لوحة القادة

السادة الأعضاء نرجو المحافظة على المواضيع لعدم التشتيت ليت المداخلات الخاصة بالانتخابات الرئاسية القادمة تُكتب فى المواضيع المناسبة لها نقترح هذا الموضوع النشط حاليا أو غيره كما ترون من المواضيع الخاصة بالانتخابات الرئاسية شكرا (فريق الإشراف والتنسيق)

وهل ده يوضح الرؤية أكتر لمن يتساءل - مع خالتى فرنسا - عن "مستوى" الوزير المستقيل ؟

مش هتعرف قيمة امك الا لما تشوف مرات ابوك ارحل ياسيسي وخلصنا خلينا نتهنى مع مرات ابونا اللي الله اعلم مولوده فين ومين ابوها ومين امها ارحل ياسيسي وسيب لهم الكرسي علشان كل من هب ودب يجرب فينا طيب ممكن بس سؤال " وبراءة الاطفال في عينيه " ؟؟؟ مين اللي هترشحوه بديل للسيسي اللي اعرفه ان السيسي " هبه " من السماء ولو اى حد تاني شايف نفسه " هبه " الف خروف يتجوزها ويستتها في البيت بتاع تونس قال " لقد هَرِمنا " وانا بقول لكم " لقد وَرِمنا " اه والله

استاذ اسلام عاوزة حضرتك تتذكر الموقف دا كويس ... هو اتذاع على شاشات التلفزيون في آخر ايام محمد مرسي و في قصر الاتحادية وهو قاعد قدام السيسي اما كان ايامها لسه وزير دفاع السيسي وقتها قال لمرسي ( مالك مهزوز ليه ؟ ) وكلنا سمعناها مرسي قالوا ( الجيش مش هيتدخل بقى و يمشي الناس ) الناس وقتها كانت محاصرة قصر الاتحادية نتعلم ايه من لموقف دا ؟ * اي رئيس مدني او عسكري هيحكم مصر لازم هيتحامى في الجيش ويستمد منه قوته وسلطته ونفوذه * الشعب نفسه بيتحامى في جيشه اللي هو منه * الجيش المصري أثبت في كل المواقف انه بياخد صف الشعب مش صف الحكام واحنا صغيريين كنا بنعلب دايما عسكر و حرامية طب حضرتك لو مش عاوز تاخد صف العسكر عاوز تبقى مع الفريق التاني مثلا ؟!! ما أعتقدش الجيش هو درع الوطن وقت الشدة واحنا في وقت شدة مش مرفهين زي الغرب ..ولو انهم بدأوا يعانوا من الارهاب دلوقتي هنشوف مواطنيهم هياخدوا صف اي فريق فيهم

ومين هو الحزب الفائز في الانتخابات ؟ وهل الرئيس منع تكوين الاحزاب ولا الاحزاب هي اللي ضعيفة و خيبانة ؟ وكام رئيس وزراء اتشال و حكومة اتغيرت وبرضو مش نافع دا الراجل اللي كان مموت نفسه ( محلب ) ودا بعتبره افضل رئيس وزراء بعد الثورة ويمكن قبلها كمان برضو ماكانش عاجب حضرتك بتقولني كلام انا ما قولتهوش السيسي استلم مصر في وقت حرج وعصيب واوعى تنكر ان غالبية الشعب كانت بتستغيث بيه فعمل اللي عليه و اللي طلبه منه الشعب -ازاح الاخوان -وقضى على الارهاب -وحقق الامن و الامان للمصريين أي حاجة زيادة كتر خيره عليها هو من خلفية عسكرية ونجح في اللي يفهم فيه و يقدر عليه الاقتصاد مش اختصاصه جاب ناس غرقوه يبقى مين اللي فاشل هو ولا الحكومة ؟ صحيح الحكومة مسوؤليته بس الرجل هيعمل ايه سمع كلام الخبراء الاقتصاديين وكانت دي النتيجة وهو برضو اللي متحمل النقد الدولي و التذمر الداخلي و شماتة الاخوان ان شاء الله الرئيس الجديد يبقى عنده رؤية ... السيسي جه في ظروف استثنائية و ما طلبناش رؤيته ... طلبنا يخلصنا من الغمة ... اصل احنا نسينا اما كانت قنابل الارهاب بتنفجركل يوم و التاني في الاماكن العامة لدرجة ماحدش كان عارف يخرج من بيته ولا يودي الاولاد المدارس دا غير الخطف و السرقات وغيره وغيره فين الكلام اللي قلولت فيه ان العيب من الشعب ؟ ولا اللي قولت فيه ان مافيش فساد ؟ الفساد في مصر ممكن يوصل لـ80% بس الشاطر يثبت على فكرة كلامي مش دفاع عن السيسي لكن الحقيقة ان حكم مصر خصوصا في الظروف اللي السيسي حكم فيها صعب جدا وطبيعي جدا ان الاقتصاد ينهار بعد اللي حصل في الثورة وما بعدها من تخريب و حرائق في كل مكان ، اضرابات العمال ، سرقة البنزين ، طلعات جوية للتصدي للارهاب ، حرب في الداخل و الخارج لو تفتكر حضرتك الصحف الاجنبية كانت متوقعة لمصر مجاعة بعد 6 شهور من الثورة و كل ما يعدوا ال 6 شهور يرجعوا تاني يقولوا مصر هتجوع بعد 3 شهور وربنا كل مرة كان بيخيب ظنهم .. احنا كنا متوقعين انهيار كامل وثورة جياع وربنا و الجيش والخليج نجونا من بلاوي كتير بس ارجع واقول احنا بننسي ونرجع نتأنتخ في كراسينا ونقول كان المفروض السيسي عمل وعمل... ولا استثني نفسي من النسيان ولكن عذري اني انا وغيري عاوزين بلدنا أحسن بلد .

لا أدرى إن كان خالد حنفى فاسدا أم مظلوما ولكنى متأكد أن منظومة الخبز ستستمر لأنها حق مكتسب لن يتنازل عنه الفقراء برغم قيام "اتحاد الفساد" بـ "ذبح القطة" لمن سيأتى بعد خالد حنفى

ومن اللي بيشكل الحكومة ؟؟ من الي بيكلف رئيس وزراء ؟؟ استاذتي الفاضلة لو انت في دولة في احزاب وفي اصول لعبة سياسية اللي بيشكل الحكومة هو الحزب الفائز في الانتخابات اما حضرتك حالك زي حال الدول العربية الرئيس =الحكومة = الدولة فأظن ان اسطوانة الرئيس حلو بس اللي معاه مش مساعدينه مش وقتها ومالهاش معنى الرئيس حلو وزي الفل يختار ناس تساعده شافهم مش مناسبين يمشيهم ويجيب غيرهم غير ان حضرتك في اي دولة محترمة في حاجه اسمها رؤية غير كدة بقى يبقى احنا بنتكلم ع الفاضي باصلاة ع النبي موضوع تقرير الفساد بتاع هشام جنينة !!! الراجل راح وجه واحنا مش عارفين هو الفسادموجود طب نسبته اد ايه ؟؟ وجنينة كلامه غلط ومغرض عاوزين نعرف الراجل الشرير ده قال ايه غلط وردنا ايه عليه وقضية وزير الزراعه وقضايا التحكيم الدولي اللي بنحسرها وبلاوي كثيرة وفي الاخر حضرتك بتقولي العيب من الشعب ابن 60 .. طب ماهو لو الشعب اختفي هيحكموا مين ؟؟ وهو الرئيس والحكومة جايين بعقد احتراف إن يصلح الراعى ويتق ربه تخشى الذئاب ربوعة وحماه

الفاضل KLMO .... تم حذف مداخلتك الأخيرة لمخالفتها قواعد الكتابة التي تنص علي عدم اضافة مداخلات في غير موضعها .. بالأضافة و هو الأهم .. اصرار حضرتك علي اضافة تعبير "العبيد" في معظم مداخلاتك واصمآ بها هكذا اغلبية المصريين .. و بالرغم من حذفها آملين ان تصل الي حضرتك الرسالة .. و لكنك مازلت مصرآ علي أضافتها .. و عليه نرجو ان تعتبر تلك المداخلة تحذيرآ بعدم استخدام تعبيرات مماثلة مستقبلآ .. آملين أن تأخذه بجدية .. عن فريق المشرفين سكوربيون

حضرتك هنا بتؤيدى ما أقوله من حيث تحسبين أنك تعارضينه حضرتك هنا تتكلمين عن الحقيقة "النسبية" ولكن ياريت حضرتك تلاحظى الفرق فى الرسم الفوقانى ده بين "الحقيقى" و "الحقيقة" وزى ما حضرتك حطيتى رجل على رجل وأخذتى نفس عميق إسمحيلى أتعوج وأعوج لسانى وأقول لك إن هناك فرق بين الـ True و الـ Truth رأى حضرتك وحضرتى فى كل من ابو خليل وابو حجاج "حقيقى" من وجهة نظر كل منا يعنى من الزاوية التى ينظر منها كل منا (فى مثال الرسم التوضيحى) يعنى حضرتك ممكن تشوفيهم مستطيلات وانا اشوفهم دواير .. ده حقيقى و ده حقيقى حقيقة نسبية .. أما الحقيقة المطلقة فهى شئ لم أره أنا ولم تريه حضرتك (برضه خلينا فى الرسم التوضيحى وبلاش ندخل فى الميتافيزيقا)

إرحل يا سيسى .. الشعب يريد عبد الفتاح "رودريجو" ============================================================ رئيس الفلبين "رودريجو دوتيرتى" عمل لستة بتجار المخدرات .. وطالب الشعب بقتلهم اتقتل منهم لغاية دلوقت ييجى ألف (ما سبق كان استهلالا لابد منه .. لا مؤاخذة يا أستاذ عادل) بان كيمون أبدى القلق كالعادة .. قال لهم "رودريجو" تندعق الأمم المتحدة على دماغتكم يا "سفلة" تلات اتحادات فى مصر - غير اتحاد الكورة - عاوزين عبد الفتاح "رودريجو" اتحاد تجار الدين .. اتحاد تجار الكيف .. واتحاد الفاسدين ومعاهم ولاد مجيدة العمشة من النطيحة والمتردية .. اللى لا لهم لون ولا طعم ولا ريحة بس عاملين زى العجل الزارب اللى بيهيج السوق (لا مؤاخذة هو المثل كده .. فولكلور ما اقدرش اغيَّره) لو يقدر .. أضمن لكم مصر تنضف من كل أدرانها اللهم "فلبن" عبد الفتاح الإثنين 22 أغسطس, 2016 - 17:03 بتوقيت أبوظبي رئيس الفلبين لشعبه: اقتلوا تجار المخدرات شادي شلالا - أبوظبي - سكاي نيوز عربية منذ وصوله إلى رئاسة البلاد في مايو 2016، أعلن الرئيس الفلبيني رودريغو دوتيرتي حربا غير تقليدية على الفساد وتجار المخدرات، ودعا المواطنين إلى مواجهة التجار والقضاء عليهم. كما دعا دوتيرتي التجار إلى الاستسلام، ونشر لوائح بأسماء مشتبه في تورطهم في الإتجار بالمخدرات من الشرطة والجهاز القضائي وكبار الموظفين، وطالبهم بتسليم أنفسهم للتحقيق خلال يومين من الإعلان "وإلا حوّل أسماءهم إلى لوائح القتل التي يمكن لأي مواطن أن يتولى تنفيذها". راكم دوتيرتي المحامي السابق الذي تبوأ رئاسة مدينته داباو لأكثر من 20 عاما، التصريحات التي أغضبت مناوئيه، فشتم السفير الأميركي لدى بلاده، ولوح بإخراج بلاده من الأمم المتحدة ووصفها بالمنظمة العاجزة وغير المفيدة، ثم هدد النواب بحل المجلس وهدد المجلي الدستوري بإعلان حال الطوارئ وتنفيذ الأحكام العرفية. وبدأ العالم ينظر بحذر إلى الرئيس الفلبيني الذي جاوز السبعين وبدأ يرسم ملامح مرحلة حكمه بما يشبه إدارة منطقته التي استطاع "تنظيفها" من الجريمة كما يحلو له أن يقول، التي تحولت من عاصمة للجريمة في البلاد إلى أكثر المدن أمانا. لا تغيب الشمس دون أن يصدر الرئيس قرارا أقل ما يقال عنه إنه مثير للجدل، فبعد تصريحاته الأخيرة التي لوح فيها بالخروج من الأمم المتحدة أعلن شغور جميع وظائف الدرجة الأولى الرسمية في البلاد بقرار رئاسي، ما عدا مديري الوزارات، وقال إن إدارة النقل الأرضي والنقل العام ينخرها الفساد، مؤكدا أن إقالة رؤساء الدوائر لن يؤثر في حسن سير العمل. ومع أكثر من 900 شخص قتلوا في حرب الرئيس من قبل مواطنين أو حتى من قبل فرقة الموت التي يرأسها أحد رجاله ويدعى رونالد دي لاروسا أوباتو، نشرت وسائل إعلام محلية ودولية تقارير اتهمت فيها الرئيس بضرب أسس العدالة في بلاده عبر الدعوة إلى تخطي جميع القوانين وقتل التجار أو متعاطي المخدرات، لكن الرئيس قال إنه لا يبالي بحقوق الإنسان وإنه يغلب مصلحة بلاده على كل شيء. منذ عام 1980 بدأ رجل داباو، أو "المعاقب" كما يلقب حملته لمكافحة المخدرات، توجها بنقل المعركة من محلية إلى أخرى على مستوى البلاد بشكل عام، وبقوله إنه لن يتردد في قتل ابنه إذا ما ثبت تورطه في الإتجار بالمخدرات أو حتى تعاطيها، وهو أمر لا يستبعد عارفو الرجل أن يقوم به فعلا في حال تورط أحد أبنائه. ومنذ بداية الحملة سلم أكثر من 600 ألف تاجر مخدرات أنفسهم، وبدأوا يخضعون إلى برامج إعادة تأهيل تشبه التدريب العسكري، وسجن أو اعتقل أكثر من 8 آلاف شخص، وقتل المئات منهم تحت التعذيب.

الفساد ملموس .. من أيام ابو حلموس

تحياتي: سامحك الله بداية كلماتك سقط قلبي..أعدت قراءة الجمل الأولى وايقنت إنه سيناريو تخيلي ..حتما هذا كان حلم الكثيرين ممن يقولون :ظز في مصر وممن لايرون الاوطان إلا حفنة من التراب لا قيمة لها .لكن هيهات ثم هيهات فلن تزداد المحروسة إلا قوة ومنعة مع الآيام وإن غدا لناظره قريب .بس شوية صبر . سومه

أوقات كثير بقول يمكن عشان كثير مننا في مصر ماشافوش الناس عايشة ازاي ،ومحدش يقول ليا بص ع اليمن والعراق وسوريا لان هرد عليه بص على دول كثير كانت في اوضاع اسوا مننا وتحسنت بس يا استاذ اسلام بجد بحس ان فيه ناس عندنا مستكترين على الشعب المصري انه يعيش حياة ادمية محترمة اتذكر مدى التعجب اللي بشوفه في عيون اي مصري تطأ قدمه مطار اي دولة وده شعور كلنا بنحس بيه هو احنا ليه مقللين من قيمتنا ومصرين نعتبر الحقوق الاساسية منه وتفضل لسه معتبرين ان مثلا توفر العلاج ده شئ عظيم وتوفر الخبز شئ اعظم ليه بنتعامل بمبدأ احمدوا رينا ع فكرة سوريا واليمن والعراق وصلوا للي فيه عشان كانوا زينا دلوقت المشكلة مش مشكلة رئيس في شخصه المشكلة مشكلة شعب مصر على انه يعيش في الحد الادني في كل شئ وللاسف اللي عايش بره مصر صعبان عليه ان اللي جوا مصر يعيشوا حياة آدمية ماترحلش ياسيسي ولا ترحل يامبارك ولا ترحل يامرسي احنا اللي هنرحل ،عشان نريح وترتاحوا