لوحة القادة

تعليقا على خطاب رئيس الجمهورية ومنه مبادرة ( صبح على مصر بجنيه ) أجدنى متفق مع هذا الكلام .. منقول ....

على ما أتذكر .. أنت نفسك يا عزيزي كنت في احد المرات من المقاطعين: فهل كنت يا ترى وقتها ستقبل أن يأتي أحداً ويحاول مصادرة حقك الطبيعي في المشاركة بحجه انك قاطعت ولم تنتخب ؟ مع ملاحظة انك ظللت وقتها تتفاعل وتشارك بكل نشاط، وبشدة وبكثافة كرافض وكمُعارض للمنظومة الحاكمة وقتها والتى كانت قد فازت حتى ديموقراطياً ... وهو ما آراه حق، وأمر طبيعي وبديهي، لا يستدعي حتى التوقف لبرهة امامه لوضع مثل هذا الشرط "العجيب" من وجهة نظري كالذي تحاول وضعه هنا اليوم لمُصادرة به ذات الحق ممن يقوم اليوم بدور الرافض والمُعارض ... وبتعبير آخر كالذي ذكره العزيز "فولان بن علان" هنا: وهنا:

شــــــــــــخـــــــــــصــــــــــــــنــــــــــــــــــــة !!! 1- لا تُدار الدول يا عزيزي على قواعد "" الثقة "" والشرف والأخوة وغيرها من "" العواطف "" والمشاعر .. 2- أتخيل كم من المرات تكررت فيها مثل تلك العبارة في بدايات جميع الجنرالات الرؤساء السابقين ... وأنظر بإنعدام الشفافية والمؤسسات الرقابية <<< الحقيقية >>>> الى ماذا أوصلتنا ؟!؟!؟ 1- تقصد الـــ 5 جنيهات وليس الجنيه ومن كل إتصال واحد ... مكالمة الجنيه دي لسة يادوب طالعة النهاردة بعد ما تكون "حمية" الغلة الاولى اتلمت!!! 2- اليس منطقك هذا مشابه نوعاً ما الى منطق شاري "ورقة اليانصيب" ... وايه يعني ورقة بــ 5 جنيه ولا صابت لا خابت ؟!؟!؟ 3- بماذا تحديداً حوكموا ويحاكمون بمن اتهموا بما يُسمى بـــ "توظيف الأموال" ... بدء بالريان وأنتهاء بالمستريح؟!؟!؟

مش هو ده نفس الكلام اللي كان بيقوله الإخوان عن باسم أخيرا فيه اتفاق على شئ معاهم رغم إني أعرف إنه جراح قلب ولم يكن فاشل . ما علينا!! أنا فعلا معجب بحماس حضرتك ويقينك في ما تفعله وربنا يصلح حال البلد ويوفق القائمين عليه لأن ده في صالح المصريين ولكني أري أ ن من يعتقد أن الأمور لا تسير في الاتجاه الصحيح لمصلحة البلد من حقه أن يوضح ما يراه

وإن كنت لا أتبنى كل ما كتبه باسم لكنني أرى أنه لابد أن نسمع من كل صاحب رأي من المصريين بدون تخوين وبدون مزايدة على من يحب الوطن أكثر كل رأي معارض إضافة وتنوير

هو اي واحد يتزنق في البلد دي اول حاجة يعملها يطلب تبرعات بالزوق الاول واذا لم يستجب احد تبقى بالعافية ولوي الدراع افتكر ان التبرع للزلزال والسيول ولضحايا مش عارف ايه كانت بالاجبار وكانت تخصم من المنبع ثم لا يعرف احد مصيرها في ما بعد ايام عبد الناصر كان الشعب كله غلبان وبيعاني وماكنش فيه فروق بين الناس وبعضها عشان كده كان الكل في الهم سوى لكن احنا دلوقتي ناس بتاكل بيتيفور وناس بتلحس التراب قوم لما يتنزق الحاكم اول حاجة يطلب من اللي بيلحسه التراب يشاركو ويدفعو ولو قليل والقليل مع القليل بيبقى كتير ليه مايطلبش من المبسوطين واللي مرتباتهم تضخمت ويبدأ بيهم عشان يشجع الغلابة انهم يساعدو كمان لكن يركز بس على الغلابة وكأن حل مشاكل البلد تكون من خلالهم لا يا سادة الحل في انك تحارب الفساد اول شيء ولو خايف يبقى انت مش ادها وسيبها اشرفك واحسن لنا الحل انك تفرض على المتضخمة مرتباتهم انهم يساعدو بالقليل من مرتباتهم اللي هو كتير وكتير اوي ولو خايف بردو سيبها احسن لنا واشرف لك انا مش هادفع ولا جني كفاية اللي بدفعه في المصالح الحكومية والدروس الخصوصية

