الحاجات دي لها جمرك

[Simba]

كنت عايز اسأل

معايا كاسيت سيارة jvc سي دي

وكاسيت فليبس دي في دي باسطوانة واحدة

الحاجات دي لها جمرك

وبكام تقريبا

:D

[doha]

هو على حد علمي كل واحد له اعفاء جمركي في حدود 100 دولار يعني لو الحاجات دي عليها جمرك حتى فمش هتتحاسب عليه لان اكيد جمركها اقل من كده .. ده لو لسه قوانين الجمارك زي ماهي متغيرتش

على كل حال انا لو مكانك مش هفكر انهم معايا اصلا و ( هلفهم ) كويس في الملابس واحط كل واحد فيهم في شنطه بعيد عن التاني عشان لو حتى اتفتشت الشنطه ولقي واحد فيهم ميحاسبنيش عليه بعكس لو الاثنين مع بعض ممكن شكلهم يبقى مغري للجمركه ..

في حاجه تانيه برضه لو انت واخدهم لاستعمالك الشخصي فممكن ترمي الكرتونه بتاعتهم ملهاش لازمه اما لو هدية او هتوصلهم لشخص فامرك لله خليهم بكرتونتهم ..

بس بالمناسبة انا نزلت قبل كده خمس ست مرات السنتين الي فاتوا دول وفي كل مرة بيكون معايا الموبايل وكاميرا الفيديو واللابتوب ولا حد بيفكر يقولي افتحي شنطك حته ولو فتح بيقولي فيها ايه بقوله ملابس فيضغط عليها من بعيد كده ويقولي حمد لله على السلامه عدي ..

فكرتني بنفسي زمان كنت لما يسألني الشنطه مفيهاش اي اجهزه كهربائية اقوم اقوله ايوه فيها مكواة ملابس ولا ايوه فيها استشوار شعر يقوم يضحك نص ابتسامه كده ويعديني .. كنت بجد بفتكرالواحد لازم يقول الي عنده لكن بعدين عرفت ان الجمرك مش بيدور على ده كله وانما لو في ال سي دي مثلا او كمية من الموبايلات او اجهزه لاسلكي متطوره كده يعني .. انما التسجيل والحاجات البسيطه دي مبيحاسبش عليها اصلا فحتى لو كان في عليها جمرك بس مظنش هياخذ منك حاجه ..

[KAhamid]

طيب بالنسبة للاب توب

في علية مشكلة

انا نازل ان شاء الله في شهر 7 واحد معايا في الشغل قال اني لو نزلت بيه هيتجمرك فموش عارف ايه الحقيقة هل فعلا ده صحيح ولا لي الحق في النزول بيه علي اعتبار انه شخصي موش للاتجار

تم تعديل 13 أبريل 2010 بواسطة KAhamid

[Diab]

طيب بالنسبة للاب توب

في علية مشكلة

انا نازل ان شاء الله في شهر 7 واحد معايا في الشغل قال اني لو نزلت بيه هيتجمرك فموش عارف ايه الحقيقة هل فعلا ده صحيح ولا لي الحق في النزول بيه علي اعتبار انه شخصي موش للاتجار

صباح الخير

لابتوب ايه اللي يتجمرك بس :D

ما الناس كلها معاها لابتوبات ورايحة جاية بيها عادي

انا نزلت رايح حاي بيه مرتين ولا حد قالي انت معاك ايه

علي فكرة تفكير الناس زمان بتاع الخط الاخضر والخط الاحمر اتغير خلاص

هو صحيح لسة في جمارك بس مش للدرجة

تم تعديل 13 أبريل 2010 بواسطة Diab

[KAhamid]

طيب بالنسبة للاب توب

في علية مشكلة

انا نازل ان شاء الله في شهر 7 واحد معايا في الشغل قال اني لو نزلت بيه هيتجمرك فموش عارف ايه الحقيقة هل فعلا ده صحيح ولا لي الحق في النزول بيه علي اعتبار انه شخصي موش للاتجار

صباح الخير

لابتوب ايه اللي يتجمرك بس :blush2:

ما الناس كلها معاها لابتوبات ورايحة جاية بيها عادي

انا نزلت رايح حاي بيه مرتين ولا حد قالي انت معاك ايه

علي فكرة تفكير الناس زمان بتاع الخط الاخضر والخط الاحمر اتغير خلاص

هو صحيح لسة في جمارك بس مش للدرجة

والله ياباشا انا بقوللك اللي اتقال ليا من واحد معاتا في الشركة بقالوا هنا 4 سنين نزل فيهم مرتين انا بقالي 8 شهور بس وهو اللي شككني لما اكد ليا انه اتجمرك منه قبل كده وهو نازل ده غير بيقول انه اتحجز منه في المطار يوم بيقوللي علشان ناحية امنية

انا استغربت بس قولت لازم اسال

[kitkat]

انت وحظك يا باشا هي حظوظ فيه ناس منحوسة بتتجمرك حتي في الكوتشي النايك وفيه ناس بتعدي بغسالات وتلاجات