كيف تعرف انك احد ابناء الجيل الموكوس؟

[joo]

أكيد فاكرين المصارعة الحرة وتيتو سنتانا وتونى أطلس وهالك هوجن أندريا جايس ركفلير وطبعا مننساش مصارعة الاقزام

[جيمي]

سبع صفحات ومحدش جاب سيرة كابتن ماجد .... ويسددددددددد ويفضل حلقتين لعند الكوره ماتوصل للجون ولا كابتن باسم اللي فضلت اكرهه اكرهه طول المسلسل وفى الاخر طلع عاوز يفوز بالبطوله علشان ياخد منحه ويتعلم ولا كابتن رعد اللي كابتن ماجد فضل يستغل اصابة دراعه الشمال ويسددله على اليمين وفى الاخر طلع كابتن رعد مصاب وهوه كان بينقذ جرو صغير ... اه والله كانو بيقولو جرو من ادام سياره مسرعه كادت ان تصدمه لولا انه طار وانقذه فى اللحظه الاخيره ليصاب فى ذراعه وينقذ الجرو ...

ولا عمر صديق كابتن ماجد اللى مانساش يوم ما سدد فى المرمي بتاع فريقه وكابتن ماجد قعد يطبطب عليه ويقوله لا تحزن يا عمر نحن نثق فى قدراتك هههههههههههه واذ بعمر ينقذ فريقه من هزيمة مؤكده فى الحلقه التاليه ..... مش عارف ماتوقعتهاش ازاي وانا صغير ..................... يا الله

طب حد فاكر مسلسل جريندايزر .. والصحن الدواااااااااار اللى كان بينهي بيه كل حلقه ويقضي على الوحش ... ومازلت اتسائل مادام مفيش وحش قدر يقف ادام الصحن الدوار ماكانش بيستخدمه ليه من اول الحلقه ههههههههههه

طيب حد فاكر سلاحف النينجا والمعلم رشدان اللي كان بيدربهم تحت فى المجارير ... اه برده كان اسمها المجارير .. كان بيجي بعد الفطار بربع ساعه علشان مصليش العشا ... كان فيه برده مسلسل كرتوني فى جميله قويه اوي

فاليتضخم الوحش وواحده ساحره ترمي عصاية مقشه تقريبا ولا حاجه كده زي الحربه من الكوكب بتاعها تيجي على الارض

طب حد فاكر بقه برنامج صباح الخير يا مصر فى اول ظهوره ... كان بيجي قبليه بالظبط المسلسل الكرتوني تومي وجيري لمدة تلت ساعه .. وبمناسبة ان احنا لسه الصبح وصاحي من النوم بالعافيه نسمع اغنية بالسلامه يا حبيبي بالسلامه ... بالسلامه تروح وترجع بالسلامه ... بعديها كلمتييييييييييييييين وبس للراحل فؤاد المهندس

طب حد فاكر عناااااااويييين الاخبار فى اول ظهورها كانت اضافه للتليفزيون المصري عمري ماهنساها علشان كنت بقراها عفاوين الاخبار اصلها كانت بتتكتب بفونت عريض والنون كانت بتظهر زي الفاء بالنسبالي كطفل فى اولي او تانيه ابتدائي ... وكان يوم فله لما سالت يعني ايه عفاوين يا تنت ههههههههههههههه

طب حد فاكر برنامج اخترنا لك كان بيجيب فقرة الساحر .. وفى اخر البرنامج كان بيجيب فيلم فرنسي كان عادة بيكون اكشن او بوليسي ...

