أنا مش باشا

[أحمد سيف]

ألقاب الباشوية والبكويه اتلغت من مصر بقى لها أكثر من خمسين سنه، والمبرر لإلغاءها في حينه كانت أنها تخلق نوع من التمييز بين المواطنين، رغم إن معظم الباشوات والبكوات كانوا ناس متربيين ومحترمين

النهارده - للأسف - انتقل اللقب الى فئات أقل ما توصف به أنها دون المستوى ، بدأ الأمر مع كبار ضباط الشرطة وانتقل نزولا حتى وصل الى أمناء الشرطة ... وأصبح الأمر حقا مكتسبا لدرجة أنك لو ناديت اي من رجال الشرطه بلقبه أو برتبته ممكن تلاقي نفسك في مشكله كبيره ... وبالتدريج أصبح كل من يملك أي مقدار من السلطة في البلد بدءا بالقضاه ووكلاء النيابه ومرورا برجال الأعمال وليس انتهاء بموظفي الحكومه بشوات كل في مكانه. وانقسم المواطنون مرة أخرى لكن كان التقسم الجديد أسؤأ كثيرا لأن البشوات الجدد يختلفون عن القدامى في سلوكياتهم وطريقة تفكيرهم وتربيتهم.

وبمرور الوقت أصبح للقب باشا استخدامات أخرى في القاموس المصري ... زي النصب والتملق وتلبيس السلطانيه. والكل بقى يعملك باشا لو عايز منك حاجه وأول ما تنقضى مصلحته عايز يعمل عليك باشا.

بصراحه الموضوع زاد أوي عن حده ... وسواء كان السبب هو التمييز بين المواطنين أو النصب والاحتيال فالغرض من استخدام الكلمة بقى سئ ويحمل دلالات مهينة ... عشان كده أنا قررت من النهارده إني مش باشا ... واللي هيقولي يا باشا هرد عليه وأقوله انت اللي باشا وستين باشا.

[pocy]

ياه فين ايام زمان ايام يوسف بك وهبى

الايام اللى فى الخامسينات دى والله انا بعتبرها ايام عز لمصر كانت مصر مفهاش كل اللى احنا فيه دلوقتى

ايام جميله اتمنى رجوع جزء منها وهى الرقي والتحضر بدل اللعبكه اللى احنا فيها الان

وانت الباشا يا بغاشه :D

[عاشق الترحال]

كلمة باشا في لسان الغالبيه العظمى من المصريين في كل صغيره وكبيره ولم تعد قاصره على أفراد الشرطه من كبيرها لصغيرها ولا حتى على سلك النيابه والقضاء والجيش ورجال الأعمال والناس البشوات دول

الكلمه دي دارجه حتى في الأوساط الشعبيه لو حد من حضراتكم حضر فرح شعبي هيلاقيهم بيقولوا ( الباشا فلان بيمسى على العريس وعالناس اللى حضرت )

ويا حبذا لحظه دخول أحد عتاة الإجرام والمسجلين للفرح ( وسع وسع للباشا وصحبته ومجاله ) :blush2:

المشكله أننا بقينا بنبشبش الكبير قبل الصغير في كل شئ لدرجة أن في السعوديه لما حد من السعوديين يحب ينادي على مصري وهو ميعرفوش أو يعرفه وبيمزح معاه بيقوله يا باشا :D

الظاهر أننا ( هدينا ) عليهم .

واخدلي بالك يا باشا .

صباح الفل يا باشا :D

[se_ Elsyed]

الموضوع يا أحمد بدأ مع قيام ثورة الكاكي اللعينة

واللي فصلوا نفسهم عن الشعب وكونوا دولة بوليسية ( جيش وشرطة ) خلقت في نفوس الناس الرعب ...

وقسموا البلد عليهم وبدل ما كان عندنا بشوات بحق وحقيقي وعارفينهم ..

أصبح لدينا جيل جديد من الباشوات .. لكن سوري في اللفظ .. جيل واطي ليس له اصل ...

