كيف تعرف انك احد ابناء الجيل الموكوس؟

[nightmare]

بما إن أعضاء المنتدي كلهم طلعوا موكوسين , فخدوا عندكم كمان الشوية دول , وحظكم وحش واللاهي ان انا مش في مصر حالياً , لإن أنا والدي من الناس اللى بيحتفظوا بكل شيء فعندنا في البيت كل كتبي وكراريسي وكشاكيلى حتي كراسات الرسم بتوع الابتدائي محتفظ بيهم , ومش كده كمان ده حتي الشهادات بتاعت الابتدائي فاكرينها الخضراء والصفراء اللى ورقها كان عامل زي ورق اللحمة.. ههههههههه محتفظ بيها برضه وحالف ليسلم الشهادات دي للمدام لما اتجوز , علشان كده انا عامل اضراب لانى كنت متفوق جداً .. m8:

وافتكروا معايا بقي الشوية دول

1. فيه اعلان كده.......كان دايما بيجي قبل نشرة الساعة التاسعة على الاولى ارضي بتاع.........يسر مشيخة الازهر الشريف ان تعلن عن تقبلها لزكاة المال نقدا او بشيكات ... ههههه انا مش عارف الفلوس دي كلها راحت فين

2. الاعلان الثاني البنت اللى زى القمر :blink: نايمة على الشازلونج , جوزى يا دكتور سابلى البيت ومشى

الدكتور النفسانى اللى كان قمرين بقا

سمنك فى الاكل كتير

لاء

ولا قليل برضه

لاء

سمنك النخلتين

لاء

قومى جربى النخلتين

حبك يرجع فى اكلتين :wub:

3.حنه حنه الشعر خمس خمسات وشعورك ضاءت كالأنوار حنه حنه الشعر خمس خمسات , ياتري الحنة دي لسه موجودة

4. الاعلان بتاع انسف حماك القديم و يجيبوا ست اموره كده ف البانيو و بعدين بوووووووووووووووم نسفوا الحمام.

[joo]

بما إن أعضاء المنتدي كلهم طلعوا موكوسين , فخدوا عندكم كمان الشوية دول , وحظكم وحش واللاهي ان انا مش في مصر حالياً , لإن أنا والدي من الناس اللى بيحتفظوا بكل شيء فعندنا في البيت كل كتبي وكراريسي وكشاكيلى حتي كراسات الرسم بتوع الابتدائي محتفظ بيهم bv:- , ومش كده كمان ده حتي الشهادات بتاعت الابتدائي فاكرينها الخضراء والصفراء اللى ورقها كان عامل زي ورق اللحمة.. ههههههههه bv:- محتفظ بيها برضه وحالف ليسلم الشهادات دي للمدام لما اتجوز , علشان كده انا عامل اضراب لانى كنت متفوق جداً .. m8:

وافتكروا معايا بقي الشوية دول

1. فيه اعلان كده.......كان دايما بيجي قبل نشرة الساعة التاسعة على الاولى ارضي بتاع.........يسر مشيخة الازهر الشريف ان تعلن عن تقبلها لزكاة المال نقدا او بشيكات ... ههههه انا مش عارف الفلوس دي كلها راحت فين

2. الاعلان الثاني البنت اللى زى القمر :wub: نايمة على الشازلونج , جوزى يا دكتور سابلى البيت ومشى

الدكتور النفسانى اللى كان قمرين بقا

سمنك فى الاكل كتير

لاء

ولا قليل برضه

لاء

سمنك النخلتين

لاء

قومى جربى النخلتين

حبك يرجع فى اكلتين :D

3.حنه حنه الشعر خمس خمسات وشعورك ضاءت كالأنوار حنه حنه الشعر خمس خمسات , ياتري الحنة دي لسه موجودة

4. الاعلان بتاع انسف حماك القديم و يجيبوا ست اموره كده ف البانيو و بعدين بوووووووووووووووم نسفوا الحمام.