حد بقه فاكر برنامج المفتي اللي كان بيجي قبل نشرة اخبار التاسعه بعشر دقايق كل يوم كنت بسمعه برده ... الله يرحمه

فاكرين بقه اوتار الليل والموسيقي اللي المفروض تكون رومانسيه ... بس دي بالذات بفتكرها بمنتهي الكابه والملل لان بعدها مش هسمع غير تشششششششششششششششششششششششششش والتليفزيون هيقفل وهقعد اشتغل نفسي لعند الصبح

حد يقولي ايه اللي كان يسهر طفل زيك لعند الصبح وينومه طول النهار

هقولكو ايه ؟؟؟ اسالو الفراغ والملل والقناه الاولي والتانيه الحزينه

والله عنيه ترقرقت بالدموع وانا بفتكر الحاجات دي كلها دفعه واحده بالطريقه دي

خدو دي لعند ماشوفكو بكره wst::

[الغريب]

طيب حد فاكر أفلام فيروز وأنور وجدي اللي ديما كانت بتييجي يوم الخميس الصبح (كان يوم الخميس بييجي فيه فيلمين)

خدو الصورة دي

بس ياريت حد يجبلي أي فيديو لنوفل

[عاشق الترحال]

حد بقه فاكر برنامج المفتي اللي كان بيجي قبل نشرة اخبار التاسعه بعشر دقايق كل يوم كنت بسمعه برده ... الله يرحمه

إسمه برنامج (حديث الروح ) يا جيمي

طب فاكر ( جولة الكاميرا ) و ( الموسيقى العربيه ) رتيبه الحفني وبرنامج ( العالم يغني )

طب فاكر برنامج ( تاتا تاتا كمبيوتر )

ومسلسل ( هي وهو ) سعاد حسني واحمد زكي .

حسن الأسمر و( كتاب حياتي يا عين ) وإيهاب توفيق ( مراسيل ) ووليد توفيق ( تيجي نقسم القمر ) .

[joo]

ومن البرامج الحلو ة خمسة سياحة جانيت فرج ، و زووم بتاع سلما الشماع ، وبرنامج كشكول بتاع كاريمان...

وكان فى مسلسل أجنبى جميل بتاع ديزير ومسلسل بتاع العطور ،ومسلسل دنجرس وومان فى السجون ،

[se_ Elsyed]

طيب حد فاكر أفلام فيروز وأنور وجدي اللي ديما كانت بتييجي يوم الخميس الصبح (كان يوم الخميس بييجي فيه فيلمين)

خدو الصورة دي

بس ياريت حد يجبلي أي فيديو لنوفل

http://www.youtube.com/watch?v=yS64Qz8kkGY

[adrianocrespo]

ومسلسل دنجرس وومان فى السجون

انا كنت بحبه اوي المسلسل ده

و مكنتش اعرف ان في حد ممكن يفتكره

كانوا ست ستات طالعين من السجن فاكرهم حتي الان

و كان في مسلسل بتاع بنت اتيه من المستقبل معرفش حد يعرفه و لا لأ

a girl from tommorow

كان كمان في مسلسل عربي مش فاكر اسمه

كان فيه احمد عبدالوارث كان بيحب واحده اسمها يسريه

كان اسمها عزه كمال

كانت بتخدعه و مطلعه عنيه و كان الناس بيحذروه منها و هوه مكانش مصدق و يقولهم ملكوش دعوه بيسريه ....... يسريه لا يمكن تعمل كده

كمان في مغني شبه مجدي عبد الغني كده اسمه حسام حسني

انا بحبك و غيرك انت نو بودي ......... تخني ليه و تحب بعدي سمبودي

و فرقه المصريين و هاني شنوده و مني عزيز

و سمير الاسكندراني و السكسوكه العملاقه بتاعته

و حفلات ليالي التلفزيون و اضواء المدينه و تقعد تستني فقره عزب شو

و فاكرين الالبومات

انا كملت البوم كاس العالم 94 كله و كان فاضلي صوره لاعب روسي و خدتها من الواد في المدرسه مقابل 30 صوره تقريبا

و برنامج حياتي بتاع فايزه واصف

كان الديكور كئيب جدا و الاستوديو غريب

و اسهال الاغاني الوطنيه عشان الحفلات اللي كان بيحضرها مبارك

بتاعه محمد ثروت و هاني شاكر

و ان كان عالقلب مفيش غيرك ..... و بلدييييييييييييي بلدي يا بلدي

كان محمد ثروت شبه هاني شاكر اوي في الاغنيه دي و كانوا مصورينها في مركب

طبعا what is now ?

