لوحة القادة

من الناحية الموضوعية فالموضوع رائع وفعلا يشغلنا جميعا ولكنه بيزعل وبيقلب على اللي زي المواجع .. بصفة خاصة كان يشغلني لفترة كبيرة .... وهذا كان داعيا لاحداث تغييرات كبيرة احترازية في حياتي هذه التغييرات راقت لي إلى حد ما ولكنها لم ترق للبعض الآخر الحكاية إننا كتير فكرنا في مستقبل أولادنا وأكتر بكتير مما فكروا هم لأنفسهم .... ويبدو إن اللي بيضحي بيفضل يضحي طول حياته ... واللي بياخد بيفضل ياخد طول حياته فين أيام زمان وما كان يقال عن رد الجميل ... وإما يبلغن عندك ... أيوه عندك ..... وأنت كنت الأبن لأبيك والوقتي لما تقدم في السن هتكون له بمثابة الأب ..... حاجات كتير لكننا .... كأننا نؤذن في مالطة .... عايشين بفكرنا وأخلاقنا .... ومش عايزين نصدق إن الزمن تغير تماما .... وإن الفكرة إن اللي عملناه وما زلنا ... ليس لنا فيه فضل وإنما واجب .... والرد حد قالنا نخلف ...... ربنا يتولانا برحمته فالهرم مرض طبيعي كما أن المرض هرم عارض ... الناس اللي عندها إحساس بتتعب في حياتها .... لكن هنسبيها لله وربنا مش هيضيعنا أبدا إن شاء الله

كان لعبد الحليم حافظ مواقف و مقالب بعضها سمعته فى الإذاعة و بعضها قرأته فى الصحف و المجلات ليلى مراد : كان بليغ حمدى فى بدء حياته الموسيقية و لحن أغنية تخونوه لليلى مراد و قاموا بعمل البروفات اللازمة و تحدد موعد للتسجيل و بالصدفة دخل الأستوديو و سمع الأغنية و أعجبته و طلب أن يغنيها و لكن بليغ أبلغه أن ليلى مراد سوف تسجاها فى اليوم التالى فما كان من عبدالحليم إلا أن ذهب الى ليلى مراد و طلب منها أن يغنى الأغنية و قد كان. فايزة أحمد : غنت فايزة أحمد أغنية أسمر يا أسمرانى فى فيلم الوسادة الخالية و لكن الأغنية عجبت عبدالحليم فسجلها و غناها هو كانت فى وقت من الأوقات تقام حفلات أضواء المدينة و كان يشترك فيها مجموعة كبيرة من المطربين منهم فايزة أحمد وعبدالحليم حافظ و غيرهم و عندما ظهرت فايزة إنقطعت كهرباء الميكروفونات و لم تستطيع فايزة الغناء و إتهمت فايزة عبد الحليم أنه وراء قطع الكهرباء و لم تشترك معه فى أى حفلة بعد ذلك فريد الأطرش : إعتاد فريد الأطرش أن يغنى للربيع فى 21 مارس من كل عام و سافر فريد لعدة سنوات و قرر العودة لمصر و حدد موعد لحفلة الربيع كما إعتاد و لكن عبدالحليم حدد موعد لحفلته فى نفس اليوم و كانت أزمة فى الإذاعة المصرية و يخرجون من هذا المأزق. و أخيرا تقرر أن تذيع إذاعة الشرق الأوسط إحدى الحفلتين و أن يذيع البرنامج العام الحفلة الأخرى. مقالب أهل الفن بلا نهاية وربما أكمل

وسادتك ابى ما زالت احلامك تسكن تحتها .. اتوسدها كل ليلة لاعيش فيها حقيقة انت جزء منها .. هناك حيث الامان و الدفىء نجلس تحت شجر النور .. احكى لك و تحكى لى حواديت قصصتها لى فى الصغر .. تواعدنى ان تكون روحك معى تحنو على فى النهار .. يصدح الديك تودعنى و الامل بعينيك ان نلتقى ..

