لوحة القادة

زي ما بيقولوا كل عصر وله أدان ... ما يُمتع و يستهوي الشباب اليوم لا يمتعنا و لا يستهوينا و العكس صحيح اللهفة و الشوق و الحنين و البعاد كلها مشاعر حلتها وسائل التكنولوجيا مش قادرة اقول انها حاجة وحشة هي تجربة مختلفة تماما ... ويمكن الشباب العاشق محتفظ باميلاته على الـ clouds ...الله أعلم ولكم على أي حال أكيد هما محتاجين لنماذج من خطابات حضرتك يتعلموا منها الكتابة الرومانسية او على الاقل يختاروا منها قطع يعملوها copy و Paste يمكن تنفذهم

حمد الله على السلامة يا ست سومة ... منورة المحاورات سعيدة بلمتك مع اولادك و أهلك وحبايبك ما فيش أحلى من لمة العيلة في اي مكان بقى مش مهم .. ربنا يخليكم لبعض يؤسفني ما عرفته منك عما وصلت اليه الاحوال في شرم الشيخ .. كلام حضرتك بيدل على ان المصريين أما بيضعوا اقدامهم في شى ء بيخربوه سواء كانوا من الموظفين و العاملين أو حتى الجمهور و الرواد ( ان لم توجد ادارة قوية و مسيطرة ) بما ان صدرت ( للمطار ) و هو عنوان المدينة التعليمات باغلاق التكيفات دا معناه اعتبار المصريين انهم مواطنين أقل درجة او اتنين من المواطن الاجنبي و على هذا الاساس يتم التعامل معهم في باقي المدينة بل في سائر محافظات الجمهورية و هذا يفسرلنا بقاء الحال كماهو عليه _ أي قبل ثورة 25 يناير _ في شوارع مصر . اذا افترضنا ان شعب مصر فوضوي وهمجي _مع ان معظم الشعوب لها نفس الصفات لو أطلقت لهم الحبل على الغارب _ اذن يلزم ادارة قوية تطبق القوانين التي سيلتزم و يسعد بها المواطن المصري اذا ما طبقت على الجميع دون استثناء . دائما ما نتعجب من التزام المصري بالقوانين خارج مصر واستهتاره بها في مصر ... تطبيق القانون بحزم في الخارج هو السبب . يجب على الحكومة المصرية و العاملين في مجال السياحة ان يدركو ان المواطن المصري هو الأبقى لهم و هو مصدر رزقهم فلا يتعاملوا معه باستعلاء لان لكل فعل رد فعل فلا تتعجبي حضرتك من السائح المصري اللي رد على العامل باستعلاء ... المواطن دا شايل في نفسه من سنين شعوره بالتفرقة في المعاملة بينه و بين السائح الاجنبي وتفضيله عليه ... دا غير انه وصل المطار ففوجىء بتعطيل التكييف في عز الحر ... وغيره وغيره حاجات كتير من مظاهر التفرقة بينه وبين السائح الاجنبي اكيد مسجلها في ذاكرته ... فلازم يكون دا رد فعله . الادارة ثم الادارة ثم الادارة دي كلمة سر نجاح الدولة المصرية تحياتي

الجمال احساس داخلي من يرى نفسه جميلا يراه الآخرون جميلا و العكس صحيح