لوحة القادة

السلام عليكم ورحمة الله وبركاته البصه الان مدي الحياه غير الحج والعمره وطلما دخلت مره قبل كدا بامر الله مش هيكون فيه اي مشكله باذان الله عايز تتاكدا قبل ما تكشف وتخسر مبلغ اعمل زياره شخصه وهتتاكد من البصمه وانتي في تساهيل

الأستاذ و الأب الكريم .. أبو محمد .. أثارني موضوعك بحكم إني تركت أهلي و تغربت سعياً لطلب الرزق الحلال من المولى عز و جل .. و قد واجهتني مشكلة ترك والدي و قد كان أولى بي أن أقوم برعايتهما .. و لكنهما لم يقبلا و أصرا على أن أتجه حيث أبحث عن رزقي .. و لكني كنت قد أقريت بيني و بين نفسي ألا تزيد غربتي عن 3 أعوام على أقصى تقدير .. و في ترتيبي إن شاء الله أنني بمجرد العودة للوطن .. أن أقوم برعايتهما بنفسي أنا و زوجتي .. و للرد على تسؤلاتك .. لا .. أنا ضد الذهاب لدار المسنين .. طالما يوجد أولاد لهؤلاء المسنين .. إذاً .. أنا أصوت للخيار الثاني .. فأنا أرى من وجهة نظري .. إن الأبن أو الأبنة الذي لا يقوم برعاية والديه و هو قادر على هذه الرعاية .. لا يستحق أن يرحمه الله و لا أن يبارك له في شيء .. و إن كان للإبن زوجة تعارض هذا التصرف .. فالتخلص منها أولى ! سيدي الكريم .. أنا مقدر تماما وجهة نظرك و حبك لأولادك و رغبتك في أن تكون حملاً خفيفاً لا ثقيلاً عليهم .. و لكن تأكد من إن خطوتك هذه لو أقررتها و ذهبت لدور المسنين .. فإبنك البار هذا (بارك الله لك فيه و حافظ لك عليه و على أهله) سوف لن يقبل و أن قبل على مضض .. سيعاقب نفسه مرارا و تكرارا على إنه لبى رغبتك هذه .. فلا تحرمه متعة الاقتراب منك .. مجرد نصيحة من أبن لك ربنا يديك الصحة يا رب و يعافيك دايماً إن شاء الله

كنت هازعل اوى :rolleyes: السلام عليكم ورحمة الله وبركاتة أولا ازيك يا استاذى الغالى الحبيب / ابو محمد اعتقد ان الابناء عامتاً لا يستطيعون ذلك لاكن اعتقد ان من حق الاباء حق لابد منه اننا نرعاهم لما يوصلو للسن دا واعتقد ان الى يفضل اى شئ تانى عن رعاية يستحقها وملحه لوالدية سواء كان رزق او خلافة او زوجته حتى يبقى عاق لو سبت والدتى الى ليا اساسا تدخل دار مسنين انا فعلا والله مش هزار انا ممكن اوصل لدرجة ممكن لو اوصفها اى حد يقول عليا ببالغ مع ان امى دايما تقولى يا رب ما اوصلش لدرجة انى احتاج لحد ودعائها زى الدعاء الى الاخوة ذكروة مش بعد ما ترعانى ولما تحصلى حاجة او مشكلة او اصابة تتألم اكتر ما انا بتألم او تعمل اى حاجة علشان ابقى مرضى فى حياتى عملتلى حاجات كتيرة جدا فعلا انا لغاية دلوقتى لما بنزل اجيب هدوم ليا اغلب الاوقات بخدها معايا مع انها بتختار حاجة ما ببقاش مقتنع بيها ابدا بس بحب اخدها معايا حتى فى شرا الهدوم الوحيدة بتأخر برا بتكلمنى كل شوية لدرجة ان صحابى بيقولولى انتا لو بنت يا سامح اعتقد والدتك ما كانتش هاتعمل معاك كدة :P ومش هاقدر احصر كل حاجة هيا قدمتهالى فهل بعد كل دا اسيبها تدخل دار مسنين او اقصر ولو لهفوة انى اساعدها انا لو وصلت لدرجة انى ابقى مقصر جدا لابعد الحدود فى شغل على انى ارعاها هارعاها طبعا لأخر لحظة ليا او ليها اعتقد لو كانت تقصير فى حق رعاية الوالدين تبقى ما تبقاش رغبات تبقى انانية وجرى ورا المادة وتفضيلها على والديهم ربنا يكرمة يا رب ويبارك لحضرتك فيه هوا بس حضرتك بتقول عليها عاطفة ليه يمكن هوا فعلا كان عايز يقرب من حضرتك اكتر من مكان لمكان يعنى اعتقد انه ما حكمش عاطفتة اكتر ما حكم عقلة لانه لو كان حكم عاطفته من غير عقلة كان اول ما سمع الخبر دا كان قال لا حضرتك تيجي عندى تعيش معايا او احنا نيجي نعيش مع حضرتك انما هوا فكر انه يحل الازمة دى بأنه يبقى بجوار حضرك وفى نفس الوقت ما يتقلش على حضرتك مش كدة ولا اية wst:: على فكرة انا اعتقد ان وجهة نظرك وطريقة كلام حضرتك فيها حساسية جدا حضرتك حساس جدا لدرجة ان حضرتك مش عايز تحمل عبئـ (من وجه نظر حضرتك ) لاولاد حضرتك انما فعلا دا واجب على اى ابن واى ابن فى الدنيا مش هايقبل لوالدية انهم يروحو دور مسنين يبقى اية الفرق بينا وبين الغرب الغرب الواحد لما يكبر ويندمج فى مشاكل الحياة بيدخلهم فعلا دار مسنين بنفسه اتمنى اكون ادليت برأى انهم يجو يعيشو معانا او احنا نعيش معاهم وسلامى لك استاذى / ابو محمد :lol: :lol: :lol: اروح اكمل امتحانات بقى wst::