ده كان جزء من الحركه الموسيقيه

و اللي مكانش بيسمع اجنبي حت كان لازم يشتريه

[joo]

ومسلسل دنجرس وومان فى السجون

انا كنت بحبه اوي المسلسل ده

و مكنتش اعرف ان في حد ممكن يفتكره

كانوا ست ستات طالعين من السجن فاكرهم حتي الان

و كان في مسلسل بتاع بنت اتيه من المستقبل معرفش حد يعرفه و لا لأ

a girl from tommorow

كان كمان في مسلسل عربي مش فاكر اسمه

كان فيه احمد عبدالوارث كان بيحب واحده اسمها يسريه

كان اسمها عزه كمال

كانت بتخدعه و مطلعه عنيه و كان الناس بيحذروه منها و هوه مكانش مصدق و يقولهم ملكوش دعوه بيسريه ....... يسريه لا يمكن تعمل كده

كمان في مغني شبه مجدي عبد الغني كده اسمه حسام حسني

انا بحبك و غيرك انت نو بودي ......... تخني ليه و تحب بعدي سمبودي

و فرقه المصريين و هاني شنوده و مني عزيز

و سمير الاسكندراني و السكسوكه العملاقه بتاعته

و حفلات ليالي التلفزيون و اضواء المدينه و تقعد تستني فقره عزب شو

و فاكرين الالبومات

انا كملت البوم كاس العالم 94 كله و كان فاضلي صوره لاعب روسي و خدتها من الواد في المدرسه مقابل 30 صوره تقريبا

و برنامج حياتي بتاع فايزه واصف

كان الديكور كئيب جدا و الاستوديو غريب

و اسهال الاغاني الوطنيه عشان الحفلات اللي كان بيحضرها مبارك

بتاعه محمد ثروت و هاني شاكر

و ان كان عالقلب مفيش غيرك ..... و بلدييييييييييييي بلدي يا بلدي

كان محمد ثروت شبه هاني شاكر اوي في الاغنيه دي و كانوا مصورينها في مركب

طبعا what is now ?

ده كان جزء من الحركه الموسيقيه

و اللي مكانش بيسمع اجنبي حت كان لازم يشتريه

منورنا ياباشا

مسلسل يسرية دة كان عامل قلق معتقدش ان فى حد مشفهوش

بس ليا رجاء 00 ياريت تسهلو اسمكم شوية انا مش عارف اقولك يا 000 اية؟

[ام نور محمود]

منورنا ياباشا

مسلسل يسرية دة كان عامل قلق معتقدش ان فى حد مشفهوش

بس ليا رجاء 00 ياريت تسهلو اسمكم شوية انا مش عارف اقولك يا 000 اية؟

اسمه ادريانو كريسبو

صح يا ادريانو

وراك انا ياجو لحد ماتغير النظارة

ماتزعلش مني انا بنكشك

كفايه انك فتحت التوبك الجامد ده

تحياتي

[adrianocrespo]

