لوحة القادة

لنفس المغني اللي جبت سيرته قبل كده كلاوديو باييوني .. فيه اغنية قديمة .. لكنها مناسبة خالص لحالتي المزاجية في الفترة اللي احنا عايشينها دي .. فعليه قمت مترجمها و جايبهالكم .. عالأقل نفهم اللي بيتقال ... ملحوظة : الشمس في الايطالي مذكر و القمر مؤنث .. قبل ما طارق يخش يديلي كحكة عالحتة دي و مش حيبقي كفاية الكحك و البيتيفور اللي في بقية الترجمة ... Fratello_Sole.mp4

أدعوكم بصدق لمتابعة ما يقوله هذا الطبيب ...

لا أعتقد ان الأيطاليين او الأسبانيين كانوا في حاجة لفيروس كورونا ليعرفوا ما هو الأتجاه السائد في أوربا .... و الذي يجعل علي رأسها دولة ألمانيا و ساعدها الأيمن فرنسا .. هم من يقررون الأتجاهات و السياسات الأقتصادية و علي الباقي ان " يسمعوا الكلام " .. هذا شيء معلوم و و ليس جديد ... و الي ان كان هذا في اطار معين لا خطورة وراءه كان مقبولآ نوعآ ما ... بعض الإحتجاجات من فترة لأخري .. بضعة كاريكاتيرات ساخرة . و يتعايش الجميع مع هذا الوضع .. فقوة المانيا الأقتصادية تجعلها تقف بجدارة في أول الطابور الأوربي و تسمح لها بتحديد اتجاهه .. و لكن مع التداعيات الإقتصادية الخطيرة لهذا الفيروس و صلنا لمرحلة تتجاوز " عض القلب " و ووصلت الي مرحلة " عض الرغيف" و سيصبح الإتحاد الأوربي بعده علي المحك .. و المثير للدهشة أن ألمانيا قد نسيت مؤتمر لندن التاريخي عام 1953 .. عندما ألغت أوروبا معظم ديونها الحربية التي كان يجب ان تدفعها بعد خسارتها للحرب العالمية الثانية .. و بدون هذه الهدية ما كان من الممكن اطلاقآ ان تستعيد المصداقية والوصول إلى الأسواق ... لم تكن ألمانيا لتتعافى أو تصبح تلك المعجزة الاقتصادية الان بدون مساعدة جاراتها و علي رأسهم ايطاليا و اسبانيا ..

ما هو ده اللي قاله بوريس جونسون رئيس وزراء بريطانيا في الأول .. و قرر ان بريطانيا مش حتدي للفيروس ده حجم اكبر من حجمه .. لحد ما هو نفسه اتصاب بيه .. و معاه الأمير تشارلز ولي العهد شخصيآ .. ساعتها عمل زي علاء ولي الدين و قال .. " ايه الغلاسة دي ... لِف و إرجع تاني ... "

