طرائف الاطباء

[فــيــروز]

جاءت امرأة إلى طبيب تشكو له من كونها يعطل في يدها وكذلك بهواء يصعد من بطنها ويجعلها كثيرة التنهد ، فقال لها الطبيب : هذا تأثير العصب ، ثم صارت تعد له الأمراض التي تشكو منها والطبيب يقول لها هذا من تأثير العصب فاحتدت المرأة وقالت بغضب شديد : ما بالك كلما ذكرت لك شيئاً تقول العصب العصب ؟ ألم تتعلم شيئاً غير العصب ؟! mfb: فقال الطبيب وهذه الحدة وهذا الغضب من تأثير العصب أيضاً mfb:

أصر الرجل أمام الطبيب النفساني على أنه ابتلع حصاناً ولم يستطيع الطبيب بما عنده من قوة اقناع أن يجعل الرجل يغير اعتقاده وفي حالة يأس قال له الطبيب اننا سنجري لك عملية لا خراج الحصان وكانت الفكرة هي اعطاءه مخدراً لفترة بسيطة واحضار حصان إلى غرفة العمليات أثناء غيبوبته وحينما أفاق المريض أشار الطبيب إلى الحصان وقال المريض : ان هذا الحصان لن يزعجك بعد الآن ؟! فهز المريض رأسه وقال : ليس هذا الحصان الذي ابتلعته وانما الذي ابتلعته أبيض اللون :P

قال الطبيب للمريض أن نبض قلبك منتظم كدقات الساعة ;) ! رد عليه المريض لا تنسى يادكتور أنك كنت واضع يدك على ساعة يدي non::

سأل أحد الطلاب في قاعة المحاضرات الاستاذ المحاضر السيد وليم اوزلر ، وهو الطبيب العالمي الكندي الشهير : هل تساعد المشروبات الروحية من يتعاطاها على حسن التصرف ؟ وكان رد السيد وليم : أنها تساعد على التخفيف من شعوره بالخجل لما يأتي من سوء التصرف :rolleyes:

[ragab2]

أصر الرجل أمام الطبيب النفساني على أنه ابتلع حصاناً ولم يستطيع الطبيب بما عنده من قوة اقناع أن يجعل الرجل يغير اعتقاده وفي حالة يأس قال له الطبيب اننا سنجري لك عملية لا خراج الحصان وكانت الفكرة هي اعطاءه مخدراً لفترة بسيطة واحضار حصان إلى غرفة العمليات أثناء غيبوبته وحينما أفاق المريض أشار الطبيب إلى الحصان وقال المريض : ان هذا الحصان لن يزعجك بعد الآن ؟! فهز المريض رأسه وقال : ليس هذا الحصان الذي ابتلعته وانما الذي ابتلعته أبيض اللون 

حلوة

حلوة

[White heart]

انا أسمع عن دكتور نسى فوطة، او جفت فى بطن مريض بعد عمليه، لكن دكتور سنان يضيع "الشنيور" بتاعه بالطريقه دى ...

ما سمعتش لسه!! f((:

[se_ Elsyed]

حلوة

حلوة أيه يا دكتور رجب ؟!!!!

لو سمحت مش عايزين مجاملات في الحاجات دي .. :D

ده انت يا راجل تحس إن اللي قايل النكت دي محفلط وشارب كيلو نشا ..

إنتي ناقلها منين الحاجات دي فيروز ؟.. f((:

إوعي يكون من

www.Nesha.net

أيه واحد راحت للدكتور تشكو من عطل في يدها !!!... عطل أيه هي أيدها دي 128 ولا هوندا سيفيك ؟!! وبعدين كل ما تقولوا حاجة يقولها العصب .. لحد ماجابت لنا العصبي ..

إسمعي بقى نكت الأطباء اللي على اصولها ..

واحد بيسأل زميله ويقول له " بقى يا راجل حد يقوم من على سرير غرفة العمليات وياخد بعضه ويهرب وبطنه لسه مفتوحه .. فزميله قاله أصل سمعت الممرضة بتقول : ماتخافش مالك مرتبك كده ومش على بعضك .. إيه إنت أول مرة تعمل عملية .. فقال له : وفيها أيه دي الست كانت بطمئنك .. فقال له : أصلها ماكانتش بتكلمني انا دي كانت بتكلم الجراح اللي هايعمل لي العملية "

تمترالاملم لاملام

[R.M.G.]

