لوحة القادة

من احلي الأصوات عندي منذ أن تخطيت مرحلة المراهقة هو الفنان علي الحجار الذي كون بأغانيه هو و فيروز الموسيقي التصويرية التي صاحبت مشوار حياتي حتي الآن... و كم يعتريني الأسف الشديد كل مرة عند نزولي الي مصر عندما أذهب الي محل الشرائط الذي اتعامل معه باحثآ عن شريط جديد له.. و لكن للأسف الرد منذ سنوات عديدة يأتي سلبيآ... لأ .. لسه ما عملش شريط جديد... علي الحجار اختفي... و اللي بيغني "قوم وقف لما تكلمني" ظهر... محمد الحلو هربان.. و فيديوكليب بيصور سيقان عارية لحاجة بتغني.. بتغني دي مبالغة.. لحاجة بتفح زي التعبان و هي بتتلوي حينط عليا من الشاشة.. فرقة الموسيقي العربية ما بقاش ليها مكان علي خريطة التليفزيون قدام المد الجنوني لموجة الأغراء الجنسي الموسيقي الذي يقوم بدور أساسي في عملية غسيل المخ الشامل الذي يتعرض له المصريين منذ فترة... و الناس واقعة بين المطرقة و السندان... مطرقة التشدد و سندان الأبتزال.. كنت فاكر ان الغنا في الحمام كان مجرد هواية بتساعدني زي ما بتساعد ناس كتيرة علشان يوصلوا بالليفة لغاية ضهرهم . .و لكني اكتشفت في أخر زيارة لمصر ان الهواية دي بقت فيديو كليب.. و بدل واحد بقم اتنين في البانيو .. هو بيغني و هي بتليفه.. ايه اللي بيحصل ... صديقي رد عليا بأن الجمهور عايز كده... لأ مش صح.. الجمهور اتفرض عليه ده... لأن زي ما أنا بدور بأبرة علي الفن الحقيقي .. ملايين زيي بيدوروا عليه... و زي ما محمد منير لسه واقف وسط الموجة دي بيقدم الفن الصح.. و جمهوره لا يستهان به... فدور فنانين مصر الحقيقيين ان يقوموا من غفوتهم و ينضفوا وداننا شوية من الأسفاف المتواصل اللي مش عايز يخلص ده... صحيح... القوالب نامت... و الأنصاص قامت... فلنبحث عن حل حد عنده عنوان علي الحجار البريدي.......

المستهدف المصري ليس المسيحي وحده ولا المسلم وحده ليست الحجة الخلاف في الدين ولا الخلاف السياسي ولا الخلاف المذهبي وفقط المذبوح في سيناء شيخ صوفي ... عمره 98 سنة كما قتلوا الشيخ البوطي في سوريا وهو من العلماء الكبار الحرب ضدنا كلنا كمصريين

عزيزى السنيور Scorpion المقال ده خطير ومفزع لكن ما اخبيش عليك فيه حاجات كتير مش فاهمها يا ريت تقراه .. وتفهِّم اخوك ابو محمد ولأن الاحتياط واجب سانقل المقال إلى ديوان "محاورات المصريين"

خللى بالك وشوف مين اللى بيلقط طرف الخيط

خللى بالك .. الدعك جامد فى جبل الحلال وهم دلوقت بيطلعوا Plan (B) اللى دايما جاهزة وفى الدرج خللى بالك لسه ما نسيناش السبعين أو التمانين كنيسة اللى اتحرقوا ابتداء من 14 أغسطس 2013 لا فرق عند الإرهابيين بين مسيحي ومسلم .. ده بيندبح وده بيندبح يا عزيزى كلنا كفار طبقاً لدين أميرهم أو دين مرشدهم .. أو .. "دين أبوهم".

حوار في موضوع آخر عن المستوي الذي وصلنا اليه في الذوق العام في كلمات الأغاني التي تقتحم الآذان الآن جعلني اتذكر هذا الموضوع الذي تم طرحه منذ 12 عام حول نفس الأمر ... أجزم ان كل جيل كان يهاجم ذوق الجيل الذي يليه ... و لكن بينما كان هناك دائمآ أسفاف و ذوق هابط ... و لكنه كان الشاذ في مناخ عام يغلب عليه رقي الكلمات و اللحن و الأداء ... ثم ... رويدآ رويدآ أصبح الشاذ هو الطبيعي ما كنا نعتبره هابط منذ سنوات اصبح فن راقي بالمقارنة بما نراه الآن ... اصبحت الناس تفضل الشاي ابو نشارة علي رأي جميل راتب .. و لكن بما ان الفن هو مرآة المجتمع .. اذن من الطبيعي ان يكون هذا المستوي الذي يغلب في حاضرنا الآن ...

العملة الرديئة تطرد العملة الجيدة للأسف هبط شيخ الأزهر إلى مستوى "جبلاية القرود" فى "جبلاية القرود" تكلمهم فى موضوع "يقفزون" إلى موضوع آخر على العموم يا مولانا .. المفروض أن تخاطب أنت تلك الجماعات والتيارات وتتحاور معها لكى تفهمها أن الديموقراطية لا تتعارض مع الإسلام قلت إيه بقى فى موضوع الطلاق الشفوى ؟

سكوب اسو (عصام شوقى حاليا) سى السيد على رأى على الحجار لما غنى وقال الدنيا مالها ولا احنا مالنا ولا الزمان نسانا ايه جرى لنا بقينا نحبس ف الصدور سؤالنا ونحسد الصادق على صدقه ونقف بين العاشق وبين عشقه نهرب من الصافيين اذا بكيو ونحسد الباكيين اذا ضحكوا صعب اى واحد فينا يكون عم ابوالعلا اللى يرجع الصورة الجميله الواضحة اللى بنحبها تنطبع فى اذهان اطفالنا لما يكبروا لكن اكيد ممكن يكبروا وودانهم بتسمع فيروز والحجار وحليم الرومى ووديع الصافى ومنير وكتير احترموا فنهم ونفسهم وعمرهم ماغابوا عنا حتى لو غابوا عن الساحة لفترة وممكن نربى فيهم الاصالة وحب القديم والقيمة والتقليد بس موش التقليد الاعمى لانه اصيل جوانا بدليل اننا بندور عليه فى كل لحظه وكل شىء حتى ف البشر انا شخصيا مخاصمة التيلفزيون من زمان بدى له ظهرى وانام ومحمد عاشق للاشياء الملونة والبركة فى الانيمال بلانيت وقنوات الاطفال الكارتونية وليست الاستهلاكيه اما لو سمع مزيكا بدون ازعاج يرقص ويبتسم ويارب يفضل كده على طول انزعاجك ياسكوب ممكن التخلص منه قاطعهم انت وادعوا لمقاطعتهم ستجد انهم ينقرضون يتلاشون وراء كل ما هو اصيل يسكنك انا اوعدك وعد رجاله احاول اجيب لك عنوان على الحجار البريدى لاننا كنا زمايل ولسه الحمد لله علاقتنا متباعدة بس طيبة بعد كل اللى حصل مع ابنى الدنيا لسه بخير فى كل الاتجاهات فى كل القلوب فى كل الحكايات فى شىء جميل حتشوفه لما تدور عليه فى ابتسامة ابن الايه ابنى وهو مطلع لك السنتين بره ماتخليش هموم صغيره تشوه الصورة ورغم انها موش مشرقة طول الوقت الا انى حقولك زى عصام خذلك ضلاية وغنى هل جلست العصر مثلى بين جفنات العنب والعناقيد تدلت كثريات الذهب وكمل انت بقى