لوحة القادة

الخلاصة يا جماعة إننا كنا بنحلم آن يكون عندنا حكم مدني وديمقراطية زي الدول المحترمة وان كل واحد يلزم حدوده او مجاله القاضي في محكمته والعامل في مصنعه والفلاح في غيطه والجندي في خندقه وان يحكمنا من نختاره بانتخابات حرة نزيهة والدول الغربية بتحارب كل حكم قائم على الاستبداد والديكتاتورية او تبتزه لكي يستمر في استبداده إذا لم يقم عليه شعبه بثورة فاذا قام شعبه بثورة عليه تكون اول من يتخلى عنه وهناك حالة اخرى هي ان يقوم هذا المستبد بمواجهة تلك القوى الغربية وساعتها سيقومون بابتزازه ونتف ريشه حدث في تركيا سيطرة للمؤسسة العسكرية على نظام الحكم منذ اقامة الدولة التركية الحديثة على يد كمال اتاتورك وقد كان رجلا عسكريا اسقط ما تبقى من الدولة العثمانية التي اصبحت حبرا على ورق وكان من الحتمي ان يقوم بتغيير الدولة الى النظم الحديثة وكان يلزم هذا الدور القوة والحسم الى ان تغير المجتمع التركي ولكن ظن الجيش ان حقوقه ثابتة في الاستمرار في الحكم فكانت تحدث انقلابات دائمة بعد كل افراز ديمقراطي ثم يعتلي الجيش سدة الحكم وفي ذلك تحدث انهيارات في الاقتصاد التركي الى ان اصبحت تركيا دولة في غاية السوء فكل القوى الغربية تحارب هذا الحكم الاستيلائي الى ان تحقق لهم ان الحل لا يمكن ان يكون الا في الديمقراطية والحكم القائم على الاختيار الحر والنزيه فتحقق لتركيا ما تحقق ونهضت من كبوتها وساعدها العالم اجمع لانها تتكلم بلغة العصر ولذلك فهمها الجميع وانتقلت نقلة نوعية ماذا كان يقدم المستبد التركي للقوى الغربية حتى يستمر في مكانه ؟ كان يقدم تنازلات على حساب شعبه ولم تتحقق له طفرة في تلك الحقبة بل انهيار وراء انهيار وكان ظنه انه الوريث الشرعي لحكم البلاد وسنة وراء سنة وجيل وراء جيل بعد ان استنفذ حكام تركيا غالبية مقدراتها للمحافظة على ملكهم على حساب شعبهم وجدوا ان الاستمرار في السيطرة على الحكم سيؤدي الى تخلف اكبر فكان الحل المر وهو تنازلهم عن الحكم مقابل الحكم الديمقراطي وظلو يتحكمون في الدولة حتى لا تحيد عن علمانية اتاتورك فلما قال الشعب كلمته وتركو حاكم البلاد يأخذ فرصته وعيونهم على علمانية الدولة نُقلت تركيا نقلة نوعية انا بضرب مثال تركيا لانها الاقرب لنا ولما حدث لنا وما يحدث معنا الحكم العسكري لا يمكن المغالطة بشأنه ولا يمكن الضحك على عقول الناس وتغفيلهم فالحكم العسكري هو ان يقوم الرجل العسكري بالاستيلاء على الحكم في صورة مباشرة او في صورة غير مباشرة فمن منا لا يعلم ان السيسي رجل عسكري وخلفيته وماضيه وحاضره عسكري ومن منا لا يعلم ان رئيس الحي المعين برتبة لواء سابق هو رجل ذو خلفية عسكرية فعندما يقوم المتحكمين في مصر باقرار السيسي حاكما لمصر فهذا لا يعني انه اصبح رجلا مدنيا لماذا نقارن بين مصر وتركيا ونتمنى ان تصبح مصر مثل تركيا وان تمضي وفق تجربتها لان العسكر في مصر لم يكتفو بحكم مصر بل ذاقت مصر من قراراتهم ومغامراتهم الويلات منذ ان انقلبو على مليكها ونحن نعاني ونحارب المتأمرين ولم تعط فرصة للدولة المدنية لكي تأخذ دورها ونحكم عليها ونقيم تجربتها ولما خرجت في 30 يونيو لكي اسقط اول رئيس مصري مدني منتخب خرجت لكي اسقط جماعة كان يحتمي فيها ولكنني لم اخرج لكي ابدل رئيس مدني برئيس عسكري ثم نعيد الكرة مرة ومرات كل ما كنت اتمناه ان يعتلي حكم مصر هذا الرئيس لفترة مؤقتة انتقالية يتم فيها ضبط احوال البلاد ثم نعود الى ما ثرنا من اجلها الديمقراطية ثم شعرت من مجريات الاحداث ان من قامو بعزل الرئيس قامو بعزله لكي تعود لهم الزعامة والقيادة كجنس اخر يحكم ولا يتحكم فيه يعلو ولا يعلى عليه ثم تكون الديكتاتورية وتتمخض لنا بناصر جديد ومغامرات يدفع ثمنها الشعب من قوته وتقدمه لو كنت اعلم بتلك النهاية ما كنت بدأت او كما قال نزار قباني لو كنت اعرف خاتمتي ما كنت بدأت

