لوحة القادة

انتبهوا ايها السادة من شركات مكافحة الحشرات طلبت عرض اسعار من الشركة الألمانية لمكافحة الحشرات ووصلني عرض الأسعار بقيمة ٣٠٠ جنيه. اتصلت على الشركة ورد عليه د. ماجد وقالي ان السعر يضاف عليه ٥٠% للجهة المعلمة اي ان الاحمالي ٤٥٠ جنيه ووافقت فأرسل لي عامل واخبرته عن عرض الأسعار ولكنه قال لي انه بيتعامل بالليتر بقيمة ٢٠ جنيه لليتر فأخبرته كام ليتر يحتاج لشقة بها ٣ غرف فقال لا يستطيع أن يحدد الا بعد الانتهاء من العمل. وبعد الانتهاء كتب فاتورة بقيمة ٤٥٠٠ جنيه. قولت له انت بتهرج ولا تتكلم جد. قال لا انه جاد في كلامه. قولت له كام ليتر استهلك فقال ٢٢٠ ليتربيتما انا كنت معه خطوة بخطوة ملأ فيها سلندر الرش ٤ او ٥ مرات نصفه تقريبا بالماء ووضع فيه قليل من مادة لزجة وسعة السلندر بالكامل هي ٢٠ ليتر. ورفضت دفع قيمة الفاتورة وقولت له نتوجه لقسم الشرطة وخاصة ان لدي عرض اسعار منهم ب ٣٠٠ جنيه. وبعد أن كشفت غشه وعملية النصب قبل مني ٥٠٠ جنيه. ولدي أرقام تلفوناتهم وعرض الأسعار مرسل من د. ماجد وشخص اخر اسمه خالد

إتصلت بالشركة الألمانية لرش شقتى ، ووصلنى رقم الشركة رسالة على الموبايل ، اتصلت بيهم للإستفسار فأخبرونى انه لابد من معاينة الشقة لتحديد عدد اللترات المطلوبة ، وأخبرونى ان سعر اللتر 20 و30 و50 قلت عاوزة افضل شىء ، وحددت موعد للحضور وطبعا توقعت ان شقة مساحتها 160 متر لن تستهلك اكثر من خمسة لتر مثلا ، خصوصا انى برش مع بداية الصيف ومن باب النظافة لا اكثر ، وحضر المندوب ، رش نص الشقة فقط وقالى اكمل ولا لأ !!!!!!! قلت له كمل طبعا قالى انا استهلكت 60 لتر لحد دلوقتى وسعر اللتر 50 جنية !!!!!!! اصابنى العجب ....! ولا شفت لترات مبيد ولا الهوا ، قسما بالله كان بيدخل يعبى مياة من الحمام ، وطبعا زعقت ، لكن للاسف ابنى اتفاوض معاهم ودفع 2500 بدل 3000 جنية كل ده علشان آخد الوصل اللى مكتوب فيه عنوان الشركة والضمان ، وتاتى يوم كنت فى جهاز حماية المستهلك ومعايا الفاتورة ، وفوجئت ان الشركة الألمانية دى معمول فيها 30 بلاغ ، ومش عارفين يوصلوا ليهم ، وقالولى ليا ازاى تكلمى حد بعت ليكى رسالة على التليفون !!! قلت ليهم نعم ، دول بيعملوا اعلانات فى التليفزيون !!!! قالى كل ده نصب فى نصب ، ولا عندهم سابقة اعمال ولا الهوا ، والضمان ده وهم ونصب ، ومفيش تصريح من وزارة الصحة ده كدب .....! 30 بلاغ ومش عارفين يمسكوهم ......! طلعت على الضرايب اكشف على الرقم الضريبى الموجود عالفاتورة ، طلع رقم ملوش وجود نهائيا ، يعنى الفاتورة اللى دفعت الفلوس علشان آخدها طلعت وهم وكدب وعنوان غلط وارقام تليفون اى كلام وقسما بالله العظيم ولا سجل تجارى ولا رقم ضريبى ولا ضمان كله وهم فى وهم فى وهم ، تخيلوا شركة رشت فى شقة 80 متر ب 60 لتر ، ولا كأنهم بيرشوا فدان قطن ...!!!!! ويقولوا ده لو كان عندك اصابة كنا هنرش 100 لتر ......! مشكلتى مش شخصية لاااااااااا انا دفعت الفلوس واخدت الفاتورة علشان اثبت انهم نصابين واجيب حقى بالقانون ، الشكوى ضدهم موجودة فى جهاز حماية المستهلك واتحولت للنيابة ... وسجل تجارى ورقم ضريبى طلع ملوش وجود ، نصب فى نصب ، والضمان وهم فى وهم فى وهم المشكلة دى عامة ولابد من تحذير الجميع دى مافيا ونصابين وبيبعتوا رسائل على التليفونات وبيعملوا اعلانات فى التليفزيون والسفارة الألمانية انكرت صلتها بهم ، وانا مش هأسكت وهأفضل ورا حقى ، وشكرا لكم جميعا، واتمنى تحذير الجميع من النصباية دى #شيير #خلي_بالك #نصب . خالد ياسين #مصر_الجديدة