لوحة القادة

للتأمل.. الشخص اللي خطف طائرة مصر للطيران لم يسلمه الأوروبيين حتى الآن لمصر لتقديمه للمحاكمه طيب .. لم يتم تقديمه للمحاكمة أبدا حتى الآن في اي مكان في العالم الدول التي كان لها رعايا على الطائرة مثل بريطانيا مثلا.. ولا حس ولا خبر ومش سائلين على رعاياها اللي تم ترويعهم ولا اللي روعهم في نفس ذات الوقت.. الأوروبيين بيخوفوا الناس من أنهم ييجوا مصر علشان الأمن وفي نفس ذات الوقت لم تحدث أي حادثة إرهابية في مصر تهدد الناس في الشوارع في اي مدينة في حين أن في أوروبا قتل وأصيب مئات المدنيين في أهم المواقع في مدن أوروبية عديدة وطائرة مصر للطيران التي سقطت.. والحديث عن حدوث حريق بها.. لم نسمع اخبار شافية حتى الآن عنها مشكلة الشاب الإيطالي. . مع ان القاعدة الأساسية هي البينة على من ادعى.. فكل مخابرات أوروبا القوية لم تقدم بينة واحدة.. ولكن شوية أخبار من الصحف فقط يسخنوا بيها الموضوع كل شوية.. الانقلاب في تركيا... قتلى عددهم غير معلوم.. في فض الانقلاب (الاعتصام).. آلاف المعتقلين من معارضي النظام.. عشرات الآلاف ممن تم التنكيل بهم وفصلهم من مناصبهم .. إلغاء جوازات سفر عشرات الآلاف. . عزل قضاة بالمئات.. كل هذا لمجرد أنهم ينتمون إلى الطرف أو الفصيل الآخر... دعوة الرئيس التركي لمناصرة بالنزول للشارع هي كانت دعوة صريحة للاقتتال في الشارع ويتحدث الناس اليوم عن أزمات اقتصادية في مصر. . وندرة العملة الأجنبية. . وحديث عن فشل الحكومة في إدارة الأزمة. . وسعر الدولار.. كل ده عادي.... اللي مش عادي عندي هو أننا ازاي في مصر مش عارفين موحد الصف.. مش عارفين نتوحد فقط على حب البلد.. مش مهم اننا نختلف على الأشخاص. . المهم نحب البلد..

ماتقلقوش يا اخوانا انا مابشحتش الموضوع و ما فيه انى كنت قاعده مع نفسى قاعده سقراطيه نسبة الى اسم سقرا ط ( اسم الدلع) من حوالى 6 سنين و بعدين شوفت راجل كبير ينادى فى الشارع .....(جعان جعان يا ناس ) قلبى اتقطع و مش عارفه نزلت اذاى الشارع و البقيه ................مش مهم رجعت البيت و عندى احسا س بغضب غريب تجاه كل حاجه اذاى ابقى انا فى بيت ممكن يرمى اكل مله و ناس مش لاقيه تاكل يبقى كل واحد يجيله فلوس يروح يبنى جامع و يحط عليه يافطه باسمه و الناس بتنام فى الشارع يعنى انا صلاتى و صيامى هتنفع الناس المرميه فى الشوارع العبادات مطلوبه و فرض على كل انسان لكن لو وقفنا عندها المجتمع مش هيتغير و عليه جلست افكر و افكر اذاى ممكن اعمل حاجه انا طول عمرى اسمع عن جمعيات خيريه بس ما شوفتهاش و بعدين انا مش عايزه اروح اشترك فى عمل تطوعى و يومين و انسي او كسل انا عايزه حاجه دايمه طول ما انا عايشه عادات ادخلها فى مفردات اليوم و عليه فكرت فى مشروعين سهلين خالص و قابلين للتنفيذ اولا نسبه من الدخل لو كل واحد مننا فكران نسبه و لنفرض واحد فى الميه هستغنى عنها و يبقى ذيها ذى الايجار و مايبصلهاش اطلاقا حتى لو بيموت و تحولها لقريب متعثر مثلا لو قدرت تشرك قرايب او صحاب ممكن تلاقيك كفلت اكثر من اسره بس انا مابؤمنش بمبدا التوكال و عشان كده كل اسره من الاسر الى قررنا نساعدهم باخد عليهم عهد لو شباب مثلا انهم يردوا نسبه لاسر اخرى محتاجه لما يشتغلوا طبعا انا مش راقيبه عليهم و لا هسئلهم عملتوا كده و لا او لا انا خدت العهد و هما حرين بس الحقييقه اسرتين من الى تم مساعدتهم ابتدوا الولاد يشتغلوا و يساعدوا ناس تانيه فعلا و النتيجه النهائيه 15 فرد فى محيط الاسره بيكفل حوالى عشر اسر الكلام ده بعد 6 سنوات المشروع التانى : (مشروع ونيس لكم اخوه فى الصومال ) اسهل من الاولانى الحقييقه و المبداء فيه مش مساعدة الفقرا بالضروره انما عدم الاهدار مثلا اول ما ست البيت تطبخ الاكل تشيل ربعه الاكل و تبعته الجامع الجامع الى جنب بيتنا فيه حاجه ذى سبيل كده اتصور موجوده فى كل الجوامع انا مش عايزه اقول ابعتوه لاسره فى المنطقه لان اكيد فى ايام مابنطبخش مثلا او بنسافر و لو حد اعتمد على كده تبقى مشكله و ماتفكرش ان الاكل ده ممكن الى يكله ما يكنش فقير مش مهم فقير او غنىالمهم ان يستغل و المهم انها تبقى عاده يوميه ذيها ذى الصلاه مش نعملها فى رمضان و خلاص المشروع التالت : [size"6"]القرض الحسن رغم انى بحب اساعد الناس بس بكره الستنطاع و الاتكال الشحاته بمعنى اصح و فكرة المشروع ديه مش فكرتى خالص ديه فكرة امام زاويه فى عماره قريبه مننا هو المنظم للمشروع كمان الشاب ده بتجيلو ناس كتير تتبرع فى الحامع بمبالغ مختلفه ماكنش عارف اذاى يتاكد انهم بيروحو ا للبيستحق المهم و عشان كفاية طولت عليكم قوى جمع الفلوس و عمل بيها كشك لاسره بسيطه الدخل و اشترط على الاسره و كتب عليه وصولات امانه انه يرجع 100 جنيه فى الشهر و كل مره بيتجمع فلوس بيستنى و يعمل بهم مشرع و هكذا لحد مابقى الدخل كل ست شهور تقريبا ما شاء الله بيعمل مشرع بسيط و هكذا انا بقى برغى الرغى ده كله ليه عشان اقولكم لو عايز تساعد مش محتاج جمعيه الموضع بيبتدى بالقمه الى بتاكلها بالهدوم ال مستنين لما نخس عشان نلبسها باللعب الى مكركبه الاود عشان ليها معنا ذكريات بالكوبايات و الاطباق الى فى المطبخ ذياده و ممكن تجهز عروسه نعمل اى حاجه اى حاجه بس نعمل مش رغى و خناقات اى حد عنده افكار يتفضل يقولهلنا المره الجايه هقولكم قصة شاب اسمه محمد مع المشروع الاول