هو مش أسلوب متعمد بس بصراحه في كثير من الضباط وبالاخص الرتب الصغيرة محتاجين اعاده تاهيل نفسي

اه كل واحد فيهم كان طربوش على نعش واولهم البوب عشان اجيب معاك من الاخر واوصلك لمرادك مش عيب اني اكتشف اني كنت غلطان العيب اني اكتشف اني غلطان واصر على اني صح الصح مرسي نفسه كان طربوش على نعش وكونه استمر سنة بحالها ده انا بعتبره رقم يتسجل في موسوعة جينس باسمه

تانى بتدخل الشامى على المغربى ؟ يا عم أنا جبت لك فيديو بتاع واحد بيهاجم "الكفتة" لعلك تفهم وجهة نظرى مفيش حد يتدخل بينى وبين الأخ وايت هارت يا جماعة ويقول لى إنى فاشل فى عرض وجهة نظرى ؟ ما علينا دولتان .. بينهما حدود .. واحدة تحكم الأخرى يبقى إسمه إيه ده ؟ وسع لى جنبك يا أستاذ طارق عشان ازعق واقول : "أنا فى عرض المجمع اللغوى"

السيسى كان معاهم وبدونه لم يكونوا ليتمكنوا من عزل مرسى دى حقيقة لا شك فيها أما حكاية ان هو اللى عينه فيبقى معناها إن كل اللى كانوا معاه كانوا اكياس جوافة بمن فيهم أعضاء جبهة الإنقاذ وفيها من فيها وعلى رأسها من كان على رأسها :) أكياس جوافة وبناتى "مكعبرة" بس حلوة زى العسل

انا فعلا نهيت معاك الحوار مرة قبل كده عشان ماخسركش وافضل محافظ على الحب والمعزة الخاصة اللي بكنهالك كأخ كبير لانك كنت في تلك الفترة في غاية العصبية وكان استعدادك للحوار محفوف بالمخاطر فبدال ماتطلع مني كلمة كده ولا كده تزعلك مني قلت يا واد لم الدور عشان مش عايز الراجل ده يزعلي مني يعني انا نهيت الحوار معاك محبة ليك وحرصا على المودة والمعزة

عقب ثورة 30 يونيه جاء عدلي منصور وليس السيسي الذي جاء بانتخابات حرة نزيهة شارك فيها الشعب المصري وأعطاه أغلبية ساحقة الاحتجاج على من إذن ؟ على الانتخابات يعني بلاها انتخابات ولا على الشعب اللي اختار !! أعلم يا أستاذ : إسلام إنك غير محتج على ثورة بتقول اشتركت فيها ولكن معاك إن مرسي جه بانتخابات وقبلنا بها أيضا لو كنت أعرف خاتمتي ما كنت بدأت في ثورة يناير مع العلم ثورة يناير أتت برئيس مدني أنت ثرت عليه يعني أنت رافض المدني بتاع يناير ورافض العسكري بتاع يونيه لاء بقى وضح لي أنا كمان أنت عايز رئيس ييجي إزاي ؟ يعني مثلا يمنع العسكريين من الترشح وهل هناك دولة في العالم تمنعهم ؟ تحياتي

