لوحة القادة

مجلس النواب نائب المنيا: مسلمو قرية"كوم اللوفى" سيبنون منازل الأقباط المحترقة على نفقاتهم حجم الخط: ع ع ع كتب رامى سعيدالجمعة، 01 يوليه 2016 11:20 م قال النائب سمير رشاد عضو مجلس النواب عن دائرة المنيا ، إن الفتنة التى وقعت بقرية كوم اللوفى سرعان ما تم وأدها بعد تدخل المحافظة والداخلية والقوات المسلحة . وأوضح رشاد لـ" اليوم السابع " أن قوات الأمن ألقت القبض على المتهمين والمتورطين فى حرق المنازل ، لافتًا إلى تدخل بيت العائلة والاتفاق على جمع مبلغ من المال من مسلمى القرية لإعادة بناء منازل الأقباط المحترقة مرة أخرى ، لافتًا إلى تبرع المحافظة بمبلغ 40 ألف جنيه . وأشار عضو مجلس النواب عن دائرة المنيا إلى أن أصحاب المنازل المحترقة عادوا إلى القرية مرة أخرى ، لافتًا إلى أنه سيطالب مجلس النواب بسرعة إصدار تشريع بناء الكنائس الموحد وإصدار أحكام رادعة ضد كل من يروج للفتنة الطائفية. - See more at: http://m.youm7.com/story/2016/7/1/نائب-المنيا--مسلمو-قريةكوم-اللوفى-سيبنون-منازل-الأقباط-المحت/2784252#sthash.GQ4vU3gj.dpuf

قرأت خبرا أمس عن مشكلة في الصعيد - حاولت أن أصل للخبر الآن و فشلت - أنا لا أثق في مصداقية و حرفية الصحافة عندنا و الخبر تجمهر عدد كبير من الناس إحتجاجا على تحويل منزل لكنيسة ، و حرق منزلين و المحافظ دفع 40 ألف جنيه تعويضا ... ! أيقنت من سنوات طويلة بأن معظم هذه النوعية من المشاكل ليست عفو خاطر هناك من يمول أكرر يمول و هناك من ينفخ في النار ..... هل تذكرون مشكلة المسرحية في حي محرم بك من سنوات ... من الذي قام بنسخ الإسطوانات المدمجة ووزعها على الناس قبلها ؟ خبر آخر قرأته أمس على لسان نائبة عن حزب الوفد في البرلمان مؤداه البدأ في مناقشة مشروع قانون لأماكن العبادة تقدم به حزب الوفد.

