كيف تعرف انك احد ابناء الجيل الموكوس؟

[kitkat]

كيف تعرف انك احد ابناء الجيل الموكوس؟

والجيل الموكوس هو جيلي جيل المواليد من 1975 وحتى 1988 اللى كانوا ضحية مجتمع تحول حديثا من قمة الاشتراكية لقمة الانفتاح فخرج الجيل بلا رموز فكرية أو ثقافية أو فنية أو حتى في الشكل والملبس..

عايز تتأكد أنك من الجيل الموكوس؟؟ راجع معايا..

50. اذا كنت قد شاهدت الزمالك ينسحب مرتين من مباراته مع الأهلي .. مرة في أخر خمس دقائق بسبب هدف صحيح ومرة في أول خمس دقائق بسبب كارت أحمر مشكوك في صحته

"Life can give u a hundred reasons to cry,

But you can give life a thousand reasons to smile."

Some people make the world SPECIAL just by being in it !

هههههههههههههههههههههههههههههههههه حلوة جدا بس اعذرني الجيل الي مش هايجي زيه والي بعده ضايعين هو جيل ال 70 ات ولغاية سنة 1983 وبعد 1983 ابتدي الضيااااااااااااااااع :closedeyes:

[shiko]

كيف تعرف انك احد ابناء الجيل الموكوس؟

والجيل الموكوس هو جيلي جيل المواليد من 1975 وحتى 1988 اللى كانوا ضحية مجتمع تحول حديثا من قمة الاشتراكية لقمة الانفتاح فخرج الجيل بلا رموز فكرية أو ثقافية أو فنية أو حتى في الشكل والملبس..

عايز تتأكد أنك من الجيل الموكوس؟؟ راجع معايا..

1. اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون يا حبذا لو كانت ماركة انتربول التركية كنت تبقى ملك

2. اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

3. اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدتهما على الفضائيات ان التليفزيون المصري كان يخدعك طوال هذه13. اذا تكون شاهدت على الحجار مرتين في يوم واحد على نفس القناة... مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين)

14. اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك بتاع انابيب))

15. اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر

16. اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي)

17. اذا كنت تترقب بشدة أى حفلة بها فقرة (عزب شو) وتستمتع بمحمود عزب وهو يقلد محمد منير ومحمد نوح

18. اذا كنت شاهدت (بولا بولا بالومبيلا) معجبا بالطفله الجميله وهي بتغني وانت معتقد ان معنا الجمله دي هي طيري طيري يا عصفوره بس بلغة الهنولولو

19. إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان) رغم الاخطاء العلمية الجسيمة به

...

تؤتؤ... :closedeyes:

الاجابة موش انا ...

لست انا هذا الرجل ....

الاجابة ناقصة فالكون كريست ...

لو كنت كتبتها كنت هابقى فى الصفوف الاولى من الموكوسين .. :blink:

بس كده تمام ...انا هاقعد اتفرج على الوكسة بتاعتكم :D

[رضوي]

طيب كدة تمام

احب اقولكم اني مش من الجيل دة

مع اني لحقت التصنيف علي اخر لحظة قصدي علي اخر سنة

بما ان جو قال انه من سنة 1975 حتي 1988

بس الحقيقة لا تتوافر فيا غير نقطتين من النقاط الخمسين

لا موش هقولهم

بس قولولي بقي

الا الجيل الي بعده يبقي ايه ؟؟؟

بس أكيد مش موكوس يعني ؟؟

ممكن اسميه الجيل الغلبان

اه دة احنا غلابة اوي بالنسبة لكم يعني

ايون ماحدش عندنا بيشيل الكاسيت علي ضهرة

انا طلعت في اخر جيل الكاسيت ........ دلوقتي مانعرفش مين الكاسيت دة ؟؟

لما الحق اجري اصل شكلي ممكن حد يحدفني بأي حاجة فيا

ياماما

[ذهبية]

يااااااااة يا جوووو دة احلى جيل و احلى ا يام

و الله الجيل دة كان جيل محترم و مؤدب مكنش فية اى اغراءات زى اليومين دول

فكرتنى بشريك لولاكى اللى كان مكسر الدنيا حد فاكرة

وبما انى غاوية اجنبى كان فية فريق باموووووووت فية اسمة modern talking

دة كنت حافظة كل اغانية لو حد بجد عارف اى موقع فية اغانية يااااااااريت بجد يبعتة ليا لانى دورت كتير