فريق رئاسى .. مجلس رئاسى ================ ياترى انا سمعت العبارة دى إمتى وفين ؟ كل اللى انا فاكره إنى سمعتها أول مرة من "بول بريمر" فى العراق بعدها طلع جورج بوش الصغير يقول "سنجعل من العراق نموذجا ديموقراطيا يحتذى به فى دول المنطقة" وبعدين سمعت نفس العبارة فى مصر سنة 2011 من البرادعى .. حمدين .. تتح .. نافعة .. ممدوح حمزة .. جورج اسحق وغيرهم ولغاية دلوقت بيحدفنا بيها الطير الأبابيل قصدى "العيال الأباريل"

هيهات يا راجل يا طيب .. إنت ناسى ؟ ما الوطن إلا حفنة من التراب العفن طز فى مصر .. وأبو مصر .. واللى فى مصر أما من جهة التأمل فابحث واقرأ وتأمل : * الأخوان يسارعون إلى رئيسة الوزراء البريطانية الجديدة للتحريض ضد "الوطن العفن" * فى ليبيا Kramer Vs Kramer الأخوان يطالبون أمريكا بالتدخل عسكريا فى "الوطن العفن" ضد داعش تأمل يا عزيزى تأمل

الفاضل white heart الموضوع هو دعودة للتأمل.. وليس لطرح وجهة نظر محددة اشكر لك وأقدر تفاعلك معه.. وأعتقد أن ما ذكرته هو نتيجة تملك للكلام الذي كتبته ولكن حضرتك أتيت بأخبار من هنا ومن هناك.. ومصداقية متوقفة على من كتبها اصلا وليس لأن الخبر مكتوب في مكان ما اعرفش صحيفة ما فاعتبر دليل دامغة وهذا ما قلته في معرض حديثي عن الشاب الإيطالي بأن الموضوع كله أخبار من هنا ومن هناك وايضا خاطف الطائرة المصرية.. لم يتم تسليمها ولم يحاكم أيضا أشكر لك تفاعلك وطرح وجهة نظرك وما كتب في مواقع التواصل صحف مختلفة أما عن طرحي لتوحيد الصف.. ليس معناه المصالحة فالمصالحة مرحلة تأتي لاحقا.. بعد اتفاق معين أما توحيد الصف فلايحتاج إلا حب الوطن والولاء له. . وتغليب الوطن على الأيدلوجية وبعد ذلك يمكن عقد اتفاق مصالحة.. ولكن بعد أن يكون الأساس موجود ولا زالت الدعوة للتأمل مطروحة للجميع

