لوحة القادة

قصيدة رائعة قرأتها عشرات المرات ، آخرها أمس في جريدة الأهرام ، بها أبيات و تعبيرات تعصر القلب. ما سبق كان إستهلالا لابد منه وجدت القصيدة بصوت الخال و سأبحث عنها مكتوبة https://www.youtube.com/watch?v=NrJPkOksR00 يامنه رقم القصيدة : 82201 نوع القصيدة : عامي ملف صوتي: لا يوجد والله وشبت يا عبد الرُّحمان .. عجّزت يا واد ؟ مُسْرَعْ؟ ميتى وكيف؟ عاد اللي يعجّز في بلاده غير اللي يعجز ضيف !! هلكوك النسوان؟ شفتك مرة في التلفزيون ومرة .. وروني صورتك في الجورنان قلت : كبر عبد الرحمان!! أمال انا على كده مت بقى لي ميت حول!! والله خايفة يا وليدي القعدة لتطول مات الشيخ محمود وماتت فاطنة ابْ قنديل واتباع كرم ابْ غبّان وانا لسة حية.. وباين حاحيا كمان وكمان عشت كتير عشت لحد ماشفتك عجّزت يا عبد الرحمان وقالولي قال خَلَّفت وانت عجوز خلَّفت يا اخوي؟ وبنات..!!؟ أمال كنت بتعمل إيه طيلة العمر اللي فات؟ دلوقت مافقت؟ وجايبهم دِلْوكْ تعمل بيهم إيه؟ على كلٍّ.. أهي ريحة من ريحتك ع الأرض يونسُّوا بعض ماشي يا عبد الرحمان أهو عشنا وطلنا منك بصة وشمة دلوك بس ما فكرت ف يامنة وقلت: يا عمة؟ حبيبي انت يا عبد الرحمان والله حبيبي .. وتتحب على قد ماسارقاك الغربة لكن ليك قلب مش زي ولاد الكلب اللي نسيونا زمان حلوة مرتك وعويْلاتك والاّ شبهنا..؟ سميتهم إيه؟ قالولي : آية ونور ماعارفشي تجيب لك حتة واد؟ والاّ أقولك : يعني اللي جبناهم.. نفعونا في الدنيا بإيه؟ غيرشي الانسان مغرور !! ولسه يامنة حاتعيش وحاتلبس لمّا جايب لي قطيفة وكستور؟ كنت اديتهمني فلوس اشتري للركبه دهان آ..با..ي ما مجلّع قوي يا عبد الرحمان.. طب ده انا ليّا ستّ سنين مزروعة في ظهر الباب لم طلّوا علينا أحبة ولا أغراب.. خليهم.. ينفعوا أعملهم أكفان..!! كرمش وشي فاكر يامنة وفاكر الوش؟ إوعى تصدقها الدنيا.. غش ف غش..!! إذا جاك الموت يا وليدي موت على طول.. اللي اتخطفوا فضلوا أحباب صاحيين في القلب كإن ماحدش غاب.. واللي ماتوا حتة حتة ونشفوا وهم حيين.. حتى سلامو عليكم مش بتعدي من بره الأعتاب أول مايجيك الموت .. افتح.. أو ماينادي عليك .. إجلح.. إنت الكسبان.. إوعى تحسبها حساب..!! بلا واد .. بلا بت.. ده زمن يوم مايصدق .. كداب..!! سيبها لهم بالحال والمال وانفد إوعى تبص وراك.. الورث تراب وحيطان الأيام طين وعيالك بيك مش بيك عايشين..!! يو.....ه يا رمان.. مشوار طولان واللي يطوِّله يوم عن يومه يا حبيبي .. حمار الدوا عاوزاه لوجيعة الركبة مش لطوالة العمر. إوعى تصدق ألوانها صفر وحمر. مش كنت جميلة يا واد؟ مش كنت وكنت وجَدَعَة تخاف مني الرجال ..؟ لكن فين شفتوني ..؟ كنتوا عيال.!! بناتي رضية ونجية ماتوا وراحوا وأنا اللي قعدت.. طيِّب يا زمان..!! إ إوعى تعيش يوم واحد بعد عيالك إوعى يا عبد الرحمان.. في الدنيا أوجاع وهموم أشكال والوان.. الناس مابتعرفهاش.. أوعرهم لو حتعيش بعد عيالك ماتموت.. ساعتها بس .. حاتعرف إيه هوّه الموت..!! أول مايجي لك .. نط لسه بتحكي لهم بحرى حكاية فاطنة وحراجي القط..؟ آ.. باي ماكنت شقي وعفريت من دون كل الولدات.. كنت مخالف.. برّاوي.. وكنت مخبي في عينيك السحراوي تمللي حاجات.. زي الحداية .. تخوي ع الحاجة .. وتطير .. من صغرك بضوافر واعرة .. ومناقير.. بس ماكنتش كداب.. وآديني استنيت في الدنيا لما شعرك شاب..!! قِدِم البيت.. اتهدت قبله بيوت وبيوت.. وأصيل هوه.. مستنيني لما أموت..!! حاتيجي العيد الجاي؟ واذا جيت حاتجيني لجاي؟ وحتشرب مع يامنة الشاي ..؟ حاجي ياعمة وجيت.. لالقيت يامنة ولا البيت

