لوحة القادة

لم اقارن بينهما عزيزي ابو محمد .. فلا وجه للمقارنة بالطبع .. و لكنني ذكرت ان تأثير خبر وفاته علي كان مماثل لنفس تأثير وفاة مرسي ... فلولا أخطائه القاتلة ما جاء مرسي بمصائبه ... و عليه طلبت الرحمة لكلاهما ...

إنا لله وإنا إليه راجعون الله يرحمه ويغفر له

أنا قريت شوية فى الموضوع ولا قيت شوية شد و جذب بس على حسب معلوماتى و هو ما يؤكد معلومات الزملاء أن الأقباط هم سكان مصر وكانوا يتحدثون القبطية و دية أخر اللغات المصرية القديمة المنطوقة و بعد دخول الأسلام مصر و أسلام من الأقباط من أسلام و بقى منهم من هو مازال محتفظ بديانتة المسيحية و أعتقد وده أعتقادى الشخصى أن بعض المصرين الذين أسلموا فضلوا أن ينتموا للعرب عن المصريين على أساس التقرب للدين و التدين فأصبح كلمة الأقباط تطلق على المصريين المسيحين فقط واللى بيأكد كلامى ده أن أحد أصدقائنا (كان فى يوم من الأيام زمااااااااان صديقة الأنتيم أيطالى) قال أن بيقول لأبنة التاريخ الفرعونى ده بتدرسة بس كده عشان تنجح فية لكن ده مش تاريخة هو عربى ملهوش دعوة بالفراعنة و أعتقد أن النغم دية هى السبب .فسكان مصر الحقيقين و أصحبها هما اللى بيفتخروا بيها و بأنهم ينتمون لحضارة عمرها سبعة ألاف سنة و أنتمائهم الأول لمصر .يعنى أنا مصرى أولا و بعدين مسيحى مسلم ده لا يمكن يتعارض مع مصريتى .

الاستاذ ambitious: هذه معلومه غير سليمه و لاول مره اسمعها. الاسم الذى استخدمه قدماء المصريين لمصر هو "كيمي" عندما جاء الاسكندر الاكبر لمصر اطلق اليونانيين اسم "اي-كى-بتاح" و ده اسم فرعونى معناه "بيت الاله بتاح" بس علشان لسانهم معووج نطقوها "اي-جي-بتوس" علشان مبيعرفوش ينطقوا ال"ح" و بيحطوا "س" اخر اى اسم. ايجيبتوس دى اللى جت منها Egypt و خلافه. عند دخول العرب مصر لقوا اسم "ايجيبتوس" متدلع فاطلقوا على المصريين "قبط" بتحويل الجيم لقاف. و كان يطلق العرب على المصريين جميعا (مسيحيين و مسلمين من اصل مصرى) اقباط. لكن هذه التسميه اقتصرت بعد فترة من الزمن على المسيحيين المصريين. مصادر http://en.wikipedia.org/wiki/Egypt#Etymology و ايضا Incidentally the name of Memphis was never changed to "Hituptah [sic] 'spirit of [the god] Ptah'" as Vasholz claims.13 Rather it" was Hikuptah....Hikuptah is indeed the name that later Greek writers like Hecataeus and Herodotus used for Egypt, not Memphis (in fact it is Herodotus who first used the Hellenized form for Men-nefer).14 And it is Hikuptah that stands behind the derivation for the word Egypt used in European languages." (http://findarticles.com/p/articles/mi_qa3803/is_200710/ai_n21137941/pg_2/)

بدون تعليق لسة سامعها في برنامج 90 دقيقة واحد مسلم معدي تحت مكتب محامي مسيحي صاحبه ...لقي المكتب بيتحرق ..طلع علشان يطفيه لقي المحامي داخله ..انقذه .. الكلام دة الاسبوع اللي فات ..النهاردة المسلم توفي في المستشفي والنهاردة بس 4 فلاحين مسيحيين في قرية ميت غمر ..لقوا عامل مسلم بيغرق في بيارة عنده 60 سنة نزلوا الاربعة ينقذوه ..الاربعة ماتوا ..وانقذوا المسلم ..والاربعة كلهم شباب هما دول المصريين اللي انا اعرفهم

اولاً حضرتك العنوان مستفز بجد وياريتك سميته مصر قبطيه قبل ان يأتى الفتح الاسلامى ثانياً : المسلمين فى مصر هم برده سكان مصر الاصلين الى جانب اخوانهم المسحين كل ما فى الموضوع لما دخل الفتح الاسلامى مصر اسلم من اسلم وظل البعض على ديانته الى هى المسحيه اذاَ فمصر للمسلمين والمسحين كلاً على سواء ده ردى على الى فهمته من كلامك وياريت لو تقصدى حاجه تانيه توضحى اكتر شكراً