ونسيت أهم حاجة يا راجل يا طيب ... واللي تعتبر واحدة من أهم الدجاجات التى تبيض ذهباً للمستحوذين والمستأثرين بالسلطة في بلدنا منذ عقود .... واللي مش هايتورعوا عن عمل المستحيل لعدم ترك مواقعهم لمدنيين والعودة لثكناتهم (بالمفهوم المعاصر / الرمزي) علشان ننسى ديون (ورث الأجيال الصاعدة!) عقود الأسلحة اللي بالمليارات (سبوبة عمولات جنرالات دولة وزارة الدفاع) ...واللي بيحاول البعض الهروب والتذاكي بالهجوم على الــ د.عصام غيري (وغيره) اذا ما تجرأوا وسألوا ما حاجتنا الى كل تلك الأسلحة ... وذلك بأنهم مباشرة يلجأون الى تكتيك الــــ "إشمعنى" الشهير ... فيعقدوا المقارنات (الفاسدة) بين سبب شرائنا لها وبين أسباب تخصيص الدول الغربية وعلى رأسهم الولايات المتحدة الأمريكية وأوروبا لميزانيات ضخمة في التسليح!!! هؤلاء عايزينا وبصنعة لطافة ننسى الفرق بين دولة تستدين (اموال أو ربما رهن جنودها لحروب مستقبلية بالوكالة) لتشتري وتستهلك ... وبين دولة بتبيع وبتصنع وتصدر .... يعني إقتصاد بالميارات ... تعال كدة ناخد فكرة بالأرقام عن حجم المبيعات والأرباح والعمالة ... وأهو لعل وعسى يبطلوا يتناصحوا ويتذاكوا علينا .. أو يستعمونا: طبعاً مع ملاحظة انه من ضمن اهم علامات فساد تلك المقارانات ... هو انه لا مقارنة اساساً بين مستوى جودة الخدمات اللي بتقدمها كل مؤسسات تلك الدول لمواطنيها ... حتى من بعد تخصيص ميزانيات ضخمة لتسليح جيوشها بأسلحة معظمها هى من إنتاجها هى نفسها .... ميزانيات خاضعة لرقابة مدنيين <<< معقولة >>> .... وبين عدم وجود أساساً الكثير من الخدمات في دولنا وليس مجرد مستوى جودتها الردئ ... والا لقام نواب مدنيين هناك بالضغط والمطالبة بإعادة النظر في نسب توزيع ثروات البلاد كميزانيات على مختلف المؤسسات والوزارات .. بما فيهم بالطبع وزارة الدفاع ... وهو ما تعاني منه بلدنا الحبيبة !!!

إن كان هناك من يستحق التهنئة فى هذا الموضوع إلى جانب المستشار المحترم عدلى منصور فهو مجلس أمناء جامعة النيل صاحبة الحق بموجب القانون وبموجب حكم نهائى بات كان يمكنها - بموجبهما - الاصرار على استلام الأرض والمبانى فورا ومع ذلك تفاوضت ووصلت إلى حل رضائى يصون حقها وفى نفس الوقت يصون المال العام

ملخص الاقتباس إهدار المال العام بدعوى الحفاظ على المال العام ما جُمع من مال وتم استثماره هو فى حكم المال العام عندما أكون أمام منظومتين إحداهما هادفة للربح (جامعة النيل) والأخرى غير هادفة للربح (مدينة زويل) وأكون فى موقع المسؤولية وأجد نفسى أمام السؤال : لأيهما ستخصص أرض الدولة (أرض الشعب) حتى لو تساويا فى المنتج النهائى فسيكون قرارى بدون تردد : "للمنظومة الغير هادفة للربح" على كل حال أرجو ألا تنسحب "مدينة زويل" من الميدان كما يوحى مقال فاروق جويدة فالعلماء الحقيقيون لا ينسحبون وإذا كان هناك من تفننوا فى السعى للشهرة بتوجيه ضرباتهم للناجحين ففى النهاية لا يصح إلا الصحيح .. وينتصر أولو العزم عَلى قَدْرِ أهْلِ العَزْم تأتي العَزائِمُ ... وَتأتي علَى قَدْرِ الكِرامِ المَكارم

شعب يستحق بجدارة توفيق عكاشه

اللهم اشفه وعافه واشف مرضانا وارحم موتانا نتفق معه أو نختلف إلا أنه نموذج للصمود والنضال إلى الرمق الأخير

-الطالب المحتاج: ذلك المسكين أو تلك المسكينة التي لا تجد ما تشتري به لبساً جديداً أو ما تدفع به مصاريف الكتب.. أو حتى مصروف يومي تشتري به ما يسد رمقها.. في أي مرحلة كانت من مراحل التعليم.. ويا الله على ثواب من يكفل طالب العلم.. أذكر أني من عامين كنت أعمل في شركة بمدينة نصر وكان معي زميلي حكا لي: إحدى قريباته من أقصى محافظات جنوب المحروسة طالبة متفوقة في كلية الطب بالقاهرة.. وأهلها مساكين ليس معهم أقل القليل، وقد تعبوا من ثقل الدين وضيق ذات اليد.. زميلي هذا ظروفه هو الآخر صعبة وما كان يستطيع حتى ادخار شيء لنفسه بسبب ثقل المسؤولية عليه تجاه إخوته وأسرته.. وقد اتصلت به هذه الطالبة ترجو منه أن يجد لها عملاً مسائياً حتى لو بائعة في مكتبة حتى تستطيع شراء أبسط احتياجاتها.. هو بحث لها ولم يجد فعلاً.. ليلتها والله رمت النوم فما وجدته.. استحال جفني أن يغمض وهذا الموقف يسيطر على تفكيري.. كيف يمكن أن تتوقف هذه الفتاة عن التعليم ويضيع مستقبلها.. أو كيف يمكن أن تنقلب حياتها رأساً على عقب، تحت ظروف الحاجة، بنصيحة شيطانية من مريضات القلوب.. لذلك أؤمن إيمانا لا يتزعزع بأن الإنفاق له أولويات والاتجاه نحو مثل هذه الطالبة جزائه عظيم عن رب العالمين.. وأولى ألف مرة من كثير من مقاصد الخير..