العزيز ابو محمد فكرتنى بجدى كان دايما الدعوة اللى على لسانه بعد كل صلاه هى "يارب لا تميتنى الا وتراب السكة على رجلى " ولما كنا نساله يعنى ايه يقلنا يعنى اموت وانا واقف على رجلى واكون داخل وطالع وبصحتى ولا حد يشيلنى ولا حد يحطنى وهو كان عنده محل صغير كده بيروح يقعد فيه وفى يوم نزل الصبح راح المحل وبعد كام ساعة مات وهو فى المحل يعنى ربنا حقق له طلبه تخيل مات وهو عنده 74 سنه وكان بصحته والله معلش انا افتكرت الحكاية دى لما قريت كلامك لانى انا لما كبرت فهمت يعنى معنى كلام جدى الله يرحمه ودلوقتى انا كمان بدعى نفس الدعوة عشان فعلا الانسان تقيل ذى ما الاخ سى السيد قال ويا رب انت كمان تفضل بصحتك ولا حد يخدمك غير نفسك ويعطيك الصحة دايما ولا تفكر فى دور المسنين ولا تشوفها فى حياتك آميييييييييييين :)

الأستاذ الفاضل: أبو محمد بالرغم من قسوة الطرح على النفس(أن الشخص يبحث لنفسه عن دار للمسنين مناسبة) إلا إنه يعكس إحساس كبير بحب الأبناء و التفكير فيهم و فى مصلحتهم من جانب حضرتك من حيث أن رعاية الوالدين ستعوق إعدادهم لمستقبلهم و مستقبل أولادهم. و لكن فى الأول و الأخر لا يصح إلا الصحيح...و من عادات ريفنا المصرى الجميلة أن الأسرة كلها (الأبن و زوجته و أولاده يكونوا مسخرين لخدمه الأب أو الأم المسنين)...و هذا هو الأصل و الواجب على الذكور من الأبناء و يكون الإستثناء فى حالات نادرة جدا إذا كان لابد من سفر الإبن مثلا لحاجة ملحة جدا. و من المعروف أنه من أسباب إقبال العازب على الزواج أن يجد من يعينه عند كبره. و هذا حق الوالد الذى بر بأبناءه و ليس من المفترض أن يفرط فيه فهو قيمة إسلامية و إجتماعية غالية. لذلك أنا أصوت للخيار الثانى ( أولادنا يرعونا فى بيوتنا أو بيوتهم) و اضيف أن وجود الجد أو الجدة إضافة للأسرة و خصوصا للأطفال فهم منبع الحكمةو هم من يغرسوا القيم الجميلة بهم. هذا مع العلم أن فى بعض الحالات تكون هذة الرعاية صعبة صعبة صعبة على الأبناء..... ولكن لا ننسى أنها جهاد فى سبيل الله. خصوصا فى حالات معينة عافاك الله و عافانا منها....فنحن يا سيدى الفاضل من مكبرنا لمصغرنا ليس فقط من الناحية الفزيائية أو البدنية ولكن ايضا - مع تقدم السن لدرجة كبيرة-من الناحية العقلية. مما يجعل فى مثل هذة الحالات رعاية الوالدين فى منتهى الصعوبة. و أعتقد أنه لذلك جعلها رسول الله صلى الله عليه و سلم فى منزلة الجهاد فى سبيل الله. وفى النهاية أدعو لك بدوام الصحة و العافية.

السلام عليكم الاخوه الكرام جزاكم الله خيرا موضوع مهم اخى ابو محمد مس شغاف قلبى و نفسى و سرحت طويلا مع ابواى اللذين يعيشان فى مصر و انا مغترب اتواصل معها بالتليفون كلما تيسر و ذلك و الله تقصير عظيم احمد الله ان ابواى يغفرانه لى و هكذا اتمنى . طاعه الاباء و رعايتهما فرض عين على الابناء و يجب على الابناء تولى ذلك بكل الطرق و لا عذر لهم الا ..العقوق الذى سوف يخسرون بسببه كل شئ اكرر كل شئ وو الله لقد رايت فى حياتى نماذج مؤلمه لعقوق الوالدين اولها ان العاق جزاءه من جنس عمله اذا لم يزد عليه .... اجمل ما قيل فى حق الوالدين و منزلتهما ( وَقَضَى رَبُّكَ أَلاَّ تَعْبُدُوا إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنْ الرَّحْمَةِ وَقُلْ رَّبِّ ارْحَمْهُمَا كَمَا رَبَّيَانِي صَغِيراً (24)الاسراء لاحظوا كيف يلى قضاء الله على المسلمين بالعباده (اى عباده الله ) الامر بالإحسان للوالدين. ابو محمد ( و كلامى الى كل والد كريم ) لا تذهب الى دار مسنيين و اقبع فى بيتك معززا مكرما و يجئ ابناءك اليك يتوددون اليك و يتسابقون الى رضاك بل و لو لزم الامر ان يجلسوا تحت قدميك انت و امهم طلبا لرضاكم و خدمتكم ما وفيتم حقكم عليهم ...........و إلا ........