لوحة القادة

سوزان انا مش حاعزيكي كلنا كمصريين محتاجين عزا ده بوست لسه كاتباه ع الفيسبوك قبل ما ادخل الموضوع هنا و البوست مش موجه لحد بعينه و لكن لكل حد حابب و مستعد يشغل عقله الشَّهْرُ الْحَرَامُ بِالشَّهْرِ الْحَرَامِ وَالْحُرُمَاتُ قِصَاصٌ ۚ فَمَنِ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ ۚ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ دي الوصية الربانية لا يكون القتال إلا كرد فعل و بشرط أن يكون بنفس القدر بلا زيادة و لا إسراف في القتل أما مهاجمة أبرياء لم يعتدوا فهو الظلم البيّن و هو ما يستحق العدوان و حتى العدوان على الظالمين يكون مرهونا بانتهائهم عن ظلمهم " وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ لِلَّهِ ۖ فَإِنِ انتَهَوْا فَلَا عُدْوَانَ إِلَّا عَلَى الظَّالِمِينَ " هل الآية دي حددت غير انها على الظالمين فقط؟ أيا كانوا مين همة؟ هل قالت إن الظالمين المطلوب العدوان عليهم همة غير المسلمين اتباع دين محمد صلى الله عليه و سلم؟ هل في أي دليل في كلام المولى عز وجل ان الظالمين همة المخالفين لنا ؟ و منين تأكدنا اننا منزهين كمسلمين ان نكون من الظالمين اللي الكلام عليهم ؟ هو مش اللي يقتل أبرياء ده ظالم برضه؟ الكلام و الأمر برد الاعتداء بمثله دون اسراف موجه لمن تم الاعتداء عليهم من ظالمين و بس أما اختيار الأدوار بأهواءنا مين ياخد دور المؤمن و مين ياخد دور الظالم دي مش موجودة في الآية و متروكة لأولي الألباب و المثير للسخرية ان كل واحد بينقي الدور اللي يعجبه بلا أي ضوابط و الشاويش عطية واخد دور سندريلا !! عشان بس الناس اللي مخها طاقق و بيتهموا القرآن الكريم أن فيه تحريض على القتل و إن هو ده دليل الجهاد ضد أعداء الدين و خد بالك انت يا مسلم يا موافق على ظلم المخالف لك جاي دورك لأنك برضه في نظرهم و ما دمت مش من جماعتهم فانت برضه مخالف يا باشا و مش حيسموا عليك كل اللي مش منهم دورهم جاي مسألة وقت وترتيب أولويات #ما_لكم_كيف_تحكمون #نعوذ_بالله_من_ظلام_الجهل النازيين_الجدد# اللهم_بلغت_اللهم_فأشهد#

نفس الكلمات مرة أخرى و ندعوا الله الا يتكرر الحدث حزينا مرة أخرى. نذرف معكم الدموع ... حقيقة لا مجازا المصاب ليس مصابكم بل مصاب مصر كلها ... حقيقة و ليس مجازا فلنحتضن بعضنا بعضا و لنبكي معا و ندعو ربنا أن يشد من عضدنا و يمكننا من مواجهة صانعي الإرهاب و مروجي و ناشري الكراهية باسم الدين قبلاتي لكم و لنا جميعا

سابقى ويفنى الكل من قبلى وسيذكر التاريخ من مات من اجلى... انا مصر التى ذابت عروش على ابوابها.... ومات الفاتحون كى يحيوا فى قبرى... ان صمت...فذاك صمت الموت ان أتى... ولان صبرت فلا يغرنكم صبرى.... فلى رجال يجدون فى الموت حياه.... وحياتهم بالذل..موت عندى.... احمد محمود

