لوحة القادة

""فَرَحًا مَعَ الْفَرِحِينَ وَبُكَاءً مَعَ الْبَاكِينَ." (رو ١٢: ١٥) تهنئه من القلب لكل إخوتى و زملائى و جيرانى الأحباء بحلول شهر رمضان المعظم و راحه و نياحاً لأرواح كل شهداء الإيمان و شهداء الوطن و تعزيات الروح القدس لكل حزين مكلوم لن يمنعنا الشيطان عدو كل خير و أعوانه أبداً عن مد جسور المحبه. "لاَ يَغْلِبَنَّكَ الشَّرُّ بَلِ اغْلِبِ الشَّرَّ بِالْخَيْرِ."" (رو ١٢: ٢١)

باسم مسيحيي محاورات المصريين اعضاء و زوار .. نهنيء جميع إخوتنا المسلمين برمضان مبارك ... كل سنة و احنا جميعآ بخير و جنب بعض . كل سنة و احنا ايد و مصير واحد و ان كره الكارهون ...

بوركت يا سيدي و سلمت يداك ... حتى الآن لم أكن قد بعثت بتهنئة رمضان لأي من أحبابي ... و بعثت من لحظات ما يلي

الدين فكرة و يصدقها العمل .. و الافكار لا تنتشر بالعنف او تقمع به .. كلنا يعلم ما الغرض من تلك العمليات .. هم يجهلوا ان المصريين نسيج واحد .. الدعوة الدينية تكون بحسن الخلق و الفضائل .. و كل الاديان تحث عليها .. كما ان العقيدة حرية بين العبد و ما يعبد .. و ما بيننا احترام كل منا للاخر .. لقد تعودنا فى مصر مشاركة الاعياد و المناسبات و طقوسها .. كل رمضان و نحن جميعا طيبين .. يا رب اسعد قلوب من فقدوا فلذات اكبادهم .. و من فقدوا الاباء و الامهات و الازواج و الزوجات .. و انعم علينا جميعا بالرحمة و الهداية ..

كل عام وأنت بخير وصحة وكل أبناء الوطن ... لا ينال منا أحد .... هنفضل نقدم شهداء وعزاؤنا إنهم في منزلة أفضل بكتير .... يمكن علشان الأيام روحانية يكون الأجر أكبر .... وعلشان وقع عليهم الغدر .... وعلشان هم عزل ..... وعلشان الأطفال والنساء والشيوخ ...... مش ممكن الغادر يكون عند ربنا له منزلة ومش ممكن يكون الأعزل في النار والمسلح المعتدي في الجنة واثق في عدل الله ومؤمن إنه ليس بظلام للعبيد

علشان كده اخي طارق التهنئة برمضان كانت لازم تيجي من مسيحي.. رد واضح و صارم انهم مهما عملوا مش حيفرقونا .. مش يكسرونا ...مش حيخلونا نيأس .. مهما عملوا اعيادنا مش حيحولوها لمياتم ... و مافيش اكتر من مناسبة زي رمضان بيجتمع علي حبه كل المصريين تبقي رمز لترابطنا ده .. حزننا علي من غادرنا توازيها فرحتنا بتواجده الان في مكان لا يعرف الشر او الكراهية طريقآ له... علشان كده .. من كل قلبي بقولها كل رمضان و احنا بخير و مع بعض