لوحة القادة

بصراحة الموضوع مش كوميدي خالص. مفيش حاجة مضحكة ولا استمتاع في التفنن في اكل كائنات حية. كائنات حية يعني بتتنفس و تحس يعني بتختنق و تتالم يعني هاتو خاروف و قطعو رجليه و اشووه علي نار و هو لسه حي. حجم الكائن و صوته (او انعدامه) لا يقلل من معاناته. و نفس الكلام علي اول فيديو. المتعه الوحيده في تمثيل اني بقطع بني ادم بسكينه و اكلو متعه ساديه غير ادميه و غير متزنة

أثنان وخمسون عاما انقضت ولم تعرف أمريكا بجلالة قدرها من الذى قتل رئيسها سبعة وأربعون عاما انقضت ولم تعرف أمريكا بجلالة قدرها من قتل مارتن لوثر كينج منذ سبعة وعشرين عاما انفجرت طائرة لوكيربى ولم تغلق بريطانيا مطاراتها أو منعت الطيران من وإلى "بالى" وفى أقل من أسبوع عرفت كل من أمريكا وبريطانيا كيف سقطت الطائرة الروسية بعد إقلاعها من شرم الشيخ ومنعت بريطانيا رحلات طائراتها "من" و "إلى" شرم الشيخ ثم عادت واستأنفت رحلات طائراتها "من" شرم الشيخ فقط وكأن الطيران "من" لا يستلزم الطيران "إلى" وتأتى هذه الجليطة الديبلوماسية من الانجليز أثناء زيارة رئيس مصر لبريطانيا يبدو أن أمريكا وحلفاؤها لم ينسوا بعد "القفا" اللى اتلسعوه فى 30 يونية 2013 بس عاملين نفسهم ناسيين

معنديش كلام اقولو بخصوص الاجراءات الرسمية بس اللي انا شخصيا اتعلمتو ان العلاقات (networking) مهم جدا. مفيش حد مش مفيد و خطوات كتير هتتسهل بسبب علاقاتك. في ناس بيقولو عليها شبه وسطه بس هي مش كده بالظبظ. في فرص كتير موجوده بس مش معلنه علي نطاق واسع و ممكن تسمع عنها او توصلها خلال حد معرفة سواء بره او جوه تخصصك. و الكلام ده ينطبق علي علاقاتك في مصر بردو. في ناس هتحتاجلها حتي بعد ما تسافر و بفتره كمان. Don't burn any bridges EVERYONE IS IMPORTANT and it's not always obvious

جاستين ترودو رئيس وزراء كندا الجديد النهردا اعلن عن فريقه الجديد و تعمد تطبيق مساواه بمعني الكلمه (مش شعارات و خلاص). ١٥ ذكور و ١٥ اناث. كل الجنسيات و الاديان. و ذو احتياجات خاصة. هل هينجح في استمرار المبدأ ده و هل هيبتدي يطبق علي الشعب ؟ غير كده، اتخذ قرارات سريعة رد لاعتراض الشعب علي بعض القوانين (زي قانون الجنسيه الكنديه درجه تانيه -second class citizenship ). كل ده حصل في وقت قياسي. هل الموضوع بالسهوله دي؟ لو سهل، ليه رئيس الوزراء السابق ستيفن هاربر معملش كده من الاول؟ هل كل اللي بيحصل دلوقتي فترة شهر عسل و بعديها الشعب الكندي هيلبس؟ Justin Trudeau's Cabinet https://www.youtube.com/watch?v=A4780LDAmRs https://www.youtube.com/watch?v=LLk2aSBrR6U

السلام عليكم بالنسبة للخبر السابق لي تعليق بسيط اولا منح مهلة لمدة عام والعام التالي بمقابل مادي ياترى المقابل ده هيكون كام ؟؟؟؟ ثانيا المهلة بالمقابل المادي سوف تؤدي لركود في سوق العقار لانك مش هتدخل المرافق الا بعد الدفع ولو تأخرت عن سنة ممكن تدفع سنتين ثالثا هل سيتم حساب المقابل المادي وفق سعر الارض يعني ارض التجمع لها مقابل وارض الشروق بسعر مختلف وهذا ما اتوقعه المشكلة انه بعد انهيار الجنية وارتفاع الدولار ووصولة لأكثر من 8 ج ونص وده سعرة مع الرأفة يعني قيمته السوقية أكثر من ذلك الناس هتجري علي الملاذ الآمن وهو العقار ومش هتعرف تاخد ارض وتسقعها فلازم تبني وده هيزود نسبة المباني في المدن الجديدة بس هيرفع حركة الركود في اسعار الاراضي ونشاط في بيع وشراء الشقق ودة لو مفرضش عليك ضريبة عقارية علي الشقق .....ربنا ييستر