تعكننت قوى النهارده .. من الصبح والاخبار زهقت منها والسبب واحد...الفكر... فولعت البخور وناديت على زئرد العفريت بتاعى سلم عليا وهو مستغرب انى متعكنن فولعت سجاره وقولت له.أنا: لحد امتى بقى هانفضل كده... زئرد: اهدى بس .. قصدك ايه؟؟؟؟؟ أنا: هو انت مشوفتش النهارده!! تفجير انتحارى فى طنطا.. وانتحارى تانى فى اسكندريه... انا الى قالقنى .. كلمه الانتحارى دى.. ازاى؟؟ ازاى حد يموت نفسه وهو فاكر انه بيعمل الصح... زئرد شد شدددده جامده قوى من البخور وكتم نفسه وبرق لى وقال..... زئرد: عايز تعرف بجد..؟؟؟ أنا : طبعا ... ده شغل شياطين.. زئرد : لا و انت الصادق ده شغل بنى أدمين... شوف يا سيدى... وفجأه لقيت زئرد بقى بدقن وقاعد فى جامع وبقى قدامنا شباب كتير من سن 14 ل 18 سنه قاعدين امامه منتبهين ليه وقام بص لهم وصوته اتملى خشوع وهدؤ وقال.. زئرد: يا ابنائى.. ان العقيده قد تغيرت واتشحت بالسواد فى زمن اغفل الناس عنه اعظم الفرائض واشرف المقاصد وهو الجهاد.. الجهاد الذى به نبلغ الجنه .. نضحى بارواحنا من اجل اعلاء كلمه الله وكى يمكن لدين الله فى الارض... لقد تأمر الجميع على محاربه دين الله فاغفلوا ان يذكروكم يا شباب الجنه بالفريضه الغائبه وهى الجهاد.. ان ارض الله لله.. ليست لمن يدعى الملك والجاه.. انتم يا شباب الجنه تستطيعون ان تكونوا مع خير خلق الله.. فى ليله واحده معه فى الجنه... انتم يا من تركتم الدنيا من اجل الله.. فلا ولد تخشون عليه الفاقه او زوجه تشتهونها او مال تخافون عليه.. انتم الانقياء الاتقياء.. يا ملائكه البشر انتم من سيقيمون دين الله.. ان اغفل الحكام والملوك والطغاه هذه الفريضه فانتم لها.. بكبسه زر تبيتون فى الجنه مع رسول الله تاكلون معه وتشربون من يده...اذهبوا الى اعداء الله فى ديارهم.. اعيدوا مجد الدين استعيدوا كرامته المهدره وهيبته المغتصبه زلزلوا الارض تحت اقدام اعداء الله... من منكم لها يا ابنائى .. من منكم...؟؟؟ انا: انا لها .. انالها.... الله اكبر ... زئرد : يخرب بيتك... فووووووووق.. انت صدقت الى انا قولته؟؟؟؟؟؟ أنا: يا بن الجنيه دا انا صدقتك.... زئرد : مفيش اى سند شرعى لاى حاجه انا قولتها الا لى الحقيقه وطلسمه الاحكام الفقهيه امام شباب لا يوجد ما يخسره فيصدق ويقصر ويقول لنفسه... يعنى انا زنيت وشربت مخدرات .. وسرقت... وبعدين بقيت بحب ربنا ... يعنى ادوس زرار اخش الجنه..؟؟؟ طبعا..... العيب على الى سايب الفكر ده من غير ما يوضحه ... أنا: صحيح الشيطان ليه حاجات.... زئرد: اوعى تخاف من شيطان الجن فمعاك الى تحرقه بيه.. تقول اعوذ بالله يسيبك.. تقرا ايه الكرسى تحرقه.. انما خاف من شيطان الانس.... الى والنيعمه لو قريت عليه الزبور والفرقان والانجيل ماهيسيبك الا لما يعمل الى هو عايزه..... أنا : صدعتنى يا منيل..... هى فعلا... مشكله فكر.... زئرد: كفايه كده النهارده وخلينا نضرب بخور علشان بكره هايبقى مختلف تمااااااااااااااااما..... اللعبه هاتبدى من بكره.. أنا: وماله....... خد شد......

الرحمة للشهداء .. جميعهم ابناء وطن .. عقيدة سماوية واحدة .. ما حدث و ما سوف يحدث يغلفونه دوما بعباءة دينية .. لكى نتلهى عن المقصد الاوحد السياسى .. تناسينا ان داعش صناعة غربية .. و كيف للغرب ان يصدر إلينا اتقياء .. من صعد للسماء فى مواكب الشهداء فطوبى له .. و صبرا للاحياء .. ابدأ لن ننحنى .. لن اتهم مناهج ازهرية او كنسية او حتى تقصير امنى .. لان هؤلاء الشرزمة لهم تأولاتهم و تفاسيرهم الخاصة التى تجتذب ضعاف البشر .. و المأجورين برعاية دول سوف تحصد زرعة ايديهم .. الجميع وعى خلفية الحدث ..

قولتلى .... عزائك مقبول ولغتك مرفوضه ولم يتعرض احد لانتقاد الدين الاسلامى... ي ريت امنت الذى لاتجر الحديث الى هذا المنحنى الذى يفرغ المصيبه من معناها ويخترع شماعات اخرى تلقى باللوم على الضحيه....