ومايكل جاكسون وشريط bad

و جورج مايكل و تينا تينر و البونى ام

و فيلم الرجل الاخضر اللى كان قميصة بيتقطع دة و يخضر و المراءة الحديدية و الرجل ستة مليون دولار

و فالكون كريست على القناة التانية ساعة تسعة

و مسلسل اوشين اللى كتير بيقولوا ليا انتى شبها و عمرى ما شوفتة

رقصة البريك دانسن و شريط عمرو دياب من كام سنة الى كان مكسر الدنيا و شريط انا ميال و محمد فؤاد اسالى و حمد الله علىالسلامة

وكان فية شريط كان دايما نسمعة فى المصايف مش عارفة حد سمعة و لالا

كان شريط عبارة عن ضحك بس صوت واحد بيضحك و اى حد يعدى على المحلات الى مشغلة الشريط دة لازم يضحك غصب عنة

و كتب المغامرون الخمسة و تختخ و لوزة حد فاكرها

و بابا ماجد عفاف الهلاوى و بقلظ و ماما نجوى

و ليالى الحلمية الاجزاء الخمسة

ياااااااااااااااااااااااة

احلى جيل و احلى ايام

[قلب ابيض]

نهاركو ابيض ....انتو من مواليد الايام دى ؟ ولا عاصرتوها فى مراهقتكم؟؟؟

يعنى فالكون كرست والبونى ام وليالى الحلميه ...........انتو مييييين بالظبط؟" على رأى اللمبى ...انت مين ياااااااااا انا نعرفكش :D "

لو تصنيفكم ده مظبوط بقى ابقى انا من جيل تينا تشارلز والبونى ام وفريق الآبا والقمر ساحر بنات جيلى وقتهاا خوليو اجلاسيوس " فات لابنه طولت العمر wst:: "

وشبابيك " منير " ولافريق الاصدقاء 0000وفرقه الجيتس " حد فاكرها دى؟؟؟؟؟؟؟؟"

طب حد فاكر اعلانات معجون الاسنان فالكون ؟ ولا ايزابيلا وات ذى ذيس ؟ ايتس ماااااااام

لما انتو موكوسييييين 00000طب احنا ايه ؟؟؟؟؟

بس ردوا على كنتم مواليد ولا مراهقين ؟؟؟هاتفرق معايا اووووووووووووووى wst::

تم تعديل 13 أبريل 2010 بواسطة قلب ابيض

[عاشق الترحال]

فاكرين زجاجات مشروب كندا دراى وتيم وشاني وإعلان بيبسي بتاع العبوه البلاستيك اللي كانت بتقع من عالسلم .

فاكرين طبعاَ جميع أفلام أميتاب باتشان و اللي أعجبت الجميع ولما كانت تتذاع في الأعياد بعد العصر

فاكرين لبان ( بم بم ) ومسابقاته والألبوم بتاع المسابقه .

فاكرين طاهر القويري والشمعدان .

فاكرين الــ(موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الإريال بحثا عن قنوات المستقبل والام تي في وسيجما وإسرائيل الثانية!!

فاكرين الكوتشي أبو لسان والبناطيل الكونز

فاكرين الأتاري أبو دراعات اللي بيشتغل بشرايط ولعبة الطيارات والعربيات السباق

فاكرين برنامج (بدون كلام) يوميا بعد الإفطار في رمضان الذي يقدمه الممثل حسن مصطفى والذى اعتاد أن يستضيف زوجته ميمي جمال في أحد الفريقين وأن يتحيز للفريق الذي تشارك فيه ويقوم بتغشيشهم. و أن تكون شاهدت من قبله برنامج ( من غير كلام ) لمقدمه محمود القلعاوى و من بعده المنتصر بالله.

فاكرين السلعوه .

فاكرين الزلزال بتاع التسعينات 0 وأخدنا أجازه بسببه من المدارس .

فاكرين ( عمر وأمل ) في كتب الإبتدائي وقلم من أحمد عثمان تانية أول ( 2/1 )

صباح الفل عالكل .