كتبت ماريان إدوار : لاحظت حاجة.. فجأة الناس ابتديت تاخد احزاب،، -حزب يدافع عن مصر وان مصر بتعمل اقصي ما عندها والحكومة متميزة والاعداد المصابة او الوفيات قليلة جدا، سواء بفضل اجراءات الدولة او بفضل تطعيمات سابقة او مناعة. -حزب ضد كل ما سبق، وبيقول ان الاعداد في مصر رهيبة والحكومة مخبية ورافضين يعملوا اختبارات للكورونا. -وحزب يروح مدخل العالم في الموضوع، وتصبح مصر في مقابل العالم.. العالم ده مين تحديداً محدش عارف، المشكلة ان الحزب ده متخيل ان لازم حد فيهم يكون الصح .. يا اما مصر يا اما العالم.... من بداية الموضوع والى الان انا بصلي بهدوء وبستنى اشوف ربنا حكمته ايه.. لكن اول ما ابتديت الاحزاب تظهر حسيت بالغيظ والغضب! اولا لأن محدش عارف حاجة! حقيقي.. كنت بقرا مقال في جريدة اجنبية بعنوان.. "ما الذي يجب ان تعرفه عن الكورونا؟" قريت المقال وطلعت بإجابة واحدة.. "والهي احنا مش عارفين نقولهالكم ازاي .. انما اصراحة محدش عارف حاجة!" ثانيا كلمة العالم والمقصود بها العالم المتحضر، دول العالم الاول وليس دول العالم الثالث... فالمفاجأة اللي حقيقي مش قادرة افهمها هي: ان كل دولة في العالم بتتبع مقاييس مختلفة تماما عن الدولة اللي جنبها.. مفيش مقياس واحد مفروض على كل دول العالم.. بجد مش بهزر! هولندا مثلا من قبل اي فيروس ولا غيره .. ليها ثقافة ان العلاج ده آخر حاجة بنفكر فيها.. انت بتكح خد باراسيتامول.. بطنك وجعاك .. مش شرط تكون زائدة دودية ومش لازم تكون سرطان.. اهدا كده وتعالى بعد اسبوعين لو انفجرت تبقى كانت زايدة .. بجد مش بهزر! وبالتالي اعلنوا من أول يوم كورونا.. شوفوا يا حبايبنا.. احنا في العادي بناخد براسيتامول لأي ڤيروس، حتى واحنا عارفين اسمه ونوعه وشكله.. فمابالكم بڤيروس ما نعرفش عنه حاجة.. اقعدوا في بيوتكم .. واعملوا الاحتياطات ولو الحالة اتدهورت تعالوا ناخد الاجراء التالي وهو جهاز التنفس، قبل كده معندناش حاجة! انجلترا .. طول عمرهم صرحا.. معندهمش مانع اوي يقول في وش الناس.. هتموتوا كلكم.. استعدوا نفسياً،، هدوء برود صادم .. وعادي.. اجيبلك الدليل.. هل في حد انجليزي طلع يسب رئيس الوزرا.. ابدا عادي.. امريكا.. ايه الجديد ..؟! اللي انا لاحظته بنظرتي الضحلة البسيطة وانا مش طبيبة ومش دارسة علم نفس.. ١- في حاجة غريبة في الموضوع ولا يمكن انكارها. ٢- اللي تاعبنا اننا اتعودنا ان لازم كل حاجة تكون تحت السيطرة، لازم يكون في حاجة تتعمل.. لو مفيش حاجة تتعمل نبتدي نلقي اللوم على حد.. على الاهمال، على نظرية المؤامرة، على ربنا، على خطايا الناس.. لازم حد يطلع غلطان.. والعجيب هنا: ان ممكن فعلا حد يطلع غلطان، لكن احنا منعرفهوش! فممكن الاجابة تكون: احنا مش عارفين! أما عن الموضوع الاساسي في المقال الفضفضة ده فهي: بلاش احزاب.. احنا عارفين عيوب كل دولة وثقافتها.. فمصر ممكن تعمل كل حاجة صح لكن يهمها تجنب ان الناس تتوتر، التوتر في مصر اخطر من الفيروس نفسه.. مصر مش بلد ارقام.. فبلاش ندافع عنها ولا نشتم فيها.. هي كده. اوروبا بلاد ارقام جدا.. احنا عندنا احصائيات لعدد الايام اللي طلعت فيها الشمس في يوم ٣٠ مارس على مدار ٨٠ سنة.. وده خبر هيظهر في الجريدة. فمفيش داعي للمقارنة .. هي كده. اوروبا مش هتكدب في الارقام .. مش هي دي اللعبة، انما هي هتظهر ارقام وتخفي اخرى.. يعني .. في كام واحد مات ده معلن.. في كام واحد خف من المرض؟!!!!! ساعدوا نفسكم بالبعد عن التحزب.. كل واحد يشوف ايه المقاييس والامكانيات بتاعت البلد اللي عايش فيها ويتكيف عليها.. الاحزاب هتزود على مرار المرض كراهية وتفرقة وتمرد.. ملهمش لازمة خالص

اليوم بدأ صرف المعاشات من البنوك و مكاتب البريد و بدأ توزيع شرائح التابلت من السنترالات أكيد لم يكن ذلك مفاجأة لأي بني آدم و لكن يبدو أنه مثل مفاجأة لناس كتير … الذي حدث اليوم هو تواجد متكرر للتزاحم التلاصقي أمام البنوك و أمام مكاتب البريد - ذلك موعد قبض المرتبات و المعاشات - و أمام السنترالات للحصول على شريحة الانترنت اللازمة للتلاميذ ال ين يستذكرون على التابلت و سيمتحنون إليكترونيا الإعلامي وائل الأبراشي عرض اليوم عدة فيديوهات للإزدحام التلاصقي … عادي و تداخل السيد كامل الوزير مع وائل الأبراشي و حدثت - تقريبا - خناقة على الهوا. السيد الوزير يعترض على نشر تلك الفيديوهات و التي اتهم الإعلامي بأنه ينشر فيديو قديم من يوم الاربعاء خناقة لم نعرف نتيجتها ! النتيجة توقعوها في أرقام الإصابات في الأيام القادمة اللهم إحفظ مصر

