لوحة القادة

السوشيال ميديا social media أصبحت واقعا في حياتنا ولا يمكن تجاهلها ومن ثم لابد وأن يخصص لها باب مشتمل على الفيس بوك تويتر يوتيوب

تحياتي

ده شيئ يشرفني...وفضل المحاورات عليا قديم وكبير اعملولي باب في قسم الفنون بعنوان اسمع زهيري الجميل في باب الطرب الاصيل او الطرب والانسجام...مع زهيري ابو الكلام او اطربنا يا زهيري...محدش هيطربكم غيري عموما نرجع للموضوع المحاورات مش في حاجه لاعادة التبويب قد ما هي في حاجه لإعادة الأقلام القوية والمفكرة والمحاورة قلم واحد قوي....ممكن يعمل مئات الالاف من القراءات والمتابعات ويقدر يعمل متابعات اكتر من 100 الف قلم مهزوز وعديم الفكر حبيبي يا شيخ طارق...اشكرك بشدة

انا مش هعلق بس داخل فقط اعرض نقطتين من كلامك يا استاذ فلان بن علان وهما قولك ان الحشمة يقررها الدين وان درجات العفاف مرتبطة باللبس يعني انت عايز تقول للاستاذ زهيري مش كده برضه ان الواحدة اذا كانت منتقبة أو مختمرة تبقى عفيفة ومحترمة واذا كانت كاشفة وشها أو رأسها تبقى العكس اذا كنت تقصد ذلك فلا اظن ان الواقع يؤيدك الدين مش حاجه خيالية يا دكتور فلان في أذهاننا فقط عموما انت حر مع الأستاذ... محمد زهيري انا مش مدخل بينكم ... انا مالي ياعم

عايز اقول رأيي بس مش عايز ضرب ???? كلمة الاحتشام دي كلمة مطاطة جدا فالاحتشام في الصعيد المصري و عرعر وسكاكا و بريده السعودية....يختلف تماما عن الاحتشام في القاهرة مثلا تماما والاحتشام في الاحياء الشعبية في القاهرة نفسها يختلف عن الاحتشام في نادي الجزيرة في الزمالك في القاهرة والاحتشام في نادي الجزيرة غير الاحتشام في لندن و لاس فيجاس تماما فكرة انك تفرض زي موحد زي بتوع الكشافة على كل كوكب الارض بمختلف ثقافاتهم و جوهم و بيئتهم....فكرة مضحكة جدا...ولا تتناسب ابدا مع اي حكمة الهية فكرة انك تخلي الست في طوكيو تلبس زي الست في تنزانيا زي الست في اسيوط زي الست في باريس.....فكرة شديدة الهرتلة الحقيقة الحشمة يقررها المجتمع الرشيد في اي مكان حسب اعرافه و بيئته يعني انا مع ان مجتمع ما يرى ان النقاب هو الزي المناسب والمحترم للمرأة فيه.......ومجتمع اخر يرى ان البنطلون والقميص و كشف الشعر هو الزي المناسب المحترم فيه في كل بلاد العالم يوجد المحتشم والهابط والمنحرف......من غير زي الكشافة اطلاقا تحياتي

عادات وتقاليد ومناسبات وتفاعل المسيحيين في المجتمع المصري بشكل عام تحتاج الى ابراز وتعريف اكثر ايا كان مسمى الباب ولكن اين هم المشاركون هناك العديد من الابواب وبعضها لم يعد مطروقا من فترات طويلة لو تم دمج الابواب بعضها لبعض ربما يكون ايسر في التصفح والمشاركة

هو الحقيقة كان بيتتاوب علشان مش فاهم ولا كلمه عربي ???? اشكرك على كلامك الجميل