لوحة القادة

الحقيقة هى مش مجرد زلة لسان .. في الواقع هي وقاحة لسان , كون إنه اعتذر و استغفر ده شيئ جيد والله هو اللى بيحاسب , لكن ساعات الفعل بيبقى أكبر من مجرد كلمة آسف ومش هعمل كدة تانى , خصوصا يعنى إنه مش عيل صغير , ده وزير عدل المفروض يوزن كلامه , والزند بالذات سقطات لسانه كثيرة ومشهورة , وبمنتهى الصراحة رأيي ما ينفعش خالص وزير عدل وتعيينه في المنصب ده غلط من البداية ..

استاذي الفاضل حضرتك مقتنع بجد ان الاخوان لهم تأثير بجد ف الموضوع ده ؟؟ يابيه الزند كان هيتزحلق ف التعديل الوزاري لانه فاشل والكلام ده بيتقال ان ف تغيير وزارى قريب جدا بصراحه بتعجب لما ف الاخر الاقي ان الاخوان لهم تاثير !!! يعني كلام غريب كل القنوات الاعلامية ده وف الاخر الاخوان لهم قدرة ع تغيير وتاثير ع الامور !!! مش شايف اننا كده نبقى ادينا الاخوان اكثر من حقهم !!! عموما ادينا هندخل ف بالونة ثانية وخناقة بين نادي القضاة والحكومة وحواورات " بص العصفورة " استاذ طارق القاضي المفروض يحترم نفسه وما يظهرش ف قنوات اعلامية ونقاشات غريبة خلى احمد موسى ينفعه هههههههههه، والزند وقف مع احمد موسى ضد اسامة الغزالي حرب واهو خد نصيبه

العيب هنا بيبقى في الحكومة او الميزة هنا تبقى للحكومة حكومة بتدور على رعاياها وبتابع مصيرها وتحقيقات لمعرفة مصيره وحكومة مش فاضية لمواطنيها ولا تعرف هما فين عندك البعثة المصرية في ايطاليا بتعمل ايه وعملت ايه في قضية هذا المسكين ولا اي حاجة وتلاقيها سمعت عن الموضوع زينا بالظبط انت كده بتعيب في الحكومة وانت قصدك تعيب في حكومة ايطاليا

ياسيدي ماهو قال كثير ده قليل مما قال ، الراجل حديثه كله تحريضي وكلام كره لما يبقى قاضي ومش عارف يلم نفسه في الكلام فعادي يعني

انا مش عارف الناس اللي بتبرر تصرف الزند ده بتبرره على اساس ايه زلة لسان ؟ ماينفعش له زلة من هذا النوع لانه رجل كبير ومخضرم وغلطته بالف غلطة الا بأه لو كان كبر وخرف وساعتها يبقى ليس على المجنون حرج مافيش لا مبدأ ولا غيره اهو غار في ستين داهية وعقبال الباقي لما يبقالهم زلات زيه و يفرجونا جمال خطوتهم

هو لو كان دكر صح كان قال انا هاسجن اي حد بيغلط حتى لو كان السيسي لكنه واضح انه مش دكر ومضاد دكر كمان مايقدرش الا على النبي لكن سيده وتاج راسه مايقدرش يعرض به و اكيد بيعرضله اخص عليك يا عرة الرجالة بتستغفر ربنا لا ياشيخ

بس أنت نسيت كذبة مهمة من ضمن الافتراءات وهي بدل الشموخ دا كلام يا راجل

الراجل قام بواجبه ووقته خلص ،فعادي انه يتزحلق ،بس من خيبته لسانه فالت فهو اللي ضيعه عموما هو المفروض كان يقلل من كلامه في الاعلام لكن بالشفا ،الي بعده

ما قاله الزند كان يمكن أن يمر مرور الكرام خصوصا وان الزند سارع واستغفر ... واضح انه مثاله كان يقصد به التأكيد على قمة نزاهته وعدله فأعطى مثالا بالرسول _عليه السلام _ كدلالة على انه لا يفرق بين البشر في تطبيق العدل . . أحيانا في حياتنا نلجأ لمثل هذا الاسلوب _ المرفوض بالتأكيد _ ولكنه ليس جريمة يعاقب عليها القانون . لكن ولان الزندشخصية غير مهضومة لغالبية الشعب و قد تم تعينه وزيرا رغم أنف الجميع فلم ولن يرحمه الاعلام ولا العامة . اذا طبقنا العدل الذي ينادي به الزند فيجب ان يتساوى أمام القانون باسلام البحيري و فاطمة ناعوت المتهمان بازدراء الاديان _رغم اعتذارهما _ كما يجب ان يُعزل الزند عن منصبه لانه ليس افضل من وزير العدل الذي سبقه فهو الاخر تم اقالته لزلة لسان لو تتذكرون . الملوخية الأن تحت المخرطة .. فمن ينقذها ؟

موضوع اللوم والعتاب هو تاديب الهي لنبيه لا دخل لنا به. لان الانبياء بالنسبة لنا معصومون من اخطائنا التي تستوجب الحبس والعقاب. انا من تم سجنه من الانبياء كيوسف عليه السلام فقد كان ظلما وعدوانا. كان يمكن له التشبيه بسخص اخر كالسيسي مثلا وكان هيبقى تشبيه بليغ والناس هتخاف. وهنروح بعيد ليه مااهو مرسي مسجون ولابس البدلة الحمرا . ويا سيدي ان فلت ابو ظهر جامد اللي بتلمح لنا به في الدنيا مش هيفلت في الاخرة. لان ساب النبي يحد وان تاب. انا موضوع زلة اللسان فلانه متسرع ومستقوي ومش خايف فاورده المهالك. والموضوع مش محتاج مزايدة لانه زايد اصلا.