لوحة القادة

- إستريح علي الشيزلونج دا و أحكي لي... - أنا يا دكتور ناشط سياسي.. و كنت عامل النهاردة ثورة عشان أرض مصر ما تتباعش... - أرض مصر اللي هي "بلد معفنة و ظالم أهلها" و "يا رب هجرة" و "إمتي تتضرب بالنووي" و "يا رب أمريكا تحتلها" و "ادوا مرسي فرصة" و هو بيبيع حلايب و شلاتين و سينا و مستعد تتنازل عن جنسيتها بعلبة سجاير؟ - أيوه... - تمام كمل.. - اتفاجئت إن الشعب الحقير العبيد الـ... - اللي هم في نفس الوقت غلابة و مساكين و نازل تعمل ثورة عشانهم؟ - أيوه اكتشفت انه في منهم شوية رفعوا علم السعودية.. مش علم مصر.. - زي ما رفعت أنت علم إيطاليا عشان ريجيني و علم فرنسا عشان تشارلز إيبدو.. و علم الإنتداب الفرنسي بتاع الإرهابيين عشان سوريا و علم الناتو في ليبيا و صحابك رفقاء الميدان رفعوا معاك علم القاعدة و حرقتوا علم مصر؟ - أيوه بس هم ماحرقوش علم مصر.. اللي فاجئني إن العبودية وصلت أنهم كلهم أمنجية و دولجية و مخبرين.. جيل عرة.. جيل النكسة الفاشل.. يا رب يموتوا عشان نعيش.. - و انتوا عملاء و ممولين و منظمات مجتمع مدني و جماعات محظورة و جواسيس دا عادي؟ - ايوه يا دكتور.. فقررنا نحشد و نعمل ثورة ضد الجيش و العبيد.. الثورة مستمرة.. روح الثورة ما تراجعتش لحظة... - و محدش نزل... - صح.. ماهو مش الهدف إن حد ينزل.. الهدف إن روح الثورة ترجع.. - الثورة اللي مستمرة و روحها ماتراجعتش لحظة.. عايزها ترجع..؟ - أيوه يا دكتور أنت فاهمني.. و بعدين الأمن قبض علينا و لمنا من الشوارع... - الشوارع اللي انتوا مانزلتوهاش أساساً؟ - أيوه.. ماهو منزلناش لأن الناس اتقبض عليها من قهاوي وسط البلد.. أكتر من 200 واحد... - و كنتوا حاتعملوا ثورة بـ200 نفر و لما اتقبض عليهم فشلت؟ - لأ احنا ملايين.. - ملايين بس الـ200، الـ500.. الخمستلاف اللي اتقبض عليهم من علي القهاوي دمروا الأعداد المهولة دي...؟ - أيوه يا دكتور.. بس خوفنا النظام و اضطريناه يأمن الشوارع و المنشآت من الرعب و أثبتنا إنه نظام مرتعش.. - النظام اللي حط عليكم و لم منكم ما تيسر و رماكم في السجن قبلها بيوم و ماعرفتوش تعملوا حاجة؟ - ايوه .. الشعب يريد اسقاط النظام.. - الشعب العبيد اللي ضربكم عشان نازلين ضد النظام.. و بيحمي النظام.. عايز يسقط نفس النظام؟ - أيوه حضرتك فاهمني.. عملنا كل دا عشان الجزر مصرية و النظام بيقول سعودية... - و هي سعودية و للا مصرية؟ - مش مهم سعودية و للا لأ.. المهم الجزر دي ارتوت بدم جنودنا.. حتى لو مش بتاعتنا مانفرطش فيها.. - إرتوت بدم جنودنا إللي هم جيل النكسة العرة الفاشل اللي يا رب يموتوا...؟ - أيوه.. حكم العسكر ظلم في ظلم و فشل في فشل.. و كان نفسنا صدقي صبحي يعمل انقلاب.. - صدقي صبحي اللي هو عسكر برضه.. يعمل انقلاب و يحكم عشان مش عايزين حكم عسكر..؟ - بالضبط.. بس الجيش قفل ميدان التحرير.. لو راجل كان فتحه و شاف عملنا ايه.. - يعني انت عايز اللي نازل تعمل ثورة ضده يساعدك و من غيره تفشل..؟ - أيوه.. دول مطلعين الطيارات عشان نخاف لا يضربونا بالطيران.... - دي طيارات عرض.. أنت مش عارف الفرق بين طيارة العرض و الطيارة المقاتلة؟ - لا.. - و كنت بتنظّر علي صفقة الرافال...؟ -أيوه... - إحكيلي عن طفولتك شوية... - و أنا صغير يا دكتور كنت ساكن جنب حتة إسمها "المواسير".. و... - خلاص... ماتكملش

