اخوانى الاسكندرانية ... محتاج رأيكم

[بحار الغربة]

الاخوة الافاضل

محتاج رأيكم

معى مبلغ فى حدود 120 الى 140 الف جنيه

انا محتاج شقة ومحل مستقبلا فى اسكندرية

احد اصدقائى قالى اشترى محل فى منطقة جديدة وسيبه سنتين وسعره هايضرب لفوق

على كلامه ان المحلات بتغلى بسرعة عن الشقق

انا قررت انى هاشترى شقة او محل فى اسكندرية

بس ماعنديش خبرة وقلت اخد رأيكم

ايه الاماكن اللى تنصحونى ابحث فيها عن شقة تكون معقولة بالنسبة لامكانياتى ولها مستقبل

بس ياريت بلاش العجمى

تم تعديل 13 أبريل 2010 بواسطة بحار الغربة

[بحار الغربة]

معقولة مافيش اسكندرانية فى المحاورات

[mizotex]

الاماكن مش كتير بالمبلغ اللى بتقول عليه ممكن تشترى فى العجمى مثلا شقه او محل وتأجره قانون جديد بالف جنيه فى الشهر او شقه وتأجرها ب500 ج حسب المكان والمساحه ممكن فى ابو قير او محرم بيه يعنى محتاج تدور شويه واحسن خليك فى المحلات بتنفع وربنا يوفقك .

[بحار الغربة]

شكرا على الرد

ومنتظر باقى ردود حبايبنا

[annas]

بص يا عم بحار

فيه اشكال والوان من الشقق والمحلات

المبلغ اللي معاك لا يصلح الا للاماكن الشعبيه

انا ارشحلك مكان معقول بالنسبه لواحد ذي حضرتك مغترب

المندره قبلي

فيها مساكن شعبيه منظمه وفيها حدائق معقوله مساحه الشقق موحده 65 م

المساكن اسمها مساكن الحرمين علي شارع النبوي المهندس

المنطقه في نمو مستمر لان بجوارها مشروعات سياحيه جباره بتتعمل الان

انا من 5 سنين اشترت شقه بتلاتين الف دلوفتي تساوي 90

روح واتفرج

وقولي

رايك

يا

بحار

وقريبه من المنتزه والمعموره والبحر

[yasser6666]

عزيزي بحار الغربة بالنسبة للمبلغ بتاعك ممكن قوي تشتري حاجة واحدة بس اما شقة كويسة او محل متواضع في الأسكندرية انما صعب تجيب الأتنين.

وبالنسبة للمنطقة فانا اقترح عليك منطقة العجمي لانها منطقة شعبية ودائما في تطور وفي الشهور الأخيرة دخلوا الغاز الطبيعي والصرف الصحي (بدلا من الأبيار) مما رفع سعر المنطقة نوعا ما وبالفعل ممكن تاخد شقة حلوة في حدود 100-120 متر في العجمي في حدود 80-100 الف جنية ولكن كلما اقتربت من الشارع الرئيسي كلما زاد السعر

وانصحك بمطقة البيطاش وبعدها الهانوفيل لانها شغالة صيف شتا

انما لو بعدت شوية لمنطقة 6 اكتوبر والكيلو 21 الاسعار تقل وربما الجودة والتشطيب افضل ولكنها غير مثمرة وخاصة بالنسبة للمحلات

....

اخيرا اقولك كمان علي منطقة جديدة ناشئة في قلب الاسكندرية والكل يتوعد لها بمستقبل كويس في السنتين الجايين وهي منطقة ( السيوف )

وبالنسبة للأسعار تعتبر مثل اسعار العجمي تماما للشقق والمحلات

وأس خدمة وتنورنا في الأسكندرية

[بحار الغربة]

شكرا جزيلا

فيه واحد فعلا صاحبى قالى على منطقة اسمها الفلكى والسيوف

وقالى ان لهم مستقبل فعلا

بس ياترى المحلات

لو عاوز محل 45 متر مثلا

يعمل كام فى منطقة زى السيوف او الفلكى المندرة قبلى ؟؟؟؟؟

[عطر الجنة]

الاخوة الافاضل

محتاج رأيكم

معى مبلغ فى حدود 120 الى 140 الف جنيه

انا محتاج شقة ومحل مستقبلا فى اسكندرية

احد اصدقائى قالى اشترى محل فى منطقة جديدة وسيبه سنتين وسعره هايضرب لفوق

على كلامه ان المحلات بتغلى بسرعة عن الشقق

انا قررت انى هاشترى شقة او محل فى اسكندرية

بس ماعنديش خبرة وقلت اخد رأيكم

ايه الاماكن اللى تنصحونى ابحث فيها عن شقة تكون معقولة بالنسبة لامكانياتى ولها مستقبل

