كيف تعرف انك احد ابناء الجيل الموكوس؟

[ام نور محمود]

http://www.youtube.com/watch?v=-LUAg3WxNzQ

مااااااااااااااااااا ماااااااااااااااااااااااا خلينا دايما سوا

ويا احلى ام يا حبيبة الكل

شكرا جدا جدا

جميله اوي ولو اني اول مرة اشوفها بالعنجليزي

[abraralmadinah]

تمام يا ام نور محمود بس خلينا نختصره شوية ( انا مش عارفة ايه اللي خلاني اكتب الاسم دة كله ههههه) خلنا نقول ( ابرار)

والله الموضوع دة اجمل موضوع ايه رايكوا نقدر نستمر ولا الذكريات ممكن تخلص

المهم يا جماعة تعالوا نفتكر شوية ذكريات الفن والفنانين يلا انا هبدأ

1. فكرين سميرة سعيد زمان واغنيها وفستينها فكرين اغنية الجاني بعد يومين

2. فكرين اصالة وشعرها المنكوش واغنية ولا تصدق

2. فكرين اول مطلع كاظم الساهر وتسريحته يا سلاااااااااااام

مين الشاطر اللي هيفتكر اغنية كلام الناس بتعت جورج وصوف

وكان في وحدة طلعت غنت اغنية وكانت مشهورة اوي بيعرضوها كل 5 دقائق اظن اسمها دليا ( انا بحب انت بحبك ذي منتا ) حد فاكرها

فكرين الحفلات اللي كان بيحضرها الريس وكان ديما يغني فيها محمد ثروت واظن صفاء ابو السعود

يلا حد يفتكر معايا

[joo]

اسسسسسسسسسسسسف جدا جدا يا ابرار

معلش العتب على النظر يا بنتى

مكنتش واخد بالى انك تبع نون النسوة

شمى دى

[joo]

حد فاكر يا جماعة الاغنية دى بس مش فاكر مين كان بيغنيها ياريت حد يفكرنى

( ادلع على كيفك ادلع يا ولا روح وابعتلى طيفك وانا اقولة المسئلة ياولا يا ولا

النار فى القلب والعا ومشعللها الهوا وسئلت الناس قالولى الصبر احسن دوا )

[ozoozo]

حد فاكر يا جماعة الاغنية دى بس مش فاكر مين كان بيغنيها ياريت حد يفكرنى

( ادلع على كيفك ادلع يا ولا روح وابعتلى طيفك وانا اقولة المسئلة ياولا يا ولا

النار فى القلب والعا ومشعللها الهوا وسئلت الناس قالولى الصبر احسن دوا )

متهيألي

احمد عدويه

[ام نور محمود]

تمام يا ام نور محمود بس خلينا نختصره شوية ( انا مش عارفة ايه اللي خلاني اكتب الاسم دة كله ههههه) خلنا نقول ( ابرار)

والله الموضوع دة اجمل موضوع ايه رايكوا نقدر نستمر ولا الذكريات ممكن تخلص

المهم يا جماعة تعالوا نفتكر شوية ذكريات الفن والفنانين يلا انا هبدأ

1. فكرين سميرة سعيد زمان واغنيها وفستينها فكرين اغنية الجاني بعد يومين بعيط عليها رغم اني كنت طفلة مافهمش الكلام ده

فاكراها .. كنت بعيط عليها رغم اني كنت طفلة مافهمش الكلام ده

2. فكرين اصالة وشعرها المنكوش واغنية ولا تصدق

ايون .. فاكراها دي كمان .. عصر ماقبل البلاستيك سيرجيري

2. فكرين اول مطلع كاظم الساهر وتسريحته يا سلاااااااااااام

فاكراه برضه واتجوزت جوزي عشان شبهه ( اوعي يكون سامعني )

مين الشاطر اللي هيفتكر اغنية كلام الناس بتعت جورج وصوف

كلام الناس لابيقدم ولا يأخر كلام الناس ملامة وغيره مش اكتر

وليه ياحبيبتي نسمعهم وانا عاشق بسمعهم ................. الذاكرة راحت لحد هنا

وكان في وحدة طلعت غنت اغنية وكانت مشهورة اوي بيعرضوها كل 5 دقائق اظن اسمها دليا ( انا بحب انت بحبك ذي منتا ) حد فاكرها

