الأوروبية الدولة السورية التى تقف على حافة الانهيار - إيران - العراق (لم أعتبر حزب الله ممثلا للبنان بالطبع) ما هذه الخلطة العجيبة ؟ هل حقا أمريكا والغرب هم "أنصار السُنة" ؟ هل حقا أمريكا والغرب هم "أنصار الحرية" ؟ أما السؤال الأكبر فهو : هل روسيا دولة شيعية لكى تنضم إلى المعسكر الشيعى ؟ سؤال يقلل - إلى درجة الصفر - من صحة حل "الثورة" وحل "الحرب المذهبية" بقى - فى رأيى - حل ثالث لهذا اللغز إنه الغاز الطبيعى يتبع ..........

إنتي جايه ليه النهاردة السبت أجازة ويوم التلات أجازة يعني بلاها الأسبوع ده روحي وأنا قاعد هنا مكانك أهه حتى الأستاذ سكربيون هيقفل الموضوع خلاص وربنا ما يحكمك على ...... مدرسين لغة عربية

بس كنت قبل الثورة متعاطفا معهم أيام كانوا يلبسون ثياب المظلومية والاضطهاد بس عائلاتنا كلنا فيها منتمون إليهم بس عايز تعرف أنا إيه راجع مشاركاتي منذ الانتخابات الرئاسية التي أتت بمرسي حتى الآن بس أزهري بس منهجي هو فهمي ... وفهمي هو منهجي بس كده حتى أزهري عندي أصبح اسم مكان أنتمي إليه في العمل وليس اسم منهج أتبعه تحياتي

