لوحة القادة

عندي طاقة للغزل تسحر قلوب كل الحسان طاقة دلع طاقة عسل رغم الهموم رغم الزمان عندي طاقة للغزل حسنك يا حلوة في القلوب يشرخ ويكوي ليه بحنان ملقتش زيك في الدروب نور حياتي بالأمان لو قلت عينك فيها إيه ممكن جفونك تستجير وان قلت قدك غنوة فيه عقلي ف جماله راح يطير وأخاف من القول الكتير فارجع واغمض عيني يوم وارجع لروحي كالأسير واذكر جمالك للنجوم وانا عندي طاقة للغزل وانتي يا بهجة في المكان يا فجر هل من الضلام حسنك ملكني للعنان فيكي سكت كل الكلام عاشق جمالك للعطش ساحر وجودك للدموع قلبي على نبضك فرش صاحي باسمك في الضلوع ينده عليكي ومش بكش من حين ما يصحى للهجوع وانا عندي طاقة للغزل والعطر لما يسير هنا باعرف مرورك من سنة ياللي بهاكي في الفؤاد يكمل بسعده فرحنا لمسة إديكي عالورود أروى من القطر الندي تبدأ بيومي أو تعود وتناجي أمسي أو غدي ياريتني في همسك وجود يمسح عذاب قلبي الصدي وانا عندي طاقة للغزل ودي ماشية بتداري القوام عن كل نظرة جارحة معرفش ده خوف الكلام ولا أنينك في الرحا عاتبت قلبي لما مال مرة لحسنك وانعشق ورجعت أقله ليه الخيال أعجز من اللي بيك رفق عاشق قوامك والسؤال إمتى اشوف حسنك شفق ع القلب يرويه الوصال يجمع بلحظة ما اتفق وانا عندي طاقة للغزل