لوحة القادة

بالنسبة للفاضل هيرو هو من الجيل الثاني من المصريين المغتربين و هذا يعني أن مراحل تكوينه الفكري في أغلبها في الخليج ، و حواره معنا هنا أكيد سيكون مفيد جدا المصريين في الخليج في حواراتهم معنا لا يختلفوا كثيرا عن أفكار الفاضل هيرو و هم ليسوا مؤدلجين ! ترى ماذا عن المستويات الدنيا - ثقافيا و علميا -من المصريين العاملين في الخليج ماذا عن قناعاتهم نحو بلادهم ما أدراهم هم بكنائسنا و مسيحيينا ؟

في الستينيات كان أغلبنا متحمسين للتجارب السياسية التي نمر بها (هيئة التحرير - الإتحاد القومي - الإتحاد الإشتراكي ) و كان هناك آليات للتنظير للنظام الشمولي و الذي كان سائدا في الكتلة الشرقية يمكن القول إن موضة وقتها كانت كذلك ... كان عبدالناصر محبا لبلده و حالما و كنا نحلم معه و إنكسرنا معه ... عفوا لعلني خرجت عن سياق الموضوع. لاحظت كما لاحظت ياسيدي الإتجاه نحو "جعلصة " المصطلحات و التعبيرات في الجرائد اليومية .. الهدف و الغاية غير معروفة و غير واضحة ربما حتى في أذهان كاتبيها ، و يجب ألا نتغافل عن ممولوا الإعلام بدءا من شركات المنتجات الغذائية حتى شركات المنتجات الفكرية و ربما منها كارنيجي و لي عودة.

ايوه والنبي ... وشوفولنا الأسلحة اللي مالية الكنايس .. و الأسود اللي جوه الأديرة .. و مسرحية الأسكندرية و مدام قسطنطين .. و زكريا بطرس و مصر اللي اتقلبت علي ايد البابا شنودة ... الله يمسيك بالخير يا جمل الصحرا ..

على أساس إيه حكمت بأن الدولة تسمح أو لا تسمح .... تعطي وتمنع ... هل تحت إيديك قرارات المنع دائما وأبدا الكلام مرسل لا دليل عليه زي دا على أساس التخمين والظن السيء تعليمات إيه يا أستاذ : هيرو والله أنا لو ببحث عن مكاسب بالجملة ...لكنت سلكت الاتجاه الآخر ولكن أنا مع الذي أظن أنه الحق وإن فيه مصلحة الوطن وإن صاحبه لا يسدد فواتير لأحد اللي عايز يبقى وطني فدا واجب عليه مش محتاج حد يكافئه لكن فيه ناس تانية من زمان وهي متعودة على أسلوب الزيت والسكر فنظرتهم للناس من هذا المنطلق أخيرا ياباشا التعليمات اللي صدرت فعلا ودليلها الانتشار الواسع في الفيسبوك بالوقيعة بين الأزهر والدولة على أساس منع تجديد الخطاب الديني بكل الوسائل لكن فيه بشائر كويسة جدا من الأزهر اليوم كانت تنقيه مكتبات الأزهر من كتب الإرهاب وتم التخلص من كتب القرضاوي ومحمد عمارة وغيرهم وأي كتب سياسية وسوف يتبع ذلك بقرارات أخرى لكتب تراثية محل جدل كبير

انت اللى مليت المحاورات بنورك يابن مصر يا غالى يابن الغالية اوعى تكون اتفاجئت من "الدكتاتورية الجديدة" .. ماتضحكش .. ايوه فيه دكتاتورية من نوع جديد دكتاتورية اصحابها مش عاوزين حد يتجرأ يرد عليهم .. لو رديت تبقى بتكمم أفواههم وبعدين ينسوا يسألوا نفسهم : "طيب ما دامت أفواههم متكممة .. أومال كلامهم اللى يقرف ده طالع منين ؟" عجبى

منور الدنيا يا حبيب قلبى يا بومحمد.....معلش يا حبيبى اندفاع الشباب وكده....ومش متابعين برضه مشاغل الحياه.... الا تعلم يا صديقى انه فى المملكه صدر حكم بالحبس 9سنوات على شخص لتاييده داعش على الإنترنت مع منع استخدام النت مده مشابهه...وبتتريق على منع استيراد الدفع الرباعى.... ومين قالك انه اتمنى استيرادها؟؟؟؟؟؟؟؟ انا مش عارف المغترب بيجيب معلوماته منين....اما موضوع الرز...معلش ماليش فيه ومهما كان نوع وطنيتى......على النت بقى أو فى الشارع...عمرى ما اتربقت على بلدى...علمونى كده....يمكن المغترب بيبقى عنده مبادئ تانيه... كده يا بو محمد... اه صحيح مش انت مشرف قديم... والنبى تفهمه القاعده رقم 1 الخاصه بالالفاظ...المقبوله..والنبى يا شيخ...