:blink: :wub: bv:-

[engmido]

اشهد الا اله الله

ايه ده انتم مخليتوش حاجة

بس نفسى اعرف ايه سر الوكسة ؟؟؟؟؟؟؟؟؟؟

الله يهديك يا جو

[لونا]

طيب يا جماعة خلصتوا كل البرامج التليفزيونية و الإذاعية

و ما حدش إفتكر برنامج كنت بحبه جداً أنا و اخواتي

" ماذا تفعل لو كنت مكاني " كان بيقدمه ضياء الدين بيبرس"

و كان صوته دافيء جداً .. و كنا متخيلين شكله إيه حاجة فظيعة

و بدأ يكتب في مجلة أكتوبر .. و كان حاطط صورته .. و اتصدمنا !!!!!!!

للي مش عارفه كان بيقدم مشاكل المستمعين في صورة تمثيلية إذاعية قصيرة

و كان معاه جمهور بيقول رأيه في المشكلة

حد فاكره ؟

[مسافر زاده الخيال]

انا ايضا من مواليد 1975....لكن جيلنا لم يكن موكوسا بل كانت اجمل ايام حيث كان التلفزيون يفتح بعد العصر الى الساعه 11.40 و قناه وحده بس وبعدين سنه 82 صار بيفتح من الساعه 10 صباحا الى قبل الظهر ومن بعد العصر بتوقيت مكه حتى 12ليلا عدا الخميس والجمعة يفضل متصل فتره وحده

طبعا بالنسبة للمسلسات كانت الدراما المصرية لها نصيب الاسد ومن مسلسات الاطفال اللى افتكرها هي (حواديت زمان تقديم زهرة العلا)و هناك برنامج اطفال نسيت اسمه بس كانت تقدمه مي عبدالنبي وبرنامج اطفال اقدم تقدمه مذيعه اسمها حسب ما اظن كريمان حمزه وكان في وجدي و محمد العربي لسه صغار واظن ان دينا عبدالله كانت من الاطفال في البرنامج....و

افتكر مسلسل بطله عبدالله غيث وليلى علوي وحسن مصطفى اللى يقول (انا البردعي)و مسلسل الزنكلوني

واغاني الاطفال زي منى يامنى و حبيبة بابا رشا ال....خ

وفي الصيف لما نجي جده ويكون ارسال مصر ق1 و ق2 شغال يكون كرنفال حتى نشرات الاخبار بنتفرجها (على اساس اننا بنشوف مذيعات زي الأمر)و دعايات التلفاز اللى مكنتش موجوده في التلفزيون السعودي وكان نقل مباراة الاهلي والزمالك حدث كبير بينقله التلفزيون السعودي علهوا

وطبعا اكتشفنا ان المسرحيات المصرية اللى كان ينقلها التلفزيون السعودي اقل من 10%من الحقيقة بس كنا سعداء بيها زي عش المجانيين

بس احلى تسلينا لينا كاطفال هي مجلات ميكي جيب والشياطين13 والمطربه سيمون كان لها شعبيه خرافية عندنا

و اذا افتكرت حاجه ح اذكرها

[se_ Elsyed]

طيب حد فاكر برنامج أغرب القضايا في الراديو وحكايات ما بعد منتصف الليل

أنا قلب جامد وما باخافش من الجن أبن العفريت

لكن موسيقى البرنامج ده كانت بترعبني بصراحة

[جيمي]

اين تذهب هذا المساء

كان فيه جمله فى اعلان كريم شعر بتقول

تنننن

كريم مش عارف ايه عندها يعشق المرء صورته فى المرآه

[Damo]

سبع صفحات ومحدش جاب سيرة كابتن ماجد .... ويسددددددددد ويفضل حلقتين لعند الكوره ماتوصل للجون ولا كابتن باسم اللي فضلت اكرهه اكرهه طول المسلسل وفى الاخر طلع عاوز يفوز بالبطوله علشان ياخد منحه ويتعلم ولا كابتن رعد اللي كابتن ماجد فضل يستغل اصابة دراعه الشمال ويسددله على اليمين وفى الاخر طلع كابتن رعد مصاب وهوه كان بينقذ جرو صغير ... اه والله كانو بيقولو جرو من ادام سياره مسرعه كادت ان تصدمه لولا انه طار وانقذه فى اللحظه الاخيره ليصاب فى ذراعه وينقذ الجرو ...

