اقتراح بإضافة إمكانية المشاركة بدون إستخدام الإسم

[Diab]

فكرة شفتها في منتدي من زمان

احيانا بيبقي في عضو عنده اسئلة معينة او استشارة طالبها من الناس هنا

وبيخاف يسأل عليها لانه بيبقي معروف هويته اناس كتير

ليه منعملش باب فرعي ويكون فيه الدخول بإسم وكلمة سر معروفة للجميع

ويدخل صاحب المشكلة يضع الاسم وكلمة السر المعروفة ويكتب مشكلته اللي بتكون احيانا حساسة بعض الشيء

وبكدة يقدر يلاقي حل مشكلته وف نفس الوقت محدش هيعرفه

أليه التطبيق بحاول افتكرها ولكن ياريت تفكروا فيها

تحياتي

دياب

تم تعديل 12 أبريل 2010 بواسطة Diab

[doha]

عن نفسي شايفة انها فكرة ممتازه ان يكون في امكانية لعرض المشاكل وماشابه بدون اليوزر نيم ..

الطريقة مش هتبقى باستخدام باسوورد معروفه للكل وانما هيبقى في لينك يوصل لصفحه فيها زي نموذج او فورم من عده خانات .. واحد لاسم المستخدم والثاني لعنوان المشاركه والثالث لنص المشكلة او الاستشارة المطلوبه ..

بعدين الزر الي بيعمل سبميت مش هينشر الرسالة على المنتدى وانما تروح على المشرفين .. هم يجيزوا نشرها او يحذفوها فيما لو كان فيها شيء غير لائق ..

وتطبيق الحكايه دي تقنيا سهل جدا ومش بيحتاج برمجيات جديده او شيء ..

[aimen]

منتدى حارة زعتر عامل الحكاية دى من اربع سنوات

اسم المستخدم حيران

كلمة السر 00000

اللى عنده اى حاجه يدخل وينشر موضوعه عادى جدا

والحساب لا توجد به امكانية ارسال الرسائل الخاصة أو الرد على الأخرين فقط

المشاركة وفى مكان معين اسمه حلال العقد

وادى الشروط اللى واضعينها للتعامل مع الموضوع ده

السلام عليكم ورحمة الله وبركاته

احبتي في الله ,

ازيكم جميعآآ يارب تكونوا بخير ,

وربنا يبارك فيكم جميعااا ويحقق كل ما تتمنوه باذن الله تعالي .. ,

حيران اسم مستعار لكل عضو الحق فيه وليس مقتصر علي اضافة موضوع ولكن كذلك الرد ..

واستخدامه داخل قسم حلال العقد حلال المشاكل فقط ..

حيران لكل عضو او عضوه مش حابين ان حد يعرف هما مين ..

يعني وراء حيران الكثير من القلوب التي تريد الفضفضه والاستشاره عن امر ما مُحير ..

نقدر كلنا نعرض اي مشكله لينا من خلاله ونقدر نتابع بيه في مشكلتنا ااننا نرد من خلاله علي كل اللي بيحاول يساعدنا وفي نفس الوقت مش حابين نقول احنا مين ..

ومره تانيه حيران للكل ولكن مقصور علي قسم حلال العقد ومقصور لوضع المشاكل والتساؤلات التي تحيرنا في حياتنا ..

ولا يسمح باستخدامه مطلقا في اي قسم اخر وقيدته الاداره بذلك ..

لما نحب نستخدمه بنخرج من الحاره نهائيآآ عن طريق خروج ثم العوده الي الصفحه الرئيسيه لنجد انه مطلوب مننا للمشاركه في الحاره اسم المستخدم والباس وررد ..

نكتب بجانب الاسم المستخدم: حيران

والباس خمس اصفار يعني : 00000

وبكده عرفنا معني حيران وحدود وكيفيه استخدامه ..

[pocy]

اقتراح ممتاز وخصوص ا انى لي من الاهل والاصدقاء على المنتدى بعدد شعر رأسي

تخيلوا امبارح افاجئ ان واحده بعتالى بتقلي هو انتى كذا اللى كنتى فى كذا

اصل انا كذا اللى كنت معاكى فى كذا

اتفضحنا ياولاد والحمد لله هههههههههههههههههههه

الفكره ممتاز بصراحه

[Alshiekh]

اقتراح ممتاز وخصوص ا انى لي من الاهل والاصدقاء على المنتدى بعدد شعر رأسي

تخيلوا امبارح افاجئ ان واحده بعتالى بتقلي هو انتى كذا اللى كنتى فى كذا

اصل انا كذا اللى كنت معاكى فى كذا

اتفضحنا ياولاد والحمد لله هههههههههههههههههههه

الفكره ممتاز بصراحه

إمكانية الكتابة كزائر موجودة فى هذا الباب

الملتقى العام لزوار محاورات المصريين

ولكن المشاركة لن تظهر للمشاهدة الا بعد التأكد من جديتها وبالطبع من جدية الردود وذلك منعا من ظهور مشاركات عبثية .

يعنى ممكن تتفضلوا تجربوا مع ملاحظة انه لاتوجد صورة لوضع الكود المكون من ستة ارقام ، فقط اتركوها خالية وبعد الضغط على زر " اضافة موضوع جديد " فقط انتظر حتى يتم اظهار موضوعك .

[Advisor]

باب الملتقى العام لزوار محاورات المصريين موجود منذ سنوات و لايتطلب تسجيل عضوية فى محاورات المصريين كما لا يتطلب تسجيل دخول بإستخدام إسمك و كلمة السر الخاصة بك.

ما سبق كان إستهلالا لابد منه

و فى نفس الوقت يمكن للأعضاء المشاركة فى هذا الباب بطريقة عادية جدا - حالة تسجيلهم دخول فى محاورات المصريين - إذن ما هو الفرق بين المشاركة كعضو بالإسم و كلمة السر و المشاركة كزائر بدون إسم أو كلمة سر ؟

الفارق أننا نطلب من الزوار إدخال كود التأكيد حيث تظهر للزائر صورة صغيرة بها عدة حروف و أرقام عليه أن يحاول قرائتها ثم نسخ محتواها و الغرض من هذه الآلية الحماية من نوع معين من الفيروسات أو ال bots و نتأكد أن الزائر عبارة عن إنسان حقيقى و ليس مجرد bot أى برنامج كومبيوتر مبرمج لإدخال آلاف من المداخلات بلا معنى.

[Advisor]

بعد توقف باب " الملتقى العام " لفترة من الوقت لأسباب متعلقة بإساءة الإستخدام ، تم بالأمس إعادة تفعيل هذا الباب على أن يقوم فريق الإشراف و التنسيق بمراجعة المواضيع و المشاركات الجديدة بصفة يومية و ذلك لتجنب إساءة الإستخدام.