البرادعى مدفوع من الخارج للترشح للرئاسة!

[Alshiekh]

يبدو ان الحرب ضد التغيير ، ومن ثم ضد البرادعى تتخذ كل الاشكال وتستخدم كل الاساليب .

استخدمت فيها صحف الحكومة ، والكتاب ، والمؤسسات الدينية ، وايضا الاحزاب " الورق " .

كان آخرهم ولن يكون الأخير هو رئيس حزب " السلام الديمقراطى "

وبما ان هناك قاعدة " الشيئ لزوم الشيئ " يعلمها جيدا اولئك المهاجمون ، فلا بأس من شوية توابل فى محاولة لحفظ ماء الوجه فيتم توجيه النقد للحكومة فى كلمة او كلمتين .

لأقوياء الملاحظة : أنظر الى الصورة جيدا ، ثم استخرج الاشياء المنطقية وغير المنطقية بالصورة .

فضالى:البرادعى مدفوع من الخارج للترشح للرئاسة

وصف المستشار احمد فضالى رئيس حزب السلام الديمقراطي البر ادعى بالخواجة وأنه مدفوع من خارج مصر للترشح لرئاسة الجمهورية فضلا على انه متزوج من نمساوية،وأضاف فضالى أن المنقذ الوحيد لشعب مصر هو شعب مصر وليس البر ادعى الذي لا يعلم شيء عن معاناة الشعب المصري موضحا أن مصر يتجاوز عدد سكانها 83 مليون نسمة ومن غير المعقول أو المقبول ألا يوجد شخص من بين ال 83 مليون أحق بالترشيح للرئاسة من البرادعى منتقدا وسائل الإعلام الحكومية التي جعلت من البر ادعى أسطورة.

جاء ذلك خلال المؤتمر الشعبي الثالث لحزب السلام الديمقراطي الذي عقد مساء أمس في محافظة جنوب سيناء في إطار دعم مرشح حزب السلام عن مقعد الشورى عمال بجنوب سيناء عيد البنا وهو أول مرشح لحزب معارض في جنوب سيناء وقد انضم اثنين من أعضاء المجلس الشعبي للمحافظة لحزب السلام وتقدموا باستقالتهم من الحزب الوطني وهم عبد العزيز صقر وحمدية حربى فريج وقد تفاعلات الجماهير السيناوية مع حزب السلام.

وأضاف أنه يكن كل الإحترام والتقدير للبرادعى لكن لن يقبل به مرشحا للرئاسة حيث أن مصر زاخرة بقيادات عالمية من أبنائها أفضل من البر ادعى وهناك العديد من الشخصيات أحق منه بالترشح

وأكد أن حزبه سيقدم مرشحا لرئاسة الجمهورية واحتراما لمرض الرئيس مبارك لن يتم الإعلان عنه في الوقت الحالي إلا بعد وصول الرئيس مبارك لمقر رئاسة الجمهورية وشكر الرئيس مبارك على حمايته لمصر على مدار 29.

وهاجم فضالى الإعلام الحكومى مؤكدا أنه مرعوب من التغيير السلمي للسلطة فى مصر, و أشار في هجومه إلى أن الأحزاب السياسية الحالية هي أحزاب ورقية ولم تقدم للمواطن البسيط واصفا حزبه "بالمحامى المجاني" لكل مواطن على أرض مصر.

وواصل فضالى هجومه الحاد على نواب الشعب المتورطين في نهب فرارات العلاج قائلا أن الأعضاء الحاليين هم وصمة عار على جبين الحياة النيابية لمصر فى ظل نهب قرارات العلاج على نفقة الدولة بمبلغ يتجاوز 400 مليون جنيه,بالإضافة إلى سرقة مشروع أبنى بيتك علنا دون حياء أو محاسبة المتورطين من الوزراء و المسئولين في حكومة نظيف.

[aimen]

اولا ايه حزب السلام الديمقراطى ده ؟

اول مرة اسمع بيه وماعتقدش انى حسمع بيه تانى

طبعا البرادعى دا فاسد وشير وراجل مش ولابد

ازاى يقدر يعيب فى ابونا وولينا وتاج رأسنا

اللى مستتنا ومصيتنا فى وسط الأمم - وعامل لنا شنة ورنة ومخلى كل شعوب العالم المتقدم قبل المتأخر تحترم مصر

عن نفسى - باقول - ربنا ينصر مصر وربنا يرزقنا كده بقنبلة نووية تبيد العالم السفيهه دى

وكل اللى بهدلوا سمعه مصر

ولا انسى كل اعضاء الحزن الوطنى

نفر نفر

[kitkat]

ا

مش محتاجة دقة ملاحظة هههههههههه واضح مرشح حزب السلام في الصورة

مصر يتجاوز عدد سكانها 83 مليون نسمة ومن غير المعقول أو المقبول ألا يوجد شخص من بين ال 83 مليون أحق بالترشيح للرئاسة من البرادعى منتقدا وسائل الإعلام الحكومية التي جعلت من البر ادعى أسطورة.