الله الله على هذا الموضوع.. نساء مصر بخير.. لم يخب ظني في أنكن من أطيب نساء الأرض وأكثرهن حناناً وإيثاراً.. قرأت جميع المشاركات.. وسعدت بردود النساء.. أعجبني حب الخير في قلوبكن، وسررت بقراءة تجارب الكثير منكن.. جزاكن الله خيراً.. وملء بيوتكن جميعاً سعادة وحباً وهناءً.. عندما نتحدث عن فعل الخير فكل منا له فكرة، وعدد غير قليل منا له تجربة.. وسأشارككم بوجهة نظري في نقطتين فقط حول أولوية الإنفاق.. وأرجو أن يتسع صدركم لي: - الأقارب: أرى أن التوجه إلى ذوي الحاجة من الأقارب هو الأولى والأجدى والأعظم أثراً.. أفضل أن أنظر حولي في أقرب الناس لي، بني رحمي هنا وهناك.. ثم جيراني الأقرب فالأقرب.. ذلك سيكون قربة من الله، ومغفرة للذنوب، وصلة للرحم، وتعميق للحب وروح الألفة بين الأهل، حتى وإن بعدت درجات قرابتهم

السلام عليكم بادئ ذي بدء .. الشكر الجزيل واجب للأخت الفاضلة لماضة ان دلتني على هذا الموضوع الرائع .. جزاكم الله خيرا الافكار ما شاء الله جميلة .. يمكن اكبر مشكلتين بيقابلوا اللي عايز يعمل خير هما .. ادي لمين؟ و معنديش وقت ! الأولى حلها اللي يدور يلاقي التانية .. اخلص بس النية و ربنا هيباركلك في الوقت وفيه حاجات كتيييييييييييير مش عايزة وقت كتير الحاجة اللي لاحظتها اننا مبنديش اهتمام اوي باللي بيفكروا فيه ..واحدة صاحبتي قاتلي انها كانت بتزور دار ايتام و بعدين بنت صغيرة هناك قالتلها انتي بتحطي ايدك على شعري عشان تاخذي حسنات .. مش كدة؟ كانها بتقولها انا فاهمة انك هنا مش عشاني .. عشان نفسك.. احيانا بيكونوا محتاجين نقعد نذاكر معاهم .. نتكلم معاهم .. نحاول نفهم مشاكلهم .. مش عارفة .. نفسي في خدمة مجانية .. اللي عنده مشكلة ييجي و يتكلم و نفكر معاه free consultation .. زمان كانت الناس بتعمل ده مع اصحابها و عيلتها .. إمام المسجد .. ناس بنثق فيهم .. و عمري ما تخيلت ان حد في مصر ميبقاش عنده حد ثقة أمين يتكلم معاه .. بس اهو حصل و نتايجها في صفحات الحوادث. أسفة على الإطالة و لكم مني كل تقدير و احترام تقبل الله منا و منكم و أحسن الله ختامنا جميعا.

(ما نقص مال من صدقه ) الى اى مدى احنا مؤمنين بالكلمه ديه هل مؤمن بيها ايمان اكيد طبعا ربنا بيبارك و بعدين الى يحتاجه البيت يحرم على الجامع و لو فيه فائض كنت طلعته لله او مؤمن بيهه ايمان واحد ناقص عشره هيقضلوا بردو عشره عموما هيه ديه قصه محمد مع المشروع الاول و هيه اخراج نسبه من الدخل محمد ذى شباب كتير اول ماجه الخليج اتدين لبنوك شويه كردت كارد و شويه قروض فى الول كان بيصرف و يشترى و مش هامه و بعدين المساوئ كلها بانت و هو متزوج و عنده طفل اكتشف انه بعد الى بيخرجه من المرتب لقرض العربيه و الحد الادنى للكروت الائتمان و قروض الشخصيه و ايجار ووو بيفضله تقريبا مبلغ بسيط بحسابات الواحد ذائد واحد مش ماشي و لا حتى هيكفى اهل بيته طبعا انسان ذى ده مش مرشح لانه يشارك فى اى عمل خيرى بس انا رخمه (راتبك كبير يا محمد و المفروض ان تطلع منه حاجه تنفعك و مش ذنب الناس التانيه انك بتصرف بغباء و كعبلت نفسك فى ديون ده حقهم من مالك عارف يعنى ايه حق ) بتهيئلى من السذاجه انى اقول انه لما قرر انه يخرج من ماله جزء لمساعدة الناس ربنا رزقه ترقيه و من السذاجه انى اتصور ان المبلغ ده لو ماكنش طلع لله كان ممكن يطلع مخالفه مرور ومن السذاجه انى اقول انى يا رب انا خرجت المبلغ الفلانى و انا مستنى يرجعلى بس الى حصل انه حساباته فضلت هيه هيه لاذادت ولا قلت مانقصش ماله من الصدقه جاتله ترقيه كانت ممكن تجيهله لو ماطلعش جزء من ماله قفل و سدد كل كروت الائتمان بسبب الترقيه عموما هو بيقول لصحابه لو مديون و عايز تسدد ديونك خرج من مالك جزء لله و انا مش مقتنعه حسابات البركه الى ربنا بيحطها فى رزق بيخرج منه لله صعب تحسبها لانه فى علم الغيب عموما ديه حكاية محمد \