وأكتر شيء تخاف منه هو صاحب السلطة أو المال اللي ما عندوش أصل ..

لأن الإنسان المحترم إبن العيلة اللي عنده اصل لا تهمه الألقاب ولا يُنكل بمن لا يناديه بلقبة لو كان عنده لقب

حكيت لكم قبل كده زمان لما كان مطلوب مننا نعمل تصريح العمل وندفع ضرايب عاملين بالخارج فكنت لازم تروح تشتري طابع شرطة من قسم الشرطة ..

لكن أنسى هذا المنظر ما حييت وأظل أذكره دليلاً على عصر العسكر الظلمه الفسقه

وجدت عيل معفن أمين شرطة لكن يرتدي ملابس مدنية عادية ... يدخل القسم ممسكاً برجل كبير في السن في سن أبوه - ده إن ما كانش لقيط بدون اب ولا أم ربوه نص ساعه - وهاتك يا ضرب بالشلاليت وعلى قفاه .. فأستقبله زملاءه اللقطاء من سلك الشرطة أيضاً وسألوه : ماله عمل إيه الكلب ده ؟

فقال لهم : ده سواق ميكروباص ركبت معاه .. فسألني على الأجرة .. فقلت له أنا أمين شرطة .. قال هاتدفع برضوا .. روحت جايبه هنا ..

فأجابوه بكل ود .. طب هاته جوه نعمل معاه الواجب ..

-------

هؤالء هم الباشوات الذين خلقتهم الثورة ... فبعد أن كانوا رعاع أو عساكر عاديين مثلهم مثل باقي القطاع المحترم للجيش والشرطة واللي وظيفتهم يدافعوا عن البلد وأقسموا على ذلك على كتاب الله ..

فجأة وجدوا بلد بحالها بأهلها ومالها مستباحه لهم بدون أن يحاسبهم أحد أو أن يقول لهم ماذا تفعلون ... فعاثوا في الأرض فساداً ودمروا القيم جميعها ..

وبالتالي ظهرت فئات اخرى مثل السباكين والميكانيكية أصحاب المهن المحترمة والذين امتلكوا المال .. فأصبحوا هم أيضاً باشوات ..

[الباشمهندس ياسر]

فعلا .. كلام حقيقي و صحيح تماما

حن نجني اخطاء ال 50 سنة الماضية

[mekkawy]

فعلاً أصبحت كلمة باشا على لسان الجميع و تطلق على الجميع زي كلمة كابتن كدة زمان ... تلاقيك بتقول السباك (الا ايه المشكلة في الماسورة يا باشا) و تقول للراجل اللي على عربية الفول ( اتنين حار معاك يا باشا الله يكرمك .. و زود الشطة) ... و هكذا ... فلم تعد كلمة باشا تحمل مدلولها القديم ... و سمعت مقولة بتقول ان باشا بالتركي يعني (جزمة) الله يعزكم.

فالحمد لله إن .. انا مش باشا :lol:

مكاوى ... مش باشا

[fatfouta]

فعلاً أصبحت كلمة باشا على لسان الجميع و تطلق على الجميع زي كلمة كابتن كدة زمان ... تلاقيك بتقول السباك (الا ايه المشكلة في الماسورة يا باشا) و تقول للراجل اللي على عربية الفول ( اتنين حار معاك يا باشا الله يكرمك .. و زود الشطة) ... و هكذا ... فلم تعد كلمة باشا تحمل مدلولها القديم ... و سمعت مقولة بتقول ان باشا بالتركي يعني (جزمة) الله يعزكم.