بس ياريت بلاش العجمى

هو فعلا المبلغ ده يشترى شقة او محل

لكن العبرة بالمكان و المساحة و هل المبلغ كاش

طبعا الشراء يكون فى الشتاء لان الان الكل يسن اسنانه لاستقبال الصيف بمصيفينه

خدها منى

انزل ميامى و شارع 45 و العصافرة و الشوراع المتفرعة من خالد بن الوليد شتاءا

ستجد شقق مساحتها من 70 الى 80 متر بتمن من 140 الف الى 180 الف حسب موقع و مستوى تشطيب الشقة

و الشراء لا يكون عن طريق سماسرة

لكن بنفسك تمشى فى الشارع و ستجد اعلانات معلقة على ابواب العمارات و تسال البوابين و الحراس و بيكون معاهم مفاتيح الشقق الفاضية و بيفرجوك

و صدقنى حتتطلع بشقق باسعار مكنتش تتخيلها

لان فى ناس كتير من خارج اسكندرية نتيجة غلاء المعيشة بيبيعوا شققهم لانهم اصبح عندهم قناعة انه خسارة يحتفظ بشقة تمنها يعدى 150 الف عشان يقعد فيها اسبوعين فى السنة

كان ده مقبول ايام كانت الشقة لا تتعدى 50 الف و يكون عنده متسع من الوقت ليقضى فيها اشهر الصيف

تحيات

[نجماية]

الاخوة الافاضل

محتاج رأيكم

معى مبلغ فى حدود 120 الى 140 الف جنيه

انا محتاج شقة ومحل مستقبلا فى اسكندرية

احد اصدقائى قالى اشترى محل فى منطقة جديدة وسيبه سنتين وسعره هايضرب لفوق

على كلامه ان المحلات بتغلى بسرعة عن الشقق

انا قررت انى هاشترى شقة او محل فى اسكندرية

بس ماعنديش خبرة وقلت اخد رأيكم

ايه الاماكن اللى تنصحونى ابحث فيها عن شقة تكون معقولة بالنسبة لامكانياتى ولها مستقبل

بس ياريت بلاش العجمى

السلام عليكم ورحمة الله وبركاته،

لو فعلا عاوز منطقة جديدة ومستقبلها كويس يبقى برج العرب الجديدة وتقدر تجيب فيها بالمبلغ ده محل كويس في مول تجاري جديد لأن المدينة فيها ماراثون للبناء اليومين دول (عمارات ومراكز تجارية) لأن المدينة يقام فيها الآن نادي سموحة ومرحلته الأولى حتتسلم في شهر 7 (إن شاء الله) ودا حيخلي فعلا سعر المحلات فيها والشقق (يضرب) لفوق زي ما صاحبك قالك وربنا يوفق الجميع.

[ام نور محمود]

انا هارد على حضرتك في حدود خبرتي

انا اشتريت شقة في مدينه فيصل 65 متر ب 50 الف من سنتين ونص

دلوقتي سعرها 100 الف

وعلى فكرة الشقق كلها متشطبه معقول يعني شبابيك الوميتال وسباكه راكبه وبلاط كويس ودهان ومعظم الشقق داخلها غاز وتليفون

والعمارات مداخلها نظيفة وفي كل عمارة حارس وتلات اسانسيرات والشقق بتتأجر صيف شتا لأن اكاديمية ميامي قريبة اوي وبيبقة في طلبه كتير في الشتا والصيف طبعا المصيفين بيبقوا بالهبل

والمحلات برضه ممكن تلاقي في نفس المكان بسعر معقول لكن سيبك من السماسرة وخليك مع الحراس بتوع العمارات في سكان بيسيبولهم المفاتيح عشان لو في مشتري او كده

والمدينة نظيفة ومتقسمة كويس والشوارع واسعة وفيها جناين كتير والخدمات متوفرة زي المستشفى والصيدليات وموقعها كويس ومستوى الناس فيها من متوسط مرتفع الى مرتاح يعني مش شعبية عكس الاماكن المحيطة بها زي العصافرة و ش 45

ربنا يوفقك ان شاء الله

[بحار الغربة]

الاخت عطر الجنة

للاسف مش هاقدر استنى للشتاء و اعتقد ان الاسعار لما بترفع مش بتنزل

الاخت نجماية

برج العرب سمعت عنها لكن اعتقد انها مش هاتبقى زى اسكندرية وارتفاع الاسعار مهما كان هايبقى سريع فى المدينة نفسها ( اسكندرية ) عن برج العرب

الاخت ام نور

فعلا انا نزلت فيصل من سنة وقعدت فيها يومين وحسيت انها هادية ومعقولة ومش شعبية

انا شاكر جدا لردودكم وتعبتكم معايا