ومرة واحد عمل عملية وبعد مافاق جه الدكتور اللي عمل له العملية وقاله معلش احنا آسفين نسينا مشرط ممكن نفتح ونطلعه؟ فرد المسكين : ومالو يادكتور افتح ياخويا خد الي ليك احنا مش بنقبل حاجة مش بتاعتنا المهم كمان تلات اربع ساعات وجاله وقاله: أنا في غاية الخجل والله بس اللي خد المشرط نسي الجفت معلش سامحنا انت راجل طيب ومش بتقبل فقال المسكين :مفيش مشكلة افتح ياخويا افتح وبعد كام ساعة تانيين جاله وقاله :انت حقيقي عندك حق تضايق مننا احنا نسينا الساعة بتاعت الدكتور أحنا بنستأذنك نفتح فقال الرجل الطيب :بقولك ايه يادكتور انتو مش ممكن بدل الخياطة تركبو لي ع الجرح سوسته عشان تفتحو وتقفلو براحتكم؟

[R.M.G.]

أيه واحد راحت للدكتور تشكو من عطل في يدها !!!... عطل أيه هي أيدها دي 128 ولا هوندا سيفيك ؟!! وبعدين كل ما تقولوا حاجة يقولها العصب .. لحد ماجابت لنا العصبي ..

انت يا سي السيد اللي عدم المؤاخذه مفهمتش قصدها

هي تقصد عطب مش عطل

[se_ Elsyed]

مش ممكن بدل الخياطة تركبو لي ع الجرح سوسته عشان تفتحو وتقفلو براحتكم؟

طب ما موضوع السوستة ده موجود من زمان بدل الخيط الجراحي اللي كان بيعمل عاهة مستديمة للمريض ..

هي تقصد عطب مش عطل

هي هي .. عطب زي عطل زي الماكينة جابت جاز والأبلاتين لدع .. كلها شغل ميكانيكيه ...

[R.M.G.]

موجوده ايه بس من زمان ياعمنا انت فاكرني قاعد بصندوق ورنيش قدام قهوة ....يا حلاوة ناقص تقولي في بزراير كمان يعني ممكن نتخيل انه ممكن السوسته تعلق وانا نازل م البيت واخرج وانا احشائي طالعه بره لغاية مااوصل للترزي قصدي الدكتور ولا ارقع بالصوت الحياني لما السوسته تقفل على المصران وياعيني بقى لما الست نبيله عبيد تديني ضهرها وتقولي بنعومة :اقفلي سوسته العمليه بدل سوسته الفستان الشهيره في افلامنا السكه اياها

عدم المؤاخذه انا حتلاشى الكلام ده وأكني ماشوفتوش

[se_ Elsyed]

عدم المؤاخذه انا حتلاشى الكلام ده وأكني ماشوفتوش

وانا كمان ha)

وروح بقى إقرأ كتاب المطالعة الرشيدة في العلوم الطبية الحديثة .. وتعالى نتناقش ونتحاور دكتور لدكتور وطبيب مع طبيب وعيان مع عيان .. ويا تقنعني يا أقنعك ... وكل واحد وحجته ...

وبأطلب من السادة الزملاء عدم التدخل لأن المشارط هاتشتغل والبنج هايبقى للرُكب ...

س س أبقراط ...

ماشي يا أر إم جي .... انا هاوريك شغل السوست على أصولها mfb: me0: ax: :D f((: wlw:: f((: .. طالما بتشكك في الميديكال باك جروند اللي عندي

[R.M.G.]

جرى ايه يابو الكباتشن

مش قولت ياتكنعني يكنعك وانت فاشح سدرك عشان انا في منتأتك والجماعه اللي هنا كلهم معاك

لأ بقى احنا نعمل قعده ونجيب كبارات المنتدى الباشمهنسين اللي ماسكينه واللي يحكمو بيه يمشي وياريت اي باشمهنس فيهم يكون متخرج من جامعة التب هو اللي يحكم

دانتا ياراجل حتى الباشمهنسه فريوز اللي مابتطلعش منها العيبه وكلامها كله مبسم مش عاجبك كلامها عدم المؤاخذه

انت مسنود هنا ولا حاجه؟

[فــيــروز]

حلوة

حلوة أيه يا دكتور رجب ؟!!!!