فالحمد لله إن .. انا مش باشا :lol:

مكاوى ... مش باشا

فعلا انا قريت قبل كده ان كلمة باشا = جزمة السلطان ولا مؤاخذة يعنى

[عنبو]

انا حينما اتعامل مع سلك الشرطه او الجيش فلا استعمل كلمة باشا اطلاقاً

بستعمل كلمة كابتن

اما بالنسبه لكلمة باشا فانا بستعملها مع اللى معرفهمش فقط لا غير

لكن لو اعرفه فبقوله بلقبه عادى

الغريب بقى ان هنا فى السعوديه اول لما واحد يعرف انك مصرى

تلاقيه بيقولك ياباشا اتوماتيكى اتوماتيكى

[joo]

معنى كلمة باشا هى رئيس وهى كلمة تركية

ويطلق لقب باشكاتب على رئيس الكتبة

[joo]

فعلاً أصبحت كلمة باشا على لسان الجميع و تطلق على الجميع زي كلمة كابتن كدة زمان ... تلاقيك بتقول السباك (الا ايه المشكلة في الماسورة يا باشا) و تقول للراجل اللي على عربية الفول ( اتنين حار معاك يا باشا الله يكرمك .. و زود الشطة) ... و هكذا ... فلم تعد كلمة باشا تحمل مدلولها القديم ... و سمعت مقولة بتقول ان باشا بالتركي يعني (جزمة) الله يعزكم.

فالحمد لله إن .. انا مش باشا :lol:

مكاوى ... مش باشا

فعلا انا قريت قبل كده ان كلمة باشا = جزمة السلطان ولا مؤاخذة يعنى

لا يا فتفوتة المعلومة دى غلط

[fatfouta]

فعلاً أصبحت كلمة باشا على لسان الجميع و تطلق على الجميع زي كلمة كابتن كدة زمان ... تلاقيك بتقول السباك (الا ايه المشكلة في الماسورة يا باشا) و تقول للراجل اللي على عربية الفول ( اتنين حار معاك يا باشا الله يكرمك .. و زود الشطة) ... و هكذا ... فلم تعد كلمة باشا تحمل مدلولها القديم ... و سمعت مقولة بتقول ان باشا بالتركي يعني (جزمة) الله يعزكم.

فالحمد لله إن .. انا مش باشا :lol:

مكاوى ... مش باشا

فعلا انا قريت قبل كده ان كلمة باشا = جزمة السلطان ولا مؤاخذة يعنى

لا يا فتفوتة المعلومة دى غلط

ماهو انا كمان مش متاكده ياجو

بس كان فيه برنامج بييجى فى قناة النيل للاسرة والطفل دمه خفيف كده مش فاكرة اسمه بجد لكن جابوا مرة ان معنى كلمة باشا تعنى........مش هقولها تانى خلاص عشان ماتزعلش يا جو......وانا مش بحب ازعلك

على فكرة يا محمد يا عنبوووو معظم بتوع الشرطة بيضايقوا من كلمة كابتن انا برضو ذيك بقولهم يا كابتن او يا استاذ

مرة كنت فى المرور زمان بجدد الرخصة وبقول للضابط يا كابتن رد عليا وقاللى....هو حضرتك شايفانى ماسك مضربين تنس وبلعب فى النادى..........قلتله خلاص ماتزعلش يا استاذ :lol:

[joo]

لالالا يا فتفوتة انا عمرى مزعل منك ابدا 00 ودة منى ليكى هدية بس اوعى تلبسية لحسن هتبقى باشا

:lol: :lol:

[kitkat]

معظم الباشوات والبكوات كانوا ناس متربيين ومحترمين

النهارده - للأسف - انتقل اللقب الى فئات أقل ما توصف به أنها دون المستوى ، البشوات الجدد يختلفون عن القدامى في سلوكياتهم وطريقة تفكيرهم وتربيتهم.

واللي هيقولي يا باشا هرد عليه وأقوله انت اللي باشا وستين باشا.

ماتزعلش نفسك يا باشا :lol: :lol:

والله معاك حق اللقب انتقل من ناس تستاهله لناس أغلبهم واطيين مالهمش أصل

أصبح لدينا جيل جديد من الباشوات .. لكن سوري في اللفظ .. جيل واطي ليس له اصل ...

وأكتر شيء تخاف منه هو صاحب السلطة أو المال اللي ما عندوش أصل ..