الكلام عن الخير و مساعده الاخرين اكيد بيأثر في البني ادم لان ديه فطرته السليمه ,,,,,, و معتقدش ان في حد قادر علي المساعده و يقرا مثلا موضوع زي ده و الا هيقول لازم اساعد ان شاء الله ( ده لو مكنش بيساعد ) ( او ساعد قبل كدا و لم يستمر ) لكن فين دور الشيطان بقي ؟!!! دوره في التسويف ,,,,,,, ( و ده ممكن يحصل لنا كلنا في اوقات كتير) يعني : اصل هدي فلوس لمين معرفش حد اصل : لو اديت لحد مش واثق انه يوصل للي يستحق لما افضي ان شاء الله هدور بنفسي علي اسر معينه و كتير من الاسباب الي ممكن تاجل القرار بالمساعده الحل الافضل مبدئيا ان الواحد يتخذ نسبه من دخله كل شهر للمساعده ( اي كانت النسبه و لو 1% او نص% مش مهم ) لكن نسبه ثابته دائمه لاسر هو يعرفها وواثق فيها او لو ميعرفش يبقي لجمعيه موثوق فيها زي رساله مثلا بالنسبه للاشياء القديمه برضه مش محتاجه اي وقت ولا مجهود اضافي تتلم و تروح لناس تعرفهم او جمعيه موثوق فيها برضه لو عنده وقت اكتر يبقي بالمجهود ( فردي او جماعي ) و متنساش ان الشيطان مش هيسيبك برضه ,,,,, افتكر لو كل واحد عمل الحاجتين دول ( كلنا ) مش هنلاقي ناس زي الي بيطلعوا في التلفزيون دول اي حد داخل يقرا موضوع بالعنوان ده اكيد فيه خير كتير و نفسه يعمل حاجه و اكيد بيعمل في اوقات كتير لكن حال الناس بقي يصعب علي كل ذي قلب رغم كل الخير الموجود لسه في الي مش لاقي اللقمه و الغطا و مفيش حد يقدر يساعد كل الناس لوحده ارجوك يا قارئ الموضوع بجوار ما تفعله من خير كثير حدد اي نسبه تشاء دائمه و ثابته للخير ( الان وليس غدا ) و بلغ كل من تعرف و كل من تعرف ارجوه ان يبلغ كل من يعرف و استعذ بالله من الشيطان الرجيم اللهم ثبتنا علي الايمان و حب الخير و ارزقنا الاخلاص

===عندى ملاحظتين === بالنسبة للماضة وجاسمين ..جميلات المنتدى والاستاذ غريب .... ملاحظتى الاولى ... حماسكوا الرهيب ...بجد اشعرنى بشىء من النشوة ...وان الدماء مازالت تسرى بين جنباتى ... والثانية كلكم اجمعتم على نشاط جمعية رسالة ....وهى طبعا من رواد العمل التطوعى بمصر ... اغابى دايما صاحبة افكار مستنيرة...وكلمات ..ونبضات غير دايما صاحبة نظرة ثاقبة ...ترى ما لايراه الاخرون ...احييكى ... موش لازم جمعية ...موش لازم دوشة علشان اعمل خير بس ده ماينفيش حلاوة العمل الجماعى .... بالنسبة لسؤال استاذ سارمار ... انا حاولت للاسف ابعت لحضرتك عنوان ناس اهل ثقة ومؤتمنين ...ودى جمعية انا تطوعت فيها لفترة موش صغيرة ...والحمد لله اتأكدت منهم بنفسى بس طبعا للاسف ...حضرتك لاغى خاصية استقبال الرسايل ...وخايفة ...احط بيانتهم ...وده يكون مخالف للقواعد او الناس تفتكر انى بلم تبرعات ... على العموم ...انا بالفعل عملت معاهم مشروع شنطة المدرسة ...وكمان بعنا الزى المدرسى ...بس طبعا باسعار زهيدة ووفقا لضوابط معينة ..ودى كانت من انجح المشاريع اللى شاركت فيها ... وطبقناه بعد كده على البطاطين فى موسم الشتاء...وبعينا البطانية بخمسة جنيه للاسر قاطنى المراكب النيلية...بحد اقصى بطانيتين لكل اسرة ...وبرضة بضوابط متفق عليها مسبقاً اللهم اجزهم بالاحسان احسان

بالرغم من إن برنامج " واحد من الناس " يقطع القلب ويخلي الواحد يكتئب .. إلا إنه بيكشف لنا حاجات صادمه أنا عن نفسي ... اتكسفت جداً من نفسي لما صور حلقة عن سكان المقابر اللي بالألاف وأستضاف واحد منهم كان أُمنية حياته بس يبقى عنده 10 الاف جنيه يدفعهم مقدمة شقة .. تخيلوا ؟ وأتفق معكم تماماً في متعة المشاركة في عمل الخير بالمجهود مش بالمال بس أصل الموضوع ده سهل إنك تتبرع أو تضع مبلغ في حساب معين بالبنك إنما المتعة كلها في المشاركة .. وتحس كده كإنك بتزرع وتجني المحصول في نفس الوقت أفكاركم كلها هايله ... وبعيده عن تعقيدات حكومية وكلام من ده بصراحة يعني حتى أعتى حكومات العالم ما تقدرش تعمل كل حاجه بنفسها وتمي ورا كل واحد .. يعني لو واحد لديه وقت وقدر إنه يساعد أبناء الجيران في المذاكرة لو يومين في الأسبوع ... فده مش مطلوب من الحكومة لإنها مسألة إنسانية في المقام الأول .. كمان موضوع أولويات عمل الخير دي بتخليني أضرب راسي في الحيط لحد ما يبقى عندي واوا من السفه اللي بأشوفه في حياتنا اليومية .. يا عم إنت ياللي بتطلع تحج كل سنة بـ 100 ألف جنيه ... حرام عليك وهاتتحاسب على ده ... الحج مره واحده .. وإنت لو مقتدر يا عم .. المبلغ ده نفسه ممكن يجوز ييجي 10 بنات أحوالهم متوسطة .. يعني جهاز ورفايع وحاجات بعشرة الاف تغرقها .. مش هانقول من الألف إلى الياء .. لكن على الأقل يا عم تجيب لها ثلاجة وغسالة ويمكن مطبخ خشب كويس وشوية مستلزمات مطبخ .. كمان لو 20 الف وهناك شاب مقبل على الجواز ممكن يبقوا سند له ويعملوا معاه فرق ويكفي إنك هاتشوف نتاج عملك ده في الحال .. لما تلاقي أسره سعيده قدامك .. بدل ما واحد وواحده يا عيني يتجوزوا ويبقى عليه كمبيالات تقطم وسطه عشان معظم حاجاتهم أشتروها بالتقسيط وفوايد تزيد عن 25 % وعجبتني قوي قوي قوي فكرة شيكوز دي بتاعت السلع المدعمة في كل منطقة .. وبجد فكره برلنت وهايلة .. وما أسهل إن الواحد يصمم بطاقة صعب تتزور عشان الناس يصرفوا ببها السلع كل فترة وخصوصاً بعد جنون أسعار اللحمه ولافراخ اللي هايخلي طبقات كبيرة من الناس تحلم بس تذوقهم مره في الشهر .. لكن لكن العملية عاوزه أستمرارية بيني وبينكم ما أعشمش الناس مره وبعدين أتخلى عنهم

اشكرك على الموضوع الجميل يا جاسمين - وفكرته رائعة العطاء فى حد ذاته صفة جميلة .... مع الوقت بتعلمك صفات تانية زى المحبة ... و التسامح ... والتواضع . . .والرحمة ... . ارحمو من فى الارض .... يرحمكم من فى السماء . . اعطى فى الخفاء مفيش شارع او عمارة فى الكويت او السعودية او مصر - مفهوش اسرة فقيرة فى الكويت اعرف اسرة فقيره جدا - وفى نفس العمارة معايا ست عندها 4 أطفال برضوه فقيرة جدا وفي بياعين فى الشوارع وفى ناس فى الكويت مش معاها تمن تذكرة السفر ترجع لاهلها .... لو دورنا حوالينا حنلاقى فيه فقرا كتير ياما - فى كل مكان - لان الفقراء جزء من الكون ولربنا حكمة انه يختبرنا فى قدرتنا على العطاء مش لازم انا وبساعد حد - ان اعرف الناس - يستحسن يبقي بينى وبين الشخص اللى حاساعده فقط . مش لازم جمعيات خيرية - لانها دوشة - ونقول ونقول فيها ونبص نلاقى فى الاخر ( اللى بيقول ما بيعملش * * * واللى بيعمل ما بيقولش ) خلينا احسن ( اللى بيعمل ما بيقولش ) نحط جوانا كبداية الفكرة - وبعدين ايدأ انفذ - كان عندي صاحبتى هنا بتشتغل مدرسة فى الكويت هى اردنية - وكانت بتنزل تدريب فى مدرسة ابتدائي راحت فى اول يوم رجعت من التدريب مكتئبة جدا ومش مصدقة - وقالتلى تصدقى فيه اولاد نهارده فى الفصل مش معاهم حتى اقلام رصاص - وشنطهم مقطعة وهدوم مبهدلة حتى الشوز بتاعتهم متقطعة - هى همها انهم اطفال فقرا جدا مش مهم الجنسية ايه - نزلت جابت شنط مدارس وكميات اساتيك وبرايات حتى اشترتلهم يونيفورمات جديد - تصدقوا - وكراسات ووزعتها تانى يوم على الاولاد الفقرا - اللى بحكيه داه مش فى مصر انا بتكلم عن الكويت حتى لو دولة غنية - برضــــــــوه فيــــــــها فقــــــرا دوروا حواليكم فى كل مكان - حتلاقوا اختبار من ربنا لكل واحد فينا - عاوز يشوف اعمالنا صالحة ولا لاء - مش لازم نستنى رمضان ولا الصوم الكبير مش لازم ندورعلى جمعية خيرية فى كل مكان حوالينا فيه فقرا - ما تعرفوش حد انكم بتسعدوهم - ربنا بس يشوفكم المحبة فى كل مكان حوالينا - ولكننا . . . . . لنا اعين و غير مبصرون ... اغابي

موضوعك رائع يا ياسمين وقبل كدة أنا أثرته في موضوع " مصريون في الكويت" المشكلة في العمل الخيري من وجهة نظري أنه محتاج جهة سيادية تقوم عليه، لأنهم في بلدنا بيخافوا جدا من أي حد بيجمع فلوس كدة لأنهم مش عارفين هتروح فين ولمين.. علشان كدة كان نفسي السفارات المصرية تتبني الكلام ده يعني تخيلي السفارة المصرية في الكويت لو تبنيت مشروعات خيرية زي كفالة أسرة فقيرة يتحول جزة من راتبك ولو 25 دينار شهر لإعاشتهم يعني حوالي 500 جنيه ، سهلة جدا وممكن كمان يعرفوك بالأسرة دي علشان لما تنزل تتابع أحولهم.. الأنشطة في هذه الناحية كبيرة وكثيرة جدا بس أنا ساعات بحس أنها محتاجة جهة سيادية تقوم على تنظيمها.. بصراحة ديما بنبهر من أداء مؤسسة الرسالة في مصر وفي تسويقهم للعمل الخيري بشكل جميل

السلام عليكم و رحمة الله و بركاته يعني انا قريت التوبيك و داخلة مطبقة حتة بخمسة ..... غيري العنوان يا جاسمين....شيكو قالت.....بنك الافكار....و هو فعلا كده... العمل التطوعي مش بيقف لا عند جامع و لا كنيسة و لا حتي جمعية اهلية او منظمة مجتمع مدني العمل التطوعي...بيبقي قناعة داخلية من جواكي منين ما تكوني انك مش عايشة لوحدك....و قادرة تحسي بغيرك و احتياجاته.....و قادرة تبذلي الجهد و الوقت و المال علشان توصليله عارفة يا جاسمين حابة افكر بحاجة.... ناس كتير بتفتكر انها لما بتساعد غيرها ان غيرهم ده هو اللي بينبسط و انتي داخلة عليه شايلة مثلا شنطة رمضان او بطاطين الشتا..... الحقيقة بقي....انك انتي اللي بتنبسطي...اكتر...بتبصي للسما و تسالي ربنا يا تري رضيت عني يا رب؟؟؟ مصر مليناة مجهودات مميزة جدا جدا.....اشهرها جمعية رسالة.....و اللي ابتدت كمجموعة من شباب كلية الهندسة.... و جمعية صناع الحياة اللي بداها عمرو خالد لكن الفكرة بدات تكبر و تكبر لغاية ما غطت مصر كلها عارفة يا جاسمين.....كنت زمان لما مش بشتغل بكون زعلانة جدا...بقول مش معايا فلوس و كده....بس اكتشفت ان اسهل حاجة انك تدي فلوس....لكن بتضيع ع الواحد متعة كبيرة اوي اوي....انه يشارك بشكل حقيقي اقولك مثال لما بيكون فيه دعوة مثلا لتجهيز اخت غير قادرة...بتلاقي الكل بيتسابق انه يجيبلها حاجة المطبخ....او هدوم....بس لو انتي مش معاكي و لا واحدة منهم عارفة تعمل ايه تروحي تحضري الفرح....و خصوصا اذا كانت يتيمة....تروحي تقفي جنبها في الكوافير....تعملي ليها حنة من الجيران اللي حواليها تحسسيها انها مش لوحدها ده مش محتاج فلوس....و لا محتاج.....نقعد نخطط....محتاج بس نعرف نحس باللي قدامنا و نحط نفسنا مكانه... ايه اللي يدخل الفرحة علي قلبه ممكن احكيلك علي حاجة محمد...علمني حاجة مهمة جدا ...و ده غير محمد اللي انتي هتحكي حكايته....ده شاب نحسبه علي خير.....لما بيجي رمضان...بيعمل ايه...بيبتدي في مشروع شنطة رمضان.....عارفة يا جاسمين...انا في البداية قولتله طب يا محمد احنا نلم فلوس و كده و نشتري كان في دماغي اني هروح السوبر ماركت اجيب رصة حاجات و اطلع لقيت محمد بيضحك و اخدني من ايدي و رحنا فين رحنا عند تجار الجملة....و بدل ما يكون عدد ؟؟؟؟ من الشنط بقي الضعف لقيته بيشيل الاشولة علي كتفه.....لقيته بيقولي لازم نحس و ننوي في كل خطوة بنعملها انها تكون لربنا و كل ما نتعب اكتر كل ما ربنا هيدينا ثواب اكتر لما كانت المنطقة المستهدفة منطقة بعيدة شوية...فكرنا نروح بالعربيات و كده...لقيته بيقول لا هنركب نفس الموصالات اللي الناس بتاخدها....و هنمشي وسط الناس..... المفروض و المجموعة بتوزع....الحاجات....نسلم و نمشي...فيه ناس كتير اتعرفنا علهم....و سبحان الله الناس اللي بتبقي في قمة الاحتياج بس بتبقي مصرة انها تمسك فيكي و تروح تملا لتر الحاجة الساقعة عشان مبسوطة بيكي مع انهم مش عارفين ان احنا اللي مبسوطين بيهم...احنا اللي عطشانين للثواب من خلالهم عارفة يا جاسمين....لما سافرت عن مصر اكتر حاجة زعلتني اني بعدت عن كل المجموعات اللي كنا بنشتغل مع بعض بس لقيت ان لو فيه نية خالصة ربنا بيدلك...... لا توجد بلد تخلو من عمل تطوعي.....بيختلف شكله....لكن افكارك....و طاقتك ووقتك تقدري جدا انك تلتحمي بيها مع الناس هحكيلك عن حاجة هنا في الامارات اسمها تكاتف....و برضه افكار بسيطة جدا.....لكنها في قلب الحياة جدا ممكن تشوفي برنامج مجددون بتاع عمرو خالد كمان بيطرح افكار و تطبيقات مهمة كتير و نسال الله ان يتقبل و بسال ربنا هل انت راض يا رب؟؟

...والله بصى يا ياسمين هو طبعا انا نسيت اقول ان الفكرة كانت لرجل اعمال .. فتح مطبخ يومى فى منطقة ورش وعمال..مكتظة بالعمالة والاطفال وكان يقصد بها ..اطعام المتوكل على الله بعمله ...موش متواكل وبيمد ايديه ... ولما اتناقشت معاه سمعته بيقول ان لو ضمنا" الضامن هو ربنا" انه مافيش بنى ادم ينام جعان ...هنأمن كثير من الشر بين بنو البشر وانتشرت الفكرة بالحى الذى اسكنه بفضل هذا الرجل ... جعله الله فى موازين حسناته...وطبعا اكتشفت من خلال التجربة الاولى ان المشكلة ماكنتش فلوس .. الموضوع ...ادارة بالدرجة الاولى .. بحسن التنظيم والادارة ....وصدق النوايا مع الله ....شىء يستاهل ...تحقيق المستحيلات انا موش ضد بناء الماءذن ودى للى يعرف بتتكلف على الاقل 50 الف جنيه للمئذنة الواحدة ...بس كمان الاولى بدل بناء ورفع مئذنتين للمسجد ...ان نسد حاجات المسلمين ...

فى البداية احب طبعا ... اشكر الله ان يسر لنا ان نشاركك الراى .. وثانيا ...ربنا يجزيكى خير ...ويجعله فى موازين حسناتك ... انه ولى ذلك والقادر عليه ... ولا ننسى ان الدال على الخير كفاعله ... ......الحقيقة المشروع ده بفضل ربنا طبقناه ..عندنا بالمسجد بشكل منظم ..حتى استقر .. وبات مطبخ دائم ويومى لكثير من الاسر والافراد...ومقصد الكثير من العمالة اليومية والجميل ان ربنا انعم علينا وبدءنا فى مساعدة ...المساجد الاخرى المجاورة فى تطبيق نفس الفكرة وبصراحة ولاقينا شركات كتير كبيرة ..تأكدت من حسن سير المطبخ بتبعتلنا مواد تموينية بشكل دائم المشروع ده اكتر من هايل ,,,والله براوة عليكى يا جاسى ...ان شاء الله ربنا يثيبك عنا كل الخير ... الحمد لله ...المشروع ده اعرف ناس بتعمله على صغير ..يعنى فى حدود من 300 إلى 5000ج ..وده بناءا على قياسات محددة هما بيعملوه ..وبينزلوا الاسواق الشعبية ...للناس اللى فرشة فى الارض ..وبيحاول يعمله اعداة تمويل ..علشان يساعده بضوابط بتضمن اعادة الفلوس دى تانى لا تعطنى سمكة ...بل علمنى كيف اصطاد... الحقيقة ياجماعة دعوة ياسمين ...كانت مبادرة طيبة علشان يكون عندنا بنك لافكار تنمية المجتمع ... ياريت كل حد عنده فكرة زى ياسمين سهل تطبيقها او مستعد لمشاركة اخرين لتطبيقها ...يدينا من وقته اقل القليل ويقولنا عليها