ماهو انت لما تعزل رئيس وتنيم الناس وتوهمهم انك مش صاحب مصلحة ويصل لنا اعتقاد انك جاي عشان تصلح البلاد وتعزل رئيس ثم نفاجأ انك جلست مكانه في اخر المطاف ومكمل مش فترة انتقالية انت بأه تسمي ده ايه انا منزلتش عشان اشيل مرسي واحط السيسي مكانه انا نزلت عشان اعزل جماعة ومانزلتش عشان السيسي يبقى مكانه لو كنت اعرف ان هذه هي النهاية ما كنت نزل

وحتى لو كنت اعتقد ما تقول فهذا لا يجعلك تنهي الحوار بل يجعل الحوار اكثر تشعبا وإثراءً انت ممكن تعمل دستور جميل وحلو بس ممكن في نفس الوقت تخليه مركون على الرف ولا قيمة له مبارك كان عنده دستور رائع والسادات كان عنده دستور بس ايه قيمة الدستور لو كانت ادوات استخدامه في يدك الكلام على الورق مافيش اجمل منه نجيب محفوظ كان بيبدع على الورق وكنت بعيش في الخيال لما كنت بقرأ رواياته بشغف لكن في ارض الواقع كلام مالوش معنى الا في مكانه

هي الحاجات دي كلها كان لازم قرار رئاسي علشان تتنفذ ؟؟ ما كانش كفاية ثورتين علشان يفهموا لوحدهم ان التالتة تابتة ...

يا سيدى الفاضل أنت تسأل : ما هو معنى وتعريف الانقلاب العسكر ؟ فلا تتلقى إجابة وتسأل أيضا : ما هو معنى وتعريف الحكم العسكرى فلا تتلقى إجابة سوى - ربما - أن يكون رأس الدولة ذو خلفية عسكرية وأن رؤساء الأحياء - مثلا - ضباط سابقين هل تتوقع إجابة على سؤالك ؟ .. أنا لا أتوقع أجهزة الإرسال شغالة الله ينور أجهزة الاستقبال مطفية أو معطلة أو مش موجودة أصلا

كان لازم نسيب فرصة لمكتب إرشاد الأخوان يكملوا ال..... ( عدد مجهول) .... سنة في الحكم و بعدين نتداول ديموقراطيآ الحكم ... لو كان لسه فيه بلد تتحكم ... هو ده الحل الوحيد و المطلوب .. و عليه يرجع مرسي عالكرسي و مصر حتبقي فلة ان شاء الله ..

تعريف تكتيك " فرق تسد " الذي يحاول العزيز " ابو محمد " بعدما عجز ويعجز عن المقارعة والمحاججة والإجابة المباشرة والصريحة على الأسئلة المحددة الموجهة اليه ... يحاول الأن الى التحول الي <<< فقط >>> شخصنة الحوار .. وتأليب الآراء باللجؤ الى مثل تلك التلميحات، و" التحويرات " و " التقويلات " و التلفيقات ... وهى بالمناسبة من إحدى الوسائل والطرق التى إتبعها ويتبعها أيضاً " جنرالات " دولة وزارة الدفاع المصرية منذ 6 عقود !!! من على موقع ويكيبيدا نقرأ: وهو تحديداً ما قصدته عندما ذكرته - بشكل عابر - كتكتيك من ضمن - حزمة كاملة - في تعليقي السابق .. و"يجتهد" العزيز ابو محمد الأن في " إصتياده " وإستغلاله دوناً عن / ومن وسط هذا الكم من الحجج والتساؤلات المحددة والواضحة التى تم محصارته بها ... لعل وعسى ينجح " صيده " هذا في إخراجه من تلك " المَآزِقُ " المتلاحقة !!! أسف يا زميلي العزيز أن اُعلنك .. انني أولاً في كل مرة سأتوقف وبحزم أمام مثل تلك " المحاولات " الصغيرة التى لم تعد تأتي نفعاً وأكشفها ... وثانياً سأستمر في تسليط الأضواء المُبهرة (فضح) ما يحاول تابعي ومؤيدي والمُدافعين عن <<< الدولة العسكرية >>> التستر عليه، وإخفاءه والتعتيم والردم عليه ... لعل وعسى يتحول الإنتباة الى جهة مغايرة ... جهة النفخ والتطبيل والتمجيد في بركات ومنح وهبات ومِّن الدولة العسكرية وجنرالاتها على البعض من رعاياها والمنتفعين والمستفيدين اى كانوا، كثروا او قلوا !!! أنا لا أرى الآن فى مصر لا معارضة ولا أحزاب، أنما يكاد يكون المشهد العام عبارة عن قذف وإرهاب دولة، الذي من إحدى أدواته الإرهاب الإعلامي (الغير حُر / الموجه) لمن يتجرأ ويُعلن عن رفضه للدولة العسكرية، وللإنقلابات العسكرية ... بكل أسف أذا كان بإمكاني القول أنه كان هناك فى مصر (الملكية / تحت الإستعمار) أغلبية ومعارضة ونظام إنتخابي ديموقراطي ولو بنسبة قليلة ... فأنها وبعد الإنقلاب العسكري الأول (الجمهورية / تحت الإستقلال) قد اضحت معدومة تماماً ... واشاع " جنرالات " هذا الإنقلاب العسكري الأول من ساعتها وحتى الان بأزرعهم الإعلامية ... وفي كل مفاصل الدولة ومراكزها الحيوية بالفعل ثقافة الفرقة ليسود هو وحده على كافة أطياف وتوجهات الشعب المصري عبر سياسة فرق تسد ... وفي إنتظار ما رجوته منك في مداخلتي السابقة من إعادة لصياغة عبارتك تلك، للحفاظ على روح الإحترام التى تُظلل على محاورتنا جميعاً هنا كمصريين.