https://www.elperiodico.com/es/barcelona/20200329/imagenes-blanco-y-negro-barcelona-confinada-coronavirus-7909768 برشلونة.. ابيض وأسود... هل هذه هى حقا برشلونة؟ كأنها مدينة الأشباح... و... كأن الأرض ...فجأة. ..اعترضت كأن الطبيعة طلبت مهلة...للتنفس. كأنها. ..تعاقبنا نادى الكثيرون...حافظوا على الطبيعة...حافظوا على البحور...حافظوا على الأنهار.. ولا حياة لمن تنادى. سخروا منهم كثيرا...الكل سخر.. ومن أتبعهم. مشي على دربهم...إلا قليلا. ...فماذا حدث.؟. احتجت الارض..دافعت..بسلاح لا يري.. جربت قبلا...جربت..حرائق. ..فيضانات....تسونامي....تلوث... جربت...اعترضت... كانت تحاسب البعض وتترك البعض.. والآن؟ قامت مرة واحدة..بهدوء...بمنتهى الصمت... أطلقت فيروس لا يري...قالت له أسبح فى فضاء الكون... دعنا..نتنفس هى...قرصة ودن لعلهم بفقهون.. و..ينعمون وننعم

اجتمعت اللجنة الدائمة للمجمع المقدس، برئاسة قداسة البابا تواضروس الثاني صباح اليوم، لمناقشة آخر التطورات بشأن موضوع انتشار فيروس كورونا المستجد، COVID-19، حيث أصدرت اللجنة بيانًا، جاء نصه: "في إطار متابعة الوضع الاستثنائي الذي يمر به العالم هذه الأيام، وكذلك البيانات التي تصدرها تباعًا منظمة الصحة العالمية والتي تظهر الانتشار السريع لفيروس كورونا المستجد COVID-19 في مختلف دول العالم، ومن بينها بلادنا العزيزة مصر، التي يبذل مسؤولوها قصارى جهدهم في سبيل احتواء الوباء، الذي يعد أكبر أزمة صحية خطيرة نواجهها منذ مئات السنين. وتابع البيان:"ونظرًا لأن التجمعات تمثل الخطر الأكبر الذي يؤدي إلى سرعة انتشار الفيروس، قررت الكنيسة القبطية الأرثوذكسية من منطلق مسؤوليتها الوطنية والكنسية ، وحفاظًا على أبناء مصر جميعًا: - غلق جميع الكنائس وإيقاف الخدمات الطقسية والقداسات والأنشطة. - غلق قاعات العزاء واقتصار أي جناز على أسرة المتوفي فقط، على أن تقوم كل إيبارشية بتخصيص كنيسة واحدة للجنازات وتمنع الزيارات إلى جميع أديرة الرهبان والراهبات. - يسري هذا القرار من اليوم السبت 21 مارس ولمدة أسبوعين من تاريخه، ولحين إشعار آخر. واختتم البيان:"وإذ تُذَكِّر الكنيسة بقول السيد المسيح: "لاَ تُجَرِّب الرَّبَّ إِلهَكَ" (مت 4 : 7)، تناشد جموع الأقباط في مصر والخارج عدم التهاون إزاء الأزمة الحاضرة، والالتزام بالإجراءات التي تعلنها السلطات المسئولة، للمساهمة بفاعلية في تفادي كارثة تلوح في الأفق، يترجمها تزايد أعداد المصابين بالفيروس والمتوفين في العالم، فليس من الحكمة أو الأمانة أن يكون الإنسان سببًا في إصابة الآخرين أو فقد أحد أحبائه. وتدعو الكنيسة الجميع إلى رفع صلوات وتضرعات في كل موضع، واثقةً في أن صلواتهم سوف تصل إلى مسامع الرب القدير وأنه سيتحنن علينا ويرفع هذه الضيقة، ويعطي شفاءًا وسلامًا وطمأنينة لكل العالم ويبارك كل الجهود التي تبذل لمواجهة هذا الوباء الذي يهدد العالم كله. كما نصلي بلا انقطاع لكي ينعم الله على المصابين بهذا الداء بالصحة والعافية وليبارك جهود الأطقم الطبية القائمة على متابعة وعلاج المرضى حتى يتم شفاؤهم

كتاباتك يا سيدي موسوعية و تغطي أفكار غائبة عنا بالكامل و لم نسمع عنها و إن أذكر أن إتفاق مصر مع شركة إيني الإيطالية أظن سنة ٦٣ و كان هذا الإتفاق big break through للدول المنتجة و شركات التنمية البترولية عامة نحن جهلة تماما بما حدث في الحرب العالمية الثانية صحيح تم أخيرا تغطية هذه الحرب في البرنامج التوثيقي الذي يذاع على قناة نتفلكس أظن حضرتك بإقامتك الطويلة في إيطاليا أكيد كونت رؤية موضوعية عما حدث في الحرب الثانية