كما أسميها ؟!؟!؟ لست انا يا عزيزي من اسميتها ... أنت على ما يبدو لم يُعجبك <<< الواقع >>> الذي بينه وبكل أسف هذا المؤشر العالمي، ومستوانا على مستوى 100 دولة حول العالم .. ولهذا تحاول تسفيهه والحط منه، مع انك اذا تحريت الدقة ومبادئ التجرد والمنطق، لوجدت ان بالفعل عُنصر الشفافية في مثل هذا الملف (وغيره) أمر أساسي لا غنى عنه، وليس من الكماليات أو من لوازم الديكور ... لا منطق ولا عقل ولا أمانة من -وجهة نظري- في دعوة المواطنين الى "التبرع" .. وهم: 1- أساساً يجهلون تماماً ما هو تحديداً وبشكل مُفصل مدخول بلدهم، والأهم ما هى أوجه صرفها بوجه عام، وجميع مؤسسات الدولة بوجه خاص !!! 2- السُمعة السيئة ... وخلافاً لمشاركة العزيز "أبو محمد" .. وإجتهاده في محاولة إظهار كيف ان آلية التبرع تاريخياً كانت عامل مُساعد هام ... وكيف ان الشخصيات العامة، والبُسطاء كانوا يُشاركون فيها بدافع حسهم الوطني فقط ... واللطيف في الأمر، وخلافاً لما تقوله هنا: فانه مع الأسف لا وجود في ظل تلك المنظومة (كسابقتها) لأجهزة رقابية "حقيقية" ... وما قصة المستشار " هشام جنينه" رئيس الجهاز المركزي للمحاسبات الا أحد أدلة عدم وجود أى إختلاف من أى نوع بين تلك المنظومة وسابقتها ... ببساطة معنى ان يكون مستوى الشفافية بهذا التدني، ونجد المنظومة الحاكمة تُطلق حملة تبرعات من المواطنين ... اذن فالأمر بالنسبة لي ارمز اليه بالعشرات من الوقائع التى طالعنا تفاصيلها على فترات في وسائل إعلامنا من عينة: المليونيرة "المتسولة" يعني وفق تلك المعادلة السهلة: مواطن بسيط + مستوى متدني للغاية من الشفافية / عدم وجود أجهزة رقابية حقيقية + حملة تبرعات = ؟؟؟ ... أتريد أن تعلم الإجابة؟ الإجابة ببساطة انك تدعو "المؤمنين" الى أن يُلدغوا من ذات الجُحر مرة أخرى (لا اعلم تحديداً للمرة الكم!!!) .. والمثير للسخرية ومن دلائل الكيل بمكيالين ... هو هذا الموقف من حكومة "حزب الحرية والعدالة " ورئيس البلاد المنقلب عليه الدكتور " محمد مرسي " ... عندما لجأوا الى ذات الآلية .... أنظر: فعلى ما يبدو أنك (وبعض الزملاء الأعزاء معنا هنا) تُساند وتدعو الى تلبية تلك الدعوة <<< القديمة / الجديدة >>> على ضــــــــــمـــــــــــــانـــــــــــــــــــتـــــــــــــــــك أنت .. وانها بكل تأكيد لن تكون كغيرها من الدعوات السابقة .... ولهذا وبكل بساطة قلت لك " حظ سعيد " !!!

لا فض فوك يا أبو محمد على المداخلة أعلاه لما ييجي الرئيس ويقول : لو أنا اتباع أبيع نفسى عشان خاطر مصر". ييجوا شوية عيال تافهة ويتريقوا ويقولوا رئيس للبيع وتحس الست ببلدها وتقترح مشروع قانون يلزم المصريين بالخارج بتحويل 200 دولار قبل دخول المطار وناس على رأيك لا منهم ولا كفاية شرهم مبدأهم إن لم تنفع فضر https://www.youtube.com/watch?v=LR1WR11tf1s http://www.youm7.com/story/2016/2/26/%D8%A8%D8%A7%D9%84%D9%81%D9%8A%D8%AF%D9%8A%D9%88-%D9%86%D8%A7%D8%A6%D8%A8%D8%A9-%D8%A8%D8%B1%D9%84%D9%85%D8%A7%D9%86%D9%8A%D8%A9-%D8%AA%D8%A8%D9%83%D9%89-%D9%84%D8%AA%D8%A3%D8%AB%D8%B1%D9%87%D8%A7-%D8%A8%D9%80%D8%A3%D8%A8%D9%8A%D8%B9-%D9%86%D9%81%D8%B3%D9%89-%D9%81%D9%89-%D8%AE%D8%B7%D8%A7%D8%A8-%D8%A7%D9%84%D8%B1/2602648