الحلقة الخامسة يقترب سكوب من باب الإدارة بتردد .. ثم يضع أذنه علي الباب و يتصنت قليلآ .. يشد نفسآ عميقآ و يستجمع شجاعته ثم ينقر علي الباب .. صوت نسائي : إدهُلي يشم نفسه و يبتسم قائلآ .. يخرب بيتك يا Pina انتي هنا .. ثم يفتح الباب راسمآ إبتسامة علي وجهه قائلآ: - جوووووووود مورنيـــــــــــــــــــــــنج يا ست Pina يا أجدع سكركيرة في الدنيا لمن لا يعرف من هي Pina أدعوه لمراجعة هذا الجزء http://www.egyptiantalks.org/invb/index.php?showtopic=113518#entry666096 يتحول لون وجه السكرتيرة الي الأحمر القاني من الغضب و تصيح : - يهرِب بيت كيدا يا سكوربيون .. ميت مرة قولتليك إن إسمي Moneypenny سكوب : ما هو انا كمان ميت مرة قولتيليك ان اللي تحت مناخيري ده شنب .. يبيقي لما تبقي تكلميني بالمذكر حبقي اقول إسمك صح - ميش موهيم ... إهلَصي .. إنتي آوزا إيه ؟ - آوزا أكلم ال Boss .. فيه هد معاه ؟ - لأ موش فيه هد ؟ - و مزاجه عامل ايه النهارده ؟ - إيه مازاجو دي ؟ - الهيومور بتاعه آآمل إيه يا بيضا النهارده ؟ - زي كول يوم - الله يطمنك .. طيب قوليله من فضلك عايز اقابله تضغط علي الجهاز و تقول : مستر عادل .. فيه مستر سكوربيون هنا آوزا تقابلِك يأتي الرد : خليها تخش .. ثم فورآ مصححآ : خليه يدخل .. خليه يدخل .. الواحد اتعدي يدخل سكوربيون مبتسمآ و ماددآ يداه .. صباح الخير و الورد يا أستاذ عادل .. إزاي حضرتك - إخلص .. بوظت ايه النهارده ؟ - بوظان ايه لا سمح الله و يدخل و يغلق الباب خلفه .. ينظر الجميع الي الباب بترقب .. و الذي لا يمر عشرون ثانية اخري الا و يجدونه ينفتح و يهرب سكوربيون منه مطلقآ ساقه للريح محنيآ رأسه ليتفادي دباسة تطير بجوارها .. و صوت غاضب من الداخل : - فحلقي ايــــــــه .. و زبانية مين ؟؟ هو انا ناقصكم يتكور سكوربيون تحت مكتبه مختبئآ بينما تقترب منه المجموعة متسائلة أبو محمد هامسآ : إنت نيلت إيه ؟ - يا ابو محمد انا قلت اخش عليه بتكتيك كوفتسي .. اخش عليه بالنحوي يقوم موافق علي مشرف له علاقة بلغة الضاد عطر : ضاد ايه و صاد ايه يا سكوب .. عبير : يعني بقالك معاه اكتر من عشر سنين و ما تعرفش انه مالوش سكة غير المختصر المفيد ابو محمد : آديك عكرت دمه و مش حتعرف تدخلله تاني النهارده - أدخلله تاني النهارده !!!! لا لا لا لا لا لا .. و لا أدخلله النهارده و لا في ذي الحجة ... شوفولكو واحد تاني بدالي .. تمد مدام سلوي يدها و ترفعه من تحت المكتب من قفاه .. و تشده بثبات و هي تقول : قوم يا سكوب تعالي معايا - بلاش انا و النبي يا مدام سلوي ... بلاش انا .. ده انا اتفاديت الدباسة بالعافية .. مش فاضل عالمكتب قدامه غير الخرامة و سكينة الجوابات .. شوفوا حد تاني ابوس ايدك - تعالي ما تقلقش .. و شوف الكلام يبقي ازاي - ما هو الكلام حيبقي معاكي انتي .. لكن الإسعاف حتجيلي انا - تعال تعال ما تخافش .. - طب خشي انتي الأول - طيب يتبعها عن قرب سكوب و هو يحمي وجهه بيده ... تدخل مدام سلوي ملقية التحية علي السكرتيرة التي ترد بابتسامة قلما تظهر علي وجهها.. ثم تنقر علي باب الأستاذ عادل و تدخل مباشرة - صباح الخير يا استاذ عادل - اهلآ .. أهلآ يا مدام سلوي .. إتفضلي إتفضلي ... ثم يلمح سكوب فيقطب جبينه و يقول - جايبة معاكي فحلقي افندي ده ليه يا مدام سلوي - حلمك يا أستاذ عادل .. الموضوع علي بلاطة اننا جايين ناخد رأيك في قرار اتناقشنا فيه كلنا - اتناقشتوا فيه ؟؟ فهمت ... علي عيني يا مدام سلوي .. الميزانية ما تسمحش .. و الواحد مش فاضي دلوقتي .. انا من صباحية ربنا مع اللي حطوا يافطة مكتبة فوق يافطة المحاورات علشان نخليهم يشيلوها .. - صبرك بس يا استاذ عادل .. الموضوع ما لهوش دعوة بالميزانية .. يعني ما بنتكلمش (تقولها و هي تجز عالحروف) عن التكييف البايظ و لا الفوتوكوبيار اللي خراطيشها فاضية من شهر .. و لا المونيتور بتاعي اللي اتحرق ... الموضوع و ما فيه اننا محتاجين مشرف جديد معانا .. لحظة صمت - يهز الأستاذ عادل رأسه بالإيجاب قائلآ : تصدقي عندك حق يا مدام سلوي .. إحنا محتاجين دم جديد ... و إختارتوا مين ؟ - طارق حسن - طارق حسن .. طارق حسن .. الأسم ده مش غريب عليا .. لحظة واحدة .. ثم قام يبحث بين ملفات و دوسيهات .. و هو يدمدم ... صا ... ضا ... طا .. و يخرج ملف الطا و يبدأ في البحث .. طااارق أبو النور .. ابو .. ابو .... طارق خميس .. طارق جمعة ... طارق جوهر .. أهه .. طارق حسن ... ثم يفتح الملف و يبدأ في القراءة .. ثن يضع الملف بهدؤ علي المكتب و يوجه حديثه لسكوربيون : - بس ده إخوان يا مقدس .. - إخوان !! .. لأ طبعآ مش إخوان يا استاذ عادل .. مش ممكن يكون إخوان - لأ إخوان .. مدام سلوي : معلش يا استاذ عادل .. سكوب عنده حق ... مش إخوان - إزاي بس يا مدام سلوي .. ده أزهري .. و الأزهر ممسوك من الإخوان - يا سلام ! .. يعني هو كل ازهري لازم يبقي إخوان ؟؟ ما انا نص عيلتي أزهرية .. و من كبار الأزهر كمان .. يبقوا إخوان يعني - ما هو اللي اتلسع من الشوربة يا مدام سلوي .. و الواحد ما بقاش ليه صبر عالمعافرة .. انا مش ناقص أمن دولة تاني .. - مش إخوان يا استاذ عادل - خلاص .. كلامك ثقة يا مدام سلوي .. يضرب سكوب كفيه متعجبآ - فيه حاجة يا استاذ غياهب الغسق ؟ - لأ مافيش يا استاذ عادل ... الواحد داخل يقول الكلمتين دول كان حيلبس دباسة في نافوخه .. - يعني داخللي عما تقول فزدقي و فحلقي و زبانية جهنم .. عايزني اسقفلك يعني و الا اعمل ايه - ما هو لو صبر القاتل عالمقتول يا استاذ عادل كنا حنوصل للنقطة دي ... طارق أزهري .. يعني اللغة العربية علي أصولها .. يعني لعبته .. و دي من رسائل محاورات المصريين .. تاصيل اللغة العربية في الوجدان .. - تاصيل اللغة العربية في الوجدان !!! ما شاء الله ... دي بركاته ابتدت تهل اهه من قبل حتي ما يخش مدام سلوي : أيووووان .... دلوقتي بدال ما عندنا بس ابو محمد مطلعين عينيه ... حيبقي عندنا اتنين خبرا في قواعد اللغة .. بالإضافة انه انسان في غاية الأدب و الصبر .. سكوب : لأ و من مرسي مطروح كمان استاذ عادل : و ايه اللي دخل مرسي مطروح في الموضوع ؟ - هه ؟ - ايه اللي دخل مرسي مطروح في الموضوع ؟ - لأ يعني .. قصدي .. أصله - أصله و فصله ايه ؟ - فرق التوقيت ... فرق التوقيت يا استاذ عادل .. ده عامل هام جدآ في المحاورات ... يبقي فيه عندنا مشرفين من مصر .. من الجزيرة .. من اوربا .. من امريكا .. و دلوقتي كمان من مرسي مطروح .. يعني ال 24 ساعة متغطيين - انتي يا ابني مالكش لا في العربي و لا في الجغرافيا كمان .. هو البكالريوس اللي انت لاطعهولي في ال CV بتاعك أصلي و الا مضروب يا سكوربيون ... - أصلي 24 قيراط يا استاذ عادل ... بس دي سياحة و فنادق و دوكوهم عربي و اصول فقه .. يعني بقينا نغطي كمان كل المجالات .. - ما علينا ... مين حيروح يكلمه - اروح انا يا استاذ عادل ؟ - لأ بلاش انت .. ابعتوله عبير و عطر .. و اهه بالمرة نشوف رد فعله ايه لما الحوار يكون مع ستات من غير محرم .. - حلاوتك يا Boss - نعم ؟ - لأ ده تعبير اعجاب مماثل لحقول زهور عباد الشمس الصفراوية علي مراوح التلال المطوية و هنا لا يستطيع سكوربيون تلافي خرامة تطير جهة ذراعه اليمني ..