ولا عمر صديق كابتن ماجد اللى مانساش يوم ما سدد فى المرمي بتاع فريقه وكابتن ماجد قعد يطبطب عليه ويقوله لا تحزن يا عمر نحن نثق فى قدراتك هههههههههههه واذ بعمر ينقذ فريقه من هزيمة مؤكده فى الحلقه التاليه ..... مش عارف ماتوقعتهاش ازاي وانا صغير ..................... يا الله

كابتن ماجد مكونتش بفاوتله حلقة. كنت عامله حسابي لما اكبر هتجوزو

مين ميحبش فاطمة :smart:

و كل بيت لاااازم و حتما يكون فيه زعّافة الهلال و النجمة :smart:

لن اعيش في جلباب ابي. عبد الوهاب كان برضو محطوط في عداد العرسان :smart: عشان كده كنت مواظبة على

فاتن جمالها فاتن :smart:

فاتن سعرها فاتن :smart:

تم تعديل 21 أبريل 2010 بواسطة Damo

[ozoozo]

انا ايضا من مواليد 1975....لكن جيلنا لم يكن موكوسا بل كانت اجمل ايام حيث كان التلفزيون يفتح بعد العصر الى الساعه 11.40 و قناه وحده بس وبعدين سنه 82 صار بيفتح من الساعه 10 صباحا الى قبل الظهر ومن بعد العصر بتوقيت مكه حتى 12ليلا عدا الخميس والجمعة يفضل متصل فتره وحده

طبعا بالنسبة للمسلسات كانت الدراما المصرية لها نصيب الاسد ومن مسلسات الاطفال اللى افتكرها هي (حواديت زمان تقديم زهرة العلا)و هناك برنامج اطفال نسيت اسمه بس كانت تقدمه مي عبدالنبي وبرنامج اطفال اقدم تقدمه مذيعه اسمها حسب ما اظن كريمان حمزه وكان في وجدي و محمد العربي لسه صغار واظن ان دينا عبدالله كانت من الاطفال في البرنامج....و

افتكر مسلسل بطله عبدالله غيث وليلى علوي وحسن مصطفى اللى يقول (انا البردعي)و مسلسل الزنكلوني

واغاني الاطفال زي منى يامنى و حبيبة بابا رشا ال....خ

وفي الصيف لما نجي جده ويكون ارسال مصر ق1 و ق2 شغال يكون كرنفال حتى نشرات الاخبار بنتفرجها (على اساس اننا بنشوف مذيعات زي الأمر)و دعايات التلفاز اللى مكنتش موجوده في التلفزيون السعودي وكان نقل مباراة الاهلي والزمالك حدث كبير بينقله التلفزيون السعودي علهوا

وطبعا اكتشفنا ان المسرحيات المصرية اللى كان ينقلها التلفزيون السعودي اقل من 10%من الحقيقة بس كنا سعداء بيها زي عش المجانيين

بس احلى تسلينا لينا كاطفال هي مجلات ميكي جيب والشياطين13 والمطربه سيمون كان لها شعبيه خرافية عندنا

و اذا افتكرت حاجه ح اذكرها

انا مش فاهم شعبيه ايه بتاعه سيمون دي؟

مش قصدك علي سيمون اللي كانت طالعه مع حميد الشاعري في اغنيه بتكلم جد؟

[pink rose]

انا البرادعي يا حسني قصدي يا رشدي

فاكرين المسلسل دا

[عنبو]

حد فاكر الاذان فى القناه الاولى ويجى بعد الاذان واحد يقول حديث

طبعاً القناه التانيه كانت بتجيب موسيقى تررررررر ترن ترررررررررررررررررررررررترن

كان فيه مسلسل بتاع وائل نور لما كان منحووووووووس بس مش فاكر اسمه

اوعى حد فيكم ينسى مسلسل ونيس دانا متربى معاهم العيال يكبروا انا اكبر معاهم وكان نفسى اتزوج جهاد بس يلا مافيش نصيب

[se_ Elsyed]

اوعى حد فيكم ينسى مسلسل ونيس دانا متربى معاهم العيال يكبروا انا اكبر معاهم وكان نفسى اتزوج جهاد بس يلا مافيش نصيب

إنت كده دخلت على الجيل الملحوس مش المنحوس

ونيس ده أول أمبارح يابني !!!!!!!!!!!!!!

