لوحة القادة

قررت أخيرا أن أكتب عن العضو الصامت دائم الحضور الفاضل white heart بعد كثير من التساؤلات التي تتعجب من وجوده المستمر في قائمة الموجودين ( يتصفح الصفحة الرئيسية ) هو عضو قديم إلتحق بمحاورات المصريين أبريل سنة ٢٠٠٢ أي في السنة الثانية من عمر محاورات المصريين - من الرعيل الأول و له حوالي ٧٥٠٠ مشاركة و هو من قام بتحرير قسم فهارس محاورات المصريين بطريقة أكثر من حرفية. توقف عن الكتابة عقب إختلافه مع الفاضل أبو محمد و الفاضل سكوربيون و هو خلاف فكري إداري نشب عقب موضوع - كفاية شفافية للفاضل أبو محمد هذا الموضوع به ١٠٦ تعقيب العضو الصامت الحاضر يعيش في أحد إمارات وسط أوروبا و أترككم مع الموضوع الطويل رأيي الشخصي على المستوى الإنساني أن هناك إختلافات يجب أن تموت بالتقادم أعتذر للفاضل whiteheart و أتعشم أن يكون في أحسن حال هو و أسرته

الزمان: يوليو 1996 المكان: شقة خالى(رتبة كبيرة فى الجيش) الدقى/القاهرة. الغرض من الزيارة فى هذا اليوم: التأكيد على خالى بأنه وصى زملاءه عليه تمام التمام قبل موعد التجنيد بتاعى. أحداث القصة: ذهبت مع والدتى لزيارة خالى لزوم (الواسطة) قبل ميعاد التجنيد...قال خالى لوالدتى أنا مش فاهم إنتى قلقانه ليه؟؟؟...أنا وإتنين لواءات موصيين عليه...ماتخافيش ياستى حيقعد فى القاهرة مش حيطلع بره...حيروح (إدارة الشئون المعنوية)...يعنى باختصار مش حيشوف الجيش غير يومين...وهوه بيستلم وبيسلم المخله. إنصرفت والسعادة والطمائنينة تملئ قلبى ولكن أمى لا تزال قلقة!!! اليوم الموعود: ذهبت بدرى جداً فى اليوم المحدد إلى إدارة التجنيد بحلمية الزيتون وأنا مفعم بالثقة فى أن أستلم مخلتى وأروح قبل الحر مايشتد...إصطففنا تحت وهج الشمس لنستمع إلى صوت الباش شاويش وهو يقول (اللى يسمع إسمه يقول أفندم ويجى هنا جنبى)...إنتظرت طويلاً حتى نادى على إسمى أخيراً...كان ينادى الإسم وعلى أى فرع من أفرع القوات المسلحة تم توزيع المجند عليه...نادى على إسمى وقال (مدفعية)!!!... شمال شرق!!!...الكيلو 000 طريق000!!!...لم أكد أستوعب الصدمة حتى أخذنا باش شاويش تانى سليط اللسان وأمرنا أن نقعد عالرمل فى عز الحر على شكل دايرة وسابنا على الحالة دى أكتر من ساعة وياويله ياسواد ليله اللى يفتح بقه بحرف...عليه شوية شتايم لا تقولى بقه إبن الغسالة ولا إبن الرقاصة...ده حاجة تانية خالص!!!...المهم جاء بعض الجنود وبدأوا يرموا لكل واحد فينا مشمع وبعديه فانلات وملابس داخلية واللبس الميرى والبيادة (أنا أخدت فردتين شمال مقاس يجى تقريباً 36 بالرغم من إن مقاس رجلى حوالى 44) :shock: :shock: :shock:...ليس لك الحق فى الإعتراض على المقاس... بعد حوالى ساعتين جاءت سيارة جيش لورى شحنونا فيها زى المعيز إلى مركز التدريب!!!...فى مركز التدريب حلقوا لنا بمكنة بنت كلب تلمة وبقيت عامل زى الكتكوت المنتوف ريشه... شفت ليالى أسود من قرن الخروب...لا عارف أكل ولا أنام ولا أدخل الحمام...جالى إمساك...الناموس هرى جسمى...بعد حوالى أسبوع بدأ تقسيم المجندين على مجموعات للتدريب على الرماية...كانت مجموعتى على مدفع عيار000 العملاق...أعطونى عصا طويلة جداً فى أخرها قطعة كبيرة من القماش وجردل فيه حاجة كده عاملة زى الجاز...إعتقدت أن هذه العصا نوع جديد من مضادات الدروع زى (ال أربيجيه) وشعرت بالفخر يملأنى وتذكرت أغنية عبد الحليم حافظ (على صدرك أرتاح من همى وبأمرك أشعلها نيران...بالأحضان بالأحضان) :shock: :shock: :shock: ...لم ألبث طويلاً فى هذا الشعور الوطنى حتى أفقت على صوت الشاويش وهو يقول بعد الرماية حتطلع على السلم ده وتستنى لما الماسورة تبرد وبعدين تغطس القماشه فى الجاز وتنضف الماسورة من جوه :mad: :mad: :mad:...سألته ماسورة إيه اللى تبرد...رد عليه بكلمة لا داعى لذكرها...نسيت أن أضع قطن فى أذنى...مع بداية الرماية حسيت إن ودانى وقعت...مش سامع حاجة...يظهر أننى أصبت بالصمم...تذكرت أغنية عبد الحليم (وبلدنا عالترعة واقفة بتغسل شعرها...جالها نهار إسود مقدرش يدفع مهرها) :shock: :shock: :shock: ...أنا لا أسمع ...shock: :shock: :shock: ...................يتبع

لم أكتب مداخلتي يا شيخ طارق لانتقاد المشرفين الافاضل او للإساءة لأحد ولم أنتظر رد عليه ولا أنا كاتم حاجة في قلبي كل ما في الأمر هو البحث في أسباب العزوف عن المشاركة وما ذكرته مكتوب نصا ولا أريد الاقتباس او النقل عن أحد من الأفاضل وقد ذكرت تبريرا لهذا التوجه وهو حالة السيلان السياسي في حينه والسخونة والاضطراب وهناك من كان يرى أن المعارضة وقت الحرب على الإرهاب خيانة تقبل تحياتي

المشكلة ان التراث ده بقى بقدرة قادر جزء لا يتجزأ من الدين وبقى المشايخ يدافعوا عنه باستماته لأنه جزء من الدين بل ووصفوا ان ده ثلاثة ارباع الدين بس تأكد ان قبل نهاية القرن الحالي كل ده هيخلص صرخة النت اللي فتحت النور لكل الناس لا يمكن اسكاتها ابدا طوفان العلم والمعلومات سيغرق كل الجهل المسكوت عنه بدون اي شك

معقولة أننا تاريخ طويل وحضارة ضاربة في جذور التاريخ في هذه العادة .... طيب لو كان الأمر كده ليه عملوا ليها تمثال ...

لا استطيع إخفاء إنبهاري بالموضوع سلمت يديك يا زوهيري … الموضوع من ١٤ سنة و مازال طازجا إحتفالية بعودة محاورات المصريين إلى شبابها

سيذكر التاريخ أن الفراعنه ضيعت فلوسها علي بناء المعابد والمسلات والاهرامات بدل ما توزع زيت وسكر علي الغلابهولولا تلك الأصنام كنا شحتنا ....