موكوس وأفتخر مواليد 1979م

تحياتي :D wst::

تم تعديل 13 أبريل 2010 بواسطة عاشق الترحال

[mekkawy]

قلب أبيض الفاضلة

لا خليها تفرق بأة ... 75 و مراهقين ... ههههه ... حضرتك المقصود بالتصنيف المواليد مش المعاصرة ... أنا مثلاً ولا فخر مواليد 84 .. اه و الله 84 عادي يعني ايه في ايه

بس ليه باة يا جماعة في اتيتيود غريب كدة ... ان كل واحد فاكر ان السنة اللي اتولد فيها اتقفل بعدها حنفية الرجولة و الجدعنة و من بعده ... ضااااااايع

خلينا نكون منصفين ... كل جيل في الصالح و الطالح و مع تقدم الاجيال يقل الصلاح و يزيد الطلاح

قال مراهقين قال ... ما افتكرش اني عديت ع المراهقة ... العمر بيجري يا أم ابراهيم و الله .. قومي بأة صحي العيال عشان يفطروا و يروحوا المدارس ... ايييييه دنيا

مكاوى (بعد 10 سنين كدة :D

تم تعديل 13 أبريل 2010 بواسطة mekkawy

[jasmin hamed]

الله يسامحك يا جو

ايو يا عم م ***** و م ***** على عينا كمان

طب حد فاكر اعلان ياختى هاتى كحك و غريبة بسكو مصر و power rangers و النينجا ترتلز ساعة الفطار فى رمضان

و القلم السنون الى على شكل حقنه و البان الى على شكل سحاير المقالب بتاعته السكر الى بيفور فى الشاى

و الكموبيوتر الى مان بحمل الصوره حتت حتت و ذاكره كانت 500 mb تقريبا

[اغابي]

فاكرين ( عمر وأمل ) في كتب الإبتدائي وقلم من أحمد عثمان تانية أول ( 2/1 )

اه ليه بتفكرنى بامل وعمر يا عاشق الترحال

كانت ايام زى العسل - دا انا زعلانه ان الكتب ضاعت وكل اجازة يبقي عندى امل بس مش عمر wst::

- قصدى يبقي عندى امل الاقى الكتب القديمة بتاعة ابتدائي فى مخزن البيت او فى الكراتين اللى فوق السطح

انا فعلا لاقيت كراسه لى وانا فى 5 ابتدائى - بس يعععععععع كان خطى وحش اوى wst:: ولاقيت كتاب الجغرافيا بتاع تانية اعدادى

لكن ما لقتش كتاب امل وعمر

ودرس احمد عثمان تانية اول - كان تحفة الدرس داه

فاكرين كراسات المدرسة اللى كانت توزع لينا مع الكنب اللى جلدتها احمر طوبي او اخضر وبتكون الجلد بتاعة الكراسة او الكشكول دايبة اوى او تحسها مركونة فى مخازن الوزارة من 20 سنة ويدوب الواحد فينا يمسك الكشكول الجلدة تتقطع من غير سبب bv:-

اجمل ايام - يبقي كدا انا من جيل البتاع داه ...اللى اسمه ايه ........

:D

[ذهبية]

طبعا كنا اطفال وقتها يا قلب ابيض بس مكنش فية اى متعة فى حياتنا الا التلفزيون يعنى وطبعا علشان مكنش فية اسبيس تون و لا نيكولودنيا

و لا اى برامج للاطفال متخصصة كنا بنتفرج على برامج الكبار لان مكنش فية غيرها

و لان مكناش فية خروج لانة كان ممنوع كنا قاعدين فى البيت هيكون ورانا اية غير اننا نقلد الكبار و نسمع معاهم اللى بيسمعوة و يشوفوة و الله الواحد عمرة ما حس انة طفل نهائى

علشان كدة الان باستمتع بطفولتى مع عيالى لان بصراحة جيل مدلع اخر حاجة

[عنبو]

فاكرين طبعاَ جميع أفلام أميتاب باتشان و اللي أعجبت الجميع ولما كانت تتذاع في الأعياد بعد العصر

وكانت بتخلص العيد بسرعه قووى

فاكرين الكوتشي أبو لسان والبناطيل الكونز

حصل ولحد انهارده لما اشوف واحد متصور صوره به بيبقى نهاره ابيض لان تقريباً الليله بتبقى عليه

وخصوصا بقى لما تلاقى حاطط ايده فى وسطه ولابس القمص الواسع ده والحزام اللى زى بتاع الكفار

فاكرين ( عمر وأمل ) في كتب الإبتدائي

ايون فعلا وكان عمر بحب امل وفاكرين قطتى صغيره اسمها نميره

كنت بقرأ هى لى ك ظلى على بعضها ومعرفتش معنها الا من سنه بس

فاكرين الزلزال بتاع التسعينات 0 وأخدنا أجازه بسببه من المدارس .