المنحوسين بتوع السبعينات والثمانينات لحد قبل حرب الخليج

------------------------

مين فاكر نظرية فيثاغورث بتاعت إعدادي ؟

والنظرية التانية بتاعت إبن خالته " إقليدس "

كنت باكرهههم عمى وكل حصة رياضة يجيلي مغص .... عشان كده دخلت أدبي وريحت الجيم وكبرت الدال ...

-------------------------

شكراً يا نايت مير على كتاب عُمر وأمل ..

على فكره إنتو نسيتو ولاد خالتهم " حازم وسعاد " ليه ؟

في سنه خامسة وبعد دراسة تاريخ عيلة عُمر وامل أكتشفت إن حازم وسعاد ولاد خالة أمل وعمر .. بس مش شققا يعني ... حازم بقى كان متكلم على أمل ... عشان أمل كانت أجمل وأرق من سعاد اللي عايشه في دور ولد ومسترجلة فيها .... وسعاد كانت بتغير منها وقررت ترسم على أخوها حازم .. لكن الولاد حازم كان مهيس ودالقها ...

وتستمر الأحداث ..

----------

طب مين فاكر

أفتح الباب سعيد

إنه عمي فريد

إنه ساعي البريد

إنه جاء إلينا

إنه نادى علينا

-----------

إنه إنه دي بتفكرني بالممثل سلامه إلياس في فيلم سفاح النساء ...

طبعاً اليومين دول لو قلت لأبنك إفتح الباب يا سوسو إنه عمو حلموسو هايقول في عقله الباطل " الراجل كبر وخرف ... بريد إيه وبتاع إيه في عصر الإيميل والفيس بوء "

لذا أقترح على إدارة التعليم النشيد التالي ليتواكب مع روح العصر

إفتح النوت بوك ميشيل

إنه جانا إيميل

إنه سيكيورد مش سبام

شيك عليه والنبي قبل ما تنام

وهكذا

--------

طب مين فاكر

لي أخ مجند

إسمه محمد

قام في الصباح

يحمل السلاح

قال إني ذاهب

يا أخي أحارب

مصرنا تنادي

أمنا تنادي

يا نهار أبيض ... والله أنا كنت شاطر وفاكر الحاجات دي والمفروض أروح أقعد مع الناس اللي هناك

---------

وكمان

دع سمائي فسمائي حارقة

دع قناتي فقناتي مُغرقه

وأمشي بقى يا وِحش بدل ما اضربك أأه

----------

والله كويس إن إحنا جيل لسه واقف على رجله لحد دلوقت من الحاجات العبيطة اللي كنا بندرسها دي

--------

أقول لكم على حاجه مفتكسه ....

لا سحر ولا شعوذة

الساحر العجيب ومعاه الفتاة العجيبة ( قريبته ) .. تحط الللمبه على راسها تنور .............. على قفاها تنور ... صلوا على رسول الله ...

حد فيكم فضل ياخد تطعيمات مدرسية من سنة أولى لحد سته ... بحقنه قزاز .. بفضل الله المدرسة كلها كانت بتتطعم بنفس الحقنة ( مالتي يوزر إنجيكشن ) ؟

وكتاب الله حصل ولسه فاكرها لحد دلوقت

اوووووووعى الجاززززززززززززززز

[الغريب]

يا سلام يا سي السيد

بما أن الكلام عن فيثاغورس وإقليدس ، فكرتني بالمعطيات ، والمطلوب ، والبرهان ههههههههههههههه :lol:

أما بقى الاناشيد فخد عندك

قطتي صغيرة .. أسمها نميرة

لعبها يسلي .. وهي لي كظلي

تظهر المهارة .. كي تصيد فارة

شطورة : صح، ونجمة، وعشرة من عشرة، و very good كمان، :lol: :lol: bv:-

تم تعديل 22 أبريل 2010 بواسطة الغريب

[اغابي]

حرااااااااام عليكم

حاتفنش من شغلى بسبب المنتدي داه

انا ميتة على روحى من الضحك ومعدى المدير راح قالى - ايه يا بنتى فى حاجة :lol: :lol:

وقالى انت يوم الاقيكى زعلانه ويوم فرحانة انت بتتفرجى على مسلسل فى النت ولا بتعملى ايه