خلاص يا استاذ اسلام اديك عرفت اللي فيها ،ماتبقاش تعمل كدة تاني استاذ اسلام هو حضرتك مكنتش عارف اللي فيها ؟؟؟؟ استاذي العزيز الدستور اللي بتقول عليه هيتغير مع انه كان من كم شهر أعظم دستور في الوجود وكل الحاجات الحلوة اللي حصلت ايام الرئيس الاسبق مبارك هتحصل ثاني وهنتفرج ع مصر +2 ،اعادة للفيلم اللي كلنا عارفين نهايته حافظ ع صحتك وريح دماغك :coffeenews: :coffeenews: :coffeenews:

فعلا اللي جاء بعد مرسي عدلي منصور وده رئيس مؤقت بس اللي انت مش واخد بالك منه او ولا بلاش ان اللي عينه وزير سيرأسه في ما بعد يعني انا عينت المدير بتاعي حلو دي مش كده يعني السيسي وزير دفاع عين رئيسه ومش رئيسه وبس لأ ده رئيس رئيسه يعني المفروض ان رئيس الوزراء بيرأس وزير الدفاع ورئيس الجمهورية بيرأس الاثنين مين بأه اللي عين رئيس رئيسه هو بردو السيسي فيه مسرحية اكتر من كده يعني انت عايز تفهمني ان مقاليد الحكم كانت كلها في ايد عدلي منصور لو انت معتقد كده يبقى حط عيني في عينك كده بس ما تضحكش اما عن انتخابات الرئاسة فانت عارف موقفي منها ويمكن دي كانت سبب زعلك مني بلاش يا سيدي زعلي منك

