لوحة القادة

http://www.alsharq.net.sa/2016/04/17/1508493

اللي بستغربله ان الناس دي اتعودت تطلب هداياها بنفسها بدون خجل جشع و طفاسة و فراغة عين فكيف نستأمنهم على وطن ؟ بينما فيه ناس فقرا كتير عندهم عزة نفس و كرامة وعينهم مليانة الموضوع دا فكرني بهدايا عيد الأم كتير من المدرسات في مصر بيطلبوا هداياهم من طلابهم بنفسهم ومنهم اللي بيتشرط كمان ان الهدايا لازم تكون دهب آه و الله يا حرام بشوف الامهات وهي محتاسة في شراء الهدايا و بتكون هدايا قيمة جدا بتحمل الاسرة أعباء مالية فوق اعباءها واما بسألهم ليه بتعملوا في نفسكم كدا ؟ بيقولولي لولا كدا يا اما هيضطهدوا الاولاد او هيهملوهم ايه الاخلاق الزبالة دي؟ اذا كانوا دول مدرسينا هيعلموا الاولاد ايه ؟ آدي النتيجة ظهرت في رجال الدولة و الاعلاميين ومن على شاكلتهم تحية واجبة لكل مصري شريف يرفض أن ُيشترى بساعة رولكس

انا شايف ان جاء وقت رجال الاعمال وجاء وقت تخفيض مرتبات رجال الجيش والشرطة وموظفو البنوك والبترول وشركات الاسمدة و الاسمنت وكل الموظفين والعاملون الذين يتحصلون على مرتبات كبيرة بالنسبة للمساكين من موظفي الحكومة وباقي الشعب الذين يعيشون على الاقتصاد الموازي لان هؤلاء الناس كانو دائما في صدر المدفع وكان كل قرارات التقشف تصيبهم حتى اصبحت اجسادهم كالمنخل صدقوني يمكن انا اكثر واحد فيكم محتك بهؤلاء الناس فلو كانت هناك قرارات مؤلمة كما يقولون فالناس طفحت الكيل واصبحو على ظهر صفيح ساخن اضف الى ذلك الكثير من المناوشات التي تحدثها الشرطة في بعض فئات الشعب وكذلك ما يفعله الاخوان من حرب ضروس خارج وداخل البلاد وبالتالي من سيتحمل هذه القرارات المؤلمة هم هؤلاء الذي مازال لديهم ما يجعلهم يتحملون هذا الالم لقد اصبح السيسي في موقف لا يحسد عليه فقد اغلقت في وجهه تقريبا كل الابواب ولم يعد لديه الا تلك القرارات التي وصفت بانها مؤلمة وحتى لا يندفع هؤلاء المهمشين الى الفوضى بعد ان يفقدو كل شيء ولا يعد لديهم ما يبكون عليه صدقوني نحن نمر بايام اصعب من ايام الثورة بمراحل والدولة فقدت كل احتياطياتها تقريبا والامل في ما يدور حولنا شبه معدوم ان ينصلح الحال الا بحدوث معجزة

مفيش أى مشكلة من العملة المعدنية .. أقل فايدة لها هو موضوع الميكروبات والجراثيم اللى بتلمها العملة الورقية اللى بتتساب لغاية لما ما يبنلهاش معالم .. كنت قريت عن إن كان فيه شركة سياحة يابانية جت لفتح أنشطة رحلات إلى مصر .. وكان من أسباب عدولها عن افتتاح تلك الأنشطة ، العملة الورقية لما تمثله من "خطر صحى" على السياح اليابانيين !!!!!!!!! المشكلة حتحصل لو استمرت قيمة العملة فى التدهور إلى أن تصل إلى أقل من قيمة وزن العملة .. فى الحالة دى ممكن نلاقى النص جنيه بيتباع للمسابك بخمسة وسبعين قرش صاغ مثلا .. ربنا يسترها

ايه دااا ؟؟؟؟ :blink: ميكي العدد الاسبوعي بقت بجنيه طب ومن غير ماحد يتخانق انا كنت باجيبها من يطلع 25 سنة كده كانت بحوالى ريال ( 20 قرش ) :closedeyes: طب زياده خمس اضعاف فى 25 سنة مش وحش برضه ماهو ايامها كان برضه راتب والدي الله يرحمه اقل من خمس معاشه لحد قبل وفاته طب ياجماعة ليه زعلانين انا حاسة انى بقيت زي جدتي لما كانت تحكيلي انها اتجوزت وجابت فرشهاكله ب 58 جنيه سنة كام وتلاتين wst:: فرفشوا بقا ياجماعة مش ناقصين نعمل عزا للخمسة جنيه والجنيه والكل كليلة

ليه نبصلها علي انها تفاهة حكومة .. ليه نبصلها علي انها هشتكة و بشتكة من الريس ... ليه ما نحاولش نفكر في الوجه التاني من العملة ما دمنا بنتكلم عن عملة ... ملك و لا كتابة ؟؟ ملك : حتبقي تقيلة .. و ما بقاش فيها بركة ... و حنمشي نشخلل كتابة : موضوع البركة ده مش حيتغير .. يعني القيمة الشرائية مش حتتغير ما بين ورقية او معدنية .. الأتنين راكبهم نفس العفريت ... عمر العملة المعدنية الأفتراضي 15 سنة قدام الستة شهور لمثيلتها الورقية عمرك ما حتلاقي واحد يقول لك غيرلي العملة دي يا عم علشان مقطعة .. قديمة .. متهربدة .. ملزوقة مش حتكون معمل تفريخ ميكروبات زي اللي المتواجدة في العملة الورقية القديمة فيها توفير مش قليل للحكومة لأنها حتي بعد ما عمرها الأفتراضي يخلص .. تخش الفرن تنصهر و يتصنع بيها عملات جديدة .. مش حتلاقي واحد كاتب قصة حياته علي العملة المعدنية ... مش حتلاقي واحد بينقط رقاصة بفلوس فوق دماغها او عاملها عقد جنيهات .. الخلاصة .. هو التغيير اللي بيزعج البني آدم مننا .. و بالأخص لو كانت حاجة متعود عليها من زمان ... و دي مش حاجة مرتبطة بالمصريين بس ... في الدنيا كلها و بالأخص للكبار ... الشباب عادة التغيير بيتقبله اكتر ... نفس الموضوع حصل هنا و صور اليورو اللي اضافها العزيز اسد دليل علي كده .. لما ابتدا الموضوع ده هنا اتقابل برفض أكتر من ايجاب و مع الوقت بقي شيء عادي ... نفس اللي حيحصل معانا .. حنرفضه علشان مختلف ... و شوية شوية حيبقي شيء عادي .. لحد الجيل اللي جاي حيبقي هو الطبيعي بالنسبة ليه و العملات الورقية حيبقي مكانها المتاحف ... و بعدين المعدنية كمان حتتلغي و حيطلع نظام نقدي جديد .. و هلم جرجر من غير هشتكة و لا بشتكة