قولتله لا يافندم بس اصل .... اصل ... ووقفت معايا هنا .... :lol: رجع مكتبه من غير ما يعرف السر اللى انا مخبيااااه

كنت حادعى عليه انه يطلعله عفريت الاسانسير تاني بس صعب على ما صدقنا انه نسي العفريت ..... bv:-

شكلهم حطونى فى دماغهم فى الشغل - ما دام مركزين اوى معايا كداه

انت السبب يا سين سين انت وزوهير وعنبو وجو ولماضة وبوسي وفتفوتة ولونا وذهيبة ومغتربة ولولا وياسر وغريب ونورسين وضحى ورضوى ومكاوى وسملى باحملكم المسئوليه وكلكم تلموا من بعض مرتب شهرى تساعدونى بيه لو اتخرب بيتى بسبب موضوعاتكم اللى عمالة تجرو رجلي بيها كل شوية دي .......

اللى يضحك ان ملامح وشي بتتغير حسب ما مكتوب قدامى على المنتدي اذا ضحك - - اضحك - اذ - - شعر - اسهم واروح عالم الخيال - - واذا حوار فى الدين ملامحى تتشد والعرق الصعيدي يطق فى رقبتى :D - اذا حزن او حد مريض اكشر ---- اذا معلومات جديدة اسبهل - اذا قرارات جديدة فى كندا ابكي clp:: هههههههه

انا حاتفنش بسببكم - واحتمال اتطلق - لان جوزى ادانى تحذير نسيت اقولكم من يومين بيحذرنى انه احتمال يطلقنى وقالى ابقي خلى المحاورات تنفعك وتربيلك عيالك clp::

الله يسامحكم

اغابي

تم تعديل 22 أبريل 2010 بواسطة اغابي

[واحد تاني]

------------------------

وكمان

دع سمائي فسمائي حارقة

دع قناتي فقناتي مُغرقه

وأمشي بقى يا وِحش بدل ما اضربك أأه

----------

والله كويس إن إحنا جيل لسه واقف على رجله لحد دلوقت من الحاجات العبيطة اللي كنا بندرسها دي

محرقة ... محرقة ياعم مش حارقة :blink:

كده مش هياخدوك هناك مع الناس اللي جايين من بره :)

على فكرة أنا مرة كسبت من الشمعدان

ورحت استلمت جايزتي من محطة القويري :blink:

[لماضة مصرية جدا]

حد فاكر الاذان فى القناه الاولى ويجى بعد الاذان واحد يقول حديث

طبعاً القناه التانيه كانت بتجيب موسيقى تررررررر ترن ترررررررررررررررررررررررترن

كان فيه مسلسل بتاع وائل نور لما كان منحووووووووس بس مش فاكر اسمه

اوعى حد فيكم ينسى مسلسل ونيس دانا متربى معاهم العيال يكبروا انا اكبر معاهم وكان نفسى اتزوج جهاد بس يلا مافيش نصيب

السلام عليكم و رحمة الله و بركاته

بمناسبة القناة التانية يا عنبوووووووف

حد فاكر مذيعة جبااااااااااارة اسمها فاطمة الكسباني....كانوا بيطلعوها قبل المسلسل بتاع 5 و ربع و غالبا كان يا فالكون كريس يا نوتس لانديج (حد طب فاكر انجيلا بتاعت فالكون كريست)

و دي بقي تلاقيها بتحكي في 70 اف حاجة لغاية ما تقوم كده و تخبط ام التلفزيون علي راسه...و بعدين تنزل بالحلقة

===============================

بمناسبة البرامج...بابا كان دايما بيخلينا نتفرج علي برنامج حلو اوي بتاع هند أبو السعود يوم الاحد الساعة باين 8 و لا تسعة.....مش عارفة اسمه جولة الكاميرا و لا ايه

بس كانت بتجيب حاجات غريبة حول العالم

افتكر مرة جابت عن فتاة يابانية....مكنشي عندها ايدين....و إزاي انها عايشة حياتها كامراة بكل التفاصيل اليويمة من طبيخ و خياطة و مذاكرة و حتي رسم....و فاكرة ساعتها بابا كان يتفرج ع الحلقة و بعديها يقعج يدينا محاضرة...شايفين الناس...مش انتم....إيييييييييييه...كانت أيام.