يا أستاذ إسلام .. النبى عليه الصلاة والسلام حج مرة واحدة ومرة أخرى لم يكمل الحج وعقد صلح الحديبية ورجع إلى المدينة هل من الصعب معرفة فى أى شهور كانت الرحلتين ؟ من أدرانا أنه عليه الصلاة والسلام كان سيقف فى التاسع من ذى الحجة لو امتد به العمر ؟ هل هناك أمر - فى الكتاب أو السنة - بتحديد التاسع من ذى الحجة للوقوف بعرفات ؟ هل هناك حديث صحيح يقول فيه :قفوا بعرفات يوم التاسع ؟ أم أنه عمل للرسول عليه الصلاة والسلام قام به (مرة واحدة) ؟ أيس هناك حديث يصدقه المتمسكون باليوم الواحد يقول: إنه ما سئل - فى حجته - عن شئ إلا وقال : إفعل ولا حرج ؟

فجأة .....صحينا الصبح ﻻقينا روسيا فى يوم واحد دمرت اكثر من 40% من مراكز التدريب والقيادة ومخازن الاسلحة للتنظيمات الارهابيه بسوريا ....وامريكا وحلفائها ليهم سنه ونص بيضربوا فى سوريا مفيش معزة جبلى ماتت او حتى ارنب صحراوى ....ونكتشف انهم بيضربوا الجيش السوري فى الاساس ....مش داعش .... فتلاقى امريكا وقطر وحلفائهم صراخ وعويل وبكاء ...ليه روسيا تضرب داعش ؟؟؟؟؟ داعش معارضه معتدله كيوت ومش من حق روسيا ان تضربهم ....دول مدنيين يا كماحه .... وفجأة تطلع علينا قناة الجزيرة بمصطلح جديد ...اسمه المعارضه المعتدله .....وفجأة يطلع علينا وزير الدفاع الامريكى يحذر من الضربات الروسيه ضد داعش فى سوريا ﻻنها سوف تؤدى الى ...حرب اهليه !!!!! يا رااااجل ....خايف من حرب اهليه ...ده على اساس ان اللى بيحصل فى سوريا من اربع سنوات كان جمباز ايقاعى ...او باليه مائى ..... وفجأة تلاقى مجموعات من داعش تهرب على تركيا من قوة القصف الروسى ...خد بالك ....تركيا مش العراق .... وفجأة تلاقى تركيا تستتقبل المصابين منهم وتعلاجهم فى مستشفيات تركيه .....ياعينى على الانسانيه ... وفجأة ....ببص لروحى ....فجأة .....تعبت من المفاجأة ونزلت دمعتى ...... ياترى المغيبين عرفوا ....داعش ...صناعة مين ...وهدفهم ايه ..؟؟؟؟؟ وﻻ ....لسه ؟؟؟؟؟ منقول

دى مخلوقات رقيقة .. حضردتك عاوزهم يثقفوا و يعرفوا الفرق بين الفتحة و الكسرة .. من فضلك قولهم يمشوا .. انا واقفة على باب المنتدى من الصبح و مش عارفة ادخل ..

دول عجائز دول ؟!! دولة شباب دائم ... ما شاء الله عليهم فين غرزتك الزرقا و بخورك يا استاذة عطر ؟!!

أكيد حضرتك لما كتبت مداخلتك لاحظت ان صاحبة ( المقال ) مش موجودة ...ازاي تهاجم بني آدم ماعندوش فرصة يدافع عن نفسه ؟!! واضح ان حضرتك عارف كويس صاحبة المقال وداخل تهاجمها لان نص المقال مش بيبين نهائيا اذا كان فكر الاستاذة ( همس ) متأرجح بحسب مفهومك للتأرجح ... هل كل انسان سوي ، ناضج ، صاحب فكر و متقبل للآخر المختلف من وجهة نظرك يكون متأرجح ؟!! يا حبك في المظاهر ... ما ممكن كاتب يكتبها رياء وتمويه وكاتب تاني اول ما يدخل النت ويبدأ في الكتابة يقولها في سره ويكتفي بكدا تثبت بالثاء مش بالسين و بالمناسبة أول مرة أشوف واحد يكتب مداخلة وهو اللي يعجب بيها :) اوعى تستقصدني بعد كدا زي ما عملت مع الاستاذة ( همس )

