لوحة القادة

المسلسل من ملفات المخابرات العامة ، شخصية كامل شخصية ثانوية و لكنها تعبر بصدق عن المصري المغترب لمدة سبعة سنوات يعيش مع خمسة في حجرة صغيرة من اجل التوفير ، و يعود لمصر و قد فقد الكثير من انسانيته يمكنكم مشاهدته على اليوتيوب

أبو محمد يا ست الكل .. الأستاذ محمد الله يرحمه ويحسن إليه ويجعل مثواه الجنة هذه القناة الاسرائيلية التى يتكلمون عنها لا يمكن أن تنافس قناة السويس ولا علاقة لها بالجزيرتين .. نهايتها - إذا اتعملت - فى شمال الخليج والجزر فى جنوبه والملاحة فى مضيق تيران حرة ودولية منذ فبراير 1957 ومضمونة فى اتفاقية السلام وبالنسبة لترتيبات معاهدة السلام مع اسرائيل فالأمر واضح من أبريل 2016 أعلنت ذلك السعودية .. وكذلك أعلنته إسرائيل وخصوصا إسرائيل .. فقد أعلنتا أنه تم الاتفاق على أن تحل السعودية محل مصر فيما يتعلق بالملحق العسكرى لاتفاقية السلام اللى هو واضع الجزيرتين ضمن المنطقة (جـ)

مممممممم معارضة ع طول وف اي حاجه ؟؟؟ لا كده حضرتك ظلمتيني هي كل المشكلة ان انا شخصيا شخص عملي ومش بحب اكون yes man اقنعني وفهمني وانا تحت امرك انما تتعامل بنظام هي كده وخلاص ده بيجنني عشان كده انا مابحبش اتعامل مع العسكريين في الامور المدنية واشتغلت معاهم وده سبب اختلافي مع النظام الحالي انه عسكري نرجع لموضوعنا بالنسبة ان فيهم العز والكنز ما اظنش ان الامور تقاس بمدى الجدوى الاقتصادية رغم ان انا بحب كده بس في امور تخص سيادة الاوطان معلوماتي انا الشخصية ان الجزر سعودية وده من كلام من زمان كنت بسمعه ف مناقشات ف البي بي سي ومن هيكل ف كتابه عموما فالاخر اهل الاختصاص هم الاولى بذلك انما منظر اعضاء مجلس الشعب والافاضل المطبلاتية اللي بيستميتوا ف اثبات ان الجزر سعودية هو اللي بصراحه مستفز والعجيب ان السعودية والله ماحد بيتكلم ولا فارق معاه عموما مازلت مصر ان مايحدث في قصة تيران وصنافير هو نظام الهاء للناس ونظام بص العصفورة اللي كرهته الناس من حقها تنتقد اداء الحكومةو البرلمان بالنسبة للجيش بصراحه هو اللي عرض نفسه لكده المفروض رجال القوات المسلحه يبقوا بعيدين عن اي قضية راي عام عشان مايكونوش عرضة للنقد والهجوم والتجاوز

عارفه بس اللى مش عارفاه انك كننت من فريق المعارضة علطول يعنى انت دايما معترض على كل حاجة فى اى حاجة - بس حسيت من تعليقك اللى قريته انك مش معترض على حاجة وبتدور زينا على حل للازمه وكلنا كدا حقيقي انا مستغربة ليه كل الهجوم والتكسير على موضوع الجزيرتين كان فيهم العز والكنز مع انى اول مرة بحياتى اسمع عنهم من فترة بسيطه ليه كل الهجوم الشرس على الحكومة والبرلمان والجيش

استاذه اغابي احقية الجزر للسعودية او مصر ده موضوع القضاء واهل الاختصاص يحكموا فيه اه احنا بنتكلم وعاملين نقاشات بس ف الاخر اهل الاختصاص اللي يحكموا بس حضرتك عارفة المشكلة في ايه؟؟ اخراج المشهد اكيد ده مش اول حالة تحصل في اي بلد بس تعاملنا معاها انا شايفه فاشل تحسي ان ف تخبط وارتباك غريب والامور واخده اكثر من حقها والغريب ان مثلا السعودية ولا بتجيب سيرة الموضوع ده ولا كانها طرف فيه ده اكبر مشكلة اننا اخرجنا الموقف بطريقة مش ظريفة

ما انا قولت من الاول نتفرج للاخر وانا تقييمي للامور بالارقام . ف علاقات الدول ببعض مصر قطعت علاقاتها مع قطر ،ايه الخسائر الاقتصادية والسياسية ع قطر ؟؟ ده اللي يهمني لان قطر ومصر انت عارف كويس اوي ان من 30 يونيو والامور تقريبا مقطوعة ، يعني الموقف الحالي مش هيفرق كثير ولا محتاج كل الهيصة اللي عاملينها وما اظنش ان قطر تضررت ولا مصر لان القطع موجود فعليا من فترة ،وانت عارف ان اللي حصل ده دلوقت هو مجاملة لطوالات العمر ف الامارات والسعودية ولو رجعوا العلاقات مصر هترجع عشان كده يهمني ان بلدي ماتبقاش خسرانة وياسلام لو كسبت لان السياسة كده بيحكمها مفاهيم المكسب والخسارة حدوتة قناة الجزيرة وبين سبورت كلام مش هيفرق كثير لان الجزيرة وحشة وسيئة عندك العربية وسكاي نيوز مايفرقوش عنها في التضليل العربية -- السعودية سكاي نيوز --الامارات الجزيرة --قطر كل واحدة من دول بتنفذ سياسة الدولة اللي بتدعمها Money talks وانت عارف ان القنوات ده ٣ مالهومش مصداقية كاملة وموضوع الاعلام والقوى الناعمة قصة كبيرة خلينا نستمتع بمشاهده الفييلم والانتظار حتى النهاية وده مايمنعش ان ايران عمالة تلعب في سوريا والعراق ع راحتها ومحدش من الاشاوس العرب قادر يقول بم ، خلينا مع قطر وتميم تمنياتي لك بمشاهده سعيدة للمراهقات السياسية الحادثة ع جنب . بلاش كلمة عدو ماتعملش زي الاخوان ،من لم يكن معنا فهو ضدنا اسمها مختلف سياسيا