هو فيه إيه ؟ .. هى "العيال" دى بتاكل إيه ؟ هو خلاص ؟ .. مفيش دم للدرجة دى ؟ اللى مش قادر يدفع قلنا ربنا يكون فى عونه ويرزقه بجنيه اللى مش مقتنع ومش عايز .. ما حدش غاصبك يا خفيف بس نقطنا بسكاتك .. ما يبقاش لا منك ولا كفاية شرك فيه ناس زيك .. فى سنك .. بيدفعوا بطيب خاطر إحنا بقى - الجيل العرة - واخدين على كده من صغرنا واخدين اننا ما نبقاش فى نباهتك وذكاءك يا عالم العلماء فى كل المجالات أغبياء .. عبيد بيادة .. قطيع .. وكل الكلام اللى بيطلع من بقك لأنك كسلان تروح التواليت بص يا خفيف .. اتفرج على الغباء أبوك وأمك واللى فى سنهم اتفتحت عيونهم وآذانهم على "التبرع" لمعونة الشتا كانوا بيلموا تبرعات لما يحصل زلزال فى أغادير .. عارفها فين .. دوَّر على النت بصوابعك اللى عاملة زى الموز "المغربى" دى لأ وإيه - من غباءهم - ما كانوش شايفين النصب والاحتيال سنة 55 واتبرعوا للجيش إسمع يا خفيف .. وانا متأكد انك مش هتقدر تكمل للآخر من التكرار الممل أيام جيل العرة إسمع العرة ده وهو بينادى : زوِّد جيش أوطانك .. واتبرع لسلاحه علشانى وعلشانك .. بيضحى بأرواحه طبعا انت شايف ان ده كان نصب واحتيال عشان يزودوا مرتبات الجيش والشرطة والقضاة ماهو انت ذكى .. عارفينها دى لأ وإيه .. فى آخر الغنوة بيقول : عزيمتنا الجبارة .. تقويها الدبابة وتحميها الطيارة .. وتبيد أى عصابة كلام ابن عم حديت مش كده ؟ لازمتها إيه البعزقة دى على السلاح .. هو ده وقته ؟ ماهو انت خبير اقتصادى واستراتيجى .. عارفينها دى برضه https://www.youtube.com/watch?v=EnaIH3F2c5M واتفرج على غباء أبوك العرة هو واللى فى سنه .. لما الجيش ده اتهزم فى 67 ما كانش فى ذكاءك .. ما قالش وانا مالى ؟ .. ده حكم عسكر .. والعسكر اتهزموا مالى انا اتحمل مسؤولية هزيمة المهزومين تصور إن من غباءهم ، راحوا اتبرعوا للمجهود الحربى بعد الهزيمة دبل الخطوبة اتقلعت .. الشبكة اتقلعت .. السلاسل والغوايش اتقلعوا واتبرعوا بيها بص كويس فى الزحمة اللى هتشوفها يمكن يكون منهم ابوك أو عمك .. يمكن تشوف امك أو خالتك مع امثالهم من الجيل العرة https://www.youtube.com/watch?v=DOQGdPM4roI أم محمد لسه عندها سندات جهاد بتلاتة جنيه اتخصمت من مرتبها (كل موظف كان بيتخصم منه تلاتة جنيه - كحد أدنى - سندات جهاد عارف يعنى إيه تلاتة جنيه ؟ .. يعنى 900 جنيه بفلوس اليومين دول أما انا .. ما كونتش بس من عبيد البيادة وبس .. دانا كنت لابسها بيادة بحق وحقيقى يعنى بص الست المغنواتية دى .. عرة برضه .. يمكن جدتك كانت فى سنها أو حتى أصغر كانت تخطت من العمر 70 سنة تقريبا سنة 68 أغمى عليها الحق عليها .. ماهو من صرمحتها شرق وغرب ، شمال وجنوب .. تغنى وتعمل حفلات ومن هبلها وعبطها كانت بتسلم دخل حفلاتها للمجهود الحربى ممكن بقى تنقطنا بسكاتك وتوفر خفة دمك وسخريتك من الناس اللى مش فى ذكاءك وتسيبنا نشيل همنا ونتحمل مسؤولية الطريق الصعب ؟ لأنه طريق وعر اتجاه واحد ومفيش غيره .. بس احنا شايفين آخره مش زى أيام ما اتبرعنا باللى حيلتنا .. كنا عارفين بداية الطريق .. بس ما كانش باين له نهاية ومع ذلك مشيناه ووصلنا لنهايته وكان من نتيجة ده انك دلوقت معاك التاب والسمارت فون بترازينا بيهم وبتستعرض خفة دمك ونازل ألش وتريقة علينا بدل ما تتكسف على دمك وتسيبنا فى حالنا وتقعد تتفرج أو تهاجر على فكرة زمايلنا اللى ما كانش عندهم جيش .. معظمهم هاجروا .. مش عيب .. حقهم بلا منازع بالعكس .. الهجرة فى الحالات دى بتكون أحد حلول أزمة البلد التعبانة بس هاجروا وكانت قلوبهم مع اللى قاعدين شايلين الهم وبيضحوا بالروح والدم (الروح والدم اللى انت بتهتف بيهم ومش عارف معناهم)

أ- إسلام .......ماهذا الاستدراج (غيرالبرئ ) لمنطقة ملغومة في وجداني في البداية دعني اوضح لك امرا ..ليس من فضائلي الحوارية اغلاق المواضيع أميل الى ترك النهايات مفتوحة. لتتناسب مع مساحة الأمل التي اؤمن بها وبما ان الاخوان موضوع لم يغلقه القدر لهذا لن أغلق أمرا لم ينهه الله بعد. ثانيا ...الاخوان ليسوا في الحكم وليسوا في المعارضة ... فهم اما في القبور او في السجون او في المنافي مطاردون وبالتالي فليس هناك ما اتحدث عنه يمكن أن يفيد أحد الا إن كنت تطمح أن تحول هذه الأوراق لمذبح نستبيح فيه ماتبقى من دمائهم وأعراضهم فهذا طموح بعيد استاذي الفاضل لان (لإنحياز للضحيه واجب أخلاقى والحياد خذلان لكل مبادئ حقوق الإنسان بل والضمير الإنسانى!)** ان كان الحياد خذلان فكيف بانتهاز فرصة السقوط للإجهاز على الضحية ...!!! عموما ..........أسعدني مرورك وأشكر لك اهتمامك ...تحياتي وصادق دعواتي

يا فتاح يا عليم ده احنا لسه بنقول يا هادي ايه اللي جاب سيرة البلاطة بس مانا قلتلك قبل كده ماعدش فيه بلاطة عشان نخلعها كل اللي بطلبه دلوقتي من ربنا اني اعرف اجيب اكلي وشربي انا وعيالي وتصدق انها اصبحت صعبة المنال اليومين دول واللي يبقى كده يبقى فارس على حق ولا عايز احوش ولا عايز ابني ولا عندي ذرة طموح اكتر من اني الاقي اكلي وشربي ودي بالنسبة لي هاتبقة قمة الرفاهية بص يا سيدي مصروف انسان يادوب عايش ووالله على الفكاف انا وعيالي عندك مصروف شخصي 50 يوميا مابين فطار وشاي وقهوة وبنزين عربية يادوب على مشاويري اليومية يعني 1500 جنية عندك مصروف الدروس والمواصلات والمدارس مع العلم عندي ثلاث اولاد في مراحل التعليم المختلفة نقول مع الرأفة والتقطير 2000 جنيه عندك مصروف الاكل والشرب ثلاث اولاد وام واب يعني خمسة في وش العدو نقول كل عيل بياكل 3 طقات يعني بناكل مرتين لحمة في السبوع بتكفينا اربع ايام ومرة فرخة ونص ومرتين اي كلام اللي موجود مكرونة وممكن مرة سمك يعني نقول في اليوم بالخضار بالفطار بالعشا نقول تقريبا 100 بمعدل 20 جنيه للفرد يعني 3000 بالنسبة بأه للكسوة نقول لكل عيل كسوة في الصيف وكسوة في الشتا اضرب في اربعة وطبعا العبد لله عنده شوية بدل كان جايبها ايام الرخاء اديني عايش عليهم ويمكن اجيب لامؤاخدة جزمة ولا جزمتين في السنة يعني نقول كل عيل مثلا 1000 في السنة يعني اضرب في اربعة يطلع الناتج 4000 يطلع نصيب الشهر حوالي 350 جنيه ممكن بأه يجيلك لا قدر الله عيل يعيي مثلا انا عندي دلوقتي البيت كله مريض بالبرد وعشان اوفر اخدت عيل واحد وديته عند الدكتور كشف عليه وجبت علاج للباقي بالمثل كده نجمع بأه 1500+2000+3000+350+100= حوالي 7000 جنيه ده غير المجاملات غير حالات المرض غير الترفيه اللي بيبقى بحساب الحساب وعلى فترات متباعدة يعني انت بتتكلم عن 7500 جنيه شهريا مافيش فيهم كلام وبعد كده لسه بتقولي بلاطة خلي الطابق مستور البلاطة اتمسحت خلاص يا ابو محمد