يعني مفيش اي منطقية في الكلام هما ال 83 مليون كلهم صالحين للترشح ؟ مش فيه منهم أطفال ونساء وشيوخ وعجزة و29% أميون !!!!!!!!!

29% نسبة الأمية في مصر يعني ادينا شيلنا 24 مليون لا يصلحوا من اول جولة !!!!!!!!!!!!!!!!!

واصفا حزبه "بالمحامى المجاني" لكل مواطن على أرض مصر.

متشكرين يا عم المحامي ماحدش عملك توكيل تدافع عننا :blink:

وواصل فضالى هجومه الحاد على نواب الشعب المتورطين في نهب فرارات العلاج قائلا أن الأعضاء الحاليين هم وصمة عار على جبين الحياة النيابية لمصر فى ظل نهب قرارات العلاج على نفقة الدولة بمبلغ يتجاوز 400 مليون جنيه,بالإضافة إلى سرقة مشروع أبنى بيتك علنا دون حياء أو محاسبة المتورطين من الوزراء و المسئولين في حكومة نظيف.

فاكرين الفيلم بتاع محبوب الجماهير محمود عبد العزيز ياعزيزي كلنا لصوص هو اسم الفيلم كان كلنا ولا كلهم ههههههههههههههه :

شكرا ninja:

[الترجمـان]

اعتقد ان الكوبليهات بقت محفوظة استاذ محمد...

فالـ مُعارض في الدول الشمولية والإستبدادية واحد ,ولكن تختلف صفته التي ينعت بها مع اختلاف ماهية النظام ...,

ففي الدول التي يحكمها العسكر والجنرالات يطلق على المعارض صفة العمالة للخارج..,

أما في الدول التي يحكمها الثوار والثائرين يطلق على المعارض صفة خيانة الثورة والشعب ..,

وفي الدول الدينية كذلك التي يحكمها رجال الدين والكهنة يطلقون على المعارض صفات النفاق والضلال والشيطنة ...,

وعن نفسي أنا لا أعفي الأحزاب الورقية من إثم مشاركة النظام في إستبداده ...,

فهم مشاركون له وداعمون لوجوده حتى لو اظهروا معارضته .

[se_ Elsyed]

يعني مش كفايه إنه نكره وأقسم بالله أول مره اسمع إسمه .. لكن كمان جاهل ؟

وأنه مدفوع من خارج مصر للترشح لرئاسة الجمهورية فضلا على انه متزوج من نمساوية

يا متخلف زوجته مصرية أباً عن جد وإسمها عايدة الكاشف ..

حتى لو كانت نمساوية ولا عفريته ... ماذا يعيبه في ذلك ؟

طب ما أم سوزان مبارك انجليزية .. وإنت وضعت شبشب في فمك وما سمعناش صوتك !!!!!!

وزوجة وزير الأوقاف أبو الزقازيق إيطالية ....

هههههههههههه النكتة بقى ... زوجة بطرس غالي وزير الخارجية وأمين عام الأمم المتحده الأسبق... يهودية ... من تل أبيب نفسها .... بل الأطرف من ذلك ... هو والمجحوم إسحاق رابين كانوا عدايل .. يعني متزوجين اختين ...

وأكد أن حزبه سيقدم مرشحا لرئاسة الجمهورية واحتراما لمرض الرئيس مبارك لن يتم الإعلان عنه في الوقت الحالي

طب وإذا العيا طول وجت الإنتخابات .... هاتروح تزورة بكيس برتقان وتستسمحه إنك ترشح واحد نكره مثلك ولا إيه الموضوع ؟

بأحب المواضيع اللي زي دي أنا .. بتفكرني بالمرحوم الصباحي ( صبح صبح يا عم الحج ) بتاع حزب الأمة اللي رشح نفسه في الإنتخابات الرئاسية وقال سأُعطي صوتي لمبارك .. ههههههههههه

هو طبعاً رشح نفسه إثبات حاله عشان ياخد السبوبة اللي صرفتها الدولة لكل مرشح عشان يشتري بيها شوية قماشات ومكرفونات يعمل لنفسه بيهم دعاية ..