إقتباس(joo @ Apr 18 2010, 03:47 PM) *

منورنا ياباشا

مسلسل يسرية دة كان عامل قلق معتقدش ان فى حد مشفهوش

بس ليا رجاء 00 ياريت تسهلو اسمكم شوية انا مش عارف اقولك يا 000 اية؟

اسمه ادريانو كريسبو

صح يا ادريانو

صح يا افندم

لما جيت اسجل عالمنتدي مكانش في دماغي اي اسماء معينه

و ده اول منتدي اسجل فيه اصلا

كنت لسه جاي من لعب البلاي ستاشن مع اصحابي

و انا بحب الانتر و بلعب بادريانو البرازيلي و كريسبو الارجنتيني في الهجوم

فرحت كاتب الاسم كده

الصراحه يا استاذ جو واضح ان حضرتك كنت قاعد امام التلفزيون علطول

لان حضرتك مفوتش حاجه اصلا

طب فاكر مسلسل حيرم اللي هو يونس شلبي

و كان بطوله فؤاد المهندس

و سناء جميل

و في اول الالفيه كان في مشروع اسمه بزناس

كنت تشتري برامج كمبيوتر و تجيب 7 تقريبا يشتروه و تاخد نسبه

و كل واحد من السبعه يجيب 7 يشتروا و ياخدوا نسبه

و هكذا ..... بس الناس اللي اشتركت في الاول هي اللي اخدت فلوس

و الموضوع باظ بعد كده

[جيمي]

حد بقه فاكر برنامج المفتي اللي كان بيجي قبل نشرة اخبار التاسعه بعشر دقايق كل يوم كنت بسمعه برده ... الله يرحمه

إسمه برنامج (حديث الروح ) يا جيمي

طب فاكر ( جولة الكاميرا ) و ( الموسيقى العربيه ) رتيبه الحفني وبرنامج ( العالم يغني )

طب فاكر برنامج ( تاتا تاتا كمبيوتر )

ومسلسل ( هي وهو ) سعاد حسني واحمد زكي .

حسن الأسمر و( كتاب حياتي يا عين ) وإيهاب توفيق ( مراسيل ) ووليد توفيق ( تيجي نقسم القمر ) .

فاكر فاكر يا عاشق ماكنش فيه رحله او تجمع شبابي الا ولازم نسمع الاغنيتين دول

وفاكر انت برنامج عالم الحيوان كان بيجي يوم الجمعه مع ابراهيم عكاشه مع ان الاسامي بتتبخر من دماغي بس الاسم ده معلق اوي

وفاكر برنامج الشيخ الشعراوي كان بيجي بعد صلاة الجمعه .. كان برنامج جميل اوي

وفاكر بداية ظهور مهرجان القراءه للجميع وانتشار المكتبات .. بصراحه دي حاجه تحسب لسوزان

وفاكر لما كان يونس شلبي وسمير غانم نجوم الكوميديا بلا منازع ..ده ايه البواخه دي

وفاكر سيول الصعيد .. كنت فى الصف الخامس الابتدائي وكنت متاكد ان موضوع التعبير هيجي عنها وقد كان ههههههههه

وفاكر لما كان خط فودافون كان باكتر من الفين جنيه ولما كان المقياس الوحيد لجودة المحمول فى الحجم كل مايكون اصغر كل مايكون احدث هههههههه

وفاكر هوجة اول ظهور البانجو بقه هههههههههه ولما واحد يقعد جمبك ويقولك بفتاكه انت عارف البانجو شبه ايه ؟؟ ده شبه الملوخيه الخضرا بالظبط .. يا حفيييييظ

فاكر افلام الفيديو اللى الدش والنت وقف نشاطهم

ياااااااه فاكر افلام 6 اكتوبر والرصاصه ماتزال فى جيبي وابناء الصمت كل سنه فى نفس الميعاد

وفيلم خلي بالك من زوزو كل سنه برده فى نفس الميعاد بس فى شم النسيم

فاكر اشاعة الحزام اللي فيه اشعاع واللي اسرائيل صدرته للشعب المصري المسكين علشان تنشر السرطان. اه يا بلد اشاعات

يااااااااااااه ربنا يجعل ذكرياتنا سعيده ومستقبلنا اسعد ان شاء الله :blink:

[joo]