لأن الإنسان المحترم إبن العيلة اللي عنده اصل لا تهمه الألقاب ولا يُنكل بمن لا يناديه بلقبة لو كان عنده لقب

فأجابوه بكل ود .. طب هاته جوه نعمل معاه الواجب ..

هؤالء هم الباشوات الذين خلقتهم الثورة ... فبعد أن كانوا رعاع أو عساكر عاديين مثلهم مثل باقي القطاع المحترم للجيش والشرطة واللي وظيفتهم يدافعوا عن البلد وأقسموا على ذلك على كتاب الله ..

فأصبحوا هم أيضاً باشوات ..

أتفق معاك ان أكتر شيء تحتقره وبيبقي حاسس باحتقارك ليه هو صاحب السلطة الي ماعندوش اصل ولا فصل

فعلا جيل واطي من مدعي الباشوية

[اغابي]

انا عندى اخت جوزى الكبيرة - هى فى مصر ساكنة فى نفس الشارع بتاعى - جوزها مقدم شرطة وداخل ب 4 عساكر وعربية الشرطة دايما ملغمة عساكر تحت البيت - ولانه فى راى الشخصي افضل ظابط شرطة ممكن تشوفه فى حياتك - داه اخلاقا ومحترم ومتدين وبيخاف ربنا اوى - فاقصي حاجه يعملها مع العساكر اللى عنده انه يبعتهملى يشترولى العيش والخضار واللحمة من السوق .

كنت مرة سألته ليه بيبعتهم مشاوير - فهمنى ان فيه خدمة عليهم بس هو مش بيحب يعذبهم اوى زى باقي الظباط وقالى بالعكس انا احيانا باخدهم خدمة الشيراتون ويتحط قدامهم اجدع ديك رومى يتغدو بيه واحيانا اخدهم معايا خدمة فى الاستاد يتفرجو على ماتشات الكورة ويسلموا على الحضري كمان - فبيقتصر على مشاوير البيت الخفيفة زى يشترو خضار او عيش- وحتى العساكر بيقولو لبعض يبقى حظك كويس لو كنت خدمة مع المقدم / الفلانى - لان بجد سمعته كويسة جدا

انا ليه حكيت المقدمة دي كلها - علشان نيجي لكلمة باشا - انتم لفتو انتباهى ليها دلوقتى

فى الاول كنت اشوفه ازيك يا باشا - عامل ايه يا باشا - الاقيه زعل وسكت - وفى مرة كنا مقضين السهرة عندهم على العشا وقولتله الا صحيح يا باشا ايه رايك فى الحكم الاخير بتاع هشام طلعت وسوزان ......... ما كملتش الجملة ولاقيته دخل جوة وخرج ومعاه مسدسه الميري وحطه على دماغى ( حضرته بيهزر ) وقالى هو لازم اديكى رصاصتين فى دماغك علشان ما تقوليليش يا باشا دي تاني -

بجد انا اتخضيت حرام عليك ياباشا السلاح يطول والشيطان شاطر -

راح قالى تانى بتقوليها تاني - انا ما بحبش غير كلمة كابتن - كلمة باشا كلمة سيئة جدا وما تتقالش غير للنصابين والبلطجية مع ان زمايلي فى الشغل مختلفين معايا فى الراى - دا انا من كتر ما انا متعقد من الكلمة دي بقولها لاخطر مجرم اقبض عليه فى مامورياتنا - فى مره كان عندنا خدمة فى الجبل - كانو ناس غجر عاملين اوكار مخدرات وعشش ومعاهم اطفال وحريم وعائلات كتير ومعاهم اسلحة كمان - وكان فيه واحد اخطر واحد فيهم باحاول اقبض عليه راح ضربنى بطفل كان جوة العشة او الخيمة الصاج دي عمره حوالى 6 شهور - حدفه عليا علشان يهرب منى - الطفل داه خبط فيا من شدة الخبطة وقع على الارض مات فى الحال وفعلا هو هرب مننا - وانا فى اليوم داه اخدت رصاصتين فى رجلى الشمال بس كنت مستحلفله يوقع فى ايدي مرة تانية - ولفت الايام وجاتلنا مأمورية ووقع فى ايدي البلطجى المجرم داه لان كمان كان عليه احكام كتير متهرب منها - اول ما شفته قولتله ازيك يا باشا راح قالى انت اللى باشا - راح هب واخدله قلم محترم من امين الشرطة اللى ماسكه وقاله اتكلم عدل يا حيوان يا ابن كذا وكذا ....

