لوحة القادة

و الله الاقتراح مش شرير وانما بريء جدا أكتر ما يزعجني في المنتديات هي التوقيعات اللي احيانا تختلط بالردود يعني لو كانت على جنب او تحت الاسم ماشي الحال :)

بس انت مطبلاتى للسيسى متثبت .. إنما هم مطبلاتية موسميين

يا أستاذة أنا كنت فل وتبت بس لما جه السيسي بقيت مطبلاتي في الخير

النيوز بوت مالى الصفحة الرئيسية ومن الصعب المتابعة السريعة لآخر المشاركات من الأفضل عدم عرضه فى أحدث المشاركات (آخر المواضيع)

إزاي حضرتك مالكش راي و أنا ماليش رأي ؟!! ما احنا قلنا رأينا آهو لكن احنا مالناش سُلطة واجبنا اننا ننبه السلطة اللي في ايدها الأمر و نقول رأينا صحيح حضرتك عاوز الزند وزيرا للعدل بس أقدر اؤكدلك ان 90% من المصريين مش عاوزينه النسبة مش داخل فيها اللي مالهمش رأي يعني كل 9 مصريين رافضينه واحد فقط اللي موافق عليه على أي حال اللي حصل حصل بس اتمنى ان السيسي لا يقع في نفس أخطاء مبارك وأهلا و سهلا برأي حضرتك في أي وقت با سلام عليكي يا تيتة طول عمري أقول عنك حكيمة :) فاكرين يا أولاد يا حلوين

يا استاذ طارق حضرتك فلول مع سبق الاصرار و الترصد :)

بس مش ملاحظين ان ده ثاني وزير عدل يكون السبب الواضح لاقالته هو زلة لسان ؟؟؟ ياجماعة القضاة دول المفروض ناس بيجيدوا فن الكلام وحريصين على كل كلمة تتقال !! هو ف ايه ؟؟

الصدمة التضخمية حدثت بالفعل والحالة شبه مستقرة فمعظم السلع المستوردة الموجودة بالسوق تم استيرادها بأسعار السوق السوداء التى كانت سائدة منذ شهور والتى كانت تتأرجح فى المتوسط حول السعر الحالى بالنك إن لم يكن أقل

خلوا بالكم أنا معارض للسيسي في هذا القرار يعني مش مطبلاتي وحذار من المطبلين ضد السيسي اللي بقوا مطبلين لقراره

عندما تم تعيين الزند وزيرا كان ذلك على غير رغبة الغالبية العظمى بمن فيهم مؤيدو النظام فالكثير كانو يرونه مثير للقلق وتصر يحاته غير مسؤولة فكيف يكون وزيرا للعدل انا نفسي كنت باقول مالقوش غير ده يعينوه وزير للعدل ونشرت كلمة اتذكر فحواها ان هناك من يتمعن في اذلال هذا الشعب ومعاقبته بامثال هؤلاء الوزراء الا اننا جميعا لم نكن نعلم الغيب ولا ندري تدابير المولى عز وجل فلو كان ماكثا مكانه لظل بعض الاحترام لشخصه ولبعض مواقفه السابقة مثقالا في تاريخه لكن يشاء المولى عز وجل ان يؤتى به وزيرا للعدل ثم تخرج تلك الكلمات التي اعتقد والله اعلم انه تعود عليها وتعود على ان لا احد يراجعه في ما يقول حتى يسقط هذا السقوط المزري وتظهر مساوئه وفحشه فعسى ان تكرهوا شيئا وهو خير لكم اراد الله له ان يخرج بفضيحة عمره وان ينتكس ما تبقى له من ايام او شهور او سنين وان يتحول الى متهم بعد ان كان هو من يحول الناس الى متهمين النار تأكل نفسها

تصدق و تآمن بالله يا أبو محمد اني لم أعرف بموضوع اقالة الزند الا من خلال هذا الموضوع يعني بدون أي تأثيرات خارجية فعلا الزند لم يُعرف النبي لكن سبحان الله مش عارفة ليه على طول اعتقدت انه يقصد الرسول عليه السلام عموما مش هتفرق كتير الانبياء كلهم لهم مكانة مقدسة لا يجوز التجاوز فيها ورغم ذلك مش دا مربط الفرس لان الزند فعلا لم بكن يقصد الاساءة لأي نبي لكننا كنا بنتلككله و يبدو ان الرئاسة أيضا كانت بتتلكك للاطاحة به اجابة على سؤالك فهل أنتم مع المبدأ أن من أخطأ يعاقب حتى لو كان نبيا (مش بس صحفى) ؟ أم لا ؟ انا من الناس اللي دايما عندها استثناءات ولا أطبق القواعد و القوانين على الكل و ليعترض من يعترض أفضل أن أكون صادقة مع نفسي على فكرة من أطاح بالزند تصريحاته و كِبره و غروره و الدليل انه رفض أن يستقيل

أ. عادل حضرتك سألت هل سنتمكن من الحفاظ على أسعار السلع الأساسية للجميع أم فقط لحاملي بطاقات التموين ؟ أرجح ثبات السلع في المجمعات الإستهلاكية و منافذ التوزيع التابعة للقوات المسلحة و اؤكد لحضرتك طبعا لا لن تتمكن الدوله من الحفاظ على اسعار السلع الاساسيه التى سينكوى بنارها عامه الشعب المطحونلأنه ببساطه انت دوله مستورده لكل شئ تقريبا حتى الرز الذى ابتدأ يغزو الشوق المصرى على حساب الرز المصرى الذى يواجه صعوبات فى زراعته ستظهر اكثر مع انخفاض منسوب المياه بسبب فضيحه سد النهضه احد انجازات الفاشل السيسي اما القمح و الزيوت فحضرتك تعلم انها مستورده و سعرها فى السوق يعتمد على سعرها العالمى الذى تدفعه الدوله بالدولار ابو 9 جنيه دلوقتى . أ. عادل الانقلاب ضيّع مصر

أنا شايف من وجهة نظري أن الخبر الطازة دة كان أحسن ياخد مكانه في الموضوع دة: شعب مصر العزيز .. للأمام انظر .. ولا تنشغل بغير الطريق هو تقريباً كدة والله أعلم يا عزيزي، شكلهم كدة مشغولين (مش بزيطوا!) في وسط العصافير دي كلها اللي مطلوب البص عليها، وآخرهم "الواوا" بتاعة ميريهان حسين، والنائب السابق توفيق عكاشة .. وخناقات وفضائح بعض السادة نواب البرلمان ... الخ ... شكلهم كدة والله أعلم مركزين أكتر مع ما هو أهم من وجهة نظرهم ... وليكن مع تفاصيل <<< القرض >>> الأخير اللي اتوافق عليه في جلسة النهاردة من السادة النواب قوام قوام بين بعض البنوك الفرنسية بفرنسا، وبين وزارة الدفاع المصرية، وبضمان وزارة المالية المصرية، واللي "كالعادة" وقعه سيادة الجنرال الرئيس (كحق دستوري) لزوم صفقة "سرية" ومهمة .. ومدى علاقتها يا ترى بتفاصيل الخبر اللي نُشر بوسائل الإعلام الفرنسية منذ عام ... واللي أهم سؤال فيه كان: Comment l’Egypte finance-t-elle ces achats ? كيف ستمول مصر مشترياتها؟