كنت وقتها باحتسى كوب الشاى بالنعناع ومعرفتش ان فيه زلزال الا بعد لما الناس قالوا لى

فاكرين التمسااااااااحه يا حمووووووووووووووو

طيب فاكرين مسلسل حربى

طيب فاكرين الوليتا

طيب فاكرين الايدز وكنا بنقول لطيفه عندها الايدز

طيب فاكرين سينما الاطفال يوم الجمعه الصبح

فاكرين الالوان الشمع

[shiko]

فاكرين لبان ( بم بم ) ومسابقاته والألبوم بتاع المسابقه .

فاكرين طاهر القويري والشمعدان .

فاكرين الكوتشي أبو لسان والبناطيل الكونز

فاكرين الأتاري أبو دراعات اللي بيشتغل بشرايط ولعبة الطيارات والعربيات السباق

فاكرين السلعوه .

فاكرين الزلزال بتاع التسعينات 0 وأخدنا أجازه بسببه من المدارس .

فاكرين ( عمر وأمل ) في كتب الإبتدائي وقلم من أحمد عثمان تانية أول ( 2/1 )

صباح الفل عالكل .

موكوس وأفتخر مواليد 1979م

تحياتي :wub: wst::

حرااااااااام والله ...بتفكرونى بالايام دى ليه ...

طب حد هنا يعرف مجلة مــــــــــاجد؟؟

كده ماكنش العشم ..لا والا الاتارى واحمد عثمان ...

؟؟؟؟

هو ده الكلام ..موكوس موكوس يعنى ..

لاء والختم واضح ... :lol:

تم تعديل 13 أبريل 2010 بواسطة shiko

[عاشق الترحال]

هو ده الكلام ..موكوس موكوس يعنى ..

لاء والختم واضح ... :lol:

طب فاكره بقى

هند و الدكتور نعمان

تاكسي السهره ومن بعده جديد في جديد وبانوراما فرنسيه

جولة الكاميرا والموسيقى العربيه بتاع رتيبه الحفني وعالم البحار

برنامج بدون كلام

إعلان ( بيوكلينا ) يغسل كموج البحر :lol:

كارتون كوكي اللي كان بيطير و كارتون كعبول

طب حد فاكر المسلسل الأجنبي ( مـــــــارك ) اللي كانت أيديه عامله زي أيد البط وبيعوم ويغطس تحت الماء بدون أنابيب اكسجين

والمسلسل الأجنبي بتاع العربه السوداء

طب حد فاكر مسلسل إبراهيم الطاير بتاع عادل إمام و أبنائي الأعزاء شكرا بتاع عبد المنعم مدبولي لما كانوا بيتزاعوا الظهر عالقناه الأولى وإحنا راجعين من المدرسه

طب حد فاكر ( عروستي ) مع ماما ساميه شرابي

وطبعا أبله ... أبله فضيـــــــــله . واك واك .. واك واك واك واك واك :lol:

كلمتين وبس لفؤاد المهندس و برنامج طريق السلامه على إذاعة البرنامج العام لمقدمة البرنامج آيات الحمصاني

خدوا الشويه دول لحد ما أفتكر كمان

:wub: wst:: :lol:

[ام نور محمود]

فاكرين اللبان السحري

‎ إديني لبانة من السحري ..إشمعنى السحري مصر عليه..جرب وحتعرف وحدك ليه ..السحري لبان أمضغوا ألقيه ألوان ألوان يا نهار أخضر..السحري البني و الأصفر تمضغ يديلك لون أحمر..لو عاوز أزرق أعمل إيه ..أُمضع ف الأول لون أحمر..دووق دووق دوق أحلى هدية السحري لبان طعموا يا جدعان ية المية ...أمضغوا و أنا أزود ف المصروف ..أبدا أبدا دا ما أهوش غالي و أشتري حتشوف

دووق دووق دووق أحلى هدية السحري لبان طعموا يا جدعان مية المية... دوق دوق

من هاني ويل

فاكرين الجيلي كولا

جيلى كولا رسمه ازازه

جيلى كولا مهياش ازازه

جيلى كولى على اد سنى

وقالو عنها الذ منى

فاكرين كيتو

ناموس عمال يقرص يا اخويا مش عارف انام منه يا اخويا مش عارف انام

كيتو ده هو القرص كيتو نام

‎ بهرش فى ايدى اه يانا

بهرش فى رجلى اه يانا

هو الناموس كده ويانا

دا ناموس غلوس بسنان وضروس

امشي يا ناموسه يا مفعوصه متقرصنيش

كيتو اهو جالك هيفشفشك فشافيش

قرص واحد منه والناموس يروح ميجيش

عندنا كيتو حطينا القرص عندنا كيتو ماعندناش قرص

معلش القافية طلبت اعلانات النهارده

هافتكر حاجات تانيه واجي جري

تم تعديل 13 أبريل 2010 بواسطة ام نور محمود

[shiko]

هو ده الكلام ..موكوس موكوس يعنى ..

