لوحة القادة

لو سمحتوا تأنقوا حنخرج نسهر .. حتودينا فين يا عطر .. حنحضر حفلة السيدة ام كلثوم .. اغنية سلطنة لمجال اهل الهوى .. بيرم التونسى .. زكريا احمد .. فى رائعتهم .. اهل الهوى .. و التى شدت بها عام 1944 .. أهل الهوى يا ليل فاتوا مضاجعهم و اتجمعوا يا ليل صحبه و أنا معهميطـولوك يا ليل و يقصروك يا ليل من اللى بيهــم و أنت يا ليل بس اللى عالم بينهـمفيهـم كسيـر القلب و المتألـــــــم و اللى كتم شكواه و لم يتكلـــــمو اللى قعد بعد الحبايب وحــده و بات حزين يشكى هيامه و وجــدهيشكوا ولا مخلوق سمع شكواهـــم إلا الكواكب فى السماء سمعاهـــميطولوك يا ليل بالسهد و الأفكــــــار و الشمس بعد الليل تطلع عليهـــم نارو بعد طول الويــل تعود لهم يا ليلو يقصروك يا ليل فى صحبه هنيــه علــى وتـــر رنــــان للصبحيــهفيهم يا ليل خل عطف على خلــــــه و يقول له لحن الشوق و خله يقولهيا ليل يا ليل يا ليل يا ليلو يقصروك يا ليل على هنا و سـرور و الشمس بعد الليل تطلع عليهم نورو يسألوك يا ليــل أمتى تعود يا ليلناس من قلوبها تقول يا ليـــــل و ناس على الأرغول تقول يا ليـــلو احنا معانا بـــدر طالع فى ليلة قدرفيها حبيب القلـب وافا و وافا الندرهو يقول يا ليل واحنا نقول يا ليـل و كلنــا بنقــول يا ليــــل اهل الهوى يا ليـــل

مش مهم تكلم زميلها أو صديقها المهم المكالمة ما يبقاش فيها حاجة غلط

صحيح ما هو كل واحد لو عارف هو عاوز ايه هيبقى عنده ( هدف ) والأهداف دي عبارة عن طموحات بنحاول نحققها فهنشغل وقتنا وجهدنا وفكرنا فيما يفيد ويدفع بعجلة التقدم _اللي واقفة دي_ الى الأمام ...لكن اللي حاصل اننا تايهين .

لا الحكاية دي مش من زمان .. او على الأقل اعترفوا بيها مؤخرا فقط انا اللي غششتك ونبهتك للحكاية دي و مع ذلك الحالتين غلط بقى هي الحكاية كدا وانا مفكرة من كتر الضرب اللي بياخدوه ليه يعني ملايكة وعايشين في المدينة الفاضلة ؟ دا كفاية بنوتة تكلم صديقها تبقى دي حاجة غلط لو اتسربت لاهلها ممكن حد يبتزها ويخليها تعمل عجين الفلاحة .

ملحوظة قوية انا ما انتبهتش لها وانا معك من المنتظرين .. وياخبر بفلوس ..

يا نهاري عاللفة ... مش قولت من زمان اتكلموا مصري فصيح أسهل المحكمة اتنورت

يا سلام يا ست عطر هتخرجينا و تسهرينا كمان .. دا كدا احنا محتاجين نشتري فساتين وبدل سهرة تليق بحفلات الست ولو اني متعقدة منها ومن حفلاتها من أيام والدي ووالدتي اما كانوا بيسيبوني انا واخويا ويسهروا ويقولوا ممنوع الأطفال ومن يومها وانا مش بحبها ولا بسمعها .. بس اديكي هتسهريني زيهم وهاخد بتاري منها. ممكن أنا بقى أسهرك النهاردة مع الموسيقى العربية في مسرح سيد درويش في بلدي الاسكندرية

شوف حضرتك لو الاخوان قدروا يثبتوا انهم مش هما اللي بيقوموا بالتفجيرات داخل مصر وان مش هما اللي بيقتلوا ضباط الجيش والشرطة يبقى هنصدق انهم مش خونة لكن المصيبة ان هما اللي بيعلنوا بعد كل عملية انهم اللي ارتكبوها . يعني قبل ما الشرطة تتهمهم بيعترفوا على نفسهم وزي ما بيقولوا ( الاعتراف سيد الأدلة ) وأكيد أنا مش بعمم .. أكيد فيهم مواطنين صالحين و وطنيين .

من وجهة نظرنا كان غير قانوني ومن وجهة نظر الاخوان قانوني لأ دي محتاجة قاضي من نوعية خاصة تتعامل مع روح القانون لكن الاجابة : لأ بتحصل لكن لا يجوز الله أعلم بنوايا الناس ولكن كل شىء جايز هو يوم مارفع التي شيرت بتاعه وأظهر تضامنه مع غزة في الملعب انا ما استريحتش وشعرت ان دا استعراض لكن لومت نفسي على ظني السيء بعد كدا .

