لوحة القادة

الفاضل / الفاضلة Hanoshahanosha مرحبآ بحضرتك في اسرة المحاورات و يسعدني تمامآ ان اشترك في الرد علي التساؤل الذي فتحت به موضوعك .. مجرد سؤال من 4 كلمات .. و لكنه يحوي مستقبل كامل و شخصية تتكون قد تحمل اثر تأثير الأب عليها طوال عمرها .. مسئولية كبيرة .. جدآ ... تقع علي كاهل اي أب تجاه ابنته .. او ابنه ... ازاى البنت تصاحب باباها أعتقد ان اهم حاجة هو تواجده في البيت .. و بالتالي تواجده في حياتها .. بمعني ان الحياة الأسرية يكون ليها المساحة الأكبر من اهتماماته الشخصية او هوايات ممكن تتطغي عليها ... التوافق و الأحترام المتبادل مع الزوجة من الصغر حيخلي البنت ما يبقاش جواها خوف لا شعوري منه .. و لكن ثقة تامة .. انه يديها دايمآ فرصة التعبير عن نفسها ... يخليها تتكلم بحرية و ينصت ليها باهتمام ...لحد ما تتعود علي الكلام معاه دايمآ يديها حرية الأختيار من صغرها مع توجيهها بصورة ناعمة مش بزعيق او بنبرة آمرة .. و في حالة الخطأ الابتعاد تمامآ عن لوم قاسي او نقد هادم .. في حالة النقاش لازم يكون دايمآ بصورة هادية من غير خلط بيم دوره كأب و دوره كصديق .. و مع الوقت حيتعلم هو نفسه امتي الللحظة او الموقف المناسب للقيام باي دور منهم ... حاجات تانية كتيرة مش ممكن تتكتب او تتشرح .. لأنها مشاعر .. احاسيس .. لفتات .. بتخلق خيط غير مرئي بين الأب و بنته او ابنه .. قد يكون الخيط الذي تشده البنت لتبحث عن ابيها عندما تحتاج اليه .. او يتحول الي حبل يكتفها طوال حياتها يمنعها من الحركة و الحياة .