لوحة القادة

تم الآن مد صلاحيات المشاركة للزوار لإمكانية إضافة موضوعات أو التعقيب على موضوعات قائمة و ذلك في جميع أبواب محاورات المصريين.

اشكرك شكرا جزيلا على المعلومات الرائعة و مشاركتك اينا في خبرتك بس خليني اسألك على كام حاجة كمان من باب الطمع, هل ابدأ في التقديم من شهر اغسطس هل الوقت هيكون كفاية؟ طيب موضوع امتحان اللغة و الماث ده ايه نظامة . انا بنتي في شهر اغسطس هيكون عندها 4 سنين و 10 شهور بس هي مدخلتش مدرسة قبل كدة (غير البلاي سكول في مصر) وده عشان كنا ناويين ندخلها فرنساوي و دوول بياخدو 5 سنين كي جي 1. و في حاجة تانية هي كل المدارس فيها كي جي 3 و هل ممكن تدخل على كي جي 2 عشان سنها مع اني معنديش ما يثبت انها خلصت كي جي 1.......معلش اعذري جهلي بهذه المسائل بصراحة في مصر كنت سايب القصة كلها لمامتها لكن هنا انتي عارفة الوضع .....!!!!!!! السلام عليكم ورحمة الله لا شكر على واجب ربنا يبارك فيكم جميعا التقديم بيبدا من شهر مايو يعنى حضرتك تبدأ تنشن على مدرسة وتسال فيها عن التقديم من نهاية مايوكدا لكن ممتد لبداية السنة الجديدة احنا كنا مقدمين لبنتى قبل بداية الدراسة بأسبوع بس المشكلة ان ممكن ما يكون فى اماكن بس دا غالبا بيكون فى المدارس اللى عليها ضغط كبير بس لكن بقية المدارس هتلاقى فيها اماكن لحد بداية السنة الجديدة بالنسبة للتقديم هما هنا عندهم الكى جى 3 سنين مش زينا فى مصر فبيبدأوا كى جى 1 من 3 سنوات فغالبا بنت حضرتك على كى جى 2 او 3 بس لازم تعرفوها شوية انجليزى زى ما قلت لحضرتك مثلا الحروف الالوان الارقام وازاى تكتبهم انا معرفش امتحانهم بيكون فيه ايه لان بنتى كانت داخلة على جريد وان وكان امتحانها فى الانجليزى كلمات وشايلين من بدايتها حرف وهى تكمل وكانوا جايبين لها كام جملة كدا تقرأهم فيهم كلمات بسيطة زى how are you? ,can I help you ? ما الماث فكان اسهل لان كان جمع بسيط او اشكال وتكتب تحتهم عددهم او تكمل باترن ومع ذلك بنتى ما كانت مستعدة للامتحان دا رغم انها كانت فى لغات فى مصر بس طبعا ما كنا نعرف فرحنا امتحانوها علطول طبعا ما كانت فاكرة حاجة فرحنا مدرسة الآفاق وما كانوا بيعملوا اى اختبارات فقبلوها بالسن بالنسبة لما يثبت انها خلصت فمش مهم احنا ماكنا جايبين معانا اى شهادات المهم انها تعدى من الامتحان والسن يكون مظبوط لانها لسه فى كى جى لكن لو هتتنقل فى اى مرحلة بعد الكى جى لازم بتجيب شهادات تثبت هى كانت فين يعنى السنة دى طلبوا اننا لازم نجيب ملفها من مدرستها القديمة وفعلا رحنا جبناه وبيكون فيه شهاداتها وكل اوراقها اللى كانت عندهم يارب اكون افدت حضرتك ولو فى اى استفسار تانى انا تحت حضرتك .ربنا ييسر لنا جميعا اللى فيه الخير