في ناس عندهم كل اللي همة عايزينه من غير ما يتعبوا و يطلع عنيهم في ناس اجسادهم رشيقة و عمرهم ما عملوا دايت و لا عمرهم راحو جيم في بنات لقوا ازواج مريحينهم و بيعاملوهم كالملكات من غير ما يضطروا يشتكوا و لا يندبوا في رجالة لقوا زوجات مريحينهم من غير ما يطلبوا طلبات مرهقة و مبينكدوش عليهم في ناس عمرهم ما راحو لدكتور في ناس عاشوا في تبات ونبات و متعرضوش لأي حداث غير سعيد في ناس عايشين في بحبوحة من العيش من غير ما يموتوا نفسهم في الشغل في ناس عاشوا وماتوا في أمان ومن غير كوارث الأصل هو الصحة و الغنى و الأمان و ده الطبيعي و ما دون ذلك تسمى " الحوادث" يعني حاجة مش طبيعية اللي حاصل اننا حولنا اللي مش طبيعي لقاعدة و بقى الطبيعي هو الاستثناء!! من ايه؟ من كتر الكلام فيه و القاء الضوء عليه و تضخيمه و جعله ضرورات و حاجات اذكرلما كنت اول مرة افكر اغير لون شعري البنت اللي في الصيدلية كانت بتعرض عليا صبغات كنت متخوفة وقلتلها الحاجات دي مش بتبوظ الشعر و تنشفه قالت لي ما انتي تحطي له زيوت وكريمات عشان تعالجيه ! قلتلها بقى هو جميل و ناعم ابوظه و بعدين اعالجه ؟؟؟!! هو ده اللي بيحصل بالضبط اغذية "تبوظ " الجسم و بعدين "ادوية" تعالج و ريجيمات و جيم و.. و.. كل حاجة تجارة و التجار همة اللي بيفرضوا انت محتاج ايه =D حتى اللي بيحاولوا يوعوك لده مش بيوعوك ببلاش =D الحلول علوم و اسرار تحتاج للكشف و اذا عايز تعرف لازم تدفع التمن و التبرير انك مش هتهتم الا لما تدفع ! انا كنت مصدقة ده لكن اللي حصل اني كتير دفعت و برضه مكنتش مهتمة :) محدش قدر يبيع لي "الاهتمام" محدش يعرف يجبر حد يهتم دي حاجة لازم تيجي من جوة و عملية التحفيز اللي بتحاول تفرض الاهتمام باعتبرها - من وجهة نظري الشخصية جدا - أغبي شيء ممكن تعمله مع حد الغالي تمنه فيه دي برمجة مش دايما صح لو كانت دي الحقيقة طب ليه رب العالمين عامل كلامه مجانا ؟؟ الإيمان مجاني لكن الدين بفلوس بقى في علماء دين مينفعش تعتدي على تخصصهم و مش من حقك تفهم كلام ربنا بعقلك و لا من حقك تحس بيه بقلبك ! تفهموا زي ما همة يقولوا و يحددوا بس People Don't know what they NEED until WE DECIDE الناس لا يعرفون ما هم بحاجة إليه حتى " نقرر نحن" العبارة دي قالها ستيف جوبز صاحب شركة APPLE مش هو اللي اخترعها على فكرة دي حاجة العالم ماشي عليها من قديم الأزل و حتى قيام الساعة :) و مش باشكك فيه انه قالها جشع هو في اعتقادي يقصد الجانب الايجابي اللي فيه اننا بنساعد الناس اللي مش عارفين همة عايزين ايه بنساعدهم على الاختيار بعرض "المتاح" اللي ممكن يختاروا منه بس الفكرة استرعت انتباهي و بدأ عقلي طرح التساؤلات هو كصاحب شركة ابل بيعرض "المتاح" عنده هو بس و اللي هو مصدق و متيقن بقوة انه افضل ما يمكن يعني وجهة نظر شخصية جدا لأن أكيد في الكتير اوي برة شركة ابل في كون " الوفرة" ايه يا عبير ؟ هو في حد فينا مبيعملش ده؟ من حق كل واحد يشوف بضاعته أحسن بضاعة بس مش من حقه يتصور انه هو لوحده في الكون اللي بيقدم لك اللي مستحيل تحصل عليه من عند غيره !! فكر متطرف ...زي ما كل جماعة دينية بتفترض انهم همة بس " الفرقة الناجية" :) متهيألي لو الواحد قال: ************************************************************************* في طرق كتير ممكن توصلك بس هو ده الطريق اللي انا اعرفه عشان مشيت فيه و هو ده اللي اقدر اساعدك فيه بخبرتي هيبقى الأمر اكثر صراحة و وضوح ****************************************************************************** دايما على كل المستويات في كبار همة اللي بيقرروا الكبار دول مش كبار غير بسببنا احنا احنا اللي بنكبرهم باستسلامنا لافكارهم و تنفيذ اللي همة بيقولوه و بسماحنا لهم يفرضوا همة الذوق العام ! و ده مش وحش في حد ذاته في ناس كتير "مكسلين" يفكروا همة و معندهمش هدف و دول الغالبية اللي محتاجين منهج محدد يمشوا عليه و يتبعوه من جهة المناهج فهي كتيرة و موجودة بس هل وجود المنهج ضمان انك تمشي عليه؟ ده سؤال محير فعلا خد بالك ان العبارة بتقول People Don't Know يعني بالمعرفة محدش يقدر يتحكم فيك الكلام ده موجه للي عايز يعرف و عايز يوصل مش للي ماشي و خلاص على خطط غيره و بيحقق أحلام غيره هو ده الحل لكل اللي ملوش حلم او عنده بس معندوش خطة لتحقيقه طيب نلخص الكلام ده في ايه عشان كده الموضوع وسع ************************************************************************************** شوف..اسمع.. اعرف.. اتعلم تعمل ده ازاي.. و انطلق بكل اللي تعلمته في طريقك اللي انت اخترته ************************************************************************************** "كل حاجة في الدنيا بفلوس" دي حقيقة بين البشر بدأت بنظام المقايضة و اكيد مش رافضاها لكن " اختار" و " قرر" ادفع في اللي انت حابه اللي انت حابب تاكله و اللي انت حابب تلبسه وفي العيشة اللي عايز تعيشها كل اللي جسمك يطلبه مش اللي اخصائيين التغذية بيقولوه و يسفه بعضهم بعضا و البس اللي نفسك ترتاح له مش اللي بيوت الأزياء و محلات اللبس بتفرضه اختار شريك حياة انت تحبه مش لأنه مناسب اجتماعيا و حتى لو مش عاجب اللي حواليك المهم انت عيش في مكان تحبه حتى لو كان بسيط و لو حبيته واعتنيت بيه هترتقي و البسيط هيكبر مش لما تيجي الفلوس هتعيش الفلوس اصلا مش هتيجي الا لما " تعيش" ازاي تعيش و لسه مش عندك فلوس " اعمل اللي تحبه " في حاجات كتير بتحبها مش هتكلفك دور عليها جواك " وَفِي أَنْفُسِكُمْ أَفَلا تُبْصِرُونَ"

لا يوجد حادث واحد يمر دون عقاب لكن الإعلام دأب علي ابراز القضيه دون تتبعها وما لحق بمتهميها من عقاب ما كان الحكم فيها من القضاء ...

فردي ؟؟؟ حتي انت يا باهي ... كل الحوادث التي حدثت و تحدث و ستحدث هي حوادث فردية ؟؟ هل تنتظر مني بالفعل ان اوافقك علي هذه الشماعة ؟ ام تنتظر اعدد لك مظاهر تلك الحوادث "الفردية" كما تسميها في السنوات الماضية فقط و حتي اليوم بدون ادني عقاب او حتي نية واضحة لمنع تكرارها ..