لوحة القادة

إلي جميع الإخوة المسيحيين من اعضاء و زوار المحاورات .. تقبلوا أرق الامنيات بعيد الميلاد المجيد .. عسي ان تتسلل رسالة المحبة التي تركها لنا السيد المسيح الي وجدان الجميع .. اليوم هو ليلة الميلاد ..فدعوني أردد ترتيلة ليلة الميلاد ليلة الميلاد يمحي البغض ليلة الميلاد تدفن الحرب ليلة الميلاد تزهر الأرض ليلة الميلاد ينبت الحب عندما نسقى عطشانا كأس ماء ... نكون في الميلاد عندما نكسى عريانا ثوب حب .... نكون في الميلاد عندما نجفف الدموع من العيون ... نكون في الميلاد عندما نملأ القلوب بالرجاء ... نكون في الميلاد ليلة الميلاد يمحي البغض ليلة الميلاد تدفن الحرب ليلة الميلاد تزهر الأرض ليلة الميلاد ينبت الحب عندما اقبل رفيقي دون غش .. نكون في الميلاد عندما تموت في روح الانتقام ... نكون في الميلاد عندما يزول من قلبي الجفاء ... نكون في الميلاد عندما تذوب نفسي في كيان الله ... نكون في الميلاد ليلة الميلاد يمحي البغض ليلة الميلاد تدفن الحرب ليلة الميلاد تزهر الأرض ليلة الميلاد ينبت الحب

بأسم فريق المشرفين بمحاورات المصريين .. نتقدم بأرق الامنيات بمناسبة عيد الميلاد المجيد الي جميع الأخوة المسيحيين بأسرة المحاورات و زوارها .. فلتغمر رموز المحبة الذي يحتويه هذا العيد روحنا و افعالنا جميعآ كل سنة و إحنا جميعآ بخير ... هذا العيد كارت المعايدة سيكون مغارة الميلاد نفسها و من اعماق ريف مصر .. ,تم اختيار المكان و الشخصيات و الكلمات بعناية ...

المجد لله فى الا عالى وعلى الأرض السلام وبالناس المسرة. عيد ميلاد مجيد.. يارب أحفظ مصر وكل أبناءها الطيبين.

كل عام وأنتم بخير وصحة بهذه المناسبية العطرة التي يفرح بها كل المصريين وكل أبناء مصر مسلمين ومسيحيين والله سبحانه هنأ عيسى عليه السلام بمولده فقال تعالى : ( وَالسَّلَامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا ) بالفيديو ..المفتى: الله هنأ المسيح بمولده فى القرآن

دويتو غنائي إستمعت إليه هذا الصباح من إذاعة الأغاني و لا أذكر أني إستمعت إليه من قبل. يا ترى الست هي التي تعاكس ( مش عارف ما هو التعبير الصحيح هل هو تعاكس ام تناغش ) أم أن الرجل هو البادئ ؟ لن أقول نهاية الدويتو هل إنتهى في "التمن" ( و التمن بضم التاء و تسكين الميم و النون هو قسم الشرطة في أيامنا هذه و يقال مصدر التعبير أن القاهرة في وقت ما كانت مقسمة إداريا إلى ثمان أقسام ) أم إنتهى إلى المأذون. ؟

في يوم واحد عديت علي 4 مطارات .. و ما بين انتظار و التاني .. طال او قصر .. ابص حواليا الاقي معظم ناس من كل حتة في الدنيا ... كل واحد في حاله .. معظمهم مبتسمين .. مافيش اي حد بيسأل التاني عن ثقافته .. عن ديانته .. عن معتقداته .. عن توجهه السياسي .. في صالات النتظار في اي مطار ممكن تلاقي البوذي .. او المسلم .. او الملحد .. او المسيحي .. او .. او .. من غير ما تعرف تفرق بينهم .. ممكن تشوف اللي لابسة الحجاب او النقاب .. ممكن تشوف اللي لابسة فوق الركبة او تحت الركبة .. اللي لابس طاقية و اللي لابس كرافتة .. اللي لابس عقال و اللي لابس برنيطة .. اللي بشال و اللي بديكولتيه ..... مش حتلاقي حد بينقد التاني او يأنبه او يتطفل عليه او يحشر نفسه في اموره ... بشوف ده دايمآ كل ما أسافر .. الغالب هو انك تشوف ناس بتساعد بعضها من غير ما تسأل حتي التاني هو جاي منين او رايح فين ... الطبيعة الحلوة للبني آدمين تشوفها علي أصلها في المطارات .. و ده اللي يخليك تستغرب و تسأل نفسك ايه اللي بيحصل لنفس الناس دي لما توصل لوجهتها النهائية ؟؟!! طبعآ من الملايين اللي بيسافروا كل يوم في انحاء العالم قليل منهم اللي بيحتفظ برقيه و إنسانيته ... أما الأغلبية فبقدرة قادر تلاقيها رجعت للتشدد و العنصرية والتطفل ... بل من الممكن أن يكون بينهم مجرم او إرهابي .. و بالرغم من انهم كده كلهم بيلتزموا باللي بتلتزم بيه الناس التانية ... وكأنهم جوه المطارات ناس و براها ناس تانية .. اسمه ايه ده ؟؟ انفصال في الشخصية؟!.. ايه المانع أننا نلتزم في بلدنا باللي بننلتزم بيه لما نسافر ؟.. إيه المانع أن الناس تساعد بعضيها و تبتسم في وش بعضيها؟.. إيه المانع أننا ننسي بل نلغي التكبر و العنصرية و التطفل والتسلط على بعضنا ونعتبر ان كل بلد مش اكتر من صالة انتظار في مطار .. وأننا كلنا محتاجين بعض ولازم نحترم بعض .. ونحافظ علي شعور التانيين مهما اختلفوا معانا سواء في الثقافة او الاعتقاد .. ايه الطريقة اللي ممكن نفهم بيها الناس أن مجتمعنا في الأساس هو الفرد وتصرفاته .. وأننا كلنا في مركب واحد ودورنا كلنا اننا نحافظ علي المركب ده و نعمل كل اللي ممكن نعمله بانسانيتنا ... باخلاقنا .. بتضحيات حقيقية علشان ما يغرقش .. ايه الطريقة اللي ممكن نبتدي كلنا نحس بأي واحد تاني سواء بنتعامل معاه او حتي في محيطنا من غير ما نعرفه ونبقي دايمآ مستعدين نساعده من غير ما نسأل اي سؤال او نستني اي مقابل .. يا ريت البلاد تبقي زي المطار ... يا ريت الناس تتعامل مع بعضها زي ما بتعمل في المطارات ..

عيد ميلاد مجيد. وكما قال مكرم عبيد باشا اللهم اجعلنا نحن المسلمون لك للوطن نصاري واجعلنا نحن النصاري لك للوطن مسلمين". :flr1: :flr1: :flr1:

يعنى العصافير من 55 مفئسوش دا حتى دوام الحال من المحال :rolleyes: ابي العزيز ازى حضرتك بقالنا كتير مش بنشوف حاجة لحضرتك ونشكر صاحب الموضوع الذي من اجلة رايناك اليوم . هذه المسألة تدل على شيئين الاول اصالة كل ماهو قديم واننا محافظين على التراث وبننقله من جيل الى جيل . والشيء الثانى اننا فقدنا القدرة على التجديد واكتفينا بالموروث