اسم الموضوع باللغة العربية الفصحى ( ألغاز الغاز ) بينما اسمه باللغة المصرية الفصحى ( ألغاز الجاز ) علشان تعرفوا بس مين أقدر على توصيل المعلومة بسهولة أكتر ما سبق كان استهلالا :) أنا سعيدة ان ( اللهو الخفي ) بدأ يظهر و يبان كنا الاول دايخين ... المنطقة كلها على صفيح ساخن ومش فاهمين سر اللي بيحصل ظهر لنا فجأة جماعات اسلامية متشددة تقولنا انتم كفار واحنا بنحاربكم باسم الدين ... طب يا جماعة و الله فيه كفار اكتر مننا في العالم ... أبدااا ، انتم اللي عليكم العين طب اسرائيل آهيه جنبنا ...نشنوا مرة عليها خزو عين ... مافيش أتاري فيه اتنين ديناصورات كبار بيتخانقوا على ( الجاز) اللي في منطقتنا واحنا ( البلاي ستيشن ) بتاعتهم ...كل واحد فيهم ماسك ( الجوي ستيك ) و بيوجه اللعبة زي ما هو عاوز ونازلين خبط ورزع و تدمير و خطط .... لكن في نهاية اللعبة بيحصل احيانا ان المتنافسين بيسيبوا ( الجوي ستيك ) وبيبدأ و يتشابكوا بالايدين .. في خناقة كبيرة ... وكل منافس وله اللي بيشجعه و يقف وراه و يتخانق علشانه .... يمكن ينوبه من الحب جانب . أمريكا و روسيا أخيرا ظهروا وظهرت الحتة اللي بيتخانقوا عليها وسبب الخناق لازم يكون متعلق بالاقتصاد في المقام الاول و الطاقة في المقام التاني وبعد كدا تيجي باقي المصالح ... استاذنا الفاضل ابو محمد ممكن يشرح لنا ( لغز الجاز ) و اللي بيحصل لنا من تحت راسه وازاي ممكن الصراع دا يغير منطقة الشرق الاوسط بكاملها وممكن يؤدي لحرب عالمية تالتة .

أهلا ومرحبا أستاذ : أشرف السيد من تخاطبهم بأنهم متأرجحون ؟ وعرفت إزاي أنهم متأرجحون مع إنك عضو جديد ... لم تناقش أحدا ولم تتعرف على أحد ؟ داخل تهاجم عالطول !! ثم .... هو الإخوان لم يحملوا السلاح ... يا راجل !! اللي مخلاش مصر تبقى سوريا مش الإخوان واللي كان عايز مصر تبقى سوريا هم الإخوان ولكن الله سلم

ههههه

تجربة الإشراف معايا كانت فاشلة من قبل أولها : في ثانوية أونلاين فمنذ عينت مشرفا بها إثر اتصال تليفوني ودون سابق معرفة فقد كنت عضوا ... بعد الإشراف لم أقم بالدخول لمدة طويلة حتى يئسوا مني ثانيهما : في منتدى سلفي ( طريق الرسول ) حيث اختلفت معهم فقد كانوا ضد الثورة في تونس وفي مصر ... في حين كنت مؤيدا لهما وكنت أختلف في بعض الأمور مثل النقاب وغيره وبعدها تم غلق المنتدى وضاعت كل مشاركاتي فيه الآن أنا في محاورات المصريين أتمنى أن أوفق من شر النفاثات فى العقد

ردا على هذا العرض أرسلت رسالة بالغت في زخرفتها بلاغة ربما تاه معها المضمون ولم يبن المقصد من الكلام الأستاذ عادل : نعم قرأت رسالتك ... ولكني لم أدرك منها مرادك .... أتعني بها الموافقة أم عدم الموافقة ؟ علمت عن نفسي متأخرا شيئا مهما أنني أحيانا أكون وحدي الذي يفهم كلامي وكأني أخاطبني به دون غيري مع إني أكون فخورا به ... صدمت .... وفي مواجهة الأستاذ : عادل لم يكن أمامي من خيار إلا القبول تجربة الإشراف معايا كانت فاشلة من قبل أولها : في ثانوية أونلاين فمنذ عينت مشرفا بها إثر اتصال تليفوني ودون سابق معرفة فقد كنت عضوا ... بعد الإشراف لم أقم بالدخول لمدة طويلة حتى يئسوا مني ثانيهما : في منتدى سلفي ( طريق الرسول ) حيث اختلفت معهم فقد كانوا ضد الثورة في تونس وفي مصر ... في حين كنت مؤيدا لهما وكنت أختلف في بعض الأمور مثل النقاب وغيره وبعدها تم غلق المنتدى وضاعت كل مشاركاتي فيه الآن أنا في محاورات المصريين أتمنى أن أوفق