نعرف - منذ الطفولة - قصة الراعى والذئب .. وكيف أن أهل القرية الطيبين صدقوه فى البداية عندما صاح "الذئب .. الذئب" .. صدقوه مرة وصدقوه الأخرى وفزعوا لنجدته حتى تبين لهم أنه كذاب و "بيإلش" .. ثم تركوه فى الثالثة لمصيره هو وخرفانه قرأت منذ بضعة أيام لأستاذ "جعلصة" المصطلحات عمرو حمزواى تقريرا على موقع كارنيجى - الشرق الأوسط بعنوان "تقنين السلطوية - زمن القمع الجديد فى مصر" .. التقرير له مظهر أو Format البحث العلمى أو الدراسة العلمية المحترفة مما يجعل جمهور الأستاذ - خصوصا من قطيع الغنم والمتثاقفين - يتابع القراءة مشدوها منبهرا ، فاغرا فاه وفكه الأسفل متدلى أمام مصطلحات مثل "مأسسة العقيدة السلطوية" ومثل "السرديات الشعبوية" لتأليه الجنرال الحاكم ...... وغيرها على غرار "الاعتياش بالمكارثية" والقلقاس بالمهلبية بعد أن فرغت من القراءة وجدتنى أتساءل .. لو كان ما يصيح به الراعى وغيره من الرعاة - ويصدقه القطيع - من أننا نعيش حكم موسولينى وستالين وشاوشيسكو وستينات مصر - وما أدراك ما الستينات - عندما لم يكن المواطن يجرؤ على فتح فمه إلا فى عيادة الأسنان ، هل كان يستطيع الأستاذ الراعى وفرقة الرعاة الصائحين "الذئب .. الذئب" كتابة ما يكتبونه فى الخارج وفى الداخل دون أن يصطحبه الزبانية فى رحلة إلى ما وراء الشمس أو فى زيارة خلف قضبان حمزة البسيونى ؟ يا أساتذة .. حقا نحن لا نعيش فى مدينة افلاطون الفاضلة .. وحقا وصدقا لسنا واحة الديموقراطية .. ولم نصل بعد إلى أعلى درجات سلم احترام حقوق الإنسان .. ولكن من المؤكد أن لا ذئب هناك يأكل أغنامكم أو يفترسكم إلا فى خيالكم كتاباتكم التى تهاجمون فيها الجنرال الدكتاتور ونظام الحكم العسكرى ودولة القمع وتكميم الأفواه واستمراركم فى عزف ألحان "الديماجوجية التهييجية" .. خير دليل على كذبكم وبوار بضاعتكم

وبعدين بقى.. مش اتفقنا من زمان ننقل القنابل النووية من الكنائس ونحطها فى الاديره..والاسود نحطها فى القلايات.... و المسرحيه خلاص عملنا غيرها وزكريا اتشلح... الله يا سكوب... وبعدين بقى.... وايه لازمه نجيب سيره اللهم احفظناجمل الصحرا... افرض رجع...ها...هنعمل ايه بقى دوئتى؟؟؟؟؟؟ والله مش عارف اقولك ايه يا صاحبى...هيفضل إلى زى وزيك يقاوموا لحد امتى؟؟؟؟؟ انا عن نفسى عمرى ما هازهق ولا استسلم ولو حتى بقى الكل طرشان....هانتنقل ساعتها للخطه.. ب.... هانتعلم لغه الاشاره.

اه هي وجيعة فعلآ بس اتعودنا عليها خلاص ... مافيش جديد ... لما الطرشان يفهموا مرة انهم طرشان يمكن الواحد يحاول يتحاور معاهم تاني ... سلامآ

طبعآ طبعآ يا أوستاذي ...

واضح انك بتحب اللون الاحمر...وردى عليك هو انت لم تجد لى مداخله واحده فى هذا الموضوع تهلل لما تدعبه والا برضه سماعى اعتراضى هنا على اسلوبك الراقى المهذب لامؤخذه..ًًًًً

اخى الغالى عذرا ماهكذا تعلمنا....وما هكذا كنا نحن صالون ثقافى...ولنا اصولنا وعاداتنا....وحتى لو بقى عضو واحد المبدأ لا يتجزأ....اسف أرفض هذا تماما.....والان وبعد هذا هل الاعضاء بيتزاحموا على الكتابه وأبواب المنتدى هاتتخلع من كتر المزاحمه!!!!!!!

برضه مجاوبتش....وعلى فكره فى مصر برضه فى طريق 800 كيلو متر وبتلاقى إلى يقف معاك ومن غير ما المدام ما تكون معاك ضابط المرور بيحترم حتى العربجى لامؤخذه...واضح انك بقالك مسافر كتييييييييييييير قوى ومحدش بيقولك......أما الكتابه باللون الأحمر....فمعلش....محدش عايش عواله على إلى فشل فى بلده فقرر يسيبها ويدور على رزقه بره... وإذا كنت فاكر الكام دولار إلى بتحولهم لأهلك علشان يحولوها تانى لجنته ويصرفوها على نفسهم اكل ولبس وعلاج هما الى موقفين اقتصاد مصر تبقى غلطان ابسلولولولللللتى......انت مبتتبرعش بالكام دولار إلى بتحولهم لاهلك.... أما لما الكلام ميعجبكش...اومتعرفش ترد عليه تقوم قايل كملوا مع نفسكوا.....انت حر بس لو سمحت مترزعش الباب وانت خارج مش كل شويه هانغير الازاز بتاعه..احنامش مغتربين.........بس الحمد لله عمرنا مكنا عواله.