وطبعاً لا عمل دعاية ولا نيلة .. وتلاقيه راح أشترى بيهم حتتين دهب للحاجه لو كانت لسه عايشه ...

هؤلاء يا سادة أراجوزات ... وللأسف في منهم المستشار والدكتور والمحامي ... لكن لا يمنع أن يكون أراجوز متقوقع في شقة إيجار جديد عاملها مقر للحزب اللي هو بس عضو فيه وما حدش يعرف عنه حااه حتى جيرانه .

[Tafshan]

وهو أول مرشح لحزب معارض في جنوب سيناء وقد انضم اثنين من أعضاء المجلس الشعبي للمحافظة لحزب السلام وتقدموا باستقالتهم من الحزب الوطني وهم عبد العزيز صقر وحمدية حربى فريج وقد تفاعلات الجماهير السيناوية مع حزب السلام.

الحته دى .. جديده ..

حزبوطنيين يستقيلوا و يبقوا في حزب ترعة السلام السيناوى .. عجبت لك يا زمن ..

ملعوب جديد ده و لا ايه يا كبير .. و لا ايه يا س س ؟؟

[engmido]

الواحد مبقاش عارف الدنيا رايحة فين ولا جاية منين

!!!!!!!!!!!111

وحسبى الله ونعم الوكيل

[Alshiekh]

وهو أول مرشح لحزب معارض في جنوب سيناء وقد انضم اثنين من أعضاء المجلس الشعبي للمحافظة لحزب السلام وتقدموا باستقالتهم من الحزب الوطني وهم عبد العزيز صقر وحمدية حربى فريج وقد تفاعلات الجماهير السيناوية مع حزب السلام.

الحته دى .. جديده ..

حزبوطنيين يستقيلوا و يبقوا في حزب ترعة السلام السيناوى .. عجبت لك يا زمن ..

ملعوب جديد ده و لا ايه يا كبير .. و لا ايه يا س س ؟؟

دقق فى الصورة وانت تعرف

[ابو حودة]

الصورة دي في الخلفية صورة الرئيس مبارك

يعني حزب معارض زي حزب المحافظين في بريطانيا

يعرض صورة رئيس الوزراء العمالي جوردن براون في خلفية قاعة اجتماعاته

[se_ Elsyed]

وهو أول مرشح لحزب معارض في جنوب سيناء وقد انضم اثنين من أعضاء المجلس الشعبي للمحافظة لحزب السلام وتقدموا باستقالتهم من الحزب الوطني وهم عبد العزيز صقر وحمدية حربى فريج وقد تفاعلات الجماهير السيناوية مع حزب السلام.

الحته دى .. جديده ..

حزبوطنيين يستقيلوا و يبقوا في حزب ترعة السلام السيناوى .. عجبت لك يا زمن ..

ملعوب جديد ده و لا ايه يا كبير .. و لا ايه يا س س ؟؟

لا ملعوب ولا دبدوب يا طفطش

بُص ... الحزب الفاشي عنده تقاليد كلاسيكية متوارثة . وهي إنه ما بيرشحش أكتر من شخص في نفس الدايرة .. فمش معقول هاينزل أعضاء قدام بعض يتنافسوا ..

فدول حسوا إنهم هايتفسحوا ويشموا هوا كمان 5 شهور في الإنتخابات ..

فقالوا ناخدها من قاصرها ونروح حته تانية طراوه

وكده كده بتوع سينا ومرسى مطروح ما بتفرقش معاهم احزاب ولا غيره .. فهما بيعتمدوا على نفوذ قبيلة المُرشح فقط .. ويأتي من بعدها إنتماءته الحزبية

[ابو كمال]

الله يجازيك ياسيي السيد والله انا كنت عاوز اكتب تعليق علي الكلام الهايف بتاع اخونا بتاع حزب الكلام قصدي السلام لكن لما قريت تعليقك قعدت اضحك كما لم افعل من اكثر من 20 سنة ونسيت انا كنت عاوز اقول ايه ومافتكرتش غير بعض كلمات امينة رزق يسلم فمك ياسي السيد

[Diab]

يا استاذ محمد ازيك الاول

ثانيا عمرك شفت حزب يضع صورة رئيس حزب منافس خلفية له هههههههه جديدة دي

شكلهم جايين من ورا الجاموسة عدل وبالذات الارجوز اللي اواقف و قفاه اعرض من مرمي الزمالك :blush2: :blush2: