لوحة القادة
المحتوى صاحب التقييم الأعلى
عرض المحتوى صاحب أعلى تقييم في 07/19/20 في جميع الأقسام
-
17 سنة و 3 شهور ... دي السنين اللي قضيتها هنا ... يعني اللي كان في اولي ابتدائي ساعتها زمانه دلوقتي اتخرج من الجامعة ... و نحط فوق البيعة انه عاد الثانوية العامة علشان يحسن مجموعه ... ساعات بفكر ان استمراري الوقت ده كله هنا اكيد ان سببه هو اعضاء المحاورات اللي اتفاعلت بمشاعر مختلفة معاهم السنين دي كلها ... كل واحد او واحدة منهم كان ليه دور في تكوين جزء من شخصيتي .. اكتشافي لحاجات كتيرة .. وقت من عمري اقضيه بفكر ارد علي حاجة اسعدتني او ضايقتني ... فكرة عمرها ما جات في بالي ... وضع عمري ما كنت اتخيل اني حعيشه او امر بيه ... حبيت ناس بجد ... و غضبت من ناس بجد ... و اتصدمت في ناس بجد ... و صعب عليا من ناس بجد .. كل ده خلاني افكر ان المحاورات مش مجرد صفحة تواصل عالنت .. المحاورات زيها زي عمارة كبيرة بنعيش كلنا جواها .. نتفاعل بالفعل مع بعض .. و نعيشها كانها "مجتمع حي" موازي لمجتمعنا الحقيقي ... او مدرسة عاش فيها طلبة كل فترة دراستهم .. و بعدين كل واحد اخد سكته بعد كده .. كذا مرة ارجع لكتاباتي القديمة و اقضي سهرة كاملة اقرا اللي كتبته و الأهم الردود عليا .. كل واحد او واحدة تفاعل معايا او تفاعلت معاه باي صورة كانت .. اضاف ليا حاجة .. و النهاية دايمآ اقفل الكومبيوتر و فيه ابتسامة جوايا .. و دلوقتي حابب اني ارجعهم كلهم بصورة ما علي صفحات المحاورات تاني ... مجرد اني اكتب انطباعي الحقيقي عن كل واحد اتواصلت معاه و اللي طبيعي حيكون من وجهة نظري انا اللي ممكن تكون غلط ... مع ثقتي اني مهما حاولت مش حقدر افتكرهم كلهم ... فأعتذر من دلوقتي للي حيفلتوا من ذاكرتي ..1 نقطة
-
قبل ان أبدأ ... أدعوكم أولأ بالترحم و قراءة الفاتحة علي ارواح من سبقونا ... مجموعة من أحب و أميز الأعضاء الذي كان لي الشرف القراءة لهم و الحوار معهم بل و لقاء بعضهم شخصيآ بنت مصرية **** أخناتون **** الأفوكاتو **** FARO **** محمد الشيخ **** هشام عبد الوهاب **** Homer
1 نقطة