انا بحبك انت بحبك زي منتا برقتك بقسوتك بغيرتك عليا

في قربك في بعدك مافيش حد بعدك مفيش حد بعدك ياغالي عليا

فكرين الحفلات اللي كان بيحضرها الريس وكان ديما يغني فيها محمد ثروت واظن صفاء ابو السعود

ايامها طلعوا اشاعة ان محمد ثروت يقرب للريس

يلا حد يفتكر معايا

انا افتكرت كله

اكتبيلي بأه منتازة والزقيلي نجمة في الكراثة

تم تعديل 15 أبريل 2010 بواسطة ام نور محمود

[abraralmadinah]

ولا يهمك يا جو نون النسوة ولا واو الجماعة كله بيطلع في الغسيل

شوفوا اللينك دة اغنية مراسيل ايهاب توفيق

http://www.youtube.com/watch?v=F3cyGKBTRCE...feature=related

حد فاكر مطرب اسمه ( مغرد حجاب )

http://www.youtube.com/watch?v=u4ELIhr4t2o

ومين فاكر محمد محي واغنية اعتبك

http://www.youtube.com/watch?v=o4Z3yPrqJvY&NR=1

تم تعديل 15 أبريل 2010 بواسطة abraralmadinah

[أحمد سيف]

ايه يا جماعه الحكاية ... انتو كلكم طلعتوا من الجيل الموكوس ولا أيه؟

شكلنا كده هنطلب تغيير إسم المنتدى من (محاورات المصريين) لـ (محاورات الموكوسين).

على فكره أنا برضه زيكم من الجيل الموكوس ... بس بحمد الله فلتت من معظم مظاهر (الوكسة) لإني قضيت معظم حياتي بره مصر.

[fatfouta]

ايه يا جماعه الحكاية ... انتو كلكم طلعتوا من الجيل الموكوس ولا أيه؟

شكلنا كده هنطلب تغيير إسم المنتدى من (محاورات المصريين) لـ (محاورات الموكوسين).

على فكره أنا برضه زيكم من الجيل الموكوس ... بس بحمد الله فلتت من معظم مظاهر (الوكسة) لإني قضيت معظم حياتي بره مصر.

لا انت كده تبقى نص وكسة انما احنا بقى الموكوسين الحقيقيين

انا حاسة ان المحاورات كلها موكوسين والله عيب.....ده احنا احسن جيل بالوكسة بتاعتنا دى :closedeyes:

انا حاسة ان جيل ولادنا هو اللى موكوس

[fatfouta]

تكرار تانى معلش يا جماعة النت بطئئئئئئئئئئ

شكلى هاخد انذار :closedeyes: wst::

تم تعديل 15 أبريل 2010 بواسطة fatfouta

[elzaaeeem]

احنا جيل ثلاث أرباع عمره ضاع فى الدراسة اللى (ما عملنا ش بيها) حاجة والربع البافى ضاع قدام القناة الأولى والثانية اللى كانوا موجديين أيامها واتفرجنا عليهم من غلبنا لأننا مكنش عندنا حاجة ثانية نعملها :rolleyes:

[joo]

فاكرين يا جماعة كانو بيجيبو كتكوت وبيغنى اغنية

ياحلولى يا حالولى ودا اية دا اللى بيحصلى

[قلب ابيض]

فاكرين يا جماعة كانو بيجيبو كتكوت وبيغنى اغنية

ياحلولى يا حالولى ودا اية دا اللى بيحصلى

ده اسمه كوكى كاك واللى كانت معاه ايمان الطوخى وانجيل ارام التخينه اوى " فاكرينها" وعهدى صادق الممثل القصير شويه " فاكرينه"؟

[abraralmadinah]

فاكراها .. كنت بعيط عليها رغم اني كنت طفلة مافهمش الكلام ده

2. فكرين اصالة وشعرها المنكوش واغنية ولا تصدق

ايون .. فاكراها دي كمان .. عصر ماقبل البلاستيك سيرجيري

والله برافوا عليكي يا ام نور بس انتى لية كنتي بتعيطي علي اغنية سميرة اعترفي وسيبك من حكايةكنت صغيرة

طيب فاكرة اغنية اصالة يا صبر يانه اهي دي النكد بعينة

بالله مش لما بتشوفي الناس دي في كليبات اليومين دول وتقارنيهم بزمان مش بتحسي انهم ولاد 15 واحنا من زمااااااااااااااااااااان من العصر الاسمنتي الاول ههههههههههههههه

فكرين اغنية ابريق الشاي والله كنا طيبين اوي ونرضا باي حاجة طيب شغليها لطفل من بتوع الانترنت دلوقتي وشوي اللي هيحصل