الفكرة المسيطرة على بعض الناس أن الجنة لا يدخلها إلا من سالت دماؤهم وأن الاحتفاظ بالحياة أو الموت العادي هو الغير طبيعي وأنه لا وجود لمقولة من طال عمره وحسن عمله وإنما الموت الموت هو السبيل ويا حبذا لو كان دهسا تحت الأقدام ومن ثم عندهم الاحتفاظ بأسباب الموت فضيلة العمر يمر سريعا والإنتاج العقلي بطيء وأحيانا منعدم

الموقف بعد 24 ساعة من قفزة الدب الروسى ========================= عواء أمريكى بعد ضرب مراكز تدريب الإرهابيين في مناطق يسيطر عليها اخوان سوريا ! نحيب من تنظيم الاخوان ممثلا في الغنوشي الذي لا يمانع - الآن - فى الحوار مع بشار الأسد سعيا إلى مصالحة ! بكاء من ائتلافات الثورة في فنادق اوروبا و تركيا بعد رؤية نهاية عهد التمويل الخارجي انتظارا لتقسيم وطنهم ! مناحة فى قناة الجزيرة .. وبتنقل مباشر أثناء الضرب الضرب فى إدلب و حمص و هما مراكز التمرد الاخواني منذ اربع سنوات هذه المناطق بها كل مخازن الذخيرة و تجمع الجيش الحر الضرب مباشر وفى الرأس مش فى الرجلين ( مراكز التدريب و استقدام المقاتلين الجدد و المسيطر عليها من الاخوان ) روسيا لم تبدأ ضرب مواقع داعش بعد أتاريها ما كانتش حرب .. نقدر نقول التحالف كان معزوم على فرح العمدةوبيجامل بالضرب فى الهوا بالبلدى كده .. روسيا فقعت الدمل

الإقناع سهل لمن عنده الاستعداد للاقتناع ومن عنده الاستعداد للاقتناع عنده ثقة فى عقله ويطبع الله جل وعلا الذى أمر بالتفكر ومرادفاته ومن عنده ثقة فى عقله لا يمكن أن يعتقد فى : أن من تمنطق فقد تزندق وأن من استعمل عقله ضل

يبقى سافر والله يعينك انا معرفش اسعار مهندسين الكهرباء كام لكن لسه شايف ان الراتب قليل على المجهود اللى هاتبذله في سبع مصانع بالنسبة للسيارة بلاش المستعمل احسن لك خليك في الجديد السيارة اللى هاتشتريها بـ 6000 ريال لانك غالبا هاتلبسها وغالباً هاتصرف عليها 12000 علشان تخليها صالحة للركوب ومتضمنش اللى ممكن تعمله فيك من اعطال غير صعوبة بيعها بعد كدا وزي ما قلت لك انت ممكن تحط بدل مواصلاتك في سيارة جديدة بالضمان والصيانة والتامين وكل دي برضة مزايا مش هاتلاقيها في المستعمل بس لو ناوى على المستعمل وان كنت لا انصحك بيه اصبر شوية لما تحوشلك مبلغ في حدود 25000 ريال ممكن تشتري مستعمل بحالة معقولة زي يارس او اكسنت او حتي سيارات اكبروطبعا حاول تخليك في التيوتا علشان احسن سيارة بتحافظ على سعرها ومتنساش تجيب رخصة قيادة من مصر لانها بتسهل جدا استخراج الرخصة السعودية وهاتوفر عليك فلوس كتيييير بس نصيحة من واحد قديم بلاش تطول فترة حياتك بدون اسرتك حتى لو مش هاتوفر وجودك كاب بجوار اطفالك تساوي كتير اوي نصيحة تانية وانت على اعتاب الغربة بلاش تخليها تسرقك وتلاقي السنين مرت وانت عايش بعيد . خلى عندك هدف معين لما توصله خد بعضك وامشي وخصوصا ان راتبك مش عالي قوي