لاء والختم واضح ... :lol:

طب فاكره بقى

هند و الدكتور نعمان

...ليه موش عارفة كنت متقمصة شخصية هند؟؟ :wub:

تاكسي السهره ومن بعده جديد في جديد وبانوراما فرنسيه

...لا وعمرى ركبته ...اكيد البنديرة بتاعته عالية ...

و أبنائي الأعزاء شكرا بتاع عبد المنعم مدبولي لما كانوا بيتزاعوا الظهر عالقناه الأولى وإحنا راجعين من المدرسه

ده كان واجب قومى ..وطنى علينا لازم نشوفه علشان جدتى بتحبه وتقعد تعيط لما تشوفه ...واحنا جنبها تعيط

وطبعا أبله ... أبله فضيـــــــــله . واك واك .. واك واك واك واك واك :lol:

برضه واجب ...ماما بتشغل الراديون عالصبح على الاخر ..وتسيبه شغال وتروح الشغل

كلمتين وبس لفؤاد المهندس و برنامج طريق السلامه على إذاعة البرنامج العام لمقدمة البرنامج آيات الحمصاني

ده بقيت مسلسل الواجبات بتاع الراديون اللى فوق...

خدوا الشويه دول لحد ما أفتكر كمان

كفااااااااااايا حرام ارجوك ...

هو كله ضرب ضرب ...

ارجوكم وقفوا موجة التسيعنيات دى ..

wst:: :lol: :lol:

[noureymo]

ان في اعلان بتاع امسحي دموعك يا امال

بس للاسف مش فاكر كان اعلان ايه

وكمان الاعلان بتاع رايحة اجيب اومو

[noureymo]

والاعلان بتاع ليسيكو

انسف حمامك القدبم

[pocy]

وفى الاعلان بتاع اوموووووووووووووووو

رايحه فين يا بطه رايحه اجيب اوموووووووووووووووووووووو

[اغابي]

طب فاكرين اعلان

صبغة لاكتويل

لاكتويل اى لايك ات

طب اعلان ياسمن عبد العزيز لما كانت تفلة قصدى طفلة ادنا كدا - بشعرها السايح الطويل وشقاوتها وعاملة زعرورتين يمين وشمال وتغنى تقول

مامتى ونينتي وخالتى - حلفيت لبان -

قولتلهم على هارتى - قالولى ياسلام

ق ..... ا.... ل .... و ..... ل ...... ى

واعلان العبـــــــــــــودى

بودي بودي بودي بودي

فى الموسكي معروف عنوانه العبودي

مشهور بزوقه والوانه العبودي

ان زرت مرة العبودي

لابد من تانى تعودي

بودي بودي بودي

وكل اغاني نيلى فى الفترة دى

ودا مين الحاجة الحلوة اللى جبهالنا - - - - ودا مين اللى تعب ووضبهالنا - - ودا مين - - - اللى حنقوله كتر خيرك

اظهر وبان يا عم او تعالالنا . . .

اغنية يا شيرين يا شيرين - ياللاه بسرعة مش فاضيين

و

كان فيه فراشة منقطة - لابسة بلوزة منقطة

واغنية - ماتشدش ماتشديش انت

ياااه ......... كل ما نكسر لعبة نلاقيكي جواها

اغنية هات احلامنا يابابا نويل - لنيلى ومصطفى قمر و حسن كامى

فوازير نيلى - عالم ورق - اسمك ايه ؟ اقرا الورقة - ساكنة فين ؟ اقرا الورقة جاية منين ؟ اقرا الورقة - عالم ورق ... ورق - ورق عالم ورق

فوازير شريهان - ولا ارووووع - كانت رووووعة وبموت فيها - حاليمة وفاطيمة وكاريما والاشكيف - اعوووووووو :wub:

تم تعديل 13 أبريل 2010 بواسطة اغابي

[joo]

كرتون روبى اللى كان بيركب طيارتة ويطير

وحد ينسى المسلسل اللى قرفنا 1000 حلقة ذابولد اند بيوتيفول

هم النم ياروحى يلا جيبالك مم

ومسلسل الجزور الاجنبى

وعصفور النار ( النار هتودرنا )

هاااااااااااااااااااااااا عرفتو ان احنا بالفعل موكوووووووووووووووووووووسسسسسسسسسسسسين

وطبعا حد ينسى مسلسل الهم والغم بتاع اوشين