تم تعديل 17 أبريل 2010 بواسطة abraralmadinah

[joo]

فاكرين يا جماعة كانو بيجيبو كتكوت وبيغنى اغنية

ياحلولى يا حالولى ودا اية دا اللى بيحصلى

ده اسمه كوكى كاك واللى كانت معاه ايمان الطوخى وانجيل ارام التخينه اوى " فاكرينها" وعهدى صادق الممثل القصير شويه " فاكرينه"؟

لالالا مش كوكى خالص الكتكوت اللى انا اقصدة كان بعرائس المريونت

اللى كان بيحركوة بالحبال وكان بيحلم انو كل ماياكل يكبر يعنى حاجة زى كدة بس مش فاكر البتفاصيل اوى

تم تعديل 17 أبريل 2010 بواسطة joo

[ام نور محمود]

فاكراها .. كنت بعيط عليها رغم اني كنت طفلة مافهمش الكلام ده

2. فكرين اصالة وشعرها المنكوش واغنية ولا تصدق

ايون .. فاكراها دي كمان .. عصر ماقبل البلاستيك سيرجيري

والله برافوا عليكي يا ام نور بس انتى لية كنتي بتعيطي علي اغنية سميرة اعترفي وسيبك من حكايةكنت صغيرة

طيب فاكرة اغنية اصالة يا صبر يانه اهي دي النكد بعينة

بالله مش لما بتشوفي الناس دي في كليبات اليومين دول وتقارنيهم بزمان مش بتحسي انهم ولاد 15 واحنا من زمااااااااااااااااااااان من العصر الاسمنتي الاول ههههههههههههههه

فكرين اغنية ابريق الشاي والله كنا طيبين اوي ونرضا باي حاجة طيب شغليها لطفل من بتوع الانترنت دلوقتي وشوي اللي هيحصل

والله كان الكلام بيوجعني اوي ويحسسني بالحزن .. مراهقة مبكرة بأه .. طول عمري حساسة والله

احنا خلاص يابنتي راحت علينا .. الناس دي مخاويه او بياخدوا عقار ضد الزمن .. منهم لله هايخلوا الرجاله تكفر بنعمه ربنا

انا مقدش اخاطر واشغل لبنتي ابريق الشاي .. دي ايدها صغيرة وبتلسوع .. والواحد ليه هيبته واحترامه برضه

[Alshiekh]

سؤال على جنب كده

هو ده جيل " هيفاء "

[miramikhail]

:D جيل كوكى كا و أبريق الشاى ياه دا أنتو صغيرين أوى أنا من أيام بابا ماجد و ماما نجوى و بقلوز

أبريق الشاى دية كانت على أيام أبنى أو قبلة بشوية

و كنت بغنية له أنا أنا أبريق الشاى بوزى كده و أيدى كده أصب الشاى و أرجع كدة

أنا من أيام أعلانات يكلوا حلاوة يكلوا جاتوه يكلوا كل اللى يحبوه

(المجموعة) والتسويس و التسويس

أنا معجون مخصوص علشانكم

(المجموعة)أسمك أية

معجون المعاجين أرتف بالفولورين أرتف بتحبة الملاين :lol:

ده كان الأعلان

[ام نور محمود]

فاكرين مسلسل سر الارض

طب فاكرين المقدمه بتاعته

http://www.youtube.com/watch?v=F--YjLa3sjk

كنت كل ماسمعها واحنا في مصر اعيييييييييط خصوصا لما تقول ياطير مهاجر معدي ولفت على ارض غيري

ابقى زعلانة اوي من بابا وعايزة اقوله ليه يابابا سبت ارضك وولفت على ارض غيرك

يااااااااااااااااه .. ايام

تم تعديل 17 أبريل 2010 بواسطة ام نور محمود

[se_ Elsyed]

سؤال على جنب كده

هو ده جيل " هيفاء "

لأ مش إحنا يا عم محمد

جيل هيفا هو اللي شب حيله من 2005 كده وأنت طالع

اللي الولاد بيتكلموا عنه ده بيسمونا " جيل لولاكي "

اه والله

في الثمانينات اللي ما كانش يغني لولاكي كان ممكن يعتقلوه

إحنا بقى جيل لولاكي ...

وجيل شركات توظيف الأموال والسعد الريان والهدى مصر

وجيل فوزاير نيللي وشيريهان وذئاب الجبل والمال والبنون

عاوز حاجه من هناك ؟