اخشى ما اخشاه ويغلب على تفكيري بصرف النظر عن ما يحدث هذه الايام في المحروسة هو موضوع سد النهضة وما سيترتب عليه من احتمالات صعبة على حياتنا وعلى ابنائنا واحفادنا ان نسلم لهم مصيبة مثل تلك دون ان نضع لها حلا فوريا وبترا قويا لتبعاتها هل سننتظر اكثر مما انتظرنا ونستجيب لمماطلات اثيوبيا الى ان تنجح في بناءه وتضعنا امام الامر الواقع ونسلم لها ارواحنا طواعية ماذا نحن فاعلون اذا تحكمت اثيوبيا في ارزاقنا ومياهنا واملت علينا شروطها فنحن من وضعنا رقبتنا تحت سكينها طواعية ماذا عن بنود الاتفاقية التي وقعها السيسي معهم هل هناك من يعرف بنودها ما هي وسائل الضغط والفعل ورد الفعل وخطط المواجهة لما هو متوقع حدوثه من اثيوبيا الان اثيوبيا تبني السد ولن تحيد عن بناءه ثم كان من الحتمي وجود رد فعل من النظام الحاكم ما هو رد فعل النظام الحاكم في مصر امام قيام اثيوبيا بوضع العقدة في المنشار والمضي قدما لبناء السد مع ضربها لحقوقنا عرض الحائط لا اريد رسائل تطمينية من نوعية مايقدروش دول هايبنو السد وهايولدو منه كهرباء فقط او انهم هايملو السد وبعد كده هايفتحوها لنا على البحري ما هي الضمانات لكل ما سبق اذا كانت اثيوبيا لا بيهمها معاهدات ولا مصالح الغير ولا غيره لو اثيوبيا لعبت في حصتنا سنعطش وستبور اراضينا وهانشحت والله على ما اقول شهيد وماينفعش حكاية انا عمري ما ضيعتكو وثقوا فيا والكلام الفارغ ده امام مصيبة مثل تلك بعد نكسة 67 كان الجميع يعلم ان حل ما حدث هو استرداد الارض بالحرب ولا بديل عن ذلك الا بالحرب فكان الجميع يعلم علم اليقين ان مصر ستحارب ورغم ذلك خرجت المظاهرات تحث النظام على الاسراع بالحرب اي ان الجميع كان يعلم ان مصر ستحارب ولكن كان الخلاف في توقيت تلك الحرب لكن الان ونحن امام هذه المصيبة لا نعلم اي شيء عن رد الفعل وليس امامنا الا ان نثق في النظام الحاكم وهذا ليس كافيا الحقيقة بكل المقاييس

http://www.videoyoum7.com/2016/04/21/%D8%A8%D8%A7%D9%84%D9%81%D9%8A%D8%AF%D9%8A%D9%88-%D8%A8%D8%A7%D8%B3%D9%85-%D9%8A%D9%88%D8%B3%D9%81-%D9%8A%D8%AA%D8%B9%D8%B1% Nader Mohammed أحمد يونس شاب مصرى مغترب فى لندن( لا أعرفة ولا يعرفنى) , راح يتفرج على عرض لباسم يوسف فى أحد مسارح لندن,دخل المسرح وقطع تذكرة زية زى غيرة على انة هيتفرج على عرض كوميدى ساخر,لكن مع أول دقيقة من العرض بدأ يحس انة مش بيتفرج على عرض كوميدى, وانما عرض لتشوية صورة مصر بأى شكل ..أحمد قام فى وسط العرض وقال" انا مدفعتش فلوس علشان أتفرج على شخص بيسىء لبلدى,انت مش جاى تقدم عرض ساخر انت جاى تدينا محاضرة سياسية بتشوة فيها سمعة مصر,ومش مقدرالمرحلة الصعبة اللى بتمر بيها البلد,انتم عايزين تهزوا استقرارالبلد بأى شكل لية؟ " ومقدرش يتحمل مهانة أكتر من كدة وساب العرض وخرج وخرج وراة عدد كبير جدا من المصريين الحاضرين اللى اتهموا باسم يوسف بالاضرار بالبلد وتشوية صورتها وحطوا باسم يوسف فى موقف زى الزفت وبوظوا العرض علية وعلى دماغة بعد ماعملوا معاة الجلاشة الجميلة و.... بالأدب . ●ملحوظة: باسم يوسف اتهم أحمد وكل اللى عارضوة و وقفوا يمنعوا المهزلة دى انهم مخبرين وأمنجية وعساكر امن مركزى بعتاهم الدولة والنظام القمعى فى مصر علشان يضربوا كرسى فى الكلوب ويبوظوا الليلة على زين العرسان الدكتور باسم وصحبتة الحلوة.. . وطبعا داير هو وكل الاضيشة على كل المواقع والصفحات يروجوا للفكرة العبيطة دى !!!! ●باختصار: مطلوب منى كانسان عاقل انى اصدق ان الدولة سابت الارهاب اللى بينخر في عضمنا , والاقتصاد اللى بيقع مننا , والسياحة اللى بتنضرب ،وقعدوا يخططوا ويدبروا و يعملوا (مؤامرة) ضد باسم يوسف وعروضة المسرحية وكدهون ...لكن لوحضرتك تجرأت فى مرة وقلت ان كل اللى بيحصل ضد مصر دة ( مؤامرة) تبقى مطبلاتى ومبرراتى ودولجى وأمك بتقف ترقص قدام لجان الانتخابات .

بُشرى للرجال ممكن السنة دي تلبسوا الملايات او مفرش سفرة بيتكم و توفروا