الحياة كدة. شوية تدمير احلام و كده. بعدين اكتشف انو مش تدمير حلم بالظبط...يمكن تعديل او تآخير. او حته لو الغاء خطوه كامله كانت عباره عن جزء صغيرمن حلم كبير. بس ساعتها و اول ما بكتشف "الفشل" بحس ان القيامة قامت. كآن مفيش اي مخرج تاني. حلمي اتدمر. مفيش فايده. اما بشرب الصدمة في الاول مبعملش اي حاجة. بركن مخي علي جمب و اروح اناااااام. تاني يوم مش ببقي شخص مختلف بالظبط، بس بنقسم نصين. نص لسه عمال يولول علي الفشل الذريع و النص التاني شغال autopilot وسط الولوله و بصراحة انا مبسوطه اوي بالريأكشن ده عشان الشغل مش بيقف The show must go on! و صدمات في حياتي الشخصية حصلت و انا سني صغير قوي. لحد دلوقتي اما اشوف واحدة في سني ساعتها مش بتخيل ازاي تمر بالظروف دي و تطلع طبيعيه. و مش مستوعبة ان ده حصلي. كآنو فيلم شفتو او حلم حلمتو. اعتقد دي الطريقه اللي مخي قرر يتعامل فيها مع الصدمه.

طبعا لا يمكن تحميل المحافظ أو أى مسؤول "وحده" مسؤولية عاصفة غير عادية كانت غير عادية بالفعل .. لم نر مثلها من قبل حبات التلج كان حجمها بقدر ربع كف الإيد .. كمية مطر منهمر لأكثر من ساعتين دون انقطاع ولكن هذه أول عاصفة نقرأ ونسمع عنها من الأرصاد الجوية قبل حدوثها ببضع أيام ويجب أن نعترف بكل أمانة أن ماحدث بالاسكندريه أكبر من قدرات وإمكانيات المحافظ و التنفيذيين المشكله إلى جانب كونها مشكلة إمكانيات وصيانه وزيادة قدرات وخلافه فهى أيضا مشكلة إدارة ووعى بالمخاطر والطوارئ والاستعداد لها كان على السيد المحافظ حشد كل إمكانيات المحافظة والتنسيق مع رئاسة مجلس الوزراء للاستعداد وإعلان الاسكندريه منطقه طواريء والتجهيز لإصدار الأمر بعمل اجازه لجميع المواطنين ليصدر عند الضرورة والتجهيز لتزويد الاسكندريه بجميع إمكانيات الجيش والشركات والمحافظات المحيطة بمجرد إرسال الأمر وتشكيل لجنة كوارث ميدانية تتلقى البلاغات وتتعامل معها فورا كلنا عارفين ضعف الامكانيات ولكن الاداره فن وقدرات اختفت منذ مدة طويلة والكلام اللي انا قلته فوق ده اتعمل .. بس بعد عشره ساعات .. بعنى بعد الفاس ما وقع فى الراس رئيس الوزراء أمر بإحضار 25 سياره شفط من القاهره والجيزة والمحافظ قال للناس ماحدش يخرج من بيته بعد الظهر إلا للضرورة و .. و .. ولكن إمتى ؟! تخيلوا معي لو الكلام اللي قلته ده كان معمول فى شكل خطة جاهزة مستديمة تطبق فى حالة الطوارئ وعلى جميع المحافظات وفى كل أنواع الكوارث الطبيعية التى تفوق حجم إمكاناتنا المتواضعة أنا لا أعفى المحافظ ولا مجلس الوزراء من التقصير فى الاستعداد ولكن لا أحملهما مسؤولية كارثة طبيعية أكبر من الإمكانيات

كالمعتاد المحافظ كبش فداء وبعدين ؟؟؟ محدش بيتكلم كلام حنجوري ،انا بقول ان اقاله محافظ مش الحل ،وبصراحه بقى لو عاوز تقيل يبقى بالمرة رؤساء الاحياء !!! ولا عشان المحافظ من المدنيين والاخرين غالبيتهم عسكريين ؟؟؟ ماهو الكلام بالمنطق برده لو شايفين ان المشكلة فساد في ادارة المحافظة يبقى كل الطقم يتشال استاذ طارق كلامي بسيط جدا ،انا وغيري محدش قال ان المشاكل تحل ف يوم وليلة ( مع ان حضرتك ومعك كثيرين ف زمن ما !!! كنت بتقول كدة ) مشاكل مصر بقالها 30 سنة ويزيد وده طبيعي مشاريع البنية التحتية بتاخد وقت وع فكرة ف جدة -السعودية لوجود فساد بيحصل كدة وبيتم الاقالة وبرده مش ده الحل ،الامور بتاخد وقت الا لو ربنا كرمنا بمن يفكر خارج الصندوق ودول الحمد لله بطنفش فيهم بره مصر