السلام عليكم مش عارف ابدأ منين .. انا صاحب الموضوع ده الموضوع ده كتبته فى 2008 وكنت عندي حماسه غير عادية وطموح كبير جدا ... كان نفسي افتح من نفس اليوزر بس مش فاكر الباسورد بتاعه وكمان مش فاكر اصلا الايميل اللى عملت منه اليوزر المهم انا محمد قطب فى 2008 كنت فى سنه اولى كلية وكنت بشتغل فى سيبر باخد فيه 350 جنيه فى الشهر كنت بصرف على مصاريف كليتي ودراستي وكنت فرحان اوى انى جمعت الف جنيه وكان عندي طموح كبييير اوى برغم ان كل ظروفى كانت صاعبها كان والدى مطنشني انا وولدتي واخويا الصغير من وانا فى اولى ابتدائي ولولا اشتغلت وكملت تعليمي كان زمانى شغال تباع ولا سايس ولا اي حاجه مع كامل احترامى لكل شغلانه حلال بس كنت نفسي اوى اشوف نفسي حاجه كبيرة اوى وكمان اساعد كل اللى مر بظروفى انهرده انا محمد قطب 2015 اتجوزت وبقضي شهر عسلي بشتغل فى شركة كبيرة فى البلد مرتبي اكتر من 3500 فى الشهر الحمد لله ربنا يعلم موصلتلهاش ولا بوسطه ولا بغيره بالعكس من اول ما اتخرجت وانا روحت قدمت فى مجال السياحه وفى كل حته جاتلى شغلانه فى فندق فى الغردقه روحت اشتغلت ب400 جنيه اغسل صحون مع انى معايا شهاده فى نفس المجال ومدير المطعم نفسه ممعهوش زيها بس ميأستش فضلت ادور على شغل تانى لغاية لما راديو شاك كلمونى روحت واشتغلت سنه فى الغردقه برضو تحويشة عمرى وصلت 20 الف قولت هبدأ البيزنس الخاص وروحت حطيتهم فى البورصه وقولت اتعلم بفلوسي جات الفترة اللى قبل ثورة 30/6 خسرت نص المبلغ واضطريت اسحب النص التانى عشان كنت قابلت بنت حبيتها ووعدتها اتجوزها فرمت فى نفسي وبدات اشتغل وانمى من مهراتى وادرس عالنت لغه واقرا فى بيزنس وحاجات كتير وقدمت فى حتت كتير لانى برضو حسيت انى فى راديو شاك هقف عند حد معين شوية وكلمتنى فودافون وعملت انترفيو والناس كانت مبهورة بالشخص الطموح ده قالولى تحب تشتغل فين قولت فى شرم عشان اكون بمارس شغلانتى اللى المفروض هي التعامل مع الاجانب واكتساب لغات وكمان الوضع المادى هيبقا احسن وقررت اعمل بيزنس بعد ماخدت خبرة كبيرة فى مجالات وطرق واستراتيجيات كتير فى ظرف تلات سنين كان رصيدي من شغلى والبيزنس الخارجي 150 الف جنيه صرفت منهم 100 على الجواز واتجوزت فى نفس معاد خطوبتي بعد سنتين بالظبط باليوم والشهر كل الناس كانت شايفه انه مستحيل انجز اللى وعدت بيه فى الفترة دى سنتين بالظبط مزادوش يوم الحمد لله حتى حمايا كان فخور جدا ازاى واحد محدش ساعده بمليم وعد ووفى وان مفيش حد فى سني عرف يوصل للى وصلتله بدون مساعده من حد الوحيد صحبي الانتيم اللى عمل كده ومتجوز بمساعدات من اهله وكمان مديون للبنك ب30 الف انهرده انا محمد قطب متجوز شقتي تمليك بنيت بيتي فى سنتين بالظبط معايا راس مال مش بطال ابدأ بيه وانا عندي 27 سنه فى عز ان كل اللى حوليا وكل اللى عرفتهم فى سني منهم اللى لسه اصلا مش عاجبه البلد وحالها وبيدور على شغل انهرده وانا قاعد مع نفسي افتكرت زمان وايام زمان وافتكرت البوست ده وقولت اخش اشوفه لسه موجود ولا لا ولما شوفته وقريت كلام كل الناس ابتسمت وقولت اللهم لك الحمد على اللى وصلتله وبجد بشكر كل واحد حاول يديني دافعه او يتكلم معايا وربنا يجعله ليكم كلكم فى ميزان حساناتكم نصيحتي لكل واحد فى الدنيا دي اوعى فى يوم من الايام تيأس الدنيا فى كتيبيييييييير اوى ولسه مستنياك اسعى وحط في دماغك انك تكبر مهما كانت ظروفك وساعتها هتلاقي الدنيا بتسمع كلامك غصب عنها وهتطوع كل قوتها تساعدك لان ربك هو اللى هيأمرها بكده لو شاف منك رجوله واجتهاد