لوحة القادة

المشكلة في الضمائر أنا جربت هذا التطبيق اللي هو اسمه بوابة الشكاوى الحكومية وأؤكد لسيادتك إنه آلية للتسليم والتسلم وليس في الغالب للحل هم كساعي بريد بيوصل فقط ..... تجربتي فشلت معاهم بكل المقاييس ... ربما نجحت مع آخرين ... واعرف يا أستاذ : عادل إن الشكوى بتروح للمشكو في حقه إن كان رئيس عمل وبياخد فرصة سنة أو سنتين علشان يرد يعني الموضوع بدون سقف زمني حقيقي ولكنه يعطي الجاني فرصة للهروب بجنايته أو التلذذ ببقاء الوضع على ما هو عليه أكبر مدة قضيتي كانت مع حرامية نهبوا المال ولكنهم مع بوابة الشكاوى الحكومية أخدوا فرصة كبيرة لملمة أنفسهم وتستيف أوراقهم مشكلتنا ملهاش حل لأن الأمور بتبقى شكلية عند البعض

يا أستاذ أحمد سيادتك كده زي اللي بيقول إننا يجب منع تجارة السكاكين وأدوات التقطيع خوفاً من إستخدامها في القتل إيه اللي دخل الدين في تأجير الشقق المفروشة للعُزاب أو غيرهم .. وهل الواحد لما يبقى عنده مشروع زي كده بيقوم كاتب على الباب " شقق مفروشة للعُزاب المنحرفين " ؟ يا سيدي الفاضل .. الأصل في الأشياء حُسن النية .. يعني مش عشان ده عازب يبقى لازم أضعه في قفص الإتهام إلى أن يُثبت براءته .. إنما بالتأكيد إنت كنت تقصد إن يجب أن تكون هناك ضوابط .. وده شرط من الشروط اللي ذكرتها وقلت إن الشقة يجب تسجيلها على إنها تؤجر مفروش في قسم الشرطة التابعه له . بالعكس يا أستاذ عادل فأنت تقصد من مداخلتك إن الموضوع لازم يُدرس بشكل جيد قبل البدء فيه .. وده شيء بديهي وإلا الواحد بيبقى بيرمي فلوسه في الأرض ولكن إسمح لي أختلف معك في موضوع سر المهنة .. فأسرار أي مهنة ليست بالبساطة التي تجعل الواحد يشربها بمجرد علاقة نسب أو حتى شراكة .. ولكنها تتوقف على التجربة والخبرة .. يعني ممكن أعمل دراسة جدوى لمشروع ما ومع مرور الوقت بالتأكيد سيكتسب صاحب المشروع الخبرة أو التي نسميها " سر المهنة "

الاخ الفاضل / سى سيد بتقول عليا تاجرة شاطرة ده اكيد اصلى بورسعيدية وانت عارف بورسعيد كلها ملهاش غير التجارة والبيع والشراء ونفعنى انفعك :P :P وعلى فكره فكرة الشقق المفروشة انا عملاها فى القاهرة اخذت شقة نظام دف تقسيط واجرتها مفروش وباخد ايجارها وادفع قسطها كل 6 شهور صحيح مفيش منها عائد دلوقت بس مش مشكلة فى الاخر انامستفيده خدت شقة ببلاش اسمها شقتى والمستاجر بيدفع تمنها وبعد سداد حقها اصبحت ملكى شغل على كبير اومال ايه احنا بنلعب :D mfb: وعلى فكره برده فى بورسعيد بنعمل كدا مع شقق نظام البنوك استلم الشقه من البنك واقوم بتاجيرها وهكذا بس كل اللى عليا ادفع مقدم العقد فقط بصراحة هى فكره ممتازة فى الوقت الحاضر وكمان مش مخسرة لاى شىء بالعكس وعلى فكره كمان حكايه المطعم دى برده كويسة من المشروعات اللى مش بتخسر لان الناس مش بتبطل اكل وخصوصا انها اصبحت موضه لشباب اليومين دول بس مش عارفه حسه ان المشاريع دى مش هتمشى مع اخونا اسامه من الواضح من كلامه انه ريفى طبعا مع احترامى الشديد له ولا اقصد اى شىء ولكن لانى متاكده من انه شخص صاحب عقلانيه كبيرة سيستوعب قصدى من ذلك ومن قولى انه ريفى لان اللى فهمته انه فى مجال الزراعه والاعلاف وما شبه ذلك على درايه كبيرة لذلك هو دائمايفكر فى مثل هذه المشاريع وفكرته لمشروع الخميرة دى برده كويسه بس برده نرجع ونقول عمل الدراسة قبل اى تنفيذ وعدم الاستعجال على الربح