مظبوط يا أستاذ طارق وكويس ان حضرتك لسه متذكر مداخلاتي دا انا بقى اللي ما كنتش أعرف ان حضرتك كنت اخواني ..حمد الله على سلامتك وعقبال باقي الاسرة بس حقيقي اننا نعمم ان كل الاخوان و السلفيين قتلة و خونة مش صح .. ربنا يصلح حالهم أو حالنا . وتحية لك يا أستاذ طارق على تقبلك الآخر مهما كان دينه او مذهبه و جنسه في الآخر احنا كلنا بني آدميين .

وبيعمل كدة

يا خراشى ؟؟ !! ...... هو الأكل الأورجنيك يعمل كده ؟؟ !!

ما هو الفقر ؟ أراه سؤالا نسبيا .. أكيد قرأت قصة إبنة المليونير الأمريكي التي طلبوا منها كتابة موضوع عن الفقر فكتبت تقول " كان هناك رجل فقير جدا و سائقه الخاص فقير جدا و الجنايني الخاص به فقير جدا ... إلخ" في مصر يا سيدي لم أسمع عن تأخر المرتبات ، و المعاشات تزيد سنويا بنسبة 10% و لكني أسمع كثيرا عن الفقر المهني ناس كتير مش عايزة تشتغل أعرف من مر عليه 15 سواق في مدة بسيطة رغم المرتب الجيد لا يوجد إلتزام أو إنتظام ، رأيت شابا -ثانوية عامة - يرفض مرتب 100 جنيه في اليوم يقولك وجبتين بكام و علبتين سجاير يفضلي كام ؟ و أسمع أن العاملين في مشاريع منطقة قناة السويس و ما حولها يتقاضون أكثر من 200 جنيه في اليوم . هناك خلل في هيكل العمالة في مصر ... أو هذا ما أتصوره ... و هناك خلل في أحلام المصريين ... ماذا تسمي خريج جامعة يسعي ل تأشيرة "راعي غنم" في إحدى دول الجوار ؟ ماذا تسمي وجود شغالة نيجيرية تتقاضى 4000 جنيه شهريا و شغالة فليبينية تتقاضى 700 دولار أمريكي شهريا . ربما هناك دور يجب أن تقوم به جهة ما في مصر مثل المركز القومي للبحوث الجنائية و الإجتماعية لبحث آثار الإرتحال لدول الجوار !

هذه كانت ديباجة الموضوع و في جزء آخر كان الحديث عن مذبحة أبو النمرس حيث تم سحل و قتل مجموعة من المسلمين المصريين الشيعة علنا و على رؤوس الأشهاد و الحادث تابعته أنا للأسف على تويتر و لم أصدق نفسي وقتها ، و تساءلت منذ متى في مصر نعرف المذاهب الإسلامية. حرية المواطنة محجوبة عن كل المصريين وكذا العدالة الناجزة ..... كلنا نعاني و هناك من يتاجر بالمظلومية - مسلمين و مسيحيين - و من أمثلة ذلك ما نشرته جريدة الأقباط في الخارج عن إعلان لطلب موظفين في بنك مصر مشترطة أن يكونوا مسلمين و رغم أن التعليقات على الموضوع في نفس المقع القبطي من أقباط و مسلمين تستنكر إمكانية حدوث ذلك و أوردته الفاضلة أغابي و لكنها يبدو أنها كانت على قناعة بأن الإعلان تم فعلا نشره على موقع حكومي رسمي ..... و أكيد كثيرين من أقباط المهجر تصلهم أكاذيب - لا يمكن أن تكون بحسن نية - أثمن كثيرا مشاركات الفاضلة أغابي كهمزة وصل مع المصريين مسلمين و أقباط في الخارج. مررنا كلنا على إقتراح أن يكون هناك نسبة من المسيحيين في أفلامنا و أعمالنا الإعلامية - تذكرون مرقس أفندي في فيلم أم العروسة - كما حدث في أمريكا في سنة 1962 بفرض نسبة من غير البيض في الإعلام الأمريكي كله .... حتى نعرف بعضنا و نتلاحم مع بعضنا.... أمس كان عيد الغطاس المسيحي و هنا في محاورات المصريين لم نكلف خاطرنا بالتهنئة جهلا بالعيد نفسه ..

