لوحة القادة

الغضب ضرورة وعدم الغضب الدائم ليس هدوءا او سلاما ولكنه يعبر عن سياسة التجاهل فالغضب شعور محفز لاتخاذ اجراء للحل وبيعمل الدور ده لما الشخص يغضب بوعي يعني يبقى مش منفعل وبيرتعش وضربات قلبه متسارعة ويتفصد عرقا دي اعراض التوتر وقلة الوعي تسمح للتوتر بالتحكم في الموقف لازم تغضب عشان نتحرك لكن لو مش حانتحرك تبقى الشكوى في طريقها للوصول للهري لابد ان نراقب مشاعرنا جيدا الى أين توصلنا؟ حضرتك لما غضبت في ماتش لا يهمك ده كان مرتبط بشعور قديم بالغضب من سلوك اللكاعة او اللامبالاة في موقف مس حضرتك سابقا الماتش كان محرك للملف القديم اما في حالة دفع الفاتورة فالغضب اذا لم يدفع حضرتك للبحث عن قنوات الشكوى فكده الغضب لم يؤدي دوره المحرك مشكلة الغضب كشعور لو لم يقم بدوره حايتخزن في الجسم وتراكمه يشكل خطورة صحية على الشخص اغضب حضرتك وخللي نتيجة الغضب حركة في اتجاه تغيير ما تراه لا يعمل بالكفاءة المطلوبة ولا بأس بقليل من الفضفضة بين الحين والآخر فقط علينا الانتباه ألا تتحول الفضفضة إلى إدمان وتأخذنا للهري...