لو سمحت مش عايزين مجاملات في الحاجات دي .. non::

الحقيقه انا احيان بتضحكنى النكت البايخه اكتر من النكت الحقيقيه يا س.س. ha)

على العموم النكت دى هتلاقيها فى الموقع الرسمى لنقابة اطباء مصر f((:

والنبى يا جماعه الله يعمر بيتكم بلاش موضوع السوست و المصارين و الحاجات اللى بتوجع البطن دى ha) العبوا مع بعض ما تتخانقوش :D

دانتا ياراجل حتى الباشمهنسه فريوز اللي مابتطلعش منها العيبه وكلامها كله مبسم مش عاجبك كلامها عدم المؤاخذه

انشالله ماعدمك يادى الجدع .. لولولولىىى

دانتا ياراجل حتى الباشمهنسه فريوز اللي مابتطلعش منها العيبه وكلامها كله مبسم مش عاجبك كلامها عدم المؤاخذه

تصدق انى اول مره ماختش بالى من موضوع مبسم :D اللى انت كاتبه ده mfb: مش عارفه ليه ترجمتها تلقائى انها بلسم f((: مع ان مفيش اى علاقه بين المعنيين :P على العموم مش مشكله مبسم بلسم كله شغال non::

تم تعديل 6 أبريل 2004 بواسطة فــيــروز

[disappointed]

طرائف أطباء واقعيّة :

= فور إنتهاء فترة الإمتياز توفّيت عمّتى , وأثناء وقوفى مع أبناء عمّتى لتقبّل العزاء أمام أحد دور المناسبات كان أحد المعزّين يعانى من كيس دهنى كبير و ملفت للنظر فى جبهته , ويبدو أننى نسيت نفسى فأطلت مطالعتى لهذا الكيس الدهنى و انا ممسك بيد الرجل....فإذا بإبن عمّتى الذى كان واقفا بجانبى يلكزنى فى كتفى و يقول لى ( بقرف f((: ) :

يا أخى إحترم نفسك يا أخى ... إنت جاى تقف جنبى فى موت أمّى والاّ جاى تـُشقط زباين؟؟؟ :D

= أحد زملاء فترة الإمتياز كان يقضى "راوند" لمدة شهر فى قسم العظام , وكان إستقبال حوادث العظام بجانب إستقبال الجراحة الذى كنت أقضى فيه "الراوند" الخاص بالجراحة... وفى إحدى الليالى جاء زميلنا هذا وهو يجر فى رجله بصعوبة حيث سقط على سلّم المستشفى , وبعد أن إستلم القسم من زميله (الذى ترك المستشفى) إزداد عليه الألم و تورّمت رجله بشدة فقمنا بعمل أشعة له فوجدنا شرخ فى قصبة الرجل فقمنا بتجبيسها له.... اللى يهلّك من الضحك إننا إنشغلنا بحالة طارئة فى قسم الجراحة وتركنا زميلنا بعد تجبيس رجله وحده فى قسم العظام,وجاء مريض لإستقبال العظام فدخل على الغرفة ليجد شخص (زميلنا - لم يكن مرتديا البالطو بعد-) يجلس على كرسى ويمد رجله المجبّسة على كرسى آخر أمامه , فسأله : فين طبيب العظام ؟؟؟ وعندما قال له : انا دكتور العظام....إنفجر الرجل ضاحكا وهو يقول : جيت لك يا عبد المعين تعينّى لقيتك يا عبد المعين تنعان

non::

= كنت عائدا فى منتصف الليل بأحد ليالى الصيف(فى فترة الإمتياز) من نوبتجيّة بــ"كشك الولادة" فى مستشفى النساء و الولادة الجامعى.....فوجدّت أنوار فيلاّ أحد جيرانى مضائة و أصوات ضحكات متعالية من الحديقة , فقرّرت المرور عليهم لأجد أصدقائى (كانوا ثلاثة أخوة) يلعبون الكوتشينة مع زوج أختهم - التى كانت حامل وعلى وش ولادة- ( وهو صديق لى أيضا) بينما أختهم و والدتهم يتسامران فى أحد أطراف الحديقه

المهم..... آآآآهلااااا يا دووووك .... إلحق صاحبك متبهدل ياعم.... و....هووووب هوووووب دخلت فى اللعب و هات يا ضحك و تهريج..... وبعدين لمّا خلّصنا سحبنا الكراسى و نزلنا قعدنا مع أخت أصدقائى و والدتهم..... و........أخبار الإمتياز إيه؟؟؟؟ ماشى الحال.....الكلام جاب بعضه.....بدأت أحكى عن طبيعة كشك الولادة....... و......أسكتوا..... ده النهارده جت حالة منيّلة بنيله و البيبى مات فى بطن أمّه و كان عنده إستسقاء كبير قوى فى دماغه لدرجة إننا ماعرفناش نطلّعه وما رضيناش نفتح بطن أمّه فجبنا شنيور مخصوص وخرمنا دماغ البيبى (إهتداءا بالأشعة التليفزيونية) علشنان نفضّى مكونات جمجمته فالراس حجمها يفش و نقدر نشدّه و نطلّعه......

و.....

,,,,,,

و......

صمت تام

و.....

لقيتهم بيبصّوا لى وبيبصّوا لأختهم اللى كانت مبلّمة

و....

روّح يا بنى آدم و ماتجليناش ثانى إلا لمّا البت تقوم من الولادة بالسلامة

f((:

(حقيقى..... الملافظ سعد..... المهم إنى بعدها بشهور عملت عملة مقاربة .... كنت واقف مع أحد الأساتذة وهوّه بيمر على حالة مريضة عندها ذئبة حمراء متقدّمة أدت لفشل كلوى , وكانت الست تعبانة نفسيّا فأستاذى بيرفع معنويّاتها و بيقول لها : انا بإذن الله حأخلّيكى تقومى من السرير و تجرى ماراثون...... ثم إلتفت لى قائلا : عارف يا أستاذ حكاية الماراثون التاريخيّة دى جت منين؟؟؟... فقلت له بمنتهى الثقة و الألاطة ha) أمام المريضة : طبعاً يا بيه.... مش بتاعة الراجل اللى جرى بتاع 40 كيلو علشان يبلّغ أثينا بأخبار المعركة و مات أول ما وصل بعد ما قال لهم الأخبار!!!!! :D

(مافيش داعى أقول لكم العبد لله إتشد إزاى من أستاذه اللى كان متنرفز جدا بس واقع من الضحك فى نفس الوقت)

= أنهيت المساعدة (فى فترة الإمتياز) فى أحد الليالى فى لستة عمليّات قسم الجراحة الذى كنت اتدرب به , وبدلا من العودة لمنزلى قررت دخول غرفة عمليّات قسم آخر لحضور عمليّات أخرى , فوجدت عمليّة بواسير يتم عملها تحت مخدّر نصفى (يعنى العيّان بيكون صاحى و بيأخذ البنج فى العمود الفقرى فبيحدث التخدير لنصفه السفلى فقط)..... بس الظاهر البنج ما كانش قوى فالمريض كان حاسس بألم و الجرّاح شغال.......

و....

آآآآآآآه

آآآآآآآآآه

العيان بدأ بقى مش يتأوّه....لا... ده بدأ يصوّت

فالجرّاح قال له : " إهدى شويّة يا حاج خلّينا نخلّص"

راح المريض قايل له :

"حاج إيييييييه؟؟؟؟؟ إنت باللى عمّال تعمله تحت عندك ده خلّيت فيها حاج؟؟؟؟"

cbyb:

= كان هناك مريض مزمن مقيم لسنين فى قسم الأمراض المتوطنة بمستشفى الأمراض الباطنية الجامعى (مقطوع من شجرة وعنده مرض عُضال ليس له علاج دائم فى القلب و الكبد و يحتاج لرعاية طبية مستمرة.... بس واقف لسّه على رجليه)..... ولازلت أذكر إسمه (ممدوح)..... المهم إن ممدوح أصبح جزءا لا يتجزّأ من مستشفى الأمراض الباطنية .... وكان بمثابة سكرتير و مدير مكتب الدكتور النوبتجى..... يعنى أدخل على المكتب يروح جاى لى بملفات العيانين و الأوراق و الأختام وألاقيه عامل جدول بترتيب العيّانين اللى حأمر عليهم على سرايرهم , ويجيب لى كوباية الشاى على المكتب , ويقعد جنبى يقول لى : سرير 5 النهاردة أخذ 2 لازيكس وريد بعد صلاة العصر و أهله كانوا عايزين ثانى علشان الورم يفش قلت لهم إستنوا الدكتور علشان لازم يدى له مع اللازيكس الجديد أمبول بوتاسيوم كلورايد علشان عضلة القلب ما تتعبش........ كده يعنى (دكتور بالخبرة)