منورنا ياباشا

مسلسل يسرية دة كان عامل قلق معتقدش ان فى حد مشفهوش

بس ليا رجاء 00 ياريت تسهلو اسمكم شوية انا مش عارف اقولك يا 000 اية؟

اسمه ادريانو كريسبو

صح يا ادريانو

وراك انا ياجو لحد ماتغير النظارة

ماتزعلش مني انا بنكشك

كفايه انك فتحت التوبك الجامد ده

تحياتي

واللة يا ام نور انا مش عارف كنت هعمل اية من غيرك ربنا يخليكى للوطن

[joo]

فاكر يا عم ادريانو بس بجد انت منورنا

ادعى بأ لأم نور

[doha]

كمان في مغني شبه مجدي عبد الغني كده اسمه حسام حسني

انا بحبك و غيرك انت نو بودي ......... تخني ليه و تحب بعدي سمبودي

ياه انت لسه فاكر ..

اظن ده نفسه الي كان بيغني ايه الاساتوك ده ..

ايام الجينز الطويل ولا تقولي لو ويست ولا بتاع .. كان البنطلون عليه القيمه كده والواحد يدفي بيه صدره .. يااه كانت ايام ..

[pink rose]

كان في مسلسل بتاع بنت اتيه من المستقبل معرفش حد يعرفه و لا لأ

a girl from tommorow

مش كان فيه بنت شعرها لونه موف كده؟

the girl from tomorrow

بما اني من الجيل الموكوس و افتخر

يالا قولولي حد فاكر كان زمان في شكولاته مرسوم عليها عجلة حربية كده اسمها نهضة مصر

كنت بحبها اوي هي و كرونا و شكولاتة الوردة

اصلي باموت في الشكولاتة :rolleyes:

و كمان كان و لازال بسكويت نواعم لحد دلوقتي باحب اوي اكله باللبن

حد فاكر السنافر و بابا سنفور

و حكيم الاقزام

و السيدة ملعقة

و نينجا كباماروووووو كنت باموت فيه

في الراديو فانتاستيكا بتاعة عمو حسن

و 4747120 اذاعه

و كمان ما يطلبه المستمعون يوم الجمعه كنا نقعد انا و اخواتي مع ماما و كل واحد يقول الاغنية اللي جاية دي ليا انا

اغنية عفاف راضي

يالا بينا يالا يالا بينا دي الشموسة طالة طالة و بتنده علينا

علشان انت هادي انا هاخدك للنادي تنزل حمام السباحة تعوم زي السفينة

و كمان اغنية شادية بتاعت كتكوت يا فصيح صوصو للرياح و النيل المصري ما فيهوش تماسيح

تم تعديل 19 أبريل 2010 بواسطة remo

[adrianocrespo]

قتباس

كمان في مغني شبه مجدي عبد الغني كده اسمه حسام حسني

انا بحبك و غيرك انت نو بودي ......... تخني ليه و تحب بعدي سمبودي

ياه انت لسه فاكر ..

اظن ده نفسه الي كان بيغني ايه الاساتوك ده ..

ايام الجينز الطويل ولا تقولي لو ويست ولا بتاع .. كان البنطلون عليه القيمه كده والواحد يدفي بيه صدره .. يااه كانت ايام ..

لا يا فندم ...

ايه الاساتوك ده بتاعه حمدي باتشان

اللي عمل اعلانات سافو

حسام حسني كان بيغني كل البنات بتحبك

مش كان فيه بنت شعرها لونه موف كده؟

the girl from tomorrow

تمام هوا ده حضرتك

و طبعا مسلسلات اجنبيه زي نوتس لاندنج و فالكون كريست و خالد الذكر زا بولد اند زا بيوتيفول

[مصرية اوى]

هههههههههههه

بجد عملت موسوعة جامدة لأبرز ملامح للفترة دى

بس عارف

اللى يشوف بلاوى الاجيال اللى قبله تهون عليه بلوة جيله

كل جيل دايما يقول اللى بعدى اتهنوا اكتر منى

ياوكستى ياحظى

لكن احسن حاجة انك تعيش حياتك حسب كل مرحلة فى عمرك صح وحسب ما هو متاح لك وقتها

لو عملت كده مش هييجى ابدا يوم ونبص للى فى ايد اجيال غيرنا لاننا هنكون شبعنا من ايامنا .

[nightmare]

يا الله , ايه الموضوع الجامد ده , رجعتونا لأيام زمان وليالى زمان , ايام البال الرايق والدماغ العالية , وموتوني على نفسي من الضحك وانا بقرأ كل مداخلاتكم انتوا ما فوتوش حاجة وخليتوني قاعد افكر واعصر الذاكرة ايه اللى كان موجود تانى ولقيت ثلث اربع حاجات

- اغنية الشاطر عمرو (لعبد المنعم مدبولي)

http://www.youtube.com/watch?v=EsuX6INcKjQ&feature=related

- اوبريت (الخشب) بتاع صفاء ابو السعود ( مع انه خشب في خشب في خشب انما يستاهل تقله دهب)

http://www.youtube.com/watch?v=_AUuyDT2Qn8&feature=related

- اغنية جدو على

http://www.youtube.com/watch?v=_GwnSy8Fz5M&feature=related

- اغنية هم النم ياروحي لعفاف راضي

http://www.youtube.com/watch?v=TTbcPMGt7P0&feature=related

- كان فيه برنامج كرتون مع كابتن ماجد , اسمه مازنجر وافروديت , كنت بحبه قوي ودي المقدمة بتاعته

http://www.youtube.com/watch?v=MNyNe77jUgo

جيل موكوس موكوس يعني ..

تم تعديل 19 أبريل 2010 بواسطة nightmare

[joo]

يا الله , ايه الموضوع الجامد ده , رجعتونا لأيام زمان وليالى زمان , ايام البال الرايق والدماغ العالية , وموتوني على نفسي من الضحك وانا بقرأ كل مداخلاتكم انتوا ما فوتوش حاجة وخليتوني قاعد افكر واعصر الذاكرة ايه اللى كان موجود تانى ولقيت ثلث اربع حاجات

- اغنية الشاطر عمرو (لعبد المنعم مدبولي)

http://www.youtube.com/watch?v=EsuX6INcKjQ&feature=related

- اوبريت (الخشب) بتاع صفاء ابو السعود ( مع انه خشب في خشب في خشب انما يستاهل تقله دهب)

http://www.youtube.com/watch?v=_AUuyDT2Qn8&feature=related

- اغنية جدو على

http://www.youtube.com/watch?v=_GwnSy8Fz5M&feature=related

- اغنية هم النم ياروحي لعفاف راضي

http://www.youtube.com/watch?v=TTbcPMGt7P0&feature=related

- كان فيه برنامج كرتون مع كابتن ماجد , اسمه مازنجر وافروديت , كنت بحبه قوي ودي المقدمة بتاعته

http://www.youtube.com/watch?v=MNyNe77jUgo

جيل موكوس موكوس يعني ..

الحئينى يا أم نور وترجمى اللة يخليكى

[nightmare]

[الحئينى يا أم نور وترجمى اللة يخليكى

الحقك أنا يا جو يا أخويا بعد إذن ام عمر, اه نايت مير ده الاسم اللى بدأت استخدمه لما سافرت .. لإنى فعلاً حاسس انى عايش في كابوس كبير اسمه "الغربة" ,وربنا يردنا جميعاً سالمين غانمين ان شاء الله يا جو , ده اللى انا فمهت انك عاوز ترجمته الا اذا كنت عاوز ترجمة لحاجة ثانية بقي انا ما اعرفهاش.

وخد بقي يا سيدي شوية الصور اللى لقيتهم صدفة كده , خلينا نفتكر الأيام الخوالي

يارب تعجبكوا.

تم تعديل 19 أبريل 2010 بواسطة nightmare