المفروض المداخلة دى مداخلة اهنى واعيد فيها على اخوانى تماما زى يوم تفجير المرقسية اتصلت بصديق عمرى .. لم أهنئه .. لم أقل له كل سنة وانت طيب قلت له طمنى عليك . .مكتبه فى طلعت حرب قريب جدا من شارع كنيسة الاقباط (الشارع اسمه كده) قال لى أنا بخير .. حضرت القداس فى كنيسة العدرا كالمعتاد وصلت مكتبى بعد التفجير بقليل كان لازم أخدها مشى من شارع الشهدا جيرانى حكولى اللى حصل .. سألنى : سمعت عن العبوة اللى لقوها جنب الجامع اللى الناس كانت واقفة طابور جنبه عشان تتبرع بالدم ؟ قلت له أيوه .. الحمد لله فككوها .. الحمد لله انك بخير قفلت السكة بدون "كل سنة وانت طيب" .. ما قدرتش أقولها

أوفر عليك يا هيرو إنت هناك متفكرش تفتح بقك بكلمة .. مش مسألة شجاعة أو عدم شجاعة هى مسألة أكل "عيش" .. وانت عارف إن "الرز" فى الخليج إسمه "عيش" يعنى تقدر تقول إنها مسألة "أكل رز" وبعدين إنت يخصك إيه فى صنافير وتيران مصر لوكاندة مش عاجباك .. الخدمة فيها مش على مستواك ولو راحت الجزر للسعودية فهم فى الفندق الخمس نجوم اللى انت قاعد فيه يعنى خير وبركة .. وزيادة الخير خيرين تيك إت إيزى يا راجل .. وكل رز

فى أوروبا وأمريكا واستراليا .. إسمه إرهاب فى سوريا .. إسمه معارضة معتدلة فى مصر .. إسمه تقصير أمنى هذا ما تعلموه من "مجيدة العمشة"

ياترى يا هيرو ألاقى فين انتقادك لشرطة المملكة أو لشرطة الكويت .. لما حصل فيها حوادث إرهابية ؟ معلش أصل فى الحقيقة مش عارف انت فى السعودية والا لسه فى الكويت ونو ع الرز اللى فى الكبسة مش واضح .. مش واضح فيه غير الكركم

اخى الغالى .. وهم طيبين.... ليس وانتم طيبيبن ... يا قلب السماحه وتلميذ الرحمه.. لسنا كلنا جهله بديننا ونخون الله ورسلوه كهؤلاء الاوباش الذين سفكوا دماء الابرياء وهو فى محراب الله يصلون.. وعزائى القلبى واسرتى كلها حتى الوافد الجديد ابنى ذو ال4 اشهر بكى بكاءا فى هذا اليوم لم يبكيه من قبل وكأن الملائكه حوله يبكون لما حدث فبكى لبكائهم... وهكذا انت دائما. اخى الغالى حفظ الله عليك قلبك وروحك وعقلك وعقيدتك...تعازينا لكل مصر..... وطوبى للشهداء

الله يسامحك ما انا عابر سبيل برضوه وغلبانة ومن ساعة ما سبت مصر ما اتهنتش باكلة ملوحة ولا فسيخة الكويت مفهاش ملوحة - وبنستنا اى حد من اخواتنا اللى جايين من مصر يحملوهالنا فى النعش بتاعها واحنا بننتظرها فى المطار بحزم البصل الاخضر الورور رررر ررررر رررررر ررررررر والهتاف والصياح والعناق والخناق وبيبقي الواحد جايب مثلا سمكة واحدة وبتبص تلاقي الخبر انتشر والريحة وصلت وخبط على بابك ناس كتيرررررررر ليك سنين ما شفتهومش فى الكويت والحجج موجودة كتير بس المرة دي يخبطو على بابك وفى ايديهم علبة طحينة ولمونيتين دبلانين ويقولك وحشتونا اوى - حد يصدق اننا فى الكويت ولينا اكتر من سنة ما شفناش بعض - احنا جالنا خبر ان جاتلكم ملوحة من مصر ممكن نعمل قاعدة وتبص تلاقى اللى شايلك الملوحة من مصر للكويت هو هو نفسه الشخص المجهول اللى نشر الخبر بين الكل علشان حالف ما تتهنى بيها لوحدك - وبعدين نتجمع حوالين سمكة كبيرة واحنا 4 / 5 عائلات كبيرة برضوه - والدموع تنزل من عيونا اهىء اهىء ونقول - يا قوم - يا قوم - الملوحة بتجمع القلوب مرة تانية بعد طول غياب - وفى نهاية اليوم الجميل اللى فى الجونينة طبعا وبعد ما تلم قطط الكويت كلها حوالينا والفرحة بتعم الجميع نتعانق ونودع بعض بالدموع على امل لقاء جديد للموحة العام القادم اهىء اهىء