طيب و الحل ايه ... اجراء واحد بس عمره ما حيحل مشكلتنا ... رؤية شخص واحد او الجملة الشهيرة اللي جابتنا ورا بتاعت حسب توجيهات الرئيس مش حتوقفنا علي رجلنا بجد ... اجراءات كتيرة لازم تتعمل ... و جانب كبير منها علي الحكومة لازم تتابعه .. لان ببساطة ده دورها الوحيد ... المشروعات المستقبلية اللي شغالة علي قدم و ساق في الدولة شيء رائع حتستفاد منها بصورة أفضل الأجيال الجديدة .. و ده اجراء صجيح مليون في الميه .. بجانب ده اتصور ان تجبر الدولة النشاطات الأستثمارية الخاصة انها تتجه ناحية السلع الاساسية الخدمية و اللي هي نافعة فعلآ .. الحد من الواردات مش شيء مستحيل و بالذات دلوقتي مع تعويم الجنيه و ارتفاع سعر الدولار ... ما ينفعش في بلد بتعاني زينا الاقي اعلان في هايبر عن كبدة بط مستوردة من فرنسا تمنها 1800 جنيه الكيلو .. ابو اللي جابها علي ابو اللي يشتريها ... الدولة لازم تقلع بدلة السوق الحر و تلبس جلابية ممثل الشعب .. لأن دورها هو انها تدير موارد الوطن بالصورة الأفضل .. و في نفس الوقت عينها علي القطاع الخاص تسيبه يشتغل في حرية آه لكن في اطار من القواعد اللي تشارك في خطة تنمية متكاملة ... و في الآخر العدالة و معاها الكرامة اللي بندور عليها حييجوا طبيعي ... جانب تاني متوجه للطبقة الوسطي اللي بتكافح انها تفضل وسطي و مستورة .. الموجودين في كل حتة في مصر .. و ايآ كان اسلوب صرفها لمواردها كلهم بدون شك عايشين في قلق مستمر .. قلق من الحاضر زي المستقبل .. لأن اساسآ مافيش اي حاجة فيها شبه تأمين علي المستقبل ده .. مرض .. حياة .. معاش .. و ده سببه اساسآ يرجع لأسلوب الحكومات السابقة المتعاقبة من السبعينات و لحد دلوقتي .. رمت طوبة بناء الشركات او المصانع .. و ابتدت تبيع اللي كانت مسئولة عنه برخص التراب و بما صاحب البيع ده من فساد يزكم الأنوف .. و هنا علي صفحات المحاورات ياما اتكلمنا عن ده ... رحم الله عمدتنا اخناتون و مداخلاته حوالين المبيعات دي ... و بكده كل اللي كانوا شغالين في المؤسسات دي لقوا نفسهم فريسة في ايد صاحب الشركة الجديد اللي اتحولت لقطاع خاص ... و اللي لازم يعوض الرشاوي للي دفعها و يعصر عماله زي اللمونة لتحقيق اكبر نسبة من الربح .. ما بقاش فيه ضمان اجتماعي او تامين و غالبآ مافيش حتي عقد عمل واضح يضمنلهم مستقبلهم الوظيفي .. كل اللي ليهم هو مرتب شهري غالبآ بيستلموه ناقص .. او في ميعاد متأخر .. مرتب عمره ما بيكفي السلع اللي متحاصرين بيها .. و الحل الأستدانة .. القسط السهل في كل حتة .. مشتريات استهلاكية ما بتعكسش حقيقة معانتهم .. ساعات بحس انهم بيتشتروا حاجات غير اساسية لحياتهم فقط كمسكن مؤقت لقلقهم ... يبقي لو صحت الأفتراضات اللي فاتت .. فدور الدولة الأساسي هنا هو انها تتبتدي تراقب القطاع الخاص بصورة جادة فعلآ فيما يخص العلاقة مع العاملين بيه .. التأكد من جدية التامينات الإجتماعية .. مرتباتهم بتتصرف كاملة و في مواعيدها و الا لأ .. عقود العمل صحيحة و عادلة و لا هما عايشين متهددين بالطرد او الإستغناء في لحظة و اعلي ما خيلهم يركبوه .. ما ننساش اننا ابتدينا في مطلع المنحدر ( علي وزن منحدر الصعود ) من ساعة ما طاطينا للمؤسسات الدولية من ايام "يا نادي باريس تعال و حاسبني و جدول ديوني عشانه و عشاني "و ابتدينا في مذبحة القطاع العام .. و عليه ليه ما نبتديش نرجع الإعتبار للقطاع العام ده علي اساس جاد و مدروس .. و حصر لجميع ما بقي منه و متابعة اللي واقف او متعطل منه و اعادة تشغيله ... و للحديث بقية ...

الارض لو مش مصرية فلازم تكون مصرية واى لواء من بتوع الخبراء الاستراتجيين يقول ان تيران وصنافيير ملهمش لازمة ومش بتوعنا يبقى حمار ومش فاهم حاجة ويروح يقف على عربية كبدة احسنله .. هل الاستراتيجية انى اسيب مدخل استراتيجيى زى ده اتضربنا بسببه فى 67 بالسهولة كده؟؟ ومقابل ايه؟ وعلشان ايه كل الدفاع ده عن سعوديتهم؟؟ ومحدش يقولى حق ومش حق ومش حناكل حق الناس والكلام ده لما السعودية تدى لليمن نجران نبقى نديهم الجزرتين .. ولو النظام اصر على بيعهم يجب ان يحاكم بتهمة الخيانة العظمى كل من دافع عن سعودية الجزر