===========================

بمناسبة المناهج بقي

انا فاكرة حاجة مش لاقيالها اجابة لغاية دلوقتي

اول صفحة في كتاب الانجليش كانت

what's your name

لو احنا قاعدين في تختة الاولاد...كنا بنردد وراهم

I'm Ahmad

مع انه مكنشي احمد خالص.....كان عمرو و حسام و محمد...و علاء

و لو انا قاعدة في تختة البنات...بنقول زي الخرفان

I'm Mona

مين مني دي؟؟؟ :blink:

و كبرت...و دارت الايام....و عرفت ان اللي حط منهج العنجليزي هو نفسه كاتب سيناريو فيلم....(أحمد....مني....ابقي ادفي الحساب عشان نسيت المحفظة.... :blink: )

إيه و لا مس العنجليزي...لما كانت بتنطق الحروف...و كانها في حصة إملاء....آي آآآآآآآآآآآآآآآآآآآآم......يور ناهبور

و دي معناها

I'm your neighbor

ياااااااه يا جماعة الواحد برضه اتعلم علام عالي

حد ينزلنا بقي بأغنية....."انا مهما كبرت......صغير...انا مهما عليت برضه هفضل.....عبيط"

صباااااااااااااحكم ذكريات.......مش مهم تبقي موكوسة...بس المهم تبقي مصرية جدا

فوتكم بعافية

[jasmin hamed]

اوعى حد فيكم ينسى مسلسل ونيس دانا متربى معاهم العيال يكبروا انا اكبر معاهم وكان نفسى اتزوج جهاد بس يلا مافيش نصيب

طب فاكر كانو بيقولوا ايه فى التتر كنت حفظه حاجه كده

الجزء الاول

كان علينا ان نربى ابنانئنا على الاخلاق و القيم و لكننا اكتشفنا اننا نربى انفسنا معهم

الجزء التانى

بعدن ربينا ابنائنا على الاخلاق و القيم اكتفشت ان فى مجتمعنا من يفسد مازرعناه فيهم و هؤلاء على ان اربيهم اولا

بجد كان مسلسل تحفه

طب حد كان بيتفرج على زينا و هرقليز

[joo]

اية يا جماعة محدش يعرف محمد يوسف راح فين

اكيد هو بردو من الجيل الموكوس زينا

[الغريب]

السلام عليكم أيها الموكوسين

غطست جبتلكم شوية لوازم الوكسة وجتلكم تاني

اللي عاوز يقرمش يجيلي هنا على جنب

واللي عاوز سلاح التلميذ وبلاها دروس خصوصية

أما حبيبي عشاق الكرتون خدو عندكو بابار الفيل خرطومه طوير... فاكرينه

وآدي كعبول كمان

اللي بيحبو الحلويات بقى يوقفولي صف ورا بعض كدة

جيلي كولا

شوكولاته كورونا

لبان

لماضة هانم بتاعة الإنجليش خدي عندك

ولو شغبطي على الكتاب أمسحي بالأستيكة اللي بتخرب الدنيا دي

وفي الآخر يلا كلنا نديها آتاري طيارات

[عاشق الترحال]

اوعى حد فيكم ينسى مسلسل ونيس دانا متربى معاهم العيال يكبروا انا اكبر معاهم وكان نفسى اتزوج جهاد بس يلا مافيش نصيب

طب فاكر كانو بيقولوا ايه فى التتر كنت حفظه حاجه كده

الجزء الاول

كان علينا ان نربى ابنانئنا على الاخلاق و القيم و لكننا اكتشفنا اننا نربى انفسنا معهم

الجزء التانى

بعدن ربينا ابنائنا على الاخلاق و القيم اكتفشت ان فى مجتمعنا من يفسد مازرعناه فيهم و هؤلاء على ان اربيهم اولا

بجد كان مسلسل تحفه

طب حد كان بيتفرج على زينا و هرقليز

محمد صبحي من الناس اللي بحترمها وبحب اتفرج على أعماله ومن أكثر الأشياء اللي بحبها له ( فارس بلا جواد )

أمابقي زينا وهركليز فمعتقدش أن فيه حد من الموكوسين بتوعنا متفرجش عليهم وخصوصا وأنهم كانوا بتعرضوا أيام ما كنا في الجامعه :blink: