لوحة القادة

يا سلام !!! غالية و الطلب رخيص حضرتك قولي بس كده ان فيه حاجة ايجابية في مصر او حاجة سلبية في اوربا او امريكا .. و محل مخدات و شلت و مراتب حيتفتحلك علي مصراعيه ..

طال عمري !! شكل الجوجل ارث شغال الله ينور ... ما علينا نكمل زي ما انا عاوزة انا مهتمة في الموضوع دا بالذات بالجانب الاخر اللي هو الابداع الفني ليه ؟ لاني حاسة ان الناس مستهونة بيه و دا أدى الى اهمال تدريسه في المدارس و بالتالي اصبح عندنا دواعش صغننين بيكرهوا الفن و شايفين انه حرام مامتهم و باباهم بيقولولهم الفنانين دول ناس وحشين و هيدخلوا النار ولو ظهرت موهبة فنية على الأولاد و حلم شاب او فتاة ان الفن يكون مهنته ... يعترض الاب و الام : (فن ايه يا واد بلاش مسخرة ) واذا كانوا متفاهمين ومتفتحين شوية يبقى الفن و الهواية جنب الدراسة ...يعني تبقى دكتور او مهندس او صيدلي الاول و بعد كدا ممكن نسمحلك ترسم ، تعزف ، تغني ولا تمثل المهم تبقى دكتور فنان او مهندس فنان لكن الفن وحده ما ينفعش ؟؟ ليه لانه حاجة مش محترمة في بلادنا اوعى يكون قدوتك محمد رمضان ولا عمرو دياب - من مشخصاتي لمغنواتي يا قلبي لا تحزن ...واحد بلطجي و التاني بيتنطط زي فرقع لوز ولا اوعى تشخبط على لوحة وتعملي فيها فنان ... النوعية دي بالذات من الفن مش بتأكل عيش - ماليش انا دعوة بالاجانب و اللي بيعرضوه في اللوفر و الهرميتاج احنا لنا ثقافتنا وهما ثقافتهم هما يتسمروا قدام اللوحة بالساعات و يدفعوا فيها ملايين دي ناس عبيطة مالناش دعوة بيهم - بتقول ايه يا واد ؟ عاوز تنحت تمائيل !!! اللهم أحفظنا يارب ..دا كقر بَين - طيب لما هو كفر يا بابا ليه عمرو بن العاص اما دخل مصر ما حطمش التماثيل و المعابد ؟ هو ما شافهومش ؟ طيب واذا هو ما شافهومش ولا دولة من دول الخلافة الاسلامية اللي اتعاقبوا على مصر شافوهم وكسروهم قبل ما يفتنوا المصريين في دينهم ؟ - امشي يا واد من قدامي بلا لغو فاضي - وانتي يا بنت عاوزة ايه انتي كمان ؟ تغني يا فضيحتنا في العيلة و بين الجيران ...هنودي وشنا منهم فين ؟ تقفي على المسرح تتقصعي و تتمايصي تكونيش فاكرة نفسك ام كلثوم .. امشي يا بنت انجري عالمذاكرة بلا قلة حيا قال فن قال جتكم البلاوي في اللي مربينكم

ده كلام سليم .. كل واحد بيبنى ويشطب غير التانى خصوصا واحنا بنتكلم عن "فيللا" الأسعار اللى انا علقت عليها كانت أسعار المتر فى "عمارات" إنما الفلل .. فبينطبق عليها المثل : "كل برغوت على أد دمه" والمثل الرشيدى : "على أد فوله .. أدفوا له" (ده كلام المراكبى لصبيانه .. يعنى طول الرحلة بيعتمد على اللى بيدفعه الزبون)

عملية بلطجة ونصب .. (بالذوق وبالعافية) القانون فيه الآتى الذى يسميه الكاتب فى جريدة الوطن "صمام أمان" ! : يعنى يا متهمين هنتفاوض حول التعويضات بنية حسنة .. لو ما سمعتوش الكلام .. يبقى غصب عنكم هذا ليس غباء يا سيدتى .. هذه قوة غاشمة .. وبالبلدى "غشيمة" وحضرتك طبعا عارفة إن التعويضات بتكون عن أضرار مباشرة وغير مباشرة وتحت بند الـ "غير مباشرة" يقدر البلطجى يحط اللى هو عاوزه زى مثلا "الأضرار النفسية" .. وزى مثلا "الرعب" اللى اجتاح اللى كانوا بيتفرجوا على التليفزيون ... إلخ ده غير الأضرار المباشرة اللى هيشمل القطط والكلاب وليس ببعيد أن يطالب البلطجى بتكلفة الحرب على الإرهاب ردا على 9/11 زى غزو أفغانستان وغزو العراق وهلم جرا يا سيدتى .. أمريكا عبارة عن مُجَمَّع عسكرى صناعى .. قائم على تصنيع وتجارة السلاح مجتمع بيتاجر فى الموت - بمنتهى الشفافية - وليته تاجر فقط أو مسوِّق للبضاعة ده هو اللى بيخلق الأسواق لبضاعته أنظرى حولك .. لكى تعرفى الأسواق التى يفتحها المُجَمَّع العسكرى الصناعى ليبيع فيها للقاتل ويأخذ الأجرة من المقتول من عجائب القدر أن يكون أول من نبه إلى خطورة هذا المجمع على أمريكا والعالم .. رجل عسكرى كان يسبق اسمه - وهو رئيس للولايات المتحدة - لقب الجنرال دوايت أيزنهاور واحد من 33 من ضمن 44 رئيسا للولايات المتحدة كان من "العسكر"