مُستقبلاً .. أتمنى أن " تصبر " قليلاً .. حتى تُعطي لصاحب الشأن والذي وجهت اليه خطابي ان يجيبني ويعلق هو اولاً كما فعل بعدك مشكوراً ... لأنه بصراحة بتسرعك هذا يُصبح بالفعل الأمر لا يعدو الا نوع من انواع المُجاملة بل والتكالب حتى وان لم يكن هذا مقصدك .... لاحظ أنني قمت بإرسال تقرير بذلك ... ولاحظ انك أنت أيضاً بعدها من قُمت بالرد على مشكوراً على الخاص ممثلاً عن الإدارة ... وبعدها مباشرة قُمت بالإستباق بالرد والتعليق (كعضو) فيما هو موجه اساساً للعزيز " ابو محمد " ... فسامحني .. في مثل هكذا تسلسل يصعب جداً الفصل بين شخصك كعضو ودورك كمشرف ... مؤكد لن أرهق نفسي لا بقرأة تعليقك ولا بالرد عليه ... كان يكفي عليك ردك كمشرف على تقريري ... اما أن تتدخل بعدها مباشرة وتُدلي أيضاً كعضو بمثل هذا التعليق (حقك الأصيل) فأعتذر عن تجاهله بأكمله ... فأنت طرف في الخلاف موضوع الحوار ... بحكم انك أيضاً من المؤيدين منذ البداية للدولة العسكرية ... أذن بكل بساطة شهادتك هنا مجروحة ... اذن اما أن تشارك معي هنا كعضو .. واما أن تكتفي بالرد على الخاص كمشرف ... لا معني أن يكون هناك تقريباً 8 مشرفين .. وتتبرع انت المُشارك معي في الخلاف بالرد على تقريري .. وفي ذات الوقت التضامن مع زميلك في الإشراف المقدم في حقه التقرير في ذات الموضوع ... وبعدها تستهل " إجتهادك " في التعليق بـــ بدون مُجاملة !!! بل هى بكل أسف كذلك يا عزيزي ... ولهذا، فمُستقبلاً القليل من الحكمة والتروي والصبر في مثل هذه المواقف مؤكد مطلوبة .. وطبعاً هذا لمصلحة المكان اولاً .. بغض النظر عن أى شئ آخر ... أرق تحياتي وإحتراماتي.

تريدنى أن أشطب هذه العبارة ؟ لا لن أفعل لأنك من ابتدعها وليس من حقك الحجر على فهمى لها من حقك فقط توضيح فكرتك كما كنت تراها أصلا أو كما انكشفت على ضوء قراءتى لها ومن حقى قبول أو رفض التوضيح ولكن بعد إعادة قراءة السياق الذى جاءت فيه العبارة ووضع توضيحك محل النص الأصلى واختبار اتساقه - وأيضا طبقا لفهمى - مع السياق العام الذى قيل فيه النص الأصلى فالعبارات تفهم على الوجه الصحيح فى سياقها .. وتفهم على الوجه الخطأ عندما تُنزع من السياق أنت الذى ابتدأ ما تريدنى أن أشطبه عندما قلت فى المداخلة رقم 11 من الصفحة الأولى : يعنى حضرتك عملت دولتين .. ولكل دولة حدود وعاوزنى أفهم إيه يعنى ؟ أفهم - مثلا - انك بتهتف "الجيش والشعب إيد واحدة" ؟

الكشف النفسي الدوري للعاملين بالشرطة شئ مهم جدا و تمثل لأول مرة مواجهة تقنية للتجاوزات

ده مؤتمرصحفي عالعام يا طارق ... ما فيهوش احاديث جانبية هو بس عمل حركة تبين ايه موقفهم من الجزيرة.. بيهينهم يعني مش اكتر ..

ما هو المطلوب من شعب ان يقوم به امام اتهام جيشه بالقيام بانقلاب ضد رغبته ؟.. كيف ستكون نظرته نفسها لنفس هذا الجيش ؟.. هل سيعتبره منه و حامي حماه ام جيش معتدي عليه و علي قراره و قامع لحريته ؟

عندما تنادى بالحرية لا تنس أن غيرك له حق فيها وأنها ليست حكرا عليك وحدك

أولا .. حضرتك عاوز حكم ديموقراطى ازاى وانت كل استحقاق ديموقراطى تاخد لك جنب لا بترضى تدفع بمرشحين (أو يمكن ما عندكش) .. ولا بترضى تنزل تدلى بصوتك وسايب غيرك هو اللى يختار وبعدين تبدأ حضرتك تهتف بسقوط اختياره خلاص حكاية تزوير الانتخابات لم تعد شماعة صالحة لتعليق الكسل الديموقراطى والأنتخة السياسية والتفرغ طول الوقت لهتاف يسقط حكم العسكر .. و .. الشعب يريد اسقاط النظام طيب .. وبعد ما ده يسقط ، وده يسقط .. حضرتك مجهز لنا إيه عشان تعدل الحال المايل ؟ ماذا بعد السقوط ؟ الحكم الديموقراطى اللى حضرتك مالى الدنيا هتاف بحياته محتاج لشغل وعرق حضرتك بتعمل إيه غير انك بتهتف وعايز كل حاجة تسقط تسقط ؟ ثانيا وده المهم وبيت القصيد لو حضرتك شايف إن الجيش مُقصِّر فى عمله العسكرى .. يا ريت تنورنا أحسن كده أنا قلبى وقع وبعدين يلزم حدوده اللى هى فين ؟ عند باب المندب ؟ .. حضرتك مش موافق يشترى قطع بحرية عشان يتواجد عند حدوده ؟ .. حضرتك مش موافق لما يروح عند باب المندب حضرتك بتقول مستنقع بيوقعنا فيه الجيش لما يفكر يحمى 200 ميل بحرى من المياه الاقتصادية من "تحرش" تركيا وإسرائيل ولما يحاول ان يكون فى استطاعته حماية حدودنا البحرية الشمالية ويكون قادر على التدخل - إذا لزم الأمر - فى السواحل الشمالية الغربية أو يمثل رادع لمن يعبث بترياق حياتك فى الجنوب عند الهضبة اللى بتجيلك منها المياه حضرتك بتقول الجيش بيبعزق فلوسنا (بلاش فلوسه عشان خاطر وايت ما يتنرفزش) هو حضراتكم عايزين إيه بالضبط ؟ شايلين الجيش الأجنبى المحتل ده على راسكم وزاعقين ليه ؟ هه ؟ .. ليه ؟

نشطاء يتداولون فيديو تعذيب لمواطن أمريكى من شرطة شيكاغو قبل لحظات من وفاته https://www.youm7.com/story/2015/12/11/%D9%86%D8%B4%D8%B7%D8%A7%D8%A1-%D9%8A%D8%AA%D8%AF%D8%A7%D9%88%D9%84%D9%88%D9%86-%D9%81%D9%8A%D8%AF%D9%8A%D9%88-%D8%AA%D8%B9%D8%B0%D9%8A%D8%A8-%D9%84%D9%85%D9%88%D8%A7%D8%B7%D9%86-%D8%A3%D9%85%D8%B1%D9%8A%D9%83%D9%89-%D9%85%D9%86-%D8%B4%D8%B1%D8%B7%D8%A9-%D8%B4%D9%8A%D9%83%D8%A7%D8%BA%D9%88-%D9%82%D8%A8%D9%84-/2486039#.Vmug9dJ961s يبدو أن اليوم السابع حاطة الشرطة الأمريكية في دماغها وعمالة تفبرك لهم فيديوهات وصور ... والحق يقال الملف الأمريكي نظيف أو بريء براءة الذئب من دم ابن يعقوب في ملف حقوق الإنسان من أول جوانتنامو وسجن أبو غريب حتى الآن ويبدو أن هيومان رايتس واتش أو كل المتشدقين بحقوق الإنسان .... أصبحوا في خبر كان ويبدو إن النشتاء المصريين أمثال حمضين وخالد علي مش داخل عليهم الفيديو ولذلك لا يطالبون بإقالة وزير الداخلية الأمريكي أو مع أمريكا بيطنشوا على طريقة ... إعمل نفسك مش واخد بالك فيا أمريكا خليكي في نفسك : اللى بيته من إزاز ميحدفش الناس بالطوب على حجة حقوق الإنسان عموما أخونا وايت ليس معنيا بهذا الكلام لعلمي عنه أنه يتثبت في كل حالة وليس انتقائيا مثلهم

ننسى ؟ .. يا سلام .. ننسى ؟ .. ده كلام ؟ مفيش أى تفرقة خالص ده حضرتك الكيبورد بتاعك اتهرى وانت عمال تقول لنا إن : الجيش المصرى (مش هو برضه لسه مصرى ؟) حاجة وباقى مصر حاجة تانية وإن الجيش ده دولة أجنبية جات واحتلت دولتنا وإننا لازم نقاوم ونجاهد عشان نتحرر :) ننسى ازاى بقى حكاية "فرق تسد دى" ؟ سؤال بقى كده على جنب : لو حضرتك وكل بتوع "يسقط يسقط حكم العسكر" نجحتم فى إقناعنا بإننا دولة محتلة من قِبَل دولة العسكر مين بقى اللى سوف يسود ؟