يعني الراتب كله حوالي 8900 ريال في الشهربالبدلات انا ملاحظ ان شغلك محتاج انك تتنقل كتير فيكون من الافضل لو ان الشركة توفر لك سيارة لان الـ 15% بدل مواصلات (900 ريال) مش هايكفوك تكسيات لاحظ ان التاكسي هو وسيلة المواصلات الوحيدة الفعالة في الرياض بالاضافة الى بعض الاوتوبيسات التعبانة جدا واللى مش هاتخدمك اقل مشوار للتاكسي 10 ريال او انك تشتري سيارة بالقسط وممكن تجيب سيارة معقولة بقسط 900 ريال في الشهر زي الاكسنت او السيراتو حسب العروض وقت ما تيجي الخلاصة ان بدل المواصلات هاتصرفه هاتصرفه الراتب في المجمل متوسط أو اقل من المتوسط بالنسبة لمهندس بخبرتك ومستوى المعيشة في الرياض وخصوصا لو متزوج وعندك اطفال الحقيقة لو انت متزوج هايكون من الصعب انك تدخر من الراتب دا غير مبلغ بسيط شقة العائلة المتوسطة في حدود 1500 - 2000 ريال في الشهر مصاريف البيت في حدود 3000 ريال في الشهر غير المدارس دا حوار تاني لو انت اعزب ممكن تعرف تحوش كويس بس بصراحة انا شايف الراتب قليل على انك تكون مسئول عن 7 مصانع في 4 مناطق مختلفة وشايف ان الشركة دي بتحاول توفر من وراك باختصار لو بتعرف تعمل نص المبلغ دا في مصر ماتجيش واصبر لما تجيلك فرصة تانية، لكن لو محتاج كاش بسرعة ممكن تقبل العرض وتحاول تدور على فرص احسن بالنسبة للسكن ممكن تدخل على جوجل وتشوف المناطق الصناعية دي فين بس انا شايف انك ممكن تسكن في مناطق زي الملز - المربع - السلي- العزيزية طبعا لو معندكش مدارس هاتعرف تسكن براحتك لكن لو عندك مدارس هاتكون مرتبط بموقع المدرسة اكتر من موقع العمل وانت بتخلص الورق اتاكد من الاتي: التاشيرة بمسمى مهندس او اي مسمى يتوافق مع مؤهلك الدراسي لانها لو مش متوافقه مع المؤهل الدراسي ممكن متعرفش تعمل استقدام لاسرتك التأمين الصحي يكون Class A تذاكر الطيران السنوية على الشركة لو تعرف حد شغال في الشركة دي اساله الشركة بتدفع الراوتب في معادها ولا بتتاخرولو بتتاخر بتتاخر كام يوم؟ ان الشركة هاتوفر لك سكن لما توصل وهاتصرف لك سلفة من راتب اول شهر تمشي بيها حالك وبالتوفيق

بالأمس عقد باراك أوباما "مَكْلَمَة" تحت عنوان "قمة محاربة داعش" "مَكْلَمَة" لم تتمخض عن شئ يمكن فعله على الأرض ليحرز أى تقدم فى الوضع المأساوى بالمنطقة "مَكْلَمَة" تبدو وكانه أراد بها أن تكون مخرجا له من الإحراج أثناء انعقاد دورة الأمم المتحدة السبعين لا أدرى لماذا هذا التركيز - خلال القمة الـ "مَكْلَمَة" على إسقاط الأسد ومن ثم الدولة السورية المؤتمر بعنوان "الحرب على داعش" فهل فى ليبيا أسد ؟ .. هل فى العراق بشار ؟ .. لا ولكن هنا وهناك توجد "داعش" طيب .. وإيه اللى جاب عنب الشام لبلح اليمن ؟ لقد وضع الدب الروسى الحمار الأمريكى "المخطط" فى مزنق حيث لا يستطيع أوباما رفض الحرب التى تشنها روسيا على داعش وإلا كان هذا اعترافا منه بأن داعش هى صنيعة وربيبة الولايات المتحدة الأمريكية وفى نفس الوقت لا يستطيع التحالف أو الاشتراك أو التنسيق مع الدب الروسى وإلا كان هذا اعترافا منه بأنه كان حمارا (غير مخطط) طوال خمس سنوات كان لا يتوقف خلالها عن الخبط بقبضيته على صدره صائحا : إما الأسد وإما أنا آدى احنا بنتفرج .. وربنا يسترها معانا