باااااااااااااااااااااااااااااااااااااااااااااااااااااااااااااااااااااااابا

إسمحوا لي بالخروج على أحد قواعد المشاركة في محاورات المصريين الخاصة بمنع مشاركات الإطراء و الشكر ما سبق كان إستهلالا لابد منه سيدي الفاضل هنيئا ل مصر بك و هنيئا لك ب مصر سؤال و ليتك تضيف إجابة له حقيقة صادراتنا لإيطاليا تكاد تكون رمزية بعض الفراولة و التي حتى رجعوا في كلامهم و يقولون غير مطابقة للمواصفات ، سؤالي عن السياحة الإيطالية لمصر ؟

طاف بفكري عدة حوادث هنا في ايطاليا .. تماثل ما حدث ل Regeni .. و لو كان الأمر بيدي لقذفتها في وجه المتاجرين بهذا الحدث الحزين .. يقيمون المحاكم و يقذفون بالأتهامات و التهديدات .. بدون ادني دليل قاطع .. فقط ما تتناقله اجهزة اعلامية كارهة للبلد .. و من ورائهم دبة تقتل صاحبها لأجهزة امنية لا ينكر احد ان سجل بعض افرادها غير نظيف .. في سبيل دفع الأتهام عن نفسها (من شيئآ لم تقم به هذه المرة) تسوق مبررات غبية واحدة وراء الأخري .. فتعطي لأعدائها هكذا هدايا لا تنتهي .. وددت ان اعرف علي سبيل المثال .. هنا في ايطاليا .. بلد الديموقراطية و حقوق الأنسان .. ماذا حدث للمواطن Stefano Cucchi .. هذا الشاب الذي خرج عن القانون فأنتهي في غرفة تحقيقات سنة 2009 .. اي منذ 7 سنوات .. و لم يخرج حيآ .. لن اضيف صورآ له و لكن يكفي البحث في الويب لمعرفة ما ناله ... امامنا قضية واضحة المعالم تمامآ .. تم القبض عليه و تم تعذيبه و من السجن الي المستشفي الي المشرحة .. و جاء في المحضر ان اثار التعذيب عليه كانت نتيجة تعاطيه المخدرات !!! بعد 4 سنوات من التحقيقات .. اكرر 4 سنوات كاملة .. تم الحكم علي بعضآ من الأطباء الذين عالجوه بالسجن لمدة سنة و 4 شهور بتهمة الأهمال .. بينما تمت تبرئة رجال الشرطة الذين كانوا يحققون معه .. و في الأسئناف تم تبرئة الجميع ... و الان و بعد 7 سنوات و فقط منذ اشهر قليلة و جراء خلاف بين شرطي من المتهمين و زوجته ابلغت عنه ذاكرة كيف روي لها ضاحكآ كيف "تسلوا هو و زملائه " بتعذيب هذا المدمن الحقير حسب تعبيرهم .. و جراء هذا تم طرح القضية للتحقيق مرة اخري .. امامنا حالة محددة .. بمكان محدد .. و اشخاص معروفين بالأسم .. و سنوات و سنوات من التحقيقات و لم تنتهي الي شيء . و لم تهتز شعرة لمن يقيمون المحاكم الآن علي حالة لم تتضح معالمها حتي الآن .. و في نفس السنة فقط و في السجون الأيطالية هناك 26 حالة مماثلة و مسجلة و بدون اي عقاب .. و يأتي منهم الآن من يلوح بعصا العقاب السياسي و الإقتصادي و تأليب الدول علينا بدون ادني دليل علي اتهامهم .. يحضرني في تلك الحالة قول السيد المسيح "لماذا تنظر القذى الذي في عين أخيك وأما الخشبة التي في عينك فلا تفطن لها"