لوحة القادة

بقولك ايه يا ريس كبَّر دماغك يا راجل - بلاها مشاريع بنية كهربا وطرق وباقى البنية التحتية (إيه العائد من وراها ؟) - إردم يا راجل الأنفاق اللى بتعملها تحت القناة بلا تضييع وقت وفلوس سينا إيه اللى عاوز تربطها بالوادى ؟ ما احنا طول عمرنا عايشين وهى فى حتة وباقى البلد فى حتة - إردم يا راجل السحارات .. مية إيه اللى عاوز توصلها هناك ؟ تنمية إيه اللى بتقول عليها دى ؟ إردم يا راجل .. وياريت تردم كمان الطشت .. إيه لازمته ؟ هى السفن يعنى هتعدم مسار ؟ ما عندها راس الرجاء الصالح والمسار الشمالى اللى فى الجليد إنت يعنى مش عايز جيرانك يسترزقوا بخط إيلات ؟ .. يا راجل Live and Let Live - مزارع سمكية إيه اللى بتتكلم عليها ؟ ربنا خلق البحر للسمك .. إعترض بقى على حكمة ربنا - وبعدين هو احنا ناقصين مدن لما رايح تعمل مدينة الاسماعيلية الجديدة والعلمين الجديدة .. والا مدينة جلود فى الروبيكى ومدينة أثاث فى دمياط - محطة نووية إيه اللى رايح تتعاقد عليها .. إنت عاوز تودينا فى داهية ؟ داحنا يدوب بنسوق تكاتك .. عايز تبعزق الفلوس فى محطة نووية لشعب مش هيعرف يشغلها ؟ - إلغى يا راجل المنطقة الصناعية الصينية والمنطقة الروسية والمثلث الذهبى بتاع الصعيد - إلغى العاصمة الجديدة وقول للصين يدونا حقها ناشف واحنا نتصرف بمعرفتنا - إلغى المساكن .. الناس مرتاحة فى العشوائيات .. مالك انت ومالهم ؟ - مليون وحدة سكنية إيه ومليون فدان إيه ؟ .. كفاية علينا الملايين اللى بنولدها - رجَّع يا راجل النسوان اللى بيقولوا عليها غارمات للسجن .. على الأقل السجن فيه أكل وشرب - رجَّع يا راجل الخبز زى ما كان .. نقاط إيه وزفت إيه ؟ مالها الطوابير ؟ ما طول عمرنا بنقف فى الطوابير .. والله يرحم اللى كانوا بيعشقوها وبيحبوها "موت" طب ده كان فيه ناس سبوبتها هى الطوابير .. سيب الناس تسترزق يا راجل - سلاح إيه اللى مضيع فلوسنا عليه ؟ .. - إقفل حقول الغاز اللى فى البحر واللى فى البر كمان .. ده ربك هو الحارس - رجع أنفاق رفح خللى التجارة مع غزة تنتعش - رجع البوارج والطيارات لاصحابها وهات الفلوس .. إحنا محتاجينها - إوعى تقرب للدعم .. ماله الدعم ؟ .. طول عمرنا عايشين بيه وكل حاجة بنشتريها بأقل من قيمتها الحقيقية بكتير - وبعدين طاطى شوية لأمريكا ولكل اللى عايز يركب .. كشكشها ما تعرضهاش رجع الفلوس واشترى بيها سكر وزيت ورز رجع الأسعار زى ما كانت .. وهات مارشميللو ونوتيللا وتيشيرتات ماركات إسمع نصيحتى هتقضى السنة ونص اللى باقيين لك ودماغك مرتاح وهتلاقى الناس ماشية بترقص فى الشوارع وتهتف بحياتك وأهم حاجة بقى .. سواق التوك توك هيكون مبسوط وعمرو الليثى هيرتاح لأنه مش هيلاقى سواق توك توك يرضى يعمل معاه مقابلة

خبر ثالث - ذو معنى - منشور بالأمس القاهرة والرياض تنسقان لتوحيد الصوت العربى بالمحافل الدولية.. مصادر دبلوماسية: المملكة تعد مشروع قرار جديد حول سوريا واتصالات مع القاهرة للتوافق.. ووفد مصرى بالسعودية نهاية الأسبوع لتقريب وجهات النظر

أدرى عن هذا من بعض العائدين من المملكة ولكن هناك خبران يعنيان الكثير أولهما عن وصول وديعة سعودية بالأمس بمبلغ 2 مليار دولار وثانيهما عن سفر وفد مصرى عالى المستوى إلى المملكة بالتزامن مع سفر السفير السعودى بالقاهرة إلى الرياض لا ينبغى أن تُترك الساحة للمراهقين (يتنططوا ويكركبوا على مزاجهم)

أنظر يا عزيزى إلى المسطح المرسوم على الخريطة والذى يضم (اليونان - قبرص - مصر - ليبيا) ليس فقط تشكيل جيوسياسى (سياسة جغرافية) ولكن تشكيل اقتصادى استراتيجى يضاهى تشكيل منطقة الخليح "العربى" الكوب ليس ممتلئا تماما .. ولكنه - أيضا - ليس فارغا كما يتوهم بعض الفارغين أو كما يريدون أن يدخلوا فى روع المتابعين

برغم استخدامى للفيس بوك .. وبرغم فوائده التى لا تُنكر فكثيرا ما أحس وانا استخدمه أننى فى جبلاية قرود

نحتاج لوقت غير قليل للعوده لزمن واخلاق ومبادئ هذه الصوره . قبل ١٩٥٢ كان الحكم ملكي وكنا نعمل وننتج بل ونتميز علي غيرنا زراعيا وصناعيا وتصديريا او اقله ننتج قوتنا وكنا مقصد لمواطني اوربا للعمل وكان من صفاف الدول المانحه . الأن نحن دوله توقفت في منتصف السلم لا منها عسكريه مثل كوريا الشماليه ولا منها مدنيه مثل دول اوربا . مواطنيها تنابله في حالة استرخاء يعتمدون عليها في المأكل والمشرب والسكن والتعليم وينجبون الأطفال بلا حسيب ولا رقيب متواكلين والأدهي والعجب .. يحرضون ويستعدون عليها القوي الدوليه ! والحق اقول وان طرفي الأمه وشركاء الوطن يفعلون هذا بالتساوي ودون تمييز ... لله در بلد لا يعرف قدرها مواطنيها وكأنها ارضعتهم السم .. بلد لا يطمح اهلها الي شئ ! إلا من رحم ربي