المهم إن أظرف موقف كان فى ليلة كنت نوبتجى فيها و الدنيا قلبت فيها فى القسم و 3 عيّانين دوالى مريّئ نزفوا تقريبا فى نفس الوقت.... وكان هذا المشهد الذى لا يفارق مخيّلتى :

ممدوح واقف جنبى فى مكتبى لابس بيجامته الكستور المخططة أبيض فى لبنى و مطلّع من جيب البيجامه نظّارته الــ"هاف موون" وبيمسك التليفون و بيشخط فى عامل الإستقبال اللى فى الدور الأرضى و بيقول له :

"دى مش طريقة شغل mfb: ... انا قلت عايز 2 تروللى و طقم "إيثانولامين أولييت" زيادة فورا...وإلاّ قسما بالله العظيم لأكون خارب بيتك و كاتب فيك تقرير للدكتور الشافعى (مدير عام المستشفى)..... وتبعث لى الواد الكهربائى لمّا الجو يهدى علشان أنا قايل من الصبح إن نور غرفة المناظير ضعيف و عايزين 2 نيون زيادة.......إنت فاهم والاّ لأ؟؟؟ ha) "

اللذيذ بقى إن عامل الإستقبال طلع لممدوح يستسمحه و يبوس رأسه بعد ساعة من هذه المكالمة

:P

تم تعديل 6 أبريل 2004 بواسطة disappointed

[فــيــروز]

و.....

,,,,,,

و......

صمت تام

و.....

لقيتهم بيبصّوا لى وبيبصّوا لأختهم اللى كانت مبلّمة

و....

روّح يا بنى آدم و ماتجليناش ثانى إلا لمّا البت تقوم من الولادة بالسلامة

(حقيقى..... الملافظ سعد

فعلا يا عبد العال stnd::

نفس الكلمه اللى قلتها اول ما قريت الموقف ده :)

هو انت كنت غاوى تتفرج على افلام رعب ولا ايه !! لا وبالوصف التفصيلى كمان mf-:

[afiona]

الحتة دى عن طرائف القصر العينى والإدارات الطبية فى المحروسة، ومالهاش دعوة بالأطباء.....

حد فيكم عاصر إفتتاح القصر العينى الجديد؟

عارفين مين اللى نقل السراير بكافة مستلزماتها والأنابيب المتوصلة للمرضى من القصر العينى القديم للفرنساوى ؟

المرضى أنفسهم !!!!!

كل واحد فيهم، بغض النظر عن مرضه، سواء مريض بالقلب أو بيودع ، نازل و بيزق السرير أبو عجل أو إتنين بيخمسوا فى سرير شايلينه قصاد بعض فى طابور متصل من القصر القديم للجديد....

وأنا أعتقد أنهم ماكانوش حيتعالجوا فى الفرنساوى لأنه غالى...يعنى ضاع السرير..

تم تعديل 6 أبريل 2004 بواسطة afiona

[se_ Elsyed]

القصة بتاعت ممدوح دي زي العسل يابو المحابط .. إوعى تكون مقتبسها من فيلم " الوزير جاي " اللي إتعملت فيلم أعتقد كانت تأليف أحمد رجب ..

فالراجل عبد السلام محمد بتاع البلهاريسيا - الله يرحمه - من كتر ما كان بيتردد على أحد الدوائر الحكومية وبرضوا معاملته ماخلصتش .. شويه شويه أصبح جزء لا يتجزا منها وأصبح له توقيع معتمد وبقى بعض المواطنين يروحوا له البيت عشان يخلص لهم معاملاتهم ... بس في الاخر معاملته ماخلصتش برضوا :)