لوحة القادة

عندنا أزمة كبيرة فى العملة الصعبة ؟ = أيوة عندنا - عندنا مشاكل اقتصادية حادة ؟ = أيوة عندنا ؟ - عندنا مشاكل مزمنة فى التعليم والصحة ؟ = يوووووه - بالهبل . - عندنا أزمة فساد فى الذمم والنفوس ؟ = بالعبيط ،، إلا من رحم ربى - عندنا غلاء فى الأسعار وتجار جشعين بتتلاعب بقوت الناس ؟ = حدث ولا حرج . - ولادك بيروحوا النادى كل يوم ؟ = أيوة - صيفت السنة دى ؟ = أيوة ،، - بتنزل تسهر للفجر مع صحابك عادى ؟ = أيوة - طب عندك لا قدر الله جيش منقسم ومنشق ؟ = الحمد لله لأ . - جزء من بلادك محتل ؟ = الحمد لله برضو لأ - عندك قواعد عسكرية بتنتهك سيادتك على أرضك ؟ = الحمد لله رب العالمين ، مفيش . - سبت بيتك ووطنك وقاعد فى مخيم على حدود أى بلد مستنى طبارة ترمى لك رغيف ؟ = الحمد لله محصلش . - حد من معارفك اتدبح والدواعش لعبوا الكورة براسه قدام الكاميرات ؟ = اللهم احفظنا لأ محصلش - جه شهر عليك مقبضتش ؟ = لأ - ولادك ، مدارسهم وجامعاتهم إتعطلت والسنة الدراسية اتلغت ؟ = لأ - عندك فتنة طائفية بتحصد كل يوم مئات من دول ودول ؟ = لله الحمد والشكر لأ . - عندك أزمة كهربا فى صيف خانق الحرارة فيه وصلت لأرقام قياسية ؟ = لأ - نمت يوم من غير عشا ؟ = الحمد لله مستورة ** يبئا الخلاصة : - أيوا بلدك بتعانى ، وبتمر بظروف صعبة ، ودى مش أول ولا آخر مرة فى تاريخ الدول - لكنها بفضل الله متماسكة كهيكل عام للدولة وغير منهارة - يعنى بالبلدى مش أشلاء دولة - وده كافى بإذن الله إنها تقوم وتتعافى - وإوعى تنسى أبدا إن ربنا دايما فى المعادلة مهما أعيتنا السبل لو الدولاد بقي ب100 جنيه برضه بنحبها وهنعيش فيها...وزي ماتكون هنحبها إدعوا لمصر

الموضوع لا هو سكر ولا هو أرز يا أستاذ طارق إبحث عن تحالف الشيطان ، وتلاميذ الشيطان ، ومحاميى الشيطان كلهم ينهلون من نفس البئر الآسن .. ويتجشأون السم الزعاف فى وجوهنا التعامل معهم لا يجدى إلا على أساس واحد هو : نحن فى حرب .. فإما أن تحارب عدونا معنا وإلا سنحاربك كما نحارب عدونا واعلم أنه ليس من الضرورى أن تكون خائنا جاسوسا لتخدم عدونا بل يكفى أن تكون غبيا أو مائعا طاعنا فى الظهر أثناء الحرب كلهم شاربون من هذا البئر .. وإن تعددت أشكالهم