لوحة القادة

بمناسبة كلام حضرتك يابشمهندس أبو محمد كنت بشوف كتاب اللغة الانجليزية لابن اختي في ثانية ابتدائي منهج امريكي لفت نظري ان اول درس في الكتاب عنده كان بيتكلم عن ان سعادتنا في اسعاد الاخرين !!! وازاي ناظر المدرسة باع بعض من ممتلكاته والطلبة عشان يجمعوا فلوس يوضبوا بيها ملعب المدرسة الكوميديا ان ابن اختي العزيز قالي طب ليه انا مش بشوف الناس هنا بتعمل كده محدش بيساعد حد عشان يسعده ؟؟؟ التبرع والبذل والاعمال التطوعية عادة في راي ترتقي الى ان تكون عبادة نتقرب بها الى الله ، للاسف الشديد اصبحنا كمتجمعات عربية عندنا طاقة انانية فظيعة ،فضيلة الايثار شبه مختفية مع ان حل جزء كبير من مشاكلنا في المجتمعات العربية هيكون ع يد الجمعيات اللي بتخدم المجتمع بجد وتعلم ابنائنا فضيلة التطوع نعم ياريت ان نستطيع ان نتحرى عن المتسول ،لكن اذا لم يمكن فلا ارى اي ضرر من ان نعطي ونمنح العطاء عادة ، لو قللناها بحجة التحري والتاكد اليد هتعتاد المنع ،خلوها معتاده ع المنح والعطاء . صحيح وارد يكون فيه كثيرين لا يستحقون لكن هناك ايضا كثيرون من يستحقون بينهم

أنا قلت قبل ما اصبح على مصر النهارده .. أصبح عليكم الأول واوريكم ذكاء الغير "مأسوف عليهم وعلى مرسيهم" نمرة واحد قوم إيه .. نمرة 2

يا فتاح يا عليم ده احنا لسه بنقول يا هادي ايه اللي جاب سيرة البلاطة بس مانا قلتلك قبل كده ماعدش فيه بلاطة عشان نخلعها كل اللي بطلبه دلوقتي من ربنا اني اعرف اجيب اكلي وشربي انا وعيالي وتصدق انها اصبحت صعبة المنال اليومين دول واللي يبقى كده يبقى فارس على حق ولا عايز احوش ولا عايز ابني ولا عندي ذرة طموح اكتر من اني الاقي اكلي وشربي ودي بالنسبة لي هاتبقة قمة الرفاهية بص يا سيدي مصروف انسان يادوب عايش ووالله على الفكاف انا وعيالي عندك مصروف شخصي 50 يوميا مابين فطار وشاي وقهوة وبنزين عربية يادوب على مشاويري اليومية يعني 1500 جنية عندك مصروف الدروس والمواصلات والمدارس مع العلم عندي ثلاث اولاد في مراحل التعليم المختلفة نقول مع الرأفة والتقطير 2000 جنيه عندك مصروف الاكل والشرب ثلاث اولاد وام واب يعني خمسة في وش العدو نقول كل عيل بياكل 3 طقات يعني بناكل مرتين لحمة في السبوع بتكفينا اربع ايام ومرة فرخة ونص ومرتين اي كلام اللي موجود مكرونة وممكن مرة سمك يعني نقول في اليوم بالخضار بالفطار بالعشا نقول تقريبا 100 بمعدل 20 جنيه للفرد يعني 3000 بالنسبة بأه للكسوة نقول لكل عيل كسوة في الصيف وكسوة في الشتا اضرب في اربعة وطبعا العبد لله عنده شوية بدل كان جايبها ايام الرخاء اديني عايش عليهم ويمكن اجيب لامؤاخدة جزمة ولا جزمتين في السنة يعني نقول كل عيل مثلا 1000 في السنة يعني اضرب في اربعة يطلع الناتج 4000 يطلع نصيب الشهر حوالي 350 جنيه ممكن بأه يجيلك لا قدر الله عيل يعيي مثلا انا عندي دلوقتي البيت كله مريض بالبرد وعشان اوفر اخدت عيل واحد وديته عند الدكتور كشف عليه وجبت علاج للباقي بالمثل كده نجمع بأه 1500+2000+3000+350+100= حوالي 7000 جنيه ده غير المجاملات غير حالات المرض غير الترفيه اللي بيبقى بحساب الحساب وعلى فترات متباعدة يعني انت بتتكلم عن 7500 جنيه شهريا مافيش فيهم كلام وبعد كده لسه بتقولي بلاطة خلي الطابق مستور البلاطة اتمسحت خلاص يا ابو محمد

هو مفيش حاجة سالكة معاك أبدا يا هيرو ؟ إتفضل يا سيدى .. بلاش تلاكيك طبعا اللى خلى الأستاذ إسلام ما يخلعش البلاطة عشان 12.5% مش مكن يخليه حتى يزحزحها بلـُّوشى :)