- انا شاورتله بلاش ضرب - المهم فضلنا انا والبلطجى نرمى لبعض البشوية - قولى بتاع نص ساعة انا اقوله انت اللى باشا وهو يقولى انت باشا يقوم يتضرب بالقلم على قفاه وتانى وتالت وهكذا لما اخدله بتاع دستة اقلام على قفاه فى اليوم داه من كف ايه تقولى كف عشماوي .

فواضح ان فعلا كلمة باشا مش اوى - بس انا طبعا اخدت فترة عبال ما عرفت اقوله يا كابتن :lol:

فين بشوات زمان - على راى استاذى زوهير لما بيقول

حاخد الاولاد المرسح ونتفرج على فلم يوسف بيك وهبي فى السينما :lol:

تحياتي

:lol:

تم تعديل 12 أبريل 2010 بواسطة اغابي

[فــيــروز]

هناك بعض النقاط التى أحب أن أعلّق عليها بشكل منفصل -كنقاط يعنى- فى الموضوع :

لستُ أفهم -بكل صراحه- سبب الانحياز لباشوات زمان و الاعتقاد إنّهم كانوا متربيين بشكل أفضل أو أنّهم كانوا يستحقون اللقب الذى آل لمن لا يستحقونه !! بصراحه موقفنا ده من الباشوات و علية القوم فى عهد ما قبل الثوره بيدهشنى جدا زى ما باندهش أمّا ألاقى حد بيتباهى بأصوله التركيه أو الشركسيه و الناس ساكته ولا تعقّب بأن هؤلاء الأتراك ساموا المصريين سوء العذاب على مدى قرون فما وجه الفخر أو التفاخر .. يا ريت قبل ما أترك النقطه دى محدّش يتصوّر إنّى بانتصر لعصر على حساب عصر أو أريد أن أقول إن الثوره جاءت و ساوت بين الناس إلى آخر هذه الأسطوانات اللىّ ده مش محلّها ..

النقطه التانيه هى نقطة الأصل و الفصل و تولّى أبناء الناس لمناصب ما و تصوّر أفضلية اقتصار هذه المناصب على من نعتبره بمقاييسنا "إبن ناس" مع عدم تحبيذ ذوى الأصول المتواضعه -فيه كلمه تانيه لا يصحّ قولها- للتواجد فى مثل هذه المناصب .. الحقيقه إنّنا مش بنتكلّم فى موضوع نَسَب عشان نتكلّم فى أصول من يصلح لتولّى وظيفه ما و هو من عيلة مين و مأصّلين ولاّ مش .. !! الأصل فى الأشياء أن تكون الكفاءه الشخصيه هى مسوّغ تولّى المنصب و أن يكون الخروج على مقتضيات الوظيفه -سواء من إبن الناس أو غيره- مردود عليه بعقوبات معروفه و واضحه و يسهل أن يطالب بها أى متضرّر .. لكن الأزمه أنّه ليس هناك وجود لمثل هذه العقوبات فى مجتمعنا و من يتولّون مناصب نافذه فى مجتمعنا سواء كانوا ولاد ناس أو غيرهم غالبا لا تتمّ محاسبتهم بأى شكل .. و من ثمّ نحن نفضّل أن يصل لمثل هذه المناصب من نراهم ولاد ناس عشان يبقى فيه أمل يراعوا ربنا فينا شويه طالما مفيش أمل فى أى عقاب لهم إذا أسائوا استغلال وظائفهم .. ده موقف غير صحيح على الإطلاق فى رأيى المتواضع

النقطه الأخيره أنّى بكل صراحه لا أستسيغ فكرة استبدال خدمة عسكرى المراسله فى صالح الوطن -حتى لو اختلفنا على استفادة الوطن من خدمة هؤلاء- بخدمات يستفيد منها الباشا و زوجته و أولاده و أقاربه !! لأ و الأنكى محاولة تصوير الموقف فى صورة من يرحم هؤلاء التعساء من الخدمه الشاقه بجعلهم يخدمون فى البيوت و يشترون الخُضار و يوصّلوا المدام و الأولاد للنادى .. دى كمان صوره من إساءة استغلال النفوذ و السلطه لكنّها بكل أسف لا تلقى الاستهجان المطلوب من شدّة ما صارت شائعه و لا أحد يملك المعاقبه و المحاسبه عليها كما قلت فى النقطه السابقه .. و بديهى جدّا لدرجه لا تستدعى الذكر أنّه ليس من حق أمين الشرطه ضرب مجرم سيمثل أمام القانون و سينال عقوبته اللىّ مش من ضمنها صفعة الأمين باشا و بديهى كذلك أن أمين الشرطه ليس من حقّه إبداء الرأى -بصفع المجرم على وجهه- فى حوار بدأه الباشا الظابط مع الباشا المجرم .. بس بردو زى ما قلنا الموضوع بقى عادى فى المعادى و كذلك فى الزمالك ..

وافر التحيه ..

[se_ Elsyed]

كلام جميل

فيروز جت .. يبقى عفاريت الأسفلت ظهروا :blush2:

بُصي يا فيري ... لم أجد مداخلة تنتصر لبشوات زمان أو تُمجد فيهم ..

لكن أنا شخصياً قلت إن الواحد فيهم كان معاه لقب فعلي ... يستحقه ما يستحقهوش دي حاجه تانيه ... وطبعاً كانوا في منتهى الظلم ده شيء مفروغ منه

أنا أتكلم عن اللي كانوا رُتب عسكرية - أقصد بتوع الثورة السودا - وفجأة لما العملية بقت سبهلله والبلد وقعت في إيديهم .. أنقلبت شخصيتهم تماماً وبقوا بشوات قولاً وفعلاً ونسيوا نفسهم واخلاقهم أتغيرت للأسوء أو أصبحوا عديمي الاخلاق ... وسار على نهجهم مش عاوز أقول 90 % من اللي شغالين في سلك الشرطة بالذات ( 90 قليل .. صح ) حتى الأن ...

لكن سبحان الله ... تبدل الحال وأصبح من يعمل في قطاع القوات المسلحة .. سوري يعني ما يسواش حاجه خارج وحدته العسكرية

على فكره من اجمل أفلام احمد زكي الدراماتيكية هو فيلم " زوجة رجل مهم " أينعم ما بحبش اتفرج عليه عشان في الاخر بيقتل ميرفت أمين وابوها والمخرج والجيران ... لكن فعلاً الفيلم صور الخبل اللي بيبقى عليه ظابط الشرطة بمنتهى البراعة .

أنا عارف إن إنتي ضد الطبقية .. لكن أنا أقصد إن إبن الناس تعريفه يا فيروز هو اللي مش بيتغير مع المنصب مهما وصل لاعلى الدرحات .... ما بالك بقى لما يكون المنصب ده ..." هفأ " مع إحترامي لجميع المناصب ... لكن بالله عليكي لما تلاقي مندوب شرطة بإعدادية أو أمين شرطة = دبلوم ... وتلاقيه فاكر نفسه لواء أركان حرب متقاعد زي شخصية خالد صالح في " هي فوضى " ... تقولي إيه ؟ واطي ولا مش واطي ؟

وعشان بتزعلي من الكلام البزيق ... low or not low ? wst::

ياريت تكون الفكرة وصلتك ؟

إيه بقى أخر الأفلام الشديدة اللي شوفتيها عشان اسرقها من عالنت قبل أسعاد يونس ما تقفل باقي السيرفرات ؟

[أسد]

ممكن نعرف ما هو المقصود بتعبير ..

"إبن ناس"

؟؟؟؟؟؟؟؟؟

وياريت بالمرة نعرف ما هي مواصفاته .. وكيف نتعرف على الشخص إبن الناس ؟؟؟

وما هو توصيف الأشخاص التانية .. يعني إللي في الطرف الآخر ..

إللي هم مش ولاد ناس ؟؟؟

[أحمد سيف]

للتوضيح فقط ... لأن بعض الزملاء ربما أعتقد أنني أدافع عن نظام البكاوية والباشوية القديم.

أنا أتمنى أن يكون جميع المواطنين في مرتبة واحدة من حيث الاحترام والكرامة والحقوق ... دون وجود تمييز طبقي بينهم.

لكن إذا كان ولابد من وجود تمييز فليكن على أسس صحيحة مثل العلم والدور الذي يؤديه الشخص في المجتمع وحسن الخلق ... وليس أن يتم تمييز فئة معينة لأنها تمتلك قوة مادية وتستطيع التنكيل بغيرها دون رادع.

[Mercedes]

لكن أنسى هذا المنظر ما حييت وأظل أذكره دليلاً على عصر العسكر الظلمه الفسقه

وجدت عيل معفن أمين شرطة لكن يرتدي ملابس مدنية عادية ... يدخل القسم ممسكاً برجل كبير في السن في سن أبوه - ده إن ما كانش لقيط بدون اب ولا أم ربوه نص ساعه - وهاتك يا ضرب بالشلاليت وعلى قفاه .. فأستقبله زملاءه اللقطاء من سلك الشرطة أيضاً وسألوه : ماله عمل إيه الكلب ده ؟

فقال لهم : ده سواق ميكروباص ركبت معاه .. فسألني على الأجرة .. فقلت له أنا أمين شرطة .. قال هاتدفع برضوا .. روحت جايبه هنا ..

فأجابوه بكل ود .. طب هاته جوه نعمل معاه الواجب ..

السلام عليكم و رحمة الله و بركاته

طاب دا سواق الميكروباص ده محظوظ جدا, لأنه هياخد اللى فيه القسمة و يروح :closedeyes: , لكن لو كان وقع فى ايد واحد من الظباط ولاد ال................ , كان روقه بحته حشيش ممكن يكون عشانها مرمى لحد دلوقتى فى السجن و لا حد عارف هو فين :blink: .

أنا رأى بعد ادن ادارة المنتدى أننا نفتح هنا باب للشتيمة فى الجماعة ولاد ال...... , على أساس أن الواحد يفك عن نفسه شويه و بعد كده يخرج فريش و يقدر يواصل حياته بشكل أفضل.

ربنا قادر على كل شئ

MERCEDES S430

[الباشمهندس ياسر]

انا مستغرب جدا اننا هناقش مسألة الطبقية

الطبقية مسألة طبيعية جدا ف الناس ... لان الناس مش واحد

بسم الله الرّحمن الرحيم

(قل هل يستوي الذين يعلمون والذين لا يعلمون إنما يتذكّر أولو الألباب)

[الزمر9]

قال تعالى

( وما يستوي الأعمى والبصير. ولا الظلمات ولا النور ولا الظل ولا الحرور وما يستوي الأحياء ولا الأموات إن الله يسمع من يشاء وما أنت بمسمع من في القبور)

فاطر

لا يزال الناس بخير ما تفاضلوا فإذا تساووا هلكوا ... حديث شريف

مسألة .. مين هو ابن الناس

ابن الناس .. مصطلح يضم كل الملتزمين بمكارم الاخلاق ... و بس

كريم اخلاق و عنده علم فبها و نعمت

كريم اخلاق عنده نسب عريق ... فبها و نعمت

كريم اخلاق و عنده فلوس ..فبها و نعمت

المسألة كلها ف مكارم الاخلاق ... لكن